AIMS DARE TO SUCCESS MADE IN INDIA

Saturday, 25 November 2017

క్రీడలు ఫిబ్రవరి 2015

క్రీడలు ఫిబ్రవరి 2015
ప్రపంచకప్‌లో గేల్ డబుల్ సెంచరీ
 క్రికెట్ ప్రపంచకప్‌లో వెస్టిండీస్ ఆటగాడు క్రిస్‌గేల్ 215 పరుగులు చేసి రికార్డు నెలకొల్పాడు. కాన్‌బెర్రాలో ఫిబ్రవరి 24న జింబాబ్వేతో జరిగిన మ్యాచ్‌లో గేల్ డబుల్ సెంచరీ చేసి ప్రపంచకప్‌లో ఈ ఘనత సాధించిన మొదటి వ్యక్తిగా రికార్డుకెక్కాడు. ఈ మ్యాచ్‌లో గేల్ 147 బంతుల్లో 215 పరుగులు చేశాడు. శామ్యూల్ (133)తో కలిసి గేల్ చేసిన 372 పరుగులు వన్డేలో ఏ వికెట్‌కైనా అత్యధిక భాగస్వామ్యంగా నమోదైంది. గతంలో టెండూల్కర్, సెహ్వాగ్, రోహిత్ శర్మ వన్డేల్లో డబుల్ సెంచరీలు సాధించారు.

సోమ్‌దేవ్‌కు ఢిల్లీ ఓపెన్ టైటిల్
ఢిల్లీ ఓపెన్ టెన్నిస్ టోర్నమెంట్ టైటిల్‌ను సోమ్‌దేవ్ దేవ్‌వర్మన్ (భారత్) గెలుచుకున్నాడు. న్యూఢిల్లీలో ఫిబ్రవరి 22న ముగిసిన పురుషుల సింగిల్స్ ఫైనల్స్‌లో యూకీ బాంబ్రీ (భారత్)ని సోమ్‌దేవ్ ఓడించాడు.
పురుషుల డబుల్స్ టైటిల్‌ను అలెగ్జాండర్ కుద్రెత్సవ్ (రష్యా), ఇగోర్ జెరసిమోవ్ (బెలారస్) గెలుచుకున్నారు. 
జ్యూరిచ్ క్లాసిక్ చెస్ టోర్నీ టైటిల్
హికారు నకముర (అమెరికా) జ్యూరిచ్ క్లాసిక్ చెస్ టోర్నమెంట్ గెలుచుకున్నాడు. విశ్వనాథన్ ఆనంద్ 2వ స్థానంలో నిలిచాడు. 
రాంచీ రేస్‌కు హాకీ ఇండియా లీగ్ టైటిల్
హాకీ ఇండియా లీగ్ 3వ సీజన్ టైటిల్ ధోని జట్టు రాంచీ రేస్ గెలుచుకుంది. ఫిబ్రవరి 22న జరిగిన తుది పోరులో పంజాబ్ వారియర్స్‌ను రాంచీ ఓడించింది.
ఐసీసీ హాల్ ఆఫ్ ఫేమ్‌లో కుంబ్లే
భారత మాజీ కెప్టెన్ అనిల్ కుంబ్లేకు అరుదైన గౌరవం దక్కింది. ఐసీసీ హాల్ ఆఫ్ ఫేమ్‌లో తనకు 77వ సభ్యుడిగా చోటు కల్పించనున్నారు. ఫిబ్రవరి 22న దక్షిణాఫ్రికాతో జరిగే వన్డే సందర్భంగా కుంబ్లే పేరును హాల్ ఆఫ్ ఫేమ్‌లో చేర్చనున్నారు. ప్రస్తుత ఐసీసీ క్రికెట్ కమిటీ చైర్మన్‌గా వ్యవహరిస్తున్న కుంబ్లే ఈ ఘనత దక్కించుకున్న నాలుగో భారత క్రికెటర్. గతంలో బిషన్ సింగ్ బేడి, కపిల్ దేవ్, సునీల్ గవాస్కర్‌లకు ఈ గౌరవం దక్కింది. కుంబ్లేతో పాటు 78వ క్రికెటర్‌గా మహిళల క్రికెట్‌లో అత్యుత్తమ క్రీడాకారిణిగా నిలిచిన దివంగత బెట్టీ విల్సన్ కూడా ఉండనున్నారు. మురళీధరన్ (800), షేన్ వార్న్ 708)ల తర్వాత అత్యధిక టెస్టు వికెట్లు తీసిన బౌలర్‌గా కుంబ్లే (619) రికార్డులకెక్కాడు. అంతేకాకుండా 138 ఏళ్ల టెస్టు క్రికెట్ చరిత్రలో ఒక ఇన్నింగ్స్‌లో పదికి పది వికెట్లు తీసిన ఇద్దరిలో కుంబ్లే ఒకడు కావడం విశేషం.
ప్రపంచకప్‌లో మెకల్లమ్ సరికొత్త రికార్డు
న్యూజిలాండ్ విధ్వంసక ఆటగాడు బ్రెండన్ మెకల్లమ్ ప్రపంచకప్ చరిత్రలో సరికొత్త రికార్డును నమోదు చేశాడు. వెల్లింగ్టన్‌లో ఫిబ్రవరి 21న ఇంగ్లండ్‌తో జరిగిన లీగ్ మ్యాచ్‌లో 18 బంతుల్లో అర్ధ సెంచరీ సాధించాడు. ప్రపంచకప్‌లో ఇదే వేగవంతమైన అర్ధ శతకం. అయితే వన్డేల్లో మూడో వేగవంతమైంది. డివిలియర్స్ (16), జయసూర్య (17) ముందున్నారు.

ప్రారంభమైన క్రికెట్ ప్రపంచ కప్
క్రికెట్ ప్రపంచ కప్ 2015 వేడుకలు ఫిబ్రవరి 12న ఆస్ట్రేలియాలోని మెల్‌బోర్‌‌న, న్యూజిలాండ్‌లోని క్రైస్ట్‌చర్‌‌చలో ప్రారంభమయ్యాయి. ఈ కప్‌లో పాల్గొనే మొత్తం 14 జట్లలో 10 జట్లు మెల్‌బోర్‌‌నలో, 4 జట్లు క్రైస్ట్‌చర్‌‌చలో నిర్వహించిన వేడుకల్లో పాల్గొన్నాయి. ఫిబ్రవరి 14న క్రైస్ట్‌చర్‌‌చలో న్యూజిలాండ్, శ్రీలంక మధ్య తొలి మ్యాచ్ జరిగింది. మొత్తం 44 రోజుల పాటు 49 మ్యాచ్‌లు జరుగుతాయి. మెల్‌బోర్‌‌నలో మార్చి 29న ఫైనల్ మ్యాచ్ జరుగుతుంది.
గ్రెన్‌కే చెస్ టోర్నమెంట్ విజేతగా కార్‌‌లసన్
చదరంగంలో ప్రపంచ చాంపియన్ మాగ్నస్ కార్‌‌లసన్ (నార్వే) గ్రెన్‌కే చెస్ టోర్నమెంట్ టైటిల్‌ను గెలుచుకున్నాడు. జర్మనీలోని బాడెన్-బాడెన్‌లో ఎనిమిది మంది గ్రాండ్ మాస్టర్ల మధ్య నిర్వహించిన ఈ టోర్నమెంట్‌లో భారత గ్రాండ్ మాస్టర్ విశ్వనాథన్ ఆనంద్‌కు ఏడో స్థానం దక్కింది. 
ఐపీఎల్ వేలంలో యువీకి రూ.16 కోట్లు
ఇండియన్ ప్రీమియర్ లీగ్ (ఐపీఎల్) క్రికెట్ పోటీలకు సంబంధించిన క్రీడాకారుల వేలంలో ఢిల్లీ డేర్ డెవిల్స్ యువరాజ్ సింగ్‌ను రూ. 16 కోట్లకు కొనుగోలు చేసింది. 2015 ఫిబ్రవరి 16న బెంగళూరులో వచ్చే సీజన్ కోసం ఈ వేలం నిర్వహించారు. దినేశ్ కార్తీక్‌ను రూ.10.5 కోట్లకు బెంగళూరు ఫ్రాంచైజీ, శ్రీలంక ఆల్ రౌండర్ మాథ్యూస్‌ను ఢిల్లీ డేర్ డెవిల్స్ రూ.7.5 కోట్లకు దక్కించుకున్నాయి.
జాతీయ క్రీడల్లో సర్వీసెస్‌కు మొదటి స్థానం
35వ జాతీయ క్రీడల్లో సర్వీసెస్ స్పోర్‌‌ట్స కంట్రోల్ బోర్‌‌డ (ఎస్‌ఎస్‌సీబీ) వరసగా మూడోసారి అగ్రస్థానంలో నిలిచింది. కేరళ రెండో స్థానం, హర్యానా మూడో స్థానం సాధించాయి. తెలంగాణకు 12 స్థానం, ఆంధ్రప్రదేశ్‌కు 18 స్థానం దక్కాయి. 35వ జాతీయ క్రీడల్లో మొదటి స్థానంలో నిలిచినందుకు సర్వీసెస్ రాజా భలేంద్ర సింగ్ ట్రోఫీ గెలుచుకుంది. ఉత్తమ అథ్లెట్స్: పురుషుల విభాగంలో స్విమ్మర్ సజన్ ప్రకాశ్, మహిళల విభాగంలో స్విమ్మర్ ఆకాంక్ష వోరా పురస్కారాలు అందుకున్నారు. సర్వీస్ జట్టు ఓవరాల్ ట్రోఫీ గెలుచుకుంది.మస్కట్:తిరువనంతపురంలో నిర్వహించిన ఈ క్రీడలకు కేరళ రాష్ట్ర పక్షి గ్రేట్ ఇండియన్ హార్‌‌నబిల్‌ను మస్కట్‌గా ఎంపిక చేశారు. దీనికి ‘అమ్ము’గా పేరు పెట్టారు.36వ జాతీయ క్రీడలను గోవాలో, 37వ క్రీడలను ఛత్తీస్‌గఢ్‌లో నిర్వహించనున్నారు.

వీవీఎస్ లక్ష్మణ్‌కు గౌరవ డాక్టరేట్
 
మాజీ క్రికెటర్ వీవీఎస్ లక్ష్మణ్‌ను ‘టేరీ యూనివర్సిటీ’ గౌరవ డాక్టరేట్‌తో సత్కరించింది. ఫిబ్రవరి 4న జరిగిన కార్యక్రమంలో మరో ముగ్గురుతోపాటు వీవీఎస్ డాక్టరేట్ పట్టాను అందుకున్నారు.

విన్నిపెగ్ విజేత దీపికవిన్నిపెగ్ వింటర్ క్లబ్ స్క్వాష్ టోర్నమెంట్‌లో భారత్‌కు చెందిన దీపిక పళ్లికల్ చాంపియన్‌గా నిలిచింది. ఫైనల్లో దీపిక హెబా ఎల్ టోర్కీ (ఈజిప్టు)పై గెలిచింది. 2013లోనూ దీపిక ఈ టైటిల్ సాధించింది.

మలేషియన్ ఓపెన్ గోల్ఫ్ మలేషియన్ ఓపెన్ గోల్ఫ్ టైటిల్‌ను భారత్‌కు చెందిన ఆనీర్‌బన్ లహరి గెలుచుకున్నాడు. ఫిబ్రవరి 8న జరిగిన పోటీలో లహరి మొదటి స్థానంలో, బెర్డ్న్ విస్‌బర్గ్ (ఆస్ట్రేలియా) రెండో స్థానంలో నిలిచాడు.

జాతీయ సీనియర్ బ్యాడ్మింటన్విజయవాడలో ముగిసిన జాతీయ సీనియర్ బ్యాడ్మింటన్ టోర్నమెంట్‌లో పురుషుల విభాగంలో సాయిప్రణీత్ (పెట్రోలియం స్పోర్ట్స్ ప్రమోషన్ బోర్డ్), మహిళల విభాగంలో రుత్వికా శివానీ (తెలంగాణ) విజేతలుగా నిలిచారు. ఫిబ్రవరి 5న జరిగిన ఫైనల్స్‌లో సాయిప్రణీత్ సమీర్‌వర్మ(ఎయిర్‌ఇండియా)పై గెలవగా... మహిళల ఫైనల్లో రుత్విక రీతుపర్ణాదాస్ (తెలంగాణ)పై నెగ్గింది. పురుషుల డబుల్స్ టైటిల్‌ను మనూఅత్రి (ఏఏఐ), సుమీత్ రెడ్డి(ఏపీ) జోడీ గెలుచుకుంది. మహిళల డబుల్స్‌లో ప్రద్య్నాగాద్రే, సిక్కిరెడ్డి(ఏఏఐ)జోడీ విజేతగా నిలిచింది. మిక్స్‌డ్ డబుల్స్ టైటిల్‌ను అరుణ్‌విష్ణు, అపర్ణాబాలన్(పెట్రోలియం స్పోర్ట్స్ ప్రమోషన్ బోర్డ్) జోడీ గెలుచుకుంది.

క్రీడలు జనవరి 2015

క్రీడలు జనవరి 2015
పతక విజేతలకు పెరిగిన నగదు బహుమతి
ఒలింపిక్, ఆసియా, కామన్వెల్త్ క్రీడల్లో పతకాలు సాధించే క్రీడాకారులకు ఇచ్చే నగదు బహుమతిని కేంద్ర ప్రభుత్వం పెంచింది. ఒలింపిక్స్‌లో స్వర్ణ పతకానికి ఇచ్చే రూ. 50 లక్షలను రూ. 75 లక్షలకు పెంచారు. రజతానికి రూ. 30 లక్షల నుంచి రూ. 50 లక్షలకు, కాంస్య పతకానికి రూ. 20 లక్షల నుంచి రూ.30 లక్షలకు పెంచారు. ఆసియా, కామన్వెల్త్ క్రీడలకు సంబంధించి స్వర్ణ పతకానికి రూ.30 లక్షలు, రజతానికి రూ.20 లక్షలు, కాంస్య పతకానికి రూ.10 లక్షలు అందజేస్తారు. గతంలో ఇవి వరుసగా రూ. 20 లక్షలు, రూ.10 లక్షలు, రూ. ఆరు లక్షలుగా ఉండేవి. 2016లో రియోడి జెనీరోలో ఒలింపిక్స్ జరగనున్నాయి.
భారత్‌లో 2016-టీ 20 ప్రపంచకప్
క్రికెట్ టీ 20 ప్రపంచకప్-2016 భారత్‌లో జరగనుంది. దుబాయ్‌లో జనవరి 29న జరిగిన ఇంటర్నేషనల్ క్రికెట్ కౌన్సిల్ (ఐసీసీ) సమావేశంలో దీనికి ఆమోదం లభించింది. 2016లో మార్చి 11 నుంచి ఏప్రిల్ 3 వరకు మ్యాచ్‌లు జరుగుతాయి.
ప్రపంచకప్‌కు భారత మేనేజర్‌గా అయూబ్
ఆస్ట్రేలియాతో టెస్టు సిరీస్‌లో భారత జట్టుకు మేనేజర్‌గా వ్యవహరించిన హెచ్‌సీఏ అధ్యక్షుడు అర్షద్ అయూబ్‌కు వెంటనే మరో అరుదైన అవకాశం లభించింది. వన్డే ప్రపంచకప్‌లో పాల్గొనే జట్టుకు అయూబ్ మేనేజర్‌గా ఎంపికయ్యారు.
భారత హాకీ జట్టు కోచ్‌గా పాల్ వాన్ యాస్
భారత పురుషుల హాకీ జట్టు కొత్త కోచ్‌గా నెదర్లాండ్స్ మాజీ కోచ్ పాల్ వాన్ యాస్‌ను... మహిళల టీమ్‌కు ఆంథోని థోర్న్‌టన్ (న్యూజిలాండ్)ను ఎంపిక చేశారు. టెర్రీ వాల్ష్, నీల్ హావ్‌గుడ్ స్థానంలో ఈ ఇద్దరు బాధ్యతలు తీసుకుంటారు. మూడేళ్ల పాటు (2018) ఈ ఇద్దరు కాంట్రాక్ట్‌లో ఉండనున్నారు.
ఆసియా కప్ విజేత ఆస్ట్రేలియా
తొలిసారి ఫుట్‌బాల్ ఆసియా కప్‌ను ఆస్ట్రేలియా సొంతం చేసుకుంది. జనవరి 31న జరిగిన ఫైనల్లో కొరియాపై విజయం సాధించింది.
ఆస్ట్రేలియన్ ఓపెన్ విజేతలు
పురుషుల సింగిల్స్:ప్రపంచ నంబర్‌వన్, టాప్ సీడ్ నొవాక్ జొకోవిచ్ (సెర్బియా).. ఆస్ట్రేలియన్ ఓపెన్ చాంపియన్‌గా నిలిచాడు. ఫిబ్రవరి 1న జరిగిన ఫైనల్లో జొకోవిచ్ ఆరో సీడ్ ఆండీ ముర్రే (బ్రిటన్)పై విజయం సాధించాడు. ఆస్ట్రేలియన్ ఓపెన్ టైటిల్‌ను అత్యధికంగా ఐదుసార్లు నెగ్గిన తొలి క్రీడాకారుడిగా జొకోవిచ్ రికార్డు సాధించాడు. మొత్తంమీద జొకోవిచ్ కెరీర్‌లో ఇది ఎనిమిదో గ్రాండ్‌స్లామ్ సింగిల్స్ టైటిల్.పురుషుల డబుల్స్: సిమోన్ బొలెలీ-ఫాబియో ఫాగ్‌నిని (ఇటలీ) జంట విజేతగా నిలిచింది. మహిళల సింగిల్స్:అమెరికా టెన్నిస్ క్రీడాకారిని సెరెనా విలియమ్స్ విజేతగా నిలిచింది. సింగిల్స్ ఫైనల్లో రెండో సీడ్ మరియా షరపోవా (రష్యా)పై విజయం సాధించింది. 33 ఏళ్ల సెరెనాకిది ఆరో ఆస్ట్రేలియన్ ఓపెన్ టైటిల్.మహిళల డబుల్స్:బెథానీ మాటెక్ సాండ్స్ (అమెరికా), లూసీ సఫరోవా (చెక్) జంట విజయం సాధించింది.మిక్స్‌డ్ డబుల్స్:లియాండర్ పేస్(భారత్), మార్టినా హింగిస్ (స్విట్జర్లాండ్) జోడీ విజేతగా నిలిచింది. ఫైనల్లో ఏడో సీడ్ పేస్-హింగిస్ ద్వయం.. డిఫెండింగ్ చాంపియన్ జంట డానియల్ నెస్టర్(కెనడా)-క్రిస్టినా మ్లడెనోవిచ్ (ఫ్రాన్స్)ను ఓడించింది.
తిరువనంతపురంలో 35వ జాతీయ క్రీడలు
35వ జాతీయ క్రీడలు కేరళలోని తిరువనంతపురంలో జనవరి 31న ప్రారంభమయ్యాయి. ఫిబ్రవరి 14 వరకు జరిగే ఈ క్రీడల్లో రాష్ట్రాలు, కేంద్రపాలిత ప్రాంతాలకు చెందిన 10 వేల మంది పాల్గొంటున్నారు. ఈ జాతీయ క్రీడల అధికారిక మస్కట్ ది గ్రేట్ ఇండియన్ హార్న్‌బిల్.

సింగిల్స్ చాంప్స్‌గా సైనా, కశ్యప్
సయ్యద్ మోదీ స్మారక గ్రాండ్‌ప్రి గోల్డ్ టోర్నీలో సైనా నెహ్వాల్ మహిళల సింగిల్స్ టైటిల్‌ను సాధించింది. జనవరి 25న లక్నోలో జరిగిన ఫైనల్లో కరోలినా మారిన్ (స్పెయిన్)పై విజయం సాధించింది. 2009, 2014లోనూ సైనాకు ఈ టైటిల్ లభించింది. పురుషుల సింగిల్స్ ఫైనల్లో ప్రపంచ 15వ ర్యాంకర్ పారుపల్లి కశ్యప్ కిడాంబి శ్రీకాంత్‌పై గెలిచాడు. 2012లోనూ కశ్యప్ ఈ టైటిల్ నెగ్గాడు.

వన్డేల్లో అత్యంత వేగంగా సెంచరీ చేసిన డివిలియర్స్
 దక్షిణాఫ్రికా కెప్టెన్ ఏబీ డివిలియర్స్ వన్డేