AIMS DARE TO SUCCESS MADE IN INDIA

Friday, 24 November 2017

అవార్డులు అక్టోబరు 2012

అవార్డులు అక్టోబరు 2012
బ్రహ్మ చెల్లాకు ఆసియా సొసైటీ అవార్డు 
ప్రతిష్టాత్మక ఆసియా సొసైటీ బెర్నార్డ్ స్క్వార్జ్ బుక్ అవార్డు-2012 సంవత్సరానికి భారత్‌కు చెందిన వ్యూహాత్మక అంశాల విశ్లేషకుడు బ్రహ్మ చెల్లాకు దక్కింది. ఆయన రాసిన వాటర్ ఏషియాస్ న్యూ బ్యాటిల్ గ్రౌండ్ పుస్తకానికి ఈ పురస్కారం లభించింది. 

ఇన్ఫోసిస్ నారాయ‌ణ‌మూర్తికి ప్రతిష్టాత్మక హూవ‌ర్-2012 మెడ‌ల్‌దేశంలో దాత‌త్వ కార్యక్రమాలు నిర్వహిస్తున్న ఇన్ఫోసిస్ వ్యవ‌స్థాప‌కుడు ఎన్‌. ఆర్‌. నారాయ‌ణ మూర్తి 2012 వ సంవ‌త్సరానికి గాను ప్రతిష్టాత్మక హూవ‌ర్ మెడ‌ల్ అందుకున్నారు. లాభాపేక్షకు తావు లేకుండా సాంకేతిక‌త‌కు సంబంధంలేని గొప్ప సేవ‌ల‌ను స‌మాజానికి అందిస్తున్న ఇంజినీర్లకు ఈ మెడ‌ల్‌ను అందిస్తారు.అక్టోబ‌ర్ 26 న అమెరికాలోని సియెట్‌లో జరిగిన గ్లోబ‌ల్ హ్యుమానిటేరియ‌న్ టెక్నాల‌జీ స‌మావేశంలో నారాయ‌ణ మూర్తి ఈ మెడ‌ల్ అందుకున్నారు. 

జీవ వైవిధ్య అవార్డులు
తొలిసారిగా భారత జీవ వైవిధ్య అవార్డులను హైదరాబాద్‌లో ముగి సిన యూఎన్ జీవ వైవిధ్య సదస్సు సందర్భంగా (అక్టోబర్ 18న) ప్రదానం చేశారు. భారత్-యూఎన్‌డీపీ నెలకొల్పిన ఈ అవార్డులను తొలిసారిగా అడవులు, వన్యప్రాణులు, పర్యావరణాన్ని కాపాడేందుకు తోడ్పడుతున్న నాలుగు సంస్థలకు ప్రదానం చేశారు. ఈ అవార్డులను షిన్ జహనియా జంగిల్ సురక్ష (ఒడిశా), శంకర్‌పల్లి గ్రామ పంచాయతీ (మహారాష్ట్ర), వన్‌ఉత్థాన్ సంస్థాన్ (రాజస్థాన్), పెరియార్ టైగర్ రిజర్వు(కేరళ)లకు ప్రకటించారు. ఈ అవార్డు కింద లక్ష రూపాయల నగదు. ప్రశంసాపత్రం అందజేస్తారు. దేశవ్యాప్తంగా వచ్చిన 150 నామినేషన్లలో ఎం.ఎస్ స్వామినాథన్ ఆధ్వర్యంలోని కమిటీ ఈ నాలుగు సంస్థలను ఎంపిక చేసింది. ప్రతి సంవత్సరం ఈ అవార్డులను అంతర్జాతీయ జీవవైవిధ్య దినోత్సవం పురస్కరించుకుని మే 22న అందజేస్తారు.

నోబెల్ బహుమతులు -2012వైద్య శాస్త్రంలో నోబెల్ బహుమతిని 2012 సంవత్సరానికి బ్రిటన్‌కు చెందిన జాన్‌బి. గుర్డన్(79), జపాన్‌కు చెందిన షిన్యా యమనకలలు సంయుక్తంగా దక్కించుకున్నారు. పరిణతి చెందిన మూలకణాన్ని ప్లూరిపొటెంట్ రకపు కణంగా మార్చవచ్చనే విషయాన్ని శాస్త్ర పూర్వకంగా నిరూపించినందుకు వీరికి సంయుక్తంగా అక్టోబర్ 8న నోబెల్ ప్రకటించారు. గుర్డాన్ న్యూక్లియర్ ట్రాన్స్‌ప్లాంటేషన్ క్లోనింగ్‌లపై దశాబ్దాలుగా పరిశోధనలు చేస్తున్నారు. షిన్యా అంతర్జాతీయ స్టెమ్ సెల్స్ పరిశోధన సంస్థ ప్రస్తుత అధ్యక్షుడు. ప్లూరిపొటెంట్ ద్వారా చర్మంలో యవ్వన గుణాలను పునరుద్ధరింపజేయడానికి చేసిన పరిశోధనలు ఈయనకు గుర్తింపు తెచ్చాయి.
భౌతిక శాస్త్రం: సెర్జ్ హరోచే(పాన్స్), డెవిడ్ వైన్‌లాండ్ (అమెరికా)లు సంయుక్తంగా ఎంపికయ్యారు. క్వాంటమ్ పార్టికల్స్‌పై చేసిన పరిశోధనలకు నోబెల్ లభించింది.

టెస్సీ థామస్‌కు లాల్ బహదూర్ శాస్త్రి అవార్డు ప్రతిష్టాత్మక ‘లాల్ బహదూర్ శాస్త్రి జాతీయ అవార్డు’ను రక్షణశాఖ మహిళా శాస్త్రవేత్త టెస్సీ థామస్‌కు రాష్ట్రపతి ప్రణబ్ ముఖర్జీ అక్టోబర్ 1 ప్రదానం చేశారు. అగ్ని క్షిపణి ప్రాజెక్టులో థామస్ సేవలందిస్తున్నారు. క్షిపణి పరిజ్ఞానంలో ఆమె చేసిన సేవలకు గుర్తింపుగా ఈ అవార్డుకు ఎంపిక చేశారు. ఈ అవార్డు కింద ఆమెకు రూ. 5 లక్షల నగదు, ప్రశంసా పత్రం బహూకరిస్తారు. ప్రతి సంవత్సరం పబ్లిక్ అడ్మినిస్ట్రేషన్, అకడెమిక్స్, మేనేజ్‌మెంట్‌లలో విశేష కృషి చేసిన వారికి ఈ అవార్డును అందజేస్తారు.

సంగీత నాటక అకాడెమీ ఫెలోషిప్స్2011 సంవత్సరానికి ప్రతిష్టాత్మక సంగీత నాటక అకాడెమీ ఫెలోషిప్‌కు 11 మంది ప్రముఖులు ఎంపికయ్యారు. వీరిలో సరోద్ సంగీత విద్వాంసుడు అమ్జాద్ అలీఖాన్, పద్మ సుబ్రమణ్యం, ముకుంద్‌లాల్, హరిప్రసాద్ చౌరాసియా, శివకుమార్ శర్మ, కావీ విశ్వనాథ శివరామన్, మోహన్ చంద్రశేఖరన్, రాజ్‌కుమార్ సింఘాజిత్ సింగ్, కలామండలం గోపి, చంద్రశేఖర బసవన్నెప్ప కంబారా, హస్నమ్ కన్హేలాల్ ఉన్నారు. వీరికి ఒక్కొక్కరికి రూ. 3 లక్షల నగదు తామ్రపత్రం బహూకరిస్తారు.
2013 ఆస్కార్‌కు ‘బర్ఫీ’ 2013 ఆస్కార్ అవార్డులకు విదేశీ కేటగిరీ(ఉత్తమచిత్రం) విభాగంలో బాలీవుడ్ చిత్రం ‘బర్ఫీ’ నామినేట్ అయింది. ఈ చిత్రానికి అనురాగ్ బసు దర్శకత్వం వహించారు. 

ఇండియన్ న్యూక్లియర్ సొసైటీ అవార్డులు2012వ సంవత్సరానికి ఇండియన్ న్యూక్లియర్ సొసైటీ అవార్డులను సెప్టెంబర్ 25న ప్రకటించారు. సైన్స్ కమ్యూనికేషన్‌లో అవుట్ స్టాండింగ్ సర్వీసు, హోమీ బాబా లైఫ్‌టైం అఛీవ్‌మెంట్ అవార్డులను ప్రకటించారు. 

అవుట్ స్టాండింగ్ సర్వీస్ అవార్డు: ఈ అవార్డుకు ‘ఫ్రంట్‌లైన్’ పత్రిక అసోసియేట్ ఎడిటర్ టి.ఎస్, సుబ్రమణియణ్, ట్రాంబేలోని బాబా అటామిక్ రీసెర్చ్ సెంటర్ మీడియా రిలేషన్స్ హెడ్ ఆర్. కె. సింగ్ ఎంపికయ్యారు.

హోమీబాబా లైఫ్ టైమ్ అచీవ్‌మెంట్ అవార్డు: ఈ అవార్డుకు ఇండోర్‌లోని రాజారామన్న సెంటర్ ఫర్ అడ్వాన్‌‌సడ్ టెక్నాలజీ సెంటర్ మాజీ డెరైక్టర్ డి.డి. బవాల్కర్, యురేనియం కార్పొరేషన్ మాజీ చైర్మన్ రామచంద్రగుప్తా ఎంపికయ్యారు. 

రైట్ లైవ్లీహుడ్ అవార్డులురైట్ లైవ్లీహుడ్ అవార్డులు 2012 సంవత్సరానికిగాను నలుగురికి దక్కాయి. వీటిని సెప్టెంబర్ 27న ప్రకటించారు. పర్యావరణం, అంతర్జాతీయ అభివృద్ధికి కృషి చేసిన వారికి ప్రతి ఏటా ఈ అవార్డులను అందజేస్తారు. ఈ పురస్కారాలను 
1980లో స్వీడిష్-జర్మన్ జకోబ్ ఒన్ ఉక్స్‌కుల్ స్థాపించాడు. దీనిని నోబెల్‌కు ప్రత్యామ్నాయంగా భావిస్తారు. వివరాలు..
విజేతలు:
గౌరవ పురస్కారం: టర్కీ పర్యావరణ ఉద్యమ పితామహుడు హెరెట్టిన్ కరాకా(90)కు దక్కింది. 

జ్యూరీ పురస్కారాలు:సిమా సమర్(55)(ఆఫ్ఘనిస్థాన్): ఈమె మానవ హక్కుల కార్యకర్త, ఆఫ్ఘనిస్థాన్ మాజీ మంత్రి. బుర్ఖా సంప్రదాయాన్ని వ్యతిరేకించారు. మహిళల హక్కులు, అభ్యున్నతి కోసం పోరాడినందుకు ఆమెకు ఈ అవార్డు దక్కింది. 

జీన్‌షార్ఫ్(84): అమెరికా రాజకీయ సిద్ధాంత కర్త, అహింసాయుత విప్లవాలకు ప్రపంచ వ్యాప్తంగా ప్రాచుర్యం తెచ్చిన నిపుణుడు.

క్యాంపెయిన్ ఎగనెస్ట్ ఆర్‌‌మ్స ట్రేడ్ (యూకే): ఇది ఆయుధ వ్యాపార వ్యతిరేక ప్రచారం సాగిస్తున్న స్వచ్ఛంద సంస్థ.

అవార్డులు సెప్టెంబరు 2012

అవార్డులు సెప్టెంబరు 2012
వెనిస్ ఫిల్మ్ ఫెస్టివల్ అవార్డులు 69వ వె నిస్ ఫిల్మ్ ఫెస్టివల్ అవార్డులను సెప్టెంబర్ 8న ప్రదానం చేశారు. వివరాలు.. 
ఉత్తమ చిత్రం (గోల్డెన్ లైన్ ప్రైజ్): ‘పీటా’, దర్శకత్వం కిమ్ కి డుక్ (దక్షిణ కొరియా) 
ఉత్తమ దర్శకుడు (సిల్వర్ లైన్): పౌల్ థామస్ అండెర్సన్ (చిత్రం: ది మాస్టర్)
ఉత్తమ నటుడు: జాక్విన్ పోయినిక్స్, ఫిలప్ సేమౌర్ 
ఉత్తమ నటి: హదాస్ యారోన్ (ఇజ్రాయెల్)
 
రాష్ట్రానికి అక్షరాస్యత మిషన్ అవార్డులుఆంధ్రప్రదేశ్ స్టేట్ లిటరసీ మిషన్ అథారిటీకి మూడు జాతీయ అవార్డులు లభించాయి. అక్షరాస్యత, నైపుణ్య అభివృద్ధిలో ఈ పురస్కారాలు దక్కాయి. ఆంధ్రప్రదేశ్‌కు సాక్షర్ భారత్ అవార్డు కూడా లభించింది. ఈ అవార్డును గెలుచుకున్న ఒకే ఒక రాష్ట్రం ఆంధ్రప్రదేశ్. జిల్లాస్థాయిలో విజయనగరం, పంచాయతీ కేటగిరీలో అనంతపురం జిల్లాలోని పి. యేలేరు గ్రామం అవార్డులు పొందాయి. అక్షరాస్యత, నైపుణ్య అభివృద్ధిలో కృషి చేస్తున్న సంస్థలను ప్రోత్సహించేందుకు ఈ అవార్డులను నేషనల్ లిటరసీ మిషన్ అథారిటీ ఏర్పాటు చేసింది.
సిద్ధార్థ దేవ్‌కు అమెరికా సాహిత్య అవార్డుభారతీయ రచయిత సిద్ధార్థ దేవ్‌కు అమెరికా సాహిత్య పురస్కారం ‘పెన్ ఓపెన్ బుక్’ అవార్డు లభించింది. ‘ద బ్యూటిఫుల్ అండ్ ది డామ్డ్: ఏ పోట్రెయెట్ ఆఫ్ ది న్యూ ఇండియా’ అనే నాన్-ఫిక్షన్ పుస్తకం రాసినందుకు గాను ఆయనకు ఈ పురస్కారం దక్కింది. అధిక జీతాలు పుచ్చుకునే కాల్ సెంటర్ ఉద్యోగుల నుంచి ఆత్మహత్యలకు పాల్పడుతున్న రైతుల దాకా పలు వర్గాల ప్రజల జీవితాల గురించి ఆయన చక్కగా వివరించారని కొనియాడారు. ‘పెన్’ అవార్డు కింద 5 వేల డాలర్ల నగదు బహుమతి ఇస్తారు.

అవార్డులు ఆగష్టు 2012

అవార్డులు ఆగష్టు 2012
గంగాధర్‌కు సాహిత్య అకాడమీ అవార్డుతెలుగు చిన్న కథల రచయిత వేంపల్లి గంగాధర్‌కు కేంద్ర సాహిత్య అకాడమీ యువ పురస్కార్ అవార్డు లభించింది. ఆయన రాసిన ‘మొలకల పున్నమి’కి ఈ పురస్కారం దక్కింది.
గుంటూరు రైతుకు శాంసంగ్ అవార్డుగుంటూరు జిల్లా రూపెనగుంట్లకు చెందిన తొండెపి గురవయ్య ప్రతిష్టాత్మక ‘శాంసంగ్ ఇన్నోవేషన్ కోషంట్’ అవార్డును సొంతం చేసుకున్నారు. వ్యవసాయ రంగంలో రైతులకు శ్రమ తగ్గించి, సమయాన్ని ఆదా చేసే‘హెర్బిస్ప్రేయర్’ను కనుగొన్నందుకు ఈ అవార్డు దక్కింది. నిర్వాహకులు ప్రకటించిన మొత్తం మూడు అవార్డుల్లో గురవయ్య రెండో స్థానం పొంది రూ.3 లక్షల ప్రైజ్‌మనీ, ధ్రువీకరణ పత్రం సాధించారు. కాగా ప్రథమ బహుమతిని (5 లక్షలు) అహ్మదాబాద్‌కు చెందిన యువ ఇంజనీర్ లియో మావ్‌లీ సొంతం చేసుకున్నారు.
రక్తం గడ్డకట్టేందుకు ఉపకరించే ‘ఆక్సియోస్టాట్’ను ఈయన రూపొందించారు. జీఐబీబీఎస్‌గా పిలిచే జియో థెర్మల్ ఏసీలను కనుగొన్న ముంబైకి చెందిన అరుణ్ షెనోయ్ మూడో ప్రైజ్(2 లక్షలు)ను సొంతం చేసుకున్నారు. వినూత్న ఆలోచనలతో నూతన ప్రయోగాలకు శ్రీకారం చుట్టే విభిన్న రంగాలవారికి ఏటా ఇచ్చే ఈ అవార్డులకు దేశ వ్యాప్తంగా భారీ పోటీ ఉంటుంది. గురవయ్య కనుగొన్న ఈ ‘హెర్బిస్ప్రేయర్’ పరికరం వల్ల తక్కువ సమయంలో, కూలీల అవసరం లేకుండా ట్రాక్టర్‌కు అమర్చుకుని రైతులు విత్తనాలను జల్లుకోవచ్చు.
 
పట్నాయక్‌కు డామైన్ డట్టోన్ అవార్డుప్రతిష్టాత్మక డామైన్-డట్టోన్ అవార్డు-2012 ఒడిశా రాష్ట్ర లెప్రసీ అధికారి డా. పి.బి.కె.పట్నాయక్‌కు లభించింది. కుష్టు వ్యాధి నిర్మూలనకు చేసిన కృషికిగాను ఆయనకు ఈ అవార్డు దక్కింది. గతంలో ఈ పురస్కారం లభించిన వారిలో మదర్ థెరిస్సా, బాబా ఆమ్టే తదితరులు ఉన్నారు. ఈ అవార్డును డామైన్-డట్టోన్ సొసైటీ ఫర్ లెప్రసీ ఎయిడ్ అందజేస్తుంది. దీన్ని 1944లో అమెరికా సైన్యానికి చెందిన మెడికల్ కోర్ ప్రారంభించింది. కుష్టు వ్యాధి నివారణకు విశేష కృషి చేసిన వారికి ఈ అవార్డును బహూకరిస్తారు.
మెహతాకు రాజీవ్ సద్భావన అవార్డుజైపూర్ కేంద్రంగా పని చేసే భగవాన్ మహావీర్ వికలాంగ్ సేవా సమితి వ్యవస్థాపకుడు డీఆర్ మెహతా ఈ ఏడాది రాజీవ్‌గాంధీ జాతీయ సద్భావన అవార్డుకు ఎంపికయ్యారు. ఆసియా, ఆఫ్రికా, దక్షిణ అమెరికాల్లోని 26 దేశాల పేద ప్రజలకు ఈ సంస్థ ఉచితంగా సేవలు అందిస్తుంది. న్యూఢిల్లీలో ఆగస్ట్ 19న జరిగిన కార్యక్రమంలో ప్రధానమంత్రి మన్మోహన్ సింగ్ మెహతాకు ఈ పురస్కారాన్ని అందజేశారు.
 
అశోక్ సేన్‌కు యూరీ మిల్నర్ప్రపంచంలో భారీ మొత్తంలో నగదు బహుమతినిచ్చే ‘యూరీ మిల్నర్ ఫండమెంటల్ ఫిజిక్స్’ ప్రైజ్ -2012 సంవత్సరానికి భారతీయ శాస్త్రవేత్త అశోక్ సేన్‌కు లభించింది. ఈ అవార్డు కింద రూ.16.7కోట్ల (30 లక్షల అమెరికన్ డాలర్ల) నగదు బహుమతి ఇస్తారు. సేన్ ఉత్తరప్రదేశ్‌లో అలహాబాద్‌లోని హరిశ్చంద్ర పరిశోధనా సంస్థలో భౌతిక శాస్త్రవేత్తగా పనిచేస్తున్నారు. ఈ ఏడాది సేన్‌తోపాటు ఏడుగురు అమెరికా శాస్త్రవేత్తలకు, పారిస్‌కు చెందిన ఒకరికి ఈ అవార్డును ప్రకటించారు. వీరికీ రూ.16.7కోట్ల చొప్పున పారితోషికం ఇస్తారు. 
అత్యంత ప్రతిష్టాత్మకంగా భావించే నోబెల్ బహుమతికి మూడు రెట్లు ఎక్కువ నగదు బహుమతిని ఇచ్చే ఈ అవార్డు ప్రపంచంలోనే అత్యధిక నగదు అవార్డు. ఈ ప్రైజ్‌ను రష్యాకు చెందిన యూరీ మిల్నర్ ప్రారంభించారు. భౌతిక శాస్త్రాన్ని అభ్యసిస్తూ, 1989లో అర్ధంతరంగా చదువు మానేసిన మిల్నర్, సైద్ధాంతిక భౌతిక శాస్త్రంలో పరిశోధనలను ప్రోత్సహించే లక్ష్యంతో ఈ అవార్డు నెలకొల్పారు. సేన్ పరిశోధనలకు గుర్తింపుగా గతంలో పద్మశ్రీ(2001), శాంతి స్వరూప్ భట్నాగర్ పురస్కారం (1994), భారతీయ సైన్స్ అకాడమీ(1995) అవార్డులు వరించాయి. లండన్ రాయల్ సొసైటీ ఫెలో(1998)గా కూడా సేన్ ఎంపికయ్యారు.
 
మెహతాకు రాజీవ్ సద్భావనా అవార్డుపద్మభూషణ్ డి.ఆర్.మెహతా 20వ ‘రాజీవ్‌గాంధీ సద్భావనా అవార్డు’కు ఎంపికయ్యారు. ఈయన భగవాన్ మహావీర్ వికలాంగ సాహిత్య సమితి (బీఎంవీఎస్‌ఎస్) వ్యవస్థాపకుడు. 1975లో ఏర్పాటైన ఈ సంస్థ ‘జైపూర్ కాలు’తో వికలాంగుల సంక్షేమానికి కృషి చేస్తోంది. ఈ కృత్రిమ కాలును ఆప్ఘనిస్థాన్, అంగోలా వంటి దేశాల్లో యుద్ధ బాధితులకు కూడా అందజేశారు. మత సామరస్యం, శాంతికి తోడ్పడినందుకు అందజేసే ఈ అవార్డు కింద రూ. 5 లక్షల నగదు బహుకరిస్తారు.

అవార్డులు మార్చి 2012

అవార్డులు మార్చి 2012
59వ జాతీయ చలనచిత్ర అవార్డులు2011కు 59వ జాతీయ చలనచిత్ర అవార్డులను కేంద్ర ప్రభుత్వం మార్చి 7న ప్రకటించింది.
విజేతలు:ఉత్తమ చిత్రం: దేవుల్ (మరాఠీ), ‘బ్యారీ’ (బ్యారీ భాషలో) సంయుక్తంగా పొందాయి.
ఉత్తమ నటుడు: గిరీష్ కులకర్ణి (దేవుల్)
ఉత్తమ నటి: విద్యాబాలన్ (ద డర్టీ పిక్చర్ - హిందీ)
ఉత్తమ దర్శకుడు: గుర్విందర్ సింగ్ (అన్హే ఘేరే ద దన్ - పంజాబీ)
ఉత్తమ బాలల చిత్రం: చిల్లర్ పార్టీ
ఉత్తమ సంగీత దర్శకుడు: నీల్‌దత్ (రంజనా అమీ అర్ ఆష్ బోనా - బెంగాలీ)
ఉత్తమ ఛాయాగ్రహకుడు: సత్యరాయ్ నాగ్‌పాల్ (అన్హే గోరీ దదన్)
ఉత్తమ సహాయ నటుడు: అప్పు కుట్టి (అళగర్ సామియన్ కుదిరై - తమిళం)
ఉత్తమ సహాయనటి: టొంతాయిగంబీ దేవి (పిజిగీమణి - మణిపురి)
ఉత్తమ గాయకుడు: ఆనంద్ బాటే (బాలగంధర్వ - మరాఠీ)
ఉత్తమ గాయని: రూపా గంగూలీ (అబోశేష్ - బెంగాలి)
ఉత్తమ పాటల రచయిత: అమితాబ్ భట్టాచార్య (ఐ యామ్)
ప్రత్యేక ప్రశంస: ఆది మద్యాంతం (మళయాళం)

స్త్రీ శక్తి పురస్కారాలు2012 సంవత్సర స్త్రీ శక్తి పురస్కారాలను అంతర్జాతీయ మహిళా దినోత్సవం (మార్చి 8) సందర్భంగా ఆరుగురు మహిళలకు రాష్ట్రపతి ప్రతిభా పాటిల్ మార్చి 7న న్యూఢిల్లీలో ప్రదానం చేశారు.
విజేతలు:పద్మ కమలాకర్ (తొలి మహిళా హిప్నాటిస్ట్ - ఆంధ్రప్రదేశ్)
కంవల్‌జిత్ కౌర్ (అంధ బాలికలకు చేసిన సేవకు- చండీగఢ్)
ద్రౌపది గిమిరే (వికలాంగ పిల్లల కోసం కృషి చేసినందుకు - సిక్కిం)
సంధ్యపాండే (చూపు లేకున్నా జీవిత పోరాటం చేసినందుకు - చత్తీస్‌గఢ్)
రాఖీ గుప్తా భండారి (మహిళా సర్పంచ్ లను ప్రోత్సహించినందుకు - న్యూఢిల్లీ)
జగ్‌మతి మాలిక్ (స్వయం సహాయ గ్రూపు ద్వారా మహిళా సాధికారికతకు కృషి చేసినందుకు - హర్యానా)లకు ఈ పురస్కారాలు లభించాయి.

శారదకు ఎన్టీఆర్ అవార్డుఆంధ్రప్రదేశ్ ప్రభుత్వం 2010కి ఐదు సినిమా అవార్డులను మార్చి 19న ప్రకటించింది. రాష్ర్ట చలనచిత్ర, టీవీ అభివృద్ధి సంస్థ ఈ అవార్డులను అందజేస్తుంది. ఇందులో మూడు జాతీయ స్థాయి, ఒకటి రాష్ర్ట స్థాయి అవార్డులు ఉన్నాయి.

అవార్డు విజేతలు..
ఎన్టీఆర్ జాతీయ చలనచిత్ర అవార్డు:
 శారద (నటి)
బీఎన్ రెడ్డి జాతీయ అవార్డు: బి. నర్సింగరావు (దర్శకుడు)
నాగిరెడ్డి, చక్రపాణి జాతీయ అవార్డు: సీవీఎం శరవణన్ బాల సుబ్రహ్మణ్యన్ (నిర్మాత)
రఘుపతి వెంకయ్య చలనచిత్ర అవార్డు: ఎం బాలయ్య (నిర్మాత, దర్శకుడు)
ప్రత్యేక జ్యూరీ అవార్డు: ఏడిద నాగేశ్వరరావు (నిర్మాత) 

59వ జాతీయ చలనచిత్ర అవార్డులు2011కు 59వ జాతీయ చలనచిత్ర అవార్డులను కేంద్ర ప్రభుత్వం మార్చి 7న ప్రకటించింది.
విజేతలు:ఉత్తమ చిత్రం: దేవుల్ (మరాఠీ), ‘బ్యారీ’ (బ్యారీ భాషలో) సంయుక్తంగా పొందాయి.
ఉత్తమ నటుడు: గిరీష్ కులకర్ణి (దేవుల్)
ఉత్తమ నటి: విద్యాబాలన్ (ద డర్టీ పిక్చర్ - హిందీ)
ఉత్తమ దర్శకుడు: గుర్విందర్ సింగ్ (అన్హే ఘేరే ద దన్ - పంజాబీ)
ఉత్తమ బాలల చిత్రం: చిల్లర్ పార్టీ
ఉత్తమ సంగీత దర్శకుడు: నీల్‌దత్ (రంజనా అమీ అర్ ఆష్ బోనా - బెంగాలీ)
ఉత్తమ ఛాయాగ్రహకుడు: సత్యరాయ్ నాగ్‌పాల్ (అన్హే గోరీ దదన్)
ఉత్తమ సహాయ నటుడు: అప్పు కుట్టి (అళగర్ సామియన్ కుదిరై - తమిళం)
ఉత్తమ సహాయనటి: టొంతాయిగంబీ దేవి (పిజిగీమణి - మణిపురి)
ఉత్తమ గాయకుడు: ఆనంద్ బాటే (బాలగంధర్వ - మరాఠీ)
ఉత్తమ గాయని: రూపా గంగూలీ (అబోశేష్ - బెంగాలి)
ఉత్తమ పాటల రచయిత: అమితాబ్ భట్టాచార్య (ఐ యామ్)
ప్రత్యేక ప్రశంస: ఆది మద్యాంతం (మళయాళం)

స్త్రీ శక్తి పురస్కారాలు2012 సంవత్సర స్త్రీ శక్తి పురస్కారాలను అంతర్జాతీయ మహిళా దినోత్సవం (మార్చి 8) సందర్భంగా ఆరుగురు మహిళలకు రాష్ట్రపతి ప్రతిభా పాటిల్ మార్చి 7న న్యూఢిల్లీలో ప్రదానం చేశారు.
విజేతలు:పద్మ కమలాకర్ (తొలి మహిళా హిప్నాటిస్ట్ - ఆంధ్రప్రదేశ్)
కంవల్‌జిత్ కౌర్ (అంధ బాలికలకు చేసిన సేవకు- చండీగఢ్)
ద్రౌపది గిమిరే (వికలాంగ పిల్లల కోసం కృషి చేసినందుకు - సిక్కిం)
సంధ్యపాండే (చూపు లేకున్నా జీవిత పోరాటం చేసినందుకు - చత్తీస్‌గఢ్)
రాఖీ గుప్తా భండారి (మహిళా సర్పంచ్ లను ప్రోత్సహించినందుకు - న్యూఢిల్లీ)
జగ్‌మతి మాలిక్ (స్వయం సహాయ గ్రూపు ద్వారా మహిళా సాధికారికతకు కృషి చేసినందుకు - హర్యానా)లకు ఈ పురస్కారాలు లభించాయి.

సైన్స్ & టెక్నాలజీ నవంబరు 2017

సైన్స్ & టెక్నాలజీ నవంబరు 2017
భారీ గ్రహంను గుర్తించిన బ్రిటన్ శాస్త్రవేత్తలు ఒక చిన్న నక్షత్రం చుట్టూ పరిభ్రమిస్తున్న భారీ గ్రహాన్ని బ్రిటన్‌లోని వార్విక్ విశ్వవిద్యాలయ శాస్త్రవేత్తలు గుర్తించారు. గురుగ్రహం పరిమాణంలో ఉన్న ఈ గ్రహానికి ఎన్జీటీఎస్-1బీ అని నామకరణం చేశారు. నక్షత్రం, గ్రహం పరిమాణాల నిష్పత్తి, వాటి మధ్య దూరం ఆధారంగా చిన్న నక్షత్ర మండలాల చుట్టూ భారీ గ్రహాలు ఏర్పడవని చెబుతున్న అనేక సిద్ధాంతాలకు ఇది విరుద్ధంగా ఉందని పేర్కొన్నారు. భూమి, సూర్యుడి మధ్య దూరంతో పోల్చితే ఈ నక్షత్రానికి, ఎన్జీటీఎస్-1బీ మధ్య ఉన్న దూరం కేవలం మూడు శాతమే. 2.6 రోజుల్లో తన పరిభ్రమణాన్ని పూర్తి చేసే ఈ గ్రహం ఉపరితలంపై ఉష్ణోగ్రతలు కూడా చాలా అధికంగా ఉన్నాయని శాస్త్రవేత్తలు తెలిపారు.
క్విక్ రివ్యూ:
ఏమిటి : భారీ గ్రహం ఎన్జీటీఎస్-1బీ ని గుర్తించిన శాస్త్రవేత్తలు
ఎప్పుడు : నవంబర్‌లో
ఎవరు : బ్రిటన్ శాస్త్రవేత్తలు
ఎక్కడ : ఒక చిన్న నక్షత్రం చుట్టూ

నిర్భయ్ పరీక్ష విజయవంతంస్వదేశంలో తయారైన అణ్వాయుధ సామర్థ్యం గల క్రూయిజ్ క్షిపణి నిర్భయ్‌ను భారత్ తొలిసారి విజయవంతంగా పరీక్షించింది. ఒడిశా తీరంలోని చాందిపూర్ ఐటీఆర్ కేంద్రం నుంచి నవంబర్ 7న ఈ పరీక్ష నిర్వహించింది. 2013 నుంచి ఇప్పటి వరకు జరిపిన నాలుగు పరీక్షల్లో నిర్భయ్ విఫలమైంది.
భూ ఉపరితలం నుంచి ప్రయోగించే ఈ సబ్‌సోనిక్ క్షిపణి(ఎల్‌ఏసీఎం) 300 కిలోల బరువు గల అణు వార్‌హెడ్లను మోసుకెళ్లగలదు. ప్రత్యర్థుల రాడార్లు, క్షిపణి రక్షణ వ్యవస్థలను తప్పించుకుని ప్రయాణం చేసేలా డీఆర్‌డీఓ దీన్ని రూపొందించింది.
క్విక్ రివ్యూ:
ఏమిటి : తొలిసారి నిర్భయ్ క్షిపణి పరీక్ష విజయవంతం
ఎప్పుడు : నవంబర్ 7
ఎవరు : డీఆర్‌డీవో (భారత ప్రభుత్వం)
ఎక్కడ : చాందిపూర్ ఐటీఆర్ కేంద్రం, ఒడిశా

గ్లెడ్ బాంబు పరీక్ష విజయవంతం స్వదేశీ పరిజ్ఞానంతో అభివృద్ధి చేసిన తేలికపాటి గ్లెడ్ బాంబును రక్షణ శాఖ నవంబర్ 2న విజయవంతంగా పరీక్షించింది. ఒడిశాలోని చాందీపూర్‌లో ఉన్న సమీకృత పరీక్షా కేంద్రం (ఐటీఆర్) వద్ద వాయు సేన విమానం నుంచి దీన్ని జారవిడిచింది. 70 కిలోమీటర్లకుపైగా దూరంలో ఉన్న లక్ష్యాలను ఇది అత్యంత కచ్చితత్వంతో ఛేదించిందని రక్షణ శాఖ వెల్లడించింది. ఈ బాంబును ఇమారత్ పరిశోధన కేంద్రం(ఆర్‌సీఐ), రక్షణ పరిశోధన, అభివృద్ధి సంస్థ(డీఆర్‌డీవో), వాయు సేన సంయుక్తంగా అభివృద్ధి చేశాయి. శత్రు వైమానిక స్థావరాలను ధ్వంసం చేయగల సామర్థ్యం దీనికి ఉంది.

సైన్స్ & టెక్నాలజీ అక్టోబరు 2017

సైన్స్ & టెక్నాలజీ అక్టోబరు 2017
2018 మార్చిలో చంద్రయాన్-2  ఇస్రో అత్యంత ప్రతిష్టాత్మకంగా భావిస్తున్న మూన్ మిషన్.. చంద్రయాన్-2పై కేంద్ర అంతరిక్ష, అణు, ఇంధనశాఖ మంత్రి జితేంద్ర సింగ్ స్పష్టత ఇచ్చారు. చంద్రయాన్-2 ప్రయోగం 2018 మార్చిలో ఉంటుందని ప్రకటించారు. జీఎస్‌ఎల్వీ ఎంకే-2 రాకెట్ ద్వారా చంద్రయాన్-2 ప్రయోగాన్ని నిర్వహిస్తామని తెలిపారు. చంద్రయాన్-2 ప్రయోగం ఆంధ్రప్రదేశ్‌లోని శ్రీహరికోట సతీష్ ధావన్ అంతరిక్ష కేంద్రం నుంచి జరుగుతుంది. 
ఈ ప్రయోగంలో భాగంగా చంద్రుని ఉపరితలంపై సంచరించగల ఒక మోటార్ జెడ్ రోబోట్‌ను అభివృద్ధి చేస్తున్నారు. ఇలాంటి ఒక రోవర్ చంద్రుడిపై చక్రాలతో నడుస్తూ మృత్తిక, రాళ్ళ నమూనాలను సేకరించి వాటి రసాయన విశ్లేషణలను జరిపి, చంద్రుడి చుట్టూ ఎత్తయిన కక్ష్యలో పరిభ్రమించే చంద్రయాన్-2కు అందిస్తుంది. చంద్రయాన్-2 నుంచి సమాచారం గ్రౌండ్‌స్టేషన్‌లోని యాంటెనా అందుకుంటుంది. 2020 కల్లా చంద్రుడిపైకి ఒక మానవ సహిత ప్రయోగాన్ని చేపట్టాలని కూడా ఇస్రో భావిస్తోంది. 
క్విక్ రివ్యూ: 
ఏమిటి : చంద్రయాన్ - 2
ఎప్పుడు : 2018లో 
ఎవరు : ఇస్రో 
ఎందుకు : చంద్రుడి ఉపరితల వాతావరణాన్ని పరిశోధించేందుకు 

చైనాలో తొలి హైడ్రోజన్ ట్రామ్ ప్రారంభంప్రపంచంలోనే తొలి పర్యావరణహిత, హైడ్రోజన్‌తో నడిచే ట్రామ్‌ను చైనా అక్టోబర్ 27న ప్రారంభించింది. దీని ద్వారా నార్త్ చైనాలోని హెబీ ప్రావిన్‌‌సలోని తంగ్షన్‌లో కమర్షియల్ సర్వీసులను అందించనున్నారు. మూడు బోగీలతో కూడిన ట్రామ్‌లో మొత్తం 66 సీట్లు ఉంటాయి. 12 కేజీల హైడ్రోజన్‌ను ఒకసారి నింపుకోగల సామర్థ్యమున్న ట్రామ్ గంటకు నలభై నుంచి 70 కి.మీ వేగంతో ప్రయాణిస్తుంది. 
క్విక్ రివ్యూ: 
ఏమిటి : ప్రపంచంలో తొలి హైడ్రోజన్ ట్రామ్ ప్రారంభం 
ఎప్పుడు : అక్టోబర్ 27
ఎక్కడ : చైనాలో 
ఎందుకు : ప్రజా రవాణా కోసం 

‘డెత్ జోన్’లోకి వెళ్లే డ్రోన్లను పరీక్షించిన చైనాఎక్కువ ఎత్తుకు వెళ్లే గూఢచార డ్రోన్‌ను చైనా విజయవంతంగా పరీక్షించింది. క్రికెట్ బ్యాట్ సైజులో ఉండే ఈ డ్రోన్ రక్షణ రంగంలో ఎంతగానో సహాయపడనుంది. సముద్రమట్టానికి 20 కిలోమీటర్ల ఎత్తు పైనుంచి అంతరిక్ష సమీప ప్రాంతం ప్రారంభమవుతుంది. అక్కడ గాలి పలుచగా ఉండటం, చాలా తక్కువ ఉష్ణోగ్రత ఉండటంతో ఆ జోన్‌ను డ్రోన్లకు ‘డెత్ జోన్’గా పరిగణించేవారు. తక్కువ గాలి ఉండటంతో అక్కడ డ్రోన్ ఎగరడం సాధ్యం కాదు. తక్కువ ఉష్ణోగ్రతల వల్ల డ్రోన్‌లోని బ్యాటరీ వంటి ఎలక్ట్రానిక్ పరికరాలు విఫలమయ్యే ప్రమాదముంది. అయితే చైనా తయారు చేసిన ఈ డ్రోన్ ఆ పరిస్థితులను తట్టుకుంటుంది. 
క్విక్ రివ్యూ:ఏమిటి : ఎక్కువ ఎత్తుకు వెళ్లే డ్రోన్లను పరీక్షించిన చైనా 
ఎప్పుడు : అక్టోబర్ 31 
ఎందుకు : గూఢచర్యం కోసం

రోబోలకు అనువైన ‘చర్మం’ మనుషుల రోజువారీ పనులను చేసేందుకుగాను రోబోలకు దానికనుగుణంగా ఉండే చర్మాన్ని పరిశోధకులు రూపొందించారు. ఈ చర్మాన్ని యూనివర్సిటీ ఆఫ్ వాషింగ్టన్ (యూడబ్ల్యూ)కి చెందిన 45 మంది ప్రొఫెసర్లు తయారు చేసినట్లు యూడబ్ల్యూ ప్రొఫెసర్ జోనాథన్ పోస్నర్ తెలిపారు. ఈ చర్మాన్ని తొడిగిన రోబోలు మనుషుల రోజువారీ పనులను తేలికగా, ఆటంకాలు లేకుండా చేసేస్తాయని చెప్పారు. వస్తువుల స్వభావాలను బట్టి ఈ చర్మం రోబోలకు సంకేతాలు అందిస్తుందని, దానికి తగ్గట్లుగా రోబో పనిచేస్తుందని పోస్నర్ తెలిపారు. ఈ చర్మం అక్టోబర్ నెలాఖరు నుంచి అందుబాటులోకి తెస్తామని చెప్పారు. 
క్విక్ రివ్యూ: 
ఏమిటి : రోబోలకు అనువైన చర్మాన్ని రూపొందించిన శాస్త్రవేత్తలు 
ఎప్పుడు : అక్టోబర్ 18 
ఎవరు : యూనివర్సిటీ ఆఫ్ వాషింగ్టన్ 
ఎందుకు : మనుషుల రోజువారీ పనులను చేసేందుకుగాను 

అంతరిక్ష కేంద్రంలో ‘అలమర’అంతరిక్ష కేంద్రంలోకి అత్యాధునిక అలమర (వస్తువులు దాచి ఉంచుకునే పెట్టె)ను శాస్త్రవేత్తలు త్వరలో తీసుకువెళ్లనున్నారు. హెచ్‌టీవీ-7గా పిలిచే ఈ అలమరను 2018 చివరి కల్లా అంతరిక్ష కేంద్రంలోకి ప్రవేశపెట్టనున్నట్లు నేషనల్ ఏరోనాటిక్స్ అండ్ స్పేస్ అడ్మినిస్ట్రేషన్ (నాసా) వెల్లడించింది. సైంటిస్టులు అంతరిక్ష కేంద్రంపైకి పరిశోధనలకు అవసరమయ్యే పరికరాలను తీసుకువెళుతుంటారు. అయితే అక్కడ మరిన్ని వస్తువులు దాయడానికి వీలుగా ఆధునిక పరికరాలతో అలమరను తయారు చేస్తున్నట్లు నాసా ప్రకటించింది. అంతరిక్ష కేంద్రంలో ఎనిమిది అలమరలను పొందుపరిచే వీలున్నట్లు నాసా వెల్లడించింది. ఈ అలమరలను బోయింగ్ కంపెనీ తయారు చేస్తున్నట్లు తెలిపింది. 
క్విక్ రివ్యూ: 
ఏమిటి : అంతరిక్ష కేంద్రంలోకి హెచ్‌టీవీ - 7 అలమర 
ఎప్పుడు : 2018 చివరి నాటికి 
ఎవరు : నాసా 
ఎందుకు : పరిశోధనలకు కావాల్సిన వస్తువులను దాయడానికి 

95% ప్లాస్టిక్ వ్యర్థాలకు పది నదులే కారణం ప్రపంచ వ్యాప్తంగా కేవలం పది నదుల ద్వారానే 88-95 శాతం ప్లాస్టిక్ వ్యర్థాలు సముద్రాల్లో కలుస్తున్నాయని తేలింది. ఈ జాబితాలో గంగా, సింధు సహా 8 నదులు ఆసియాలో ఉండగా, మరో రెండు నదులు ఆఫ్రికా ఖండంలో ప్రవహిస్తున్నాయి. సరైన వ్యర్థాల నిర్వహణ పద్ధతులు పాటించకపోవడంతో ఏటా 5 ట్రిలియన్ పౌండ్ల ప్లాస్టిక్ సముద్రంలో చేరుతోందని ఈ పరిశోధనలో పాల్గొన్న జర్మనీకి చెందిన శాస్త్రవేత్త డా.క్రిస్టియన్ ష్మిత్ తెలిపారు. తమ పరిశోధనలో భాగంగా 57 నదుల్లో, 79 చోట్ల నమూనాలు సేకరించామన్నారు. 
ప్రపంచవ్యాప్తంగా సముద్రాల్లో కలుస్తున్న ప్లాస్టిక్‌లో చైనా, ఇండోనేషియా, ఫిలిప్పీన్‌‌స, వియత్నాం, శ్రీలంకల వాటాయే 50 శాతానికిపైగా ఉంటుందన్నారు. 
వ్యర్థాలను చేరవేస్తున్న తొలి 10 నదులు: యాంగ్జీ, సింధు, యెల్లో రివర్, హైహీ (ఆసియా); నైలు (ఆఫ్రికా); గంగా, పెరల్, అముర్ (ఆసియా); నైజర్ (ఆఫ్రికా), మెకాంగ్ (ఆసియా). 
క్విక్ రివ్యూ: 
ఏమిటి : 95% ప్లాస్టిక్ వ్యర్థాలకు పది నదులే కారణం 
ఎప్పుడు : అక్టోబర్ 18 
ఎవరు : జర్మనీ శాస్త్రవేత్త డా.క్రిస్టియన్ ష్మిత్

భూమికి సమీపంగా ‘2012 టీసీ4’ ఉల్క  శాస్త్రవేత్తలు అంచనా వేసినట్లుగానే ‘2012 టీసీ4’ ఉల్క భూమికి సమీపంగా దూసుకెళ్లింది. అంటార్కిటికా మీదుగా అక్టోబర్ 12న ఈ శకలం భూమిని దాటుకుంటూ వెళ్లిపోయింది. ఐదేళ్ల క్రితం అమెరికాలోని హవాయి హలియకల అబ్జర్వేటరీలోని పాన్-స్టార్స్ టెలిస్కోప్ ద్వారా ‘2012 టీసీ4’ను శాస్త్రవేత్తలు గుర్తించారు. ఆ తర్వాత ఈ శకలం సూర్యుడి చుట్టూ ప్రదక్షిణలు చేస్తూ అదృశ్యమైంది. మళ్లీ ఈ ఏడాది జూలైలో చంద్రుని కక్ష్యలో కనిపించింది. 
భూమికి ఎంత దగ్గరగా..యాభై నుంచి వంద అడుగుల పరిమాణంలో ఉన్న ఈ శకలం గంటకు దాదాపు 16,000 మైళ్ల వేగంతో అంటే సెకనుకు 4.5 మైళ్ల వేగంతో అంటార్కిటికాకు 27 వేల మైళ్ల ఎత్తు నుంచి దూసుకెళ్లింది. ఇది ఎంతో దూరంలో ఉంది కదా అని అనుకోవడానికి లేదు. ఎందుకంటే అంతరిక్ష ప్రమాణాల ప్రకారం భూమి-చంద్రుడి మధ్యలో ఎనిమిదో వంతు దూరంలోనే ఉన్నట్లుగా భావించాలి. 
ఎదుర్కోగలమా ? భూమిపై పడే ఉల్క లేదా గ్రహ శకలాన్ని ఉపగ్రహంతో పేల్చేసే సామర్థ్యం మనకుంది. 2004లో ‘డీప్ ఇంపాక్ట్’ మిషన్ సందర్భంగా నాసా అదే చేసింది. ఇటువంటి ఉల్కలను గురి చూసి కొట్టడం కొంత కష్టం. పెద్ద పరిమాణంలో ఉన్న శకలాన్ని గుర్తించడంతో పాటు సరిగ్గా మధ్యలో రాకెట్‌తో ఢీకొట్టించడమన్నది కొంతమేర సవాలుగా నిలిచినప్పటికీ, 100 నుంచి 200 మీటర్ల వైశాల్యమున్న శకలాల్ని మాత్రం పేల్చేసేందుకు అంతరిక్ష సంస్థలు సిద్ధంగానే ఉన్నాయని శాస్త్రవేత్త డెట్‌లెఫ్ చెప్పారు. 

ఒంగోలు జాతి వృద్ధి కోసం టెస్ట్‌ట్యూబ్ విధానంఒంగోలు జాతి ఆవుల సంతతిని పెంచేందుకు గానూ కేంద్ర ప్రభుత్వం పిండ మార్పిడి ప్రక్రియ(ఐవీఎఫ్) ద్వారా టెస్ట్ ట్యూబ్ దూడలను ఉత్పత్తి చేయాలని నిర్ణయించింది. ఈ మేరకు అక్టోబర్ 2న ఈ పథకాన్ని ప్రారంభించింది. ఇందుకుగానూ దేశవ్యాప్తంగా 15 లేబొరేటరీలను ఎంపిక చేయగా.. అందులో గుంటూరు జిల్లా లాం ఫాంలోని పిండోత్పత్తి జీవసాంకేతిక ప్రయోగశాల కూడా చోటు దక్కించుకుంది. 
ఐవీఎఫ్‌పై రైతులకు అవగాహన కల్పించాలని ఇప్పటికే అన్ని జిల్లాల అధికారులకు ఉత్తర్వులు పంపారు. రాష్ట్రంలో 2.5 లక్షల వరకు ఆవులుంటాయని అంచనా. వీటిలో అనుకూలమైన వాటిని ఎంపిక చేసి, సమాచారం అందిస్తే.. పిండ మార్పిడి చేస్తారు. 
ఒంగోలు జాతి సంరక్షణ ఎందుకు?ఒంగోలు జాతి ప్రపంచంలోనే పేరెన్నికగన్న పశువులు. ఇవి అధిక ఉష్ణోగ్రతలను తట్టుకుంటాయి. వ్యాధి నిరోధక శక్తి కూడా అధికం. ఒక ఈత కాలంలో 2,500 లీటర్ల వరకు పాలిస్తాయి. ఇది గుర్తించిన బ్రెజిల్, అర్జెంటీనా, మెక్సికో తదితర దేశాలు మన దేశం నుంచి వీటిని దిగుమతి చేసుకోవడం ప్రారంభించాయి. ఈ క్రమంలో మన దేశంలో ఒకప్పుడు ఇబ్బడి ముబ్బడిగా ఉన్న ఒంగోలు జాతి పశువుల సంఖ్య.. క్రమేపీ తగ్గిపోయింది. అందుకే కేంద్ర ప్రభుత్వం వీటిని సంరక్షించాలని నిర్ణయించింది.
క్విక్ రివ్యూ: 
ఏమిటి : ఒంగోల్ జాతి ఆవుల వృద్ధి కోసం టెస్ట్‌ట్యూబ్ విధానం 
ఎప్పుడు : అక్టోబర్ 2
ఎవరు : కేంద్ర ప్రభుత్వం 
ఎక్కడ : దేశవ్యాప్తంగా 15 పరిశోధనశాలల్లో 

అంతరిక్ష రేడియేషన్‌పై నాసా కొత్త సాంకేతికత 
భూమి నుంచి అంగారకుడికి చేరుకోవడంలో ముఖ్యమైన అడ్డంకి అంతరిక్ష రేడియేషన్‌ను అడ్డుకునేందుకు అమెరికా అంతరిక్ష పరిశోధన సంస్థ నాసా కొత్త సాంకేతికతను రూపొందిస్తోంది. దీంతో అంగారకుడిపైకి సురక్షితంగా, విజయవంతంగా చేరుకునే వీలు కలుగనుంది. భూమిపై రేడియేషన్ కన్నా అంతరిక్ష రేడియేషన్ చాలా ప్రమాదకరమైనదని నాసా పేర్కొంది. అంతర్జాతీయ అంతరిక్ష కేంద్రం (ఐఎస్‌ఎస్) రక్షిత భూఅయస్కాంత క్షేత్రంలోనే ఉన్నప్పటికీ అక్కడి వ్యోమగాములు భూమిపై కన్నా పది రెట్ల ఎక్కువ రేడియేషన్‌కు గురవుతున్నారని చెప్పింది. 
క్విక్ రివ్యూ: 
ఏమిటి : అంతరిక్ష రేడియేషన్‌ను అడ్డుకునేందుకు కొత్త సాంకేతికత రూపకల్పనపై దృష్టి 
ఎప్పుడు : అక్టోబర్ 13
ఎవరు : నాసా 

నౌకాదళంలో చేరిన ఐఎన్‌ఎస్ కిల్తాన్ సముద్రపు అడుగు భాగం లో ఉన్న సబ్‌మెరైన్లనైనా గుర్తించి, మట్టుపెట్టే అధునాత యుద్ధ నౌక ఐఎన్‌ఎస్ కిల్తాన్.. భారత నౌకాదళంలో చేరింది. ఈ మేరకు అక్టోబర్ 16న కేంద్ర రక్షణ శాఖ మంత్రి నిర్మలా సీతారామన్ విశాఖపట్నంలోని నావల్ డాక్‌యార్డులో యుద్ధ నౌకను ప్రారంభించారు. దీన్ని పూర్తి స్వదేశీ పరిజ్ఞానంతో రూపొందించారు. 
ప్రాజెక్టు-28 కింద నిర్మించ తలపెట్టిన నాలుగు యాంటీ సబ్‌మెరెన్ యుద్దనౌకల్లో ఐఎన్‌ఎస్ కిల్తాన్ మూడోది. ఐఎన్‌ఎస్ కమోర్తా, ఐఎన్‌ఎస్ కద్మత్ నౌకలు ఇప్పటికే సేవలందిస్తున్నాయి. ఈ ఏడాది చివర్లో నాలుగో యుద్ధ నౌక ఐఎన్‌ఎస్ కవరత్తి కూడా సిద్ధం కానుంది. 1971లో ఇండో పాక్ యుద్ధ సమయంలో నిరుపమాన సేవలందించిన యాంటీ సబ్‌మెరైన్ యుద్ధ నౌక ఐఎన్‌ఎస్ కిల్తాన్‌ను 1987లో డీ కమిషన్ చేశారు. మళ్లీ ఇదే పేరుతో నౌకను సిద్ధం చేశారు. 
కిల్తాన్ ప్రత్యేకతలు 
  • ఐఎన్‌ఎస్ కిల్తాన్.. ఐఎన్‌ఎస్ కమోర్తా కంటే శక్తిమంతమైంది. తొలిసారి పూర్తిస్థాయి కార్బన్ ఫైబర్ కాంపొజిట్ మెటీరియల్‌తో దీన్ని తయారు చేశారు.
  • అన్ని ప్రధాన ఆయుధాల్ని, సెన్సార్లను సముద్రపు జలాల్లో ట్రయల్ రన్ నిర్వహించి.. షిప్ యార్డ్ ద్వారా నౌకాదళానికి అప్పగిస్తున్న మొదటి యుద్ధ నౌక.
  • సరికొత్త సాంకేతిక పరిజ్ఞానంతో రూపొందించడం వల్ల సముద్ర జలాల్లో వెళ్తున్నప్పుడు సబ్ మెరైన్‌లు సైతం దీని ధ్వనితరంగాలను కనిపెట్టడం దాదాపు అసాధ్యం.
  • 109 మీటర్ల పొడవు, 3,500 టన్నుల బరువున్న ఐఎన్‌ఎస్ కిల్తాన్ 25 నాటికల్ మైళ్ల వేగంతో ప్రయాణిస్తుంది. నిరాటంకంగా 3,450 నాటికల్ మైళ్లు వెళ్లగల సామర్థ్యం దీని సొంతం.
  • భారీ టార్పెడోలు, ఏఎస్‌డబ్ల్యూ రాకెట్లు, 76 మిమీ క్యారిబర్ మీడియం రేంజ్ తుపాకీలు, క్లోజ్ ఇన్ వెపన్ సిస్టమ్ కలిగిన 2 మల్టీ బ్యారెల్ తుపాకీలున్న సెన్సార్ సూట్లు ఇందులో అందుబాటులో ఉంటాయి.
  • మిస్సైల్ డెకోయ్ రాకెట్లు, ఎలక్ట్రానిక్ సపోర్ట్ మేజర్ వ్యవస్థ, ఎయిర్ సర్వైవలెన్‌‌స రాడార్ వ్యవస్థతో పాటు ఏఎస్‌డబ్ల్యూ హెలికాప్టర్ కూడా ఇందులో ఉంటుంది.
క్విక్ రివ్యూ: 
ఏమిటి : ఐఎన్‌ఎస్ కిల్తాన్ జలప్రవేశం 
ఎప్పుడు : అక్టోబర్ 16
ఎవరు : కేంద్ర రక్షణ మంత్రి నిర్మలా సీతారామన్ 
ఎక్కడ : విశాఖపట్నం 
ఎందుకు : ప్రాజెక్టు - 28లో భాగంగా 

ఏపీ పరిధిలోని నల్లమలలో 45 పెద్ద పులులుఆంధ్రప్రదేశ్‌లోని గుంటూరు జిల్లా నాగార్జున సాగర్ నుంచి కర్నూలు జిల్లా ఆత్మకూరు వరకు సుమారు 3.50 లక్షల చదరపు హెక్టార్ల విస్తీర్ణంలో ఉన్న నల్లమల అటవీ ప్రాంతంలో 45 పెద్ద పులులు ఉన్నట్లు అటవీ శాఖాధికారులు గుర్తించారు. నల్లమలలో పులుల సంరక్షణ కోసం గుంటూరు, ప్రకాశం, కర్నూలు జిల్లాల పరిధిలో 24 బేస్ క్యాంప్‌లు ఏర్పాటు చేసి 120 మంది గిరిజన యువకులను ఔట్ సోర్సింగ్ విధానంలో ఉద్యోగాలు ఇచ్చి ముఖ్యమైన ప్రాంతంలో కాపలాగా ఏర్పాటు చేశారు. వీరికి వైర్‌లెస్ వాకీ టాకీలు అందించి, పులులు సంచరించే ముఖ్య ప్రాంతాల వద్ద, చెట్లకు సీసీ కెమెరాలు ఏర్పాటు చేసి ఎప్పటికప్పుడు పరిస్థితులను సమీక్షించారు. వారం రోజుల క్రితం పులులను లెక్కించటంతో 45 లెక్క తేలినట్లు మార్కాపురం డీఎఫ్‌ఓ జయచంద్రారెడ్డి అక్టోబర్ 14న వెల్లడించారు. చిరుత పులులు సుమారు 100 వరకు ఉండవచ్చునని అంచనా వేస్తున్నట్లు చెప్పారు.
క్విక్ రివ్యూ: 
ఏమిటి : ఏపీ పరిధిలోని నల్లమలలో 45 పెద్ద పులులు 
ఎప్పుడు : అక్టోబర్ 14
ఎవరు : ఏపీ అటవీశాఖ

తొమ్మిదో గ్రహం ‘ప్లానెట్ 9’ ఉండొచ్చు: నాసాఖగోళ శాస్త్రవేత్తలకు అంతుచిక్కని గ్రహమైన ‘ప్లానెట్ 9’ఉందని, బహుశా భూమి ద్రవ్యరాశి కన్నా 10 రెట్లు, సూర్యుడి నుంచి నెప్ట్యూన్ ఉన్న దూరం కన్నా 20 రెట్ల దూరం ఉండొచ్చని అమెరికా అంతరిక్ష పరిశోధన సంస్థ నాసా శాస్త్రవేత్తలు వెల్లడించారు. మన సౌర కుటుంబంలో ఆచూకీ తెలియకుండా పోయిన ‘సూపర్ ఎర్త్’ఈ ప్లానెట్ 9 కావొచ్చని భావిస్తున్నారు. ప్లానెట్ 9 భూమి ద్రవ్యరాశి కన్నా ఎక్కువగా ఉన్నా.. యురేనస్, నెప్ట్యూన్ కన్నా తక్కువగా ఉందని వివరించారు. 
ప్లానెట్ 9 ఉందనడానికి 5 రకాల రుజువులు ఉన్నాయని గుర్తించినట్లు అమెరికాలోని కాలిఫోర్నియా ఇన్‌స్టిట్యూట్ ఆఫ్ టెక్నాలజీకి చెందిన ఆస్ట్రోఫిజిసిస్ట్ కొన్‌స్టాంటిన్ బాటీజిన్ తెలిపారు. ప్లానెట్ 9 మన సౌర కుటుంబం దిశగా దాదాపు 450 కోట్ల సంవత్సరాల కిందట వంగి ఉండొచ్చని కాలిఫోర్నియా ఇన్‌స్టిట్యూట్‌కు చెందిన విద్యార్థి ఎలిజబెత్ బెయిలీ పేర్కొన్నారు. 
క్విక్ రివ్యూ: 
ఏమిటి : ప్లానెట్ - 9 ఉండొచ్చని వెల్లడి 
ఎప్పుడు : అక్టోబర్ 15
ఎవరు : నాసా 

ఎన్‌ఆర్‌ఓఎల్-52 ఉపగ్రహాన్ని ప్రయోగించిన యూఎస్ రహస్య గూఢచర్య ఉపగ్రహం ఎన్‌ఆర్‌ఓఎల్-52 ను అమెరికా అట్లాస్ - 5 రాకెట్ ద్వారా ప్రయోగించింది. ఫ్లోరిడాలోని కేప్ కానవెరల్ ఎయిర్‌ఫోర్స్ స్టేషన్ నుంచి దీన్ని ప్రయోగించారు. ఈ ఉపగ్రహం దేని కోసం పనిచేస్తుంది తదితర వివరాలను అమెరికా ప్రకటించలేదు. అయితే.. ఇది క్షిపణులకు సంబంధించిన ముందస్తు హెచ్చరికలు, అణు పేలుళ్ల గుర్తింపు, ఫోటోలతో నిఘా, రాఢార్ మేనేజింగ్ వంటి పనుల్ని నిర్వహిస్తుందని సమాచారం. 
క్విక్ రివ్యూ: 
ఏమిటి : ఎన్‌ఆర్‌ఓఎల్-52 ఉపగ్ర హ ప్రయోగం 
ఎప్పుడు : అక్టోబర్ 18
ఎవరు : అమెరికా

సూర్యుడిపై పరిశోధనలకు ఇస్రో ఆదిత్య-ఎల్ 1 సూర్యుడిపై పరిశోధనల కోసం భారత అంతరిక్ష పరిశోధనా సంస్థ (ఇస్రో) సన్నద్ధమవుతోంది. ఇందుకోసం శ్రీహరికోట నుంచి పీఎస్‌ఎల్‌వీ-ఎక్స్‌ఎల్ రాకెట్ ద్వారా ఆదిత్య-ఎల్1 ఉపగ్రహాన్ని పంపేందుకు ఇస్రో ప్రణాళికలు సిద్ధంచేస్తోంది. భారత ప్రభుత్వం నుంచి ఇందుకు అనుమతిరావడంతో 2018-19లో దీనిని ప్రయోగించే అవకాశం ఉంది. 
బెంగళూరులోని ఉపగ్రహాల తయారీ కేంద్రంలో ఆదిత్య-ఎల్1ను తయారు చేసేందుకు ఏర్పాట్లు జరుగుతున్నాయి. ఈ ఉపగ్రహంలో యాస్‌పెక్స్, సూట్, వెల్సి, హెలియోస్, పాపా, సోలెక్స్ అనే ఆరు ఉపకరణాలను (పేలోడ్‌‌స) అమర్చి పంపేందుకు సన్నాహాలు చేస్తున్నారు. ఈ ఉపగ్రహాన్ని భూమికి 15 లక్షల కిలోమీటర్ల దూరంలోని లాగ్రేంజియన్ బిందువు-1 (ఎల్-1)లోకి చేరుస్తారు. అక్కడి నుంచి ఎలాంటి అవరోధాలు, అడ్డంకులు లేకుండా సూర్యుడ్ని నిరంతరం పరిశీలించడానికి వీలవుతుంది. 
సూర్యుడి వెలుపలి వలయాన్ని కరోనా అంటారు. సూర్య గోళానికి వేల కిలోమీటర్ల దూరం వరకు ఇది విస్తరించి ఉంటుంది. అక్కడ ఉష్ణోగ్రత దాదాపు పది లక్షల డిగ్రీల కెల్విన్ (అంటే 999726.85 డిగ్రీల సెల్సియస్) వరకు ఉంటుంది. సూర్యుడి అంతర్భాగ ఉష్ణోగ్రత ఆరు వేల కెల్విన్ డిగ్రీల వరకు ఉంటుంది. కరోనాలో వేడి పెరిగిపోతుండడానికి కారణం అంతు చిక్కడంలేదు. దీంతో సౌర గోళంలో సౌర గాలులు, జ్వాలలు, రేణువుల తీరుతెన్నులపై ఆదిత్య-ఎల్1 ద్వారా పరిశోధనలు చేయడానికి ఇస్రో నడుం బిగించింది. సౌర తుపాన్ సమయంలో వెలువడే రేణువుల వల్ల భూమిపై సమాచార వ్యవస్థకు అవరోధాలు ఏర్పడుతుంటాయి. దీంతోపాటు కాంతి మండలం (ఫొటోస్ఫియర్), వర్ణ మండలాలను (క్రోమోస్ఫియర్) అధ్యయనం చేసి సమాచారాన్ని సేకరిస్తారు. వచ్చే ఏడాదికల్లా దీనిని సిద్ధం చేయాలని ఇస్రో శాస్త్రవేత్తలు కసరత్తు చేస్తున్నారు. 
క్విక్ రివ్యూ: 
ఏమిటి : ఆదిత్య - ఎల్ 1ను రూపొందించనున్న ఇస్రో 
ఎక్కడ : బెంగళూరులో 
ఎందుకు : సూర్యుడిపై పరిశోధనలకు

రక్తదానం ప్రోత్సాహానికి ఫేస్‌బుక్‌లో సౌకర్యం 
 రక్తదాతలతో ప్రజలు, బ్లడ్ బ్యాంక్‌లు, ఆస్పత్రులు సులువుగా అనుసంధానమయ్యేలా తన వెబ్‌సైట్లో ఫేస్‌బుక్ కొత్త సదుపాయాన్ని పొందుపరిచింది. భారతదేశం కోసం ప్రత్యేకంగా రూపొందించిన ఈ సదుపాయం అక్టోబర్ 1 నుంచి అందుబాటులోకి వస్తుంది. రక్తం అసవరమున్న వారు ఒక ప్రత్యేక మెసేజ్‌లో బ్లడ్ గ్రూప్, ఆస్పత్రి పేరు, ఫోన్ నంబర్ తదితర వివరాల్ని పొందుపరిచి పోస్ట్ చేయాలి. వెంటనే ఫేస్‌బుక్ సమీపంలోని రక్తదాతల వివరాల్ని సేకరించి వారికి అందచేస్తుంది. అలాగే ఖాతాదారుల న్యూస్ ఫీడ్‌లో రక్తదాతగా నమోదు చేయించుకోవాలని కూడా మెసేజ్‌ను ప్రదర్శిస్తుంది. తొలుత ఢిల్లీ, హైదరాబాద్ నగరాల్లో దీన్ని అమలు చేస్తారు. ఆ తర్వాత మిగతా నగరాలకు విస్తరిస్తారు. 
క్విక్ రివ్యూ: 
ఏమిటి : రక్తదాన ప్రోత్సాహానికి ప్రత్యేక సౌకర్యం 
ఎప్పుడు : సెప్టెంబర్ 28 
ఎవరు : ఫేస్‌బుక్ 
ఎక్కడ : భారత్‌లో 

గురుత్వ తరంగాలను మళ్లీ గుర్తించిన శాస్త్రవేత్తలు విశ్వంలో జనించి కోట్లాది కాంతి సంవత్సరాలు ప్రయాణించే గురుత్వాకర్షణ తరంగాలను నాలుగోసారి గుర్తించినట్లు శాస్త్రవేత్తలు ప్రకటించారు. భూమికి దాదాపు 180 కోట్ల కాంతి సంవత్సరాల దూరంలో రెండు కృష్ణ బిలాలు ఢీకొన్న సమయంలో ఈ శక్తిమంతమైన తరంగాలు ఉద్భవించినట్లు తెలిపారు. ఈ తరంగాలను అమెరికాలోని వాషింగ్టన్, లూసియానాల్లోని లేజర్ ఇంటర్ ఫెరోమీటర్ గ్రావిటేషనల్ వేవ్ అబ్జర్వేటరీ (లిగో)లు, యూరప్‌లోని ఇటలీలో ఏర్పాటు చేసిన విర్గో అబ్జర్వేటరీ తొలిసారి సంయుక్తంగా గుర్తించినట్లు వెల్లడించారు. ఈ రెండు కృష్ణబిలాలు ఢీకొన్న అనంతరం ఏర్పడ్డ కృష్ణబిలం ద్రవ్యరాశి సూర్యుని ద్రవ్యరాశి కంటే 53 రెట్లు ఎక్కువ. 
ఎప్పుడు కనుగొన్నారు ఈ తరంగాలను 2015 సెప్టెంబర్‌లో తొలిసారి, అదే ఏడాది డిసెంబర్‌లో రెండోసారి గుర్తించారు. అనంతరం ఈ ఏడాది జనవరిలో మూడోసారి గురుత్వాకర్షణ తరంగాలను కనుగొన్నారు. తాజాగా ఆగస్ట్ 14న లిగో శాస్త్రవేత్తలు, యూరప్‌కు చెందిన విర్గో పరిశోధకులతో సంయుక్తంగా గురుత్వాకర్షణ తరంగాలను కనుగొన్నారు. 
భారతీయుల కీలక పాత్ర 
గురుత్వాకర్షణ తరంగాలను కనుగొనేందుకు శాస్త్రవేత్తలు చేస్తున్న ప్రయత్నాల్లో భారతీయులు కీలక పాత్ర పోషిస్తున్నారు. లిగో ప్రాజెక్టులో భాగంగా దేశంలోని 13 కేంద్రాల్లో 67 మంది భారత శాస్త్రవేత్తలు పనిచేస్తున్నట్లు లిగో-ఇండియాకు నేతృత్వం వహిస్తున్న సంజీవ్ దురంధర్ తెలిపారు. సీఎంఐ-చెన్నై, ఐసీటీఎస్- బెంగళూరు, ఐఐఎస్‌ఇఆర్-కోల్‌కతా, ఐఐఎస్‌ఇఆర్-తిరువ నంతపురం, ఐఐటీ బాంబే, ఐఐటీ మద్రాస్, ఐఐటీ హైదరాబాద్, ఐపీఆర్ గాంధీనగర్, ఐయూసీఏఏ పూణే, ఆర్‌ఆర్‌సీఏటీ ఇండోర్, టీఐఎఫ్‌ఆర్ ముంబై, యూఏఐఆర్ గాంధీనగర్ తదితర చోట్ల ఈ ప్రాజెక్టుకు సంబంధించి పరిశోధనలు జరుగుతున్నాయి. 
క్విక్ రివ్యూ: 
ఏమిటి : 4వ సారి గురుత్వాకర్షణ తరంగాల గుర్తింపు 
ఎవరు : లిగో శాస్త్రవేత్తలు, యూరప్‌కు చెందిన విర్గో పరిశోధకులు 
ఎక్కడ : భూమికి దాదాపు 180 కోట్ల కాంతి సంవత్సరాల దూరంలో 

చైనా సైన్యంలోకి జే - 20 యుద్ధ విమానం శత్రువుల రాడార్లకు చిక్కకుండా దాడిచేసే సామర్థ్యం కలిగిన స్టెల్త్ ఫైటర్ జే-20 అనే యుద్ధ విమానాన్ని చైనా సైన్యంలో ప్రవేశపెట్టనున్నట్లు ప్రకటించింది. దీని సామర్థ్యాన్ని నిర్ధారించేందుకు ఇప్పటిదాకా పలు రకాల పరీక్షలు నిర్వహించినట్లు చైనా రక్షణశాఖ అధికార ప్రతినిధి వెల్లడించారు. జే-20 చైనా దేశపు నాలుగోతరం యుద్ధవిమానం. 2011లో దీనిని తొలిసారిగా పరీక్షించారు. మరోవైపు ఈ విమానాలను కొనుగోలు చేసేందుకు పాకిస్తాన్ ఆసక్తి కనబరుస్తోంది. 

అంతరిక్ష కేంద్రం ఏర్పాటుకు అమెరికా, రష్యా ఒప్పందం చంద్ర మండల కక్ష్యలో తొలి అంతరిక్ష కేంద్రం ఏర్పాటులో సహకారానికి అమెరికా, రష్యా సెప్టెంబర్ 27న ఒప్పందం కుదుర్చుకున్నాయి. అంగారకుడిపైకి మానవులను పంపడం, అంతరిక్ష పరిశోధనలను మరింత లోతుగా ర్వహించడానికి దీర్ఘకాలిక ప్రణాళికలో భాగంగా ఈ ఒడంబడిక చేసుకున్నారు. అంతరిక్ష కేంద్రాన్ని నాసా సారథ్యంలో ఏర్పాటు చేస్తారు. 

ప్రపంచంలోనే తొలి ఉభయచర సముద్ర డ్రోన్ ప్రపంచంలోనే తొలి మానవ రహిత ఉభయచర విమాన డ్రోన్‌ను చైనా తయారుచేసింది. ఇది జలాంతర్గాములను గుర్తించడంతోపాటు దీవులకు సరుకులను చేరవేయగలదు. షాంఘైలోని యూవీఎన్ ఇంటలిజెన్స్ సిస్టమ్స్ అనే ప్రైవేట్ సంస్థ ఈ వైమానిక వాహనాన్ని రూపొందించింది. యూ650 వాహనాల వాణిజ్య ఉత్పత్తి ప్రారంభమైనట్లు ఆ కంపెనీ సెప్టెంబర్ 25న ప్రకటించింది. 

అంగారకుడిపై సౌర తుపాను 
అంగారక గ్రహంపై సెప్టెంబర్ 11న బలమైన సౌర తుపాను సంభవించినట్లు అమెరికా అంతరిక్ష సంస్థ(నాసా) శాస్త్రవేత్తలు వెల్లడించారు. ఈ తుపాను వల్ల గ్రహంపై రేడియేషన్ స్థాయిలు రెట్టింపయ్యాయని తెలిపారు. తుపాను సమయంలో ఏర్పడిన కాంతి పుంజం నాసా ప్రయోగించిన మావెన్ ఆర్బిటర్ గతంలో పరిశీలించిన కాంతి పుంజాల కన్నా 25 రెట్లు ప్రకాశవంతమైందని వివరించారు. మావెన్ ఆర్బిటర్ 2014 నుంచి అంగారక గ్రహం వాతావరణానికి, సౌర గాలులకు మధ్య సంబంధాన్ని అధ్యయనం చేస్తోంది.

సైన్స్ & టెక్నాలజీ సెప్టెంబరు 2017

సైన్స్ & టెక్నాలజీ సెప్టెంబరు 2017
ఏరోసాల్ రూపొందించిన వారికి నాసా నజరానా 
అతి తక్కువ ఖర్చుతో, తేలికై న ఏరోసాల్ సెన్సార్‌ను రూపొందించిన వారికి లక్ష డాలర్లను నజరానాగా అందజేస్తామని నాసా ప్రకటించింది. ఈ మేరకు రాబర్ట్ వుడ్ జాన్సన్‌‌స ఫౌండేషన్‌తో కలిసి ఎర్త అండ్ స్పేస్ ఎయిర్ ప్రైజ్ కాంపిటీషన్‌ను ప్రకటించింది.
గాలిలో ఉండే అత్యంత సూక్ష్మమైన ఎయిర్ పార్టికల్స్‌ను గుర్తించి, అడ్డుకునే సెన్సార్లే.. ఏరోసాల్స్. వీటిని రూపొందించినట్లయితే భూమిపైన జీవించేవారితోపాటు అంతరిక్షంలో ప్రయోగాలు చేసే వ్యోమగాములకు ఎంతో ఉపయోగకరంగా ఉంటుంది. అందుకే ఈ సెన్సార్ల రూపకల్పనకు నాసా అత్యంత ప్రాధాన్యమిస్తోంది. 
క్విక్ రివ్యూ:
ఏమిటి : ఏరోసాల్ రూపొందించిన వారికి లక్ష డాలర్లు నజరానా 
ఎప్పుడు : సెప్టెంబర్ 20 
ఎవరు : నాసా 
ఎందుకు : గాలిలో ఉండే అత్యంత సూక్ష్మమైన ఎయిర్ పార్టికల్స్‌ను గుర్తించి, అడ్డుకునే సెన్సార్ల రూపకల్పనకు

హిమాచల్‌ప్రదేశ్‌లో దేశంలో తొలి ఎలక్ట్రిక్ బస్ ప్రారంభం పర్యావరణ పరిరక్షణ చర్యల్లో భాగంగా దేశంలో తొలి ఎలక్ట్రిక్ బస్‌ని హిమాచల్ ప్రదేశ్ ప్రభుత్వం సెప్టెంబర్ 22న ప్రారంభించింది. మనాలి - రోహ్‌తంగ్ మధ్య ఉన్న 51 కిలోమీటర్ల మార్గంలో ఈ బస్సు సేవలను ప్రారంభించింది. అలాగే.. త్వరలో కులు ప్రాంతంలో 10 ఎలక్ట్రిక్ బస్సులను ప్రవేశపెట్టనున్నట్ల ఆ రాష్ట్ర ప్రభుత్వం ప్రకటించింది. వచ్చే ఏడాది రాష్ట్రంలోని ఇతర ప్రాంతాల్లోను ఈ తరహా బస్సులను అందుబాటులోకి తేనుంది.
క్విక్ రివ్యూ: 
ఏమిటి : దేశంలో తొలి ఎలక్ట్రిక్ బస్సు సేవలు ప్రారంభం
ఎప్పుడు : సెప్టెంబర్ 22
ఎవరు : హిమాచల్ ప్రదేశ్ ప్రభుత్వం 
ఎక్కడ : మనాలి - రోహ్‌తంగ్ మధ్య
ఎందుకు : పర్యావరణ పరిరక్షణలో భాగంగా 

ఇరాన్ ఖోరంషాహ్ర్ క్షిపణి పరీక్ష సక్సెస్అమెరికా హెచ్చరికలను పట్టించుకోకుండా ఇరాన్ సెప్టెంబర్ 23న మధ్య శ్రేణి క్షిపణి పరీక్షను విజయవంతంగా నిర్వహించింది. ఖోరంషాహ్ర్ అనే ఈ క్షిపణిని ఇరాన్ సైనిక కవాతులో ప్రదర్శించింది. 2,000 కిలో మీటర్ల లోపు దూరంలోని లక్ష్యాలను ఇది ఛేదించగలదనీ, బహుళ సంఖ్యలో వార్‌హెడ్లను మోసుకెళ్లగలదని ఇరాన్ అధికారిక మీడియా వెల్లడించింది. 
ఇరాన్ శత్రుదేశాలైన ఇరాక్, ఇజ్రాయెల్, సౌదీ అరేబియా, గల్ఫ్ ప్రాంతంలోని అమెరికా సైనిక స్థావరాలు ఈ క్షిపణి పరిధిలోకి వస్తాయి. 2015లో ఇరాన్‌కు, ఇతర ప్రధాన దేశాలకు అణు పరీక్షల నిషేధంపై ఒప్పందం కుదిరింది. అమెరికాతోపాటు బ్రిటన్, చైనా, రష్యా, యూరోపియన్ కూటమి ఈ ఒప్పందంపై సంతకాలు చేశాయి. 2025 వరకు అమలులో ఉండే ఈ ఒప్పందం ప్రకారం అణ్వస్త్ర పరీక్షలు జరపకుండా ఇరాన్‌పై ఆంక్షలున్నాయి. క్షిపణి పరీక్షలను జరిపితే ఒప్పందాన్ని రద్దు చేసుకుంటామని అమెరికా హెచ్చరిస్తున్నా ఇరాన్ దుందుడుకుగా వ్యవహరిస్తోంది. 
క్విక్ రివ్యూ: 
ఏమిటి : ఖోరంషాహ్ర్ క్షిపణి పరీక్ష సక్సెస్
ఎప్పుడు : సెప్టెంబర్ 23
ఎవరు : ఇరాన్

పాక్ యాంటి - షిప్ క్షిపణి పరీక్ష విజయవంతంగగనతలం నుంచి సముద్ర ఉపరితలంపైకి ప్రయోగించే యాంటి-షిప్ క్షిపణిని పాకిస్తాన్ నౌకాదళం సెప్టెంబర్ 23న విజయవంతంగా పరీక్షించింది. ఇందుకోసం సీ కింగ్ హెలికాప్టర్లను పాక్ వినియోగించింది. పాకిస్తాన్ గతేడాది బ్రిటన్ నుంచి ఏడు వెస్ట్‌ల్యాండ్ సీ కింగ్ హెలికాప్టర్లను కొనుగోలు చేయగా అవి ఈ సంవత్సరం మేలో దాయాది దేశానికి అందుబాటులోకి వచ్చాయి. హెలికాప్టర్ నుంచి ప్రయోగించే ఈ క్షిపణితో సముద్ర జలాల్లో ఉన్న నౌకలు, ఇతర లక్ష్యాలను చేదించవచ్చు. 
క్విక్ రివ్యూ: 
ఏమిటి : యాంటి - షిప్ క్షిపణి పరీక్ష విజయవంతం
ఎప్పుడు : సెప్టెంబర్ 23
ఎవరు : పాకిస్తాన్

నాసా ఉపగ్రహంతో మలేరియా నివారణ చర్యలు 
 ప్రపంచానికి పెను సవాల్‌గా మారిన ప్రాణాంతక మలేరియా వ్యాధిని అరికట్టడానికి అమెరికాలోని డ్యూక్ యూనివర్సిటీ శాస్త్రవేత్తలు నూతన విధానాన్ని కనుగొన్నారు. నాసా అభివృద్ధి పరిచిన భూపర్యవేక్షక ఉపగ్రహాన్ని ఉపయోగించి ఏ ఏ ప్రాంతాల్లో మలేరియా వ్యాప్తి చెందే అవకాశం ఉందో తెలుసుకొని ముందుగానే నివారణ చర్యలు చేపట్టవచ్చని వెల్లడించారు. 
మలేరియా ప్రభావిత ప్రాంతాల గణాంకాలను సేకరించి.. తదనుగుణంగా ఆయా ప్రాంతాల్లో దోమల నివారణకు దోమల మందు చల్లడం, దోమ తెరలు అందజేయడం, ప్రజల్లో అవగాహనా తేవడానికి ఈ ఉపగ్రహ విధానం ఉపయోగపడుతుంది. 
క్విక్ రివ్యూ: 
ఏమిటి : నాసా ఉపగ్రహంతో మలేరియాను నివారించే విధానం 
ఎప్పుడు : సెప్టెంబర్ 14 
ఎవరు : డ్యూక్ యూనివర్సిటీ శాస్త్రవేత్తలు 
ఎక్కడ : అమెరికాలో 

మరోసారి జపాన్ మీదుగా ఉత్తరకొరియా క్షిపణి జపాన్ భూభాగం మీదుగా ఉత్తరకొరియా మరోసారి ఖండాంతర క్షిపణిని ప్రయోగించింది. ప్యాంగ్‌యాంగ్ నుంచి సెప్టెంబర్ 15న ఈ క్షిపణిని ప్రయోగించింది. సుమారు 770 కిలోమీటర్ల ఎత్తులో.. 3,700 కిలోమీటర్లు ప్రయాణించి క్షిపణి సముద్రంలో పడిందని దక్షిణకొరియా రక్షణ శాఖ వెల్లడించింది. మూడు వారాల క్రితం జపాన్ భూభాగం మీదుగా ఉత్తరకొరియా క్షిపణి ప్రయోగం చేపట్టింది. అలాగే ఈ నెలలో మరోసారి అణుపరీక్షలను కూడా నిర్వహించింది. ఈ నేపథ్యంలో ఐక్యరాజ్యసమితి కొత్తగా ఉత్తరకొరియాపై ఆంక్షలు విధించింది. 

శనిగ్రహంపై ముగిసిన స్పేస్‌క్రాఫ్ట్ కస్సీని ప్రస్థానం శనిగ్రహానికి(సాటర్న్) సంబంధించిన వివరాలను, విశేషాలను అద్భుత చిత్రాల రూపంలో అందించిన కస్సీని అంతరిక్ష నౌక 20 ఏళ్ల ప్రస్థానం సెప్టెంబర్ 15తో ముగిసింది. ఈ మేరకు కస్సీని ప్రస్థానానికి ముగింపునిచ్చేందుకు నాసా శాస్త్రవేత్తలు దానిని శనిగ్రహ వాతావరణంలోకి పంపించి, దానికదే మండిపోయేలా చేశారు. 
అమెరికా అంతరిక్ష పరిశోధన సంస్థ నాసా శనిగ్రహ సమాచార సేకరణ కోసం ఈ నౌకను 1997 అక్టోబర్‌లో ప్రయోగించింది. జూలై 2004 నుంచి 2017 సెప్టెంబర్ వరకు కస్సీని 4.5 లక్షల చిత్రాలను, 635 గిగాబైట్ల సమాచారాన్ని పంపించింది. ఆ వివరాలు ముఖ్యంగా శనిగ్రహానికి, ఆ గ్రహానికి చెందిన 62 ఉపగ్రహాలకు సంబంధించినవి. 

‘అస్త్ర’ క్షిపణి పరీక్ష విజయవంతం 
స్వదేశీ పరిజ్ఞానంతో రూపొందించిన అస్త్ర (గగనతలంలో సుదూర లక్ష్యాలను సైతం ఛేదించే-బీవీఆర్‌ఏఏఎమ్) క్షిపణిపై వివిధ దశల్లో నిర్వహించిన పరీక్ష విజయవంతంగా పూర్తయింది. నాలుగురోజుల పాటు జరిగిన ఈ క్షిపణి ట్రయల్స్ సఫలీకృతమయ్యాయని రక్షణ శాఖ సెప్టెంబర్ 15న ప్రకటించింది. సెప్టెంబర్ 11 నుంచి 14 వరకు ఒడిశాలోని చాందీపూర్ తీరం నుంచి ఈ పరీక్షలు జరిగాయి. ఈ ప్రయోగం సఫలీకృతం కావటంతో త్వరలోనే భారత వైమానిక దళంలోకి ప్రవేశపెట్టనున్నారు. 
క్విక్ రివ్యూ: 
ఏమిటి : అస్త్ర క్షిపణి పరీక్షలు విజయవంతం 
ఎప్పుడు : సెప్టెంబర్ 11 - 14 
ఎవరు : రక్షణ శాఖ 
ఎక్కడ : చాందీపూర్ తీరం, ఒడిశా 
ఎందుకు : గగనతలంలో సుదూర లక్ష్యాలను సైతం ఛేదించే-బీవీఆర్‌ఏఏఎమ్ 

మూడో శతాబ్దంలోనే భారత్‌లో సున్నా గణితంలో ఎంతో కీలకమైన సున్నాను భారతీయులు మూడో శతాబ్దంలోనే విరివిగా వినియోగించారని బ్రిటన్‌లోని ఆక్స్‌ఫర్డ్ విశ్వవిద్యాలయం శాస్త్రవేత్తలు తెలిపారు. అవిభక్త భారత్‌లోని బక్షాలి గ్రామంలో(ఇప్పటి పాకిస్తాన్‌లో ఉంది) 1881లో ఓ పొలంలో దొరికిన రాతప్రతిని కార్బన్ డేటింగ్ ప్రక్రియ ద్వారా పరిశీలించిన శాస్త్రవేత్తలు ఈ విషయాన్ని నిర్ధారించారు. 
ఇప్పటివరకు మధ్యప్రదేశ్‌లోని గ్వాలియర్‌లో 9వ శతాబ్దానికి చెందిన ఓ దేవాలయం గోడలపై ఉన్న సున్నాయే ప్రాచీనమని భావించినట్లు పరిశోధనలో పాల్గొన్న ఆక్స్‌ఫర్డ్ ప్రొఫెసర్ మార్కస్ డు సౌటోయ్ వెల్లడించారు. గతంలో పరిశోధకులు బక్షాలి రాతప్రతిని 8 నుంచి 12వ శతాబ్ద కాలానికి చెందినదిగా భావించినట్లు పేర్కొన్నారు. 

గూగుల్ ‘తేజ్’ సేవలు ప్రారంభం 
డిజిటల్ చెల్లింపుల కోసం టెక్నాలజీ దిగ్గజం గూగుల్ సంస్థ రూపొందించిన ‘తేజ్’ యాప్‌ని సెప్టెంబర్ 18న కేంద్ర ఆర్థిక మంత్రి అరుణ్ జైట్లీ ఆవిష్కరించారు. ఇది కేవలం భారత మార్కెట్ కోసమే తీసుకొచ్చిన యాప్ అని, ఎలక్ట్రానిక్ చెల్లింపులను మరింత భద్రంగా సులభంగా నిర్వహించడమే తేజ్ లక్ష్యమని గూగుల్ పేర్కొంది. 
కేంద్ర ప్రభుత్వ యూనిఫైడ్ పేమెంట్స్ ఇంటర్‌ఫేస్ (యూపీఐ) ఆధారంగా పనిచేసే ఈ యాప్ ఆండ్రాయిడ్, ఐవోఎస్ యూజర్లకు అందుబాటులో ఉంటుంది. యాప్‌లోకి బ్యాలన్స్ లోడ్ చేసుకునే అవసరం లేకుండా.. నేరుగా బ్యాంకు ఖాతా నుంచే చెల్లింపులు చేసుకోవచ్చు. ఇంగ్లిష్‌తోపాటు తెలుగు సహా ఏడు భారతీయ భాషల్లో ఇది అందుబాటులో ఉంది. 
తేజ్ సేవలకు గాను గూగుల్ యాక్సిస్ బ్యాంకు, హెచ్‌డీఎఫ్‌సీ బ్యాంకు, ఐసీఐసీఐ బ్యాంకు, ఎస్‌బీఐలతో భాగస్వామ్యం కుదుర్చుకుంది. అలాగే.. యూపీఐ ప్లాట్‌ఫామ్‌పై అందుబాటులో ఉన్న 50 బ్యాంకుల కస్టమర్లు తేజ్ సేవలు వినియోగించుకోవచ్చు. 
క్విక్ రివ్యూ: 
ఏమిటి : డిజిటల్ చెల్లింపుల యాప్ తేజ్ ప్రారంభం 
ఎప్పుడు : సెప్టెంబర్ 18
ఎవరు : గూగుల్ 
ఎక్కడ : భారత్‌లో

డ్రైవర్‌లెస్ ట్రాక్టర్‌ను ఆవిష్కరించిన మహీంద్రా ప్రముఖ వాహన తయారీ కంపెనీ ‘మహీంద్రా అండ్ మహీంద్రా’ (ఎంఅండ్ఎం) దేశంలోనే తొలిసారిగా డ్రైవర్‌లెస్ ట్రాక్టర్‌ను మార్కెట్‌లో ఆవిష్కరించింది. కంపెనీ దీన్ని వచ్చే ఏడాది దశల వారీగా అందుబాటులోకి తీసుకురానుంది. చెన్నైలోని మహీంద్రా రీసెర్చ్ వ్యాలీలో ఈ ట్రాక్టర్‌ను అభివృద్ధి చేశారు. ఇక 20 హెచ్‌పీ- 100 హెచ్‌పీ శ్రేణిలోని ట్రాక్టర్లలోనూ డ్రైవర్‌లెస్ టెక్నాలజీని అందుబాటులోకి తీసుకురావాలని కంపెనీ భావిస్తోంది.
క్విక్ రివ్యూ: 
ఏమిటి : డ్రైవర్‌లెస్ ట్రాక్టర్ ఆవిష్కరణ 
ఎప్పుడు : సెప్టెంబర్ 19
ఎవరు : మహింద్రా అండ్ మహింద్రా

నాగ్ క్షిపణి పరీక్ష విజయవంతం దేశీయంగా తయారైన మూడో తరం ఏటీజీఎం(యాంటీ-ట్యాంక్ గెడైడ్ మిసైల్) నాగ్ పరీక్ష విజయవంతమైంది. ఈ మేరకు సెప్టెంబర్ 8న రక్షణ పరిశోధన, అభివృద్ధి సంస్థ (డీఆర్‌డీవో) నాగ్ క్షిపణిని రాజస్తాన్ ఎడారిలో రెండు సార్లు పరీక్షించగా విజయవంతంగా లక్ష్యాన్ని ఛేదించింది. దీంతో ఈ క్షిపణి ప్రయోగ పరీక్షలు పూర్తయ్యాయి. 
ఈ ఏడాది జూన్‌లోనూ ఈ క్షిపణిని విజయవంతంగా పరీక్షించారు. 7 కిలోమీటర్ల దూరంలోని లక్ష్యాలను ఇది నాశనం చేయగలదు. 
క్విక్ రివ్యూ: 
ఏమిటి :
 నాగ్ క్షిపణి పరీక్ష విజయవంతం 
ఎప్పుడు : సెప్టెంబర్ 8
ఎవరు : రక్షణ పరిశోధన, అభివృద్ధి సంస్థ 
ఎక్కడ : రాజస్తాన్‌లోని ఎడారిలో 
ఎందుకు : 7 కిలోమీటర్ల దూరంలోని లక్ష్యాలను ఛేదించేందుకు 

అతి భారీ కృష్ణ బిలం గుర్తింపు
మన పాలపుంత కేంద్ర భాగంలో అతి భారీ కృష్ణ బిలాన్ని జపాన్ శాస్త్రవేత్తలు గుర్తించారు. ఇది సూర్యుని కన్నా దాదాపు లక్ష రెట్లు ఎక్కువ సైజులో ఉంటుందని, పాల పుంత కేంద్ర భాగంలోని విష వాయువుల సమూహం వెనక (కేంద్ర భాగానికి 200 కాంతి సంవత్సరాల దూరంలో 150 ట్రిలియన్ కిలోమీటర్ల మేర) ఉందని తెలిపారు. మన గెలాక్సీలోని సాజిటేరియస్-ఏ అనే కృష్ట బిలమే ఇప్పటివరకు అత్యంత పెద్దది. ప్రస్తుతం కనుగొన్న కృష్ణ బిలం రెండో అతి పెద్దదై ఉండొచ్చని భావిస్తున్నారు. కృష్ణ బిలం దగ్గర నుంచి రేడియో తరంగాలు ఉద్భవిస్తున్నాయని పేర్కొన్నారు.

పీఎస్‌ఎల్వీ-సీ39 ప్రయోగం విఫలం భారత అంతరిక్ష పరిశోధన సంస్థ(ఇస్రో) ఆగస్టు 31న చేపట్టిన పీఎస్‌ఎల్‌వీ- సీ 39 రాకెట్ ప్రయోగం సాంకేతిక లోపం కారణంగా విఫలమైంది. భారత్‌కు సొంత దిక్సూచి వ్యవస్థను సమకూర్చడంలో భాగంగా పీఎస్‌ఎల్‌వీ రాకెట్ మోసుకెళ్లిన ఐఆర్‌ఎన్‌ఎస్‌ఎస్-1హెచ్ ఉపగ్రహం నిర్దేశిత కక్ష్యలోకి చేరలేకపోయింది. ఉష్ణకవచం (హీట్ షీల్డ్) రాకెట్ నుంచి వేరుపడకపోవడంతో దానిలో ఉన్న ఉపగ్రహం కక్ష్యలోకి వెళ్లలేదనీ, నాలుగో దశలోనే ఇరుక్కుపోయిందని ఇస్రో వెల్లడించింది. 
కాగా పోలార్ శాటిలైట్ లాంచ్ వెహికల్‌కు సంక్షిప్త రూపమైన పీఎస్‌ఎల్‌వీ రాకెట్ ప్రయోగం వైఫల్యం చెందడం గత 24 ఏళ్లలో ఇదే తొలిసారి. పీఎస్‌ఎల్‌వీ చరిత్రలోనే రెండోసారి. 1993 సెప్టెంబరు 20న ప్రయోగించిన పీఎస్‌ఎల్వీ-డీ1 అనే రాకెట్ ఐఆర్‌ఎస్-1ఈ ఉపగ్రహాన్ని నింగికి మోసుకెళ్లడంలో తొలిసారి విఫలమైంది. 
క్విక్ రివ్యూ: 
ఏమిటి : పీఎస్‌ఎల్‌వీ సీ - 39 ప్రయోగం విఫలం 
ఎప్పుడు : ఆగస్టు 31
ఎవరు : ఇస్రో 
ఎక్కడ : శ్రీహరికోట, నెల్లూరు

ఆరోసారి అణు పరీక్షలు జరిపిన ఉత్తర కొరియా ఉత్తరకొరియా ఆరోసారి అణు పరీక్షను విజయవంతంగా నిర్వహించింది. ఈ మేరకు ఆరో అణు పరీక్షను విజయవంతంగా పూర్తి చేశామని, ఈసారి అత్యంత శక్తివంతమైన హైడ్రోజన్ బాంబును పరీక్షించామని ఉత్తరకొరియా సెప్టెంబర్ 3న ప్రకటించింది. ఈ అణు పరీక్ష వాస్తవిక సామర్థ్యం ఎంత అనేదానిపై స్పష్టత రాలేదు. దక్షిణకొరియా వాతావరణ ఏజెన్సీ మాత్రం ప్రస్తుత ప్రయోగం వల్ల వచ్చిన ప్రకంపనలు గత ప్రయోగాల కంటే ఐదారురెట్లు ఎక్కువని వెల్లడించింది. దీని వల్ల చైనా, రష్యాలో పలు భవనాలు కంపించినట్టు పేర్కొంది. 
క్విక్ రివ్యూ: 
ఏమిటి : హైడ్రోజన్ బాంబుని పరీక్షించిన ఉత్తర కొరియా 
ఎప్పుడు : సెప్టెంబర్ 3
ఎక్కడ : ఉత్తర కొరియాలో 

అతి భారీ కృష్ణబిలాన్ని గుర్తించిన శాస్త్రవేత్తలుమన పాలపుంత కేంద్ర భాగంలో అతి భారీ కృష్ణబిలాన్ని శాస్త్రవేత్తలు గుర్తించారు. సూర్యుడి కంటే దాదాపు లక్ష రెట్లు ఎక్కువ పరిమాణాన్ని ఇది కలిగి ఉంటుందని తెలిపారు. ఇది మన పాలపుంత కేంద్ర భాగంలో ఉన్న విష వాయువుల సమూహం వెనుక దాక్కుని ఉందన్నారు. మన గెలాక్సీలోని ‘సాజిటేరియస్ ఏ’ అనే కృష్ణ బిలం ఇప్పటివరకు అత్యంత పెద్దది. అయితే, ప్రస్తుతం కనుగొన్న ఈ కృష్ణబిలం రెండో అతిపెద్దది అయి్య ఉండవచ్చని భావిస్తున్నారు. మన పాలపుంత కేంద్ర భాగానికి దాదాపు 200 కాంతి సంవత్సరాల దూరంలో ఈ కృష్ణబిలం ఉంది. ఇది దాదాపు 150 ట్రిలియన్ కిలోమీటర్ల మేర వ్యాపించి ఉన్నట్లు పేర్కొన్నారు. కృష్ణబిలం దగ్గర నుంచి రేడియో తరంగాలు ఉద్భవిస్తున్నాయి.

సైన్స్ & టెక్నాలజీ ఆగష్టు 2017

సైన్స్ & టెక్నాలజీ ఆగష్టు 2017
హ్యాష్‌ట్యాగ్‌కు పదేళ్లు పూర్తి 
సామాజిక మాధ్యమాల్లో కీలకంగా వాడే హ్యాష్‌ట్యాగ్ (#)కు ఆగస్టు 23తో పదేళ్లు పూర్తయ్యాయి. అమెరికాకు చెందిన క్రిస్ మెస్సినా అనే సామాజిక మాధ్యమ నిపుణుడు హ్యాష్‌ట్యాగ్ విధానాన్ని రూపొందించి, తొలిసారిగా 2007 ఆగస్టు 23న ఓ ట్వీట్‌లో ‘#barcamp’ అనే హ్యాష్‌ట్యాగ్‌ను వాడారు. అప్పటి నుంచి ఇది ప్రచారంలోకి వచ్చింది. 
క్విక్ రివ్యూ: ఏమిటి : హ్యాష్‌ట్యాగ్‌కు పదేళ్లు పూర్తి 
ఎప్పుడు : ఆగస్టు 23
ఎవరు : క్రిస్ మెస్సినా 

ఎల్‌ఆర్ సామ్ క్షిపణిని నేవీకి అప్పగించిన జైట్లీ హైదరాబాద్‌లోని కంచన్‌బాగ్ బీడీఎల్‌లో ఆగస్టు 28న జరిగిన కార్యక్రమంలో పాల్గొన్న రక్షణ శాఖమంత్రి అరుణ్ జైట్లీ.. సామ్ క్షిపణిని నావికాదళానికి అప్పగించారు. అలాగే.. బార్‌కోడ్‌తో రూపొందించిన బీఎంపీ-2 వాహనాలను రక్షణ శాఖకు అంకితమిచ్చారు. అధునాతన ఎల్‌ఆర్ సామ్ క్షిపణిని బీడీఎల్, మిథాని సంయుక్తంగా రూపొందించాయి. పటాన్‌చెరులోని బీడీఎల్ పరిశ్రమలో అస్త్ర క్షిపణుల తయారీ ప్రాజెక్టు కార్యాలయాన్ని, కొత్తగా ఏర్పాటు చేసిన 5 మెగావాట్ల సోలార్ పవర్ ప్లాంట్‌ను జైట్లీ ప్రారంభించారు. 
క్విక్ రివ్యూ: ఏమిటి : ఎల్‌ఆర్ సామ్ క్షిపణి నేవీకి అప్పగింత 
ఎప్పుడు : ఆగస్టు 28
ఎవరు : రక్షణశాఖ మంత్రి అరుణ్ జైట్లీ 
ఎక్కడ : హైదరాబాద్‌లో 

జపాన్ మీదుగా ఉత్తర కొరియా క్షిపణి
వరుసగా క్షిపణి ప్రయోగాలు చేపడుతూ ప్రపంచవ్యాప్తంగా ఆందోళనలు రేకెత్తిస్తున్న ఉత్తర కొరియా ఆగస్టు 29న జపాన్ మీదుగా బాలిస్టిక్ క్షిపణిని ప్రయోగించింది. ఉత్తర కొరియాలోని సునన్ ప్రాంతం నుంచి ప్రయోగించిన ఈ క్షిపణి జపాన్ మీదుగా ప్రయాణించి ఉత్తర పసిఫిక్ మహాసముద్రంలో పడింది. 2,700 కిలోమీటర్లు ప్రయాణించిన ఈ క్షిపణి గరిష్టంగా 550 కిలోమీటర్ల ఎత్తులోని లక్ష్యాలను ఛేదించగలదు. దీనిపై జపాన్ ప్రభుత్వం తీవ్ర ఆందోళన వ్యక్తం చేసింది.
తాజా క్షిపణి ప్రయోగంతో తీవ్ర ఉద్రిక్త పరిస్థితులు నెలకొన్నందున.. ఉత్తర కొరియాపై ఒత్తిడిని తీవ్రతరం చేసేలా అమెరికా, జపాన్‌లు ఓ నిర్ణయానికి వచ్చాయి. ఈ అంశంపై చర్చించేందుకు అత్యవసర సమావేశాన్ని ఏర్పాటు చేయాల్సిందిగా ఐక్యరాజ్యసమితిని కోరాయి. 
క్విక్ రివ్యూ: ఏమిటి : జపాన్ మీదుగా ఉత్తర కొరియా క్షిపణి 
ఎప్పుడు : ఆగస్టు 29
ఎవరు : ఉత్తర కొరియా

సైన్యానికి బోయింగ్ అపాచీ హెలికాప్టర్లు భారత సైన్యం కోసం అమెరికా దిగ్గజ సంస్థ బోయింగ్ నుంచి ఆరు అపాచీ హెలికాప్టర్ల కొనుగోలుకు కేంద్రం ఆమోదం తెలిపింది. రక్షణ మంత్రి అరుణ్ జైట్లీ అధ్యక్షతన ఆగస్టు 17న సమావేశమైన రక్షణ సామాగ్రి సేకరణ మండలి (డీఏసీ) రూ.4,168 కోట్ల విలువైన ఈ ఒప్పందానికి ఆమోదముద్ర వేసింది. మరో మూడేళ్లలో వీటిని భారత సైన్యానికి అప్పగించనున్నారు. 
ఒప్పందంలో భాగంగా బోయింగ్ సంస్థ దాడికి ఉపయోగించే ఆరు అపాచీ హెలికాప్టర్లతో పాటు ఆయుధ వ్యవస్థ, మందుగుండు, విడిభాగాలు, శిక్షణ అందించనుంది. 2015, సెప్టెంబర్‌లో భారత వైమానిక దళం(ఐఏఎఫ్) కోసం ఆర్డర్ ఇచ్చిన 22 అపాచీ, 15 చినూక్ హెలికాప్టర్లకు అదనంగా ఇవి భారత అమ్ములపొదిలో చేరనున్నాయి. 
క్విక్ రివ్యూ: 
ఏమిటి : ఆరు అపాచీ హెలికాప్టర్ల కొనుగోలు ఒప్పందానికి ఆమోదం 
ఎప్పుడు : ఆగస్టు 17
ఎవరు : రక్షణ సామాగ్రి సేకరణ మండలి 
ఎక్కడ : అమెరికా దిగ్గజ సంస్థ బోయింగ్ నుంచి 

కేరళలో రెండు కొత్త వానపాము జాతుల గుర్తింపు కేరళలోని పశ్చిమ కనుమల్లో శాస్త్రవేత్తలు రెండు కొత్తరకం వానపాము జాతులను గుర్తించారు. వీటికి ద్రవిడ డైవర్టిక్యులట, ద్రవిడ తోమసిగా నామకరణం చేశారు. అయితే కొత్తగా గుర్తించిన ఈ రెండు జాతుల మధ్య కూడా చాలా తేడాలున్నాయని కేరళలలోని మహాత్మాగాంధీ యూనివర్సిటీ, హిమాచల్ ప్రదేశ్‌లోని స్కూలిని యూనివర్సిటీ పరిశోధకులు వెల్లడించారు.
ద్రవిడ డైవర్టిక్యులేట ఒంటిపై పదుల సంఖ్యలో ఖండికలుండగా కీలక అవయవాలన్నీ శరీరానికి ముందు భాగంలో ఉన్నాయి. మున్నార్ ప్రాంతంలోని షోలా గడ్డి భూములు, ఎరావికుళం నేషనల్ పార్క్‌లో వీటి సంఖ్య ఎక్కువగా ఉంది.
ఇక ద్రవిడ తోమసిగా నామకరణం చేసిన మరో జాతిని కొజిప్పారా జలపాతం సమీపంలోని భూముల్లో గుర్తించారు. ఈ రెండు వానపాములు కూడా మోనిలిగాస్ట్రిడే జాతికి చెందిన జీవులు.
క్విక్ రివ్యూ: 
ఏమిటి : రెండు కొత్త వానపాము జాతుల గుర్తింపు 
ఎప్పుడు : ఆగస్టు 18
ఎవరు : మహాత్మాగాంధీ యూనివర్సిటీ, స్కూలిని యూనివర్సిటీ పరిశోధకులు
ఎక్కడ : కేరళలో 

ఇస్రో, నాసా ఆధ్వర్యంలో నిసార్ ప్రాజెక్టు భూమిపై వాతావరణ మార్పులు, సముద్ర మట్టాలు, నేలల పరిశీలన కోసం ఇస్రో, నాసా సంస్థలు నిసార్ ప్రాజెక్టును చేపట్టనున్నాయి. ఈ కార్యక్రమంలో భాగంగా అంతరిక్షంలో నిఘా సెన్సార్లను ఏర్పాటు చేయనున్నాయని.. అహ్మదాబాద్‌లోని స్పేస్ అప్లికేషన్ సెంటర్ డెరైక్టర్ తపన్ మిశ్రా ఆగస్టు 20న వెల్లడించారు. అత్యయిక పరిస్థితులలో వీలైనంత వేగంగా స్పందించి సహాయ సహకారాలు అందించేందుకు ఈ సెన్సార్లు ఉపయోగపడతాయి.
క్విక్ రివ్యూ: 
ఏమిటి : భూమి పరిశీలన కోసం నిసార్ ప్రాజెక్టు 
ఎవరు : ఇస్రో, నాసా 
ఎందుకు : సెన్సార్ల ద్వారా వాతారవరణ మార్పులు, సముద్ర మట్టాలు, నేలల పరిశీలన కోసం 

అమెరికాలో 99 ఏళ్ల తర్వాత సంపూర్ణ సూర్యగ్రహణం అమెరికాలో ఆగస్టు 21న సంపూర్ణ సూర్యగ్రహణం కనువిందు చేసింది. పశ్చిమ తీరంలో ఒరెగాన్‌లోని లింకన్ బీచ్‌లో మొదలైన ఈ అద్భుతం 14 రాష్ట్రాల గుండా సాగింది. గ్రహణంతో అమెరికాలో 14 రాష్ట్రాల మీదుగా 70.కి.మీ వెడల్పు ప్రాంతం చీకటిమయమైంది. ఒరెగాన్ రాష్ట్రంలో మొదలై తూర్పు తీరమైన దక్షిణ కరోలినా రాష్ట్రంలో ముగిసింది. సంపూర్ణ సూర్యగ్రహణం మాత్రం 90 నిమిషాలు కొనసాగింది. ఈ సూర్యగ్రహణాన్ని వీక్షించేందుకు ప్రపంచ నలుమూలల నుంచి వందల మంది ఖగోళ శాస్త్రవేత్తలు తరలివచ్చారు. దాదాపు 99 ఏళ్ల తర్వాత అమెరికాలో ఏర్పడిన సంపూర్ణ సూర్య గ్రహణాన్ని నాసా ప్రత్యక్ష ప్రసారం చేసింది. 
క్విక్ రివ్యూ: 
ఏమిటి : సంపూర్ణ సూర్యగ్రహణం 
ఎప్పుడు : ఆగస్టు 21 
ఎక్కడ : అమెరికాలో 
ఎందుకు : 14 రాష్ట్రాల మీదుగా సాగిన సూర్యగ్రహం 

రోదసీలోకి చేరిన తొలి సూపర్ కంప్యూటర్మొట్టమొదటి సూపర్ కంప్యూటర్ (స్పేస్ బర్నో కంప్యూటర్) ఆగస్టు 16న అంతర్జాతీయ అంతరిక్ష కేంద్రానికి చేరింది. ఈ ప్రయోగాన్ని ఆగస్టు 7న ఫ్లోరిడాలోని కేప్‌కెనవారాల్‌లో నిర్వహించారు. స్పేస్ ఎక్స్ సంస్థకు చెందిన 2,900 కిలోల మానవ రహిత రవాణా వ్యోమ నౌక డ్రాగన్ ఈ సూపర్ కంప్యూటర్‌ను మోసుకెళ్లింది. ఇప్పటికే రోదసీలో ఉన్న వ్యోమగాములకు ఈ నౌక ఆహారం, ప్రత్యేక దుస్తులను కూడా తీసుకెళ్లినట్లు నాసా పేర్కొంది. సూపర్ కంప్యూటర్‌ను హ్యూలెట్ ఎయాకార్డ్ సంస్థ రూపొందించింది. ఇది స్పేస్ ఎక్స్‌కు సంబంధించి 12వ అంతరిక్ష ప్రయోగం. ఈ సూపర్ కంప్యూటర్ అంతరిక్షంలోని ప్రతికూల వాతావరణంలో పనిచేయగలదా లేదా అనే అంశాన్ని పరిశోధకులు పరీక్షించనున్నారు.

నౌకాదళంలోకి ఉభయచర యుద్ధనౌక నేల పైన, సముద్రంలోనూ పోరాడగల ఉభయచర యుద్ధనౌక ఆగస్టు 21న భారత నౌకాదళంలో చేరింది. ఈ అధునాతన ల్యాండింగ్ క్రాఫ్ట్ యుటిలిటీ (ఎల్‌సీయూ) ద్వారా యుద్ధ ట్యాంకులను, ఇతర భారీ ఆయుధ వ్యవస్థలను, సైనిక బలగాలను యుద్ధ రంగానికి రవాణా చేయొచ్చు. దీన్ని కోల్‌కతాలోని గార్డెన్ రీచ్ షిప్ బిల్డర్స్ అండ్ ఇంజనీర్స్ సంస్థ స్వదేశీ పరిజ్ఞానంతో రూపొందించింది. ఈ యుద్ధ నౌక అండమాన్ దీవుల్లో విధులు నిర్వర్తిస్తుంది. ఈ శ్రేణికి చెందిన మరో ఆరు నౌకలు నిర్మాణంలో ఉన్నాయి. ఇవి వచ్చే రెండేళ్లలో నౌకాదశంలో చేరనున్నాయి.

తెలుగులోనూ గూగుల్ సెర్చ్ టెక్నాలజీ దిగ్గజ కంపెనీ ‘గూగుల్’ తాజాగా తన వాయిస్ సెర్చ్ ఫీచర్‌కు తెలుగు భాషను యాడ్ చేసింది. దీంతో ఇక తెలుగులో చెబుతూనే గూగుల్‌లో కంటెంట్‌ను సెర్చ్ చేయవచ్చు. తెలుగుతోపాటు ఇకనుంచి తమిళ్, మలయాళం, బెంగాలీ, గుజరాతీ, కన్నడ, మరాఠీ, ఉర్దూ భాషల్లోనూ గూగుల్ సెర్చ్ చేయొచ్చు. ఇదివరకు కేవలం ఆంగ్లం, హిందీలో మాత్రమే గూగుల్ వాయిస్ సెర్చ్ అందుబాటులో ఉండేది. స్మార్ట్‌ఫోన్ యూజర్లు తెలుగులో చెబుతూ గూగుల్ సెర్చ్ చేయాలనుకుంటే.. గూగుల్ యాప్‌లోకి వెళ్లి సెట్టింగ్‌‌సలో ఉన్న ‘సెర్చ్ లాంగ్వేజ్’ ఆప్షన్‌లో ఆంగ్లం బదులుగా తెలుగును ఎంపిక చేసుకోవాల్సి ఉంటుంది. 
క్విక్ రివ్యూ: 
ఏమిటి : తెలుగులో గూగుల్ సెర్చ్ 
ఎప్పుడు : ఆగస్టు 14
ఎవరు : గూగుల్ సంస్థ

తీర ప్రాంత అప్రమత్తతకు "సాగర్ వాణి" ప్రారంభం సముద్రంలోని వాతావరణ పరిస్థితులపై మత్స్యకారులు, తీర ప్రాంత ప్రజలను అప్రమత్తం చేసేందుకు కేంద్ర ప్రభుత్వం జూలై 29న సాగర్‌వాణి అనే వ్యవస్థను ప్రారంభించింది. The Integrated Information Dissemination System (IDS) వ్యవస్థతో దేశంలో తొలిసారి ప్రారంభించిన ఈ విధానం ద్వారా మత్య్స వృత్తిపై ఆధారపడిన 9.27 లక్షల మందికి సముద్ర రక్షణకు సంబంధించిన సమాచారం పంపుతారు. రేడియా, టీవీ, వాయిస్ కాలింగ్, సంక్షిప్త సందేశాలు, సామాజిక మాధ్యమాలు, మొబైల్ ఆప్స్ ద్వారా ప్రాంతీయ భాషల్లో సమాచారాన్ని చేరవేస్తారు. Indian National Centre for Ocean Information Services (INCOIS) ఈ వ్యవస్థను అభివృద్ధి చేసింది. 
క్విక్ రివ్యూ: ఏమిటి : సాగర్‌వాణి ప్రారంభం 
ఎప్పుడు : ఆగస్టు 1
ఎవరు : కేంద్ర ప్రభుత్వం 
ఎక్కడ : దేశవ్యాప్తంగా 
ఎందుకు : తీరప్రాంత ప్రజలకు సముద్ర రక్షణ సంబంధిత సమాచారం చేరవేసేందుకు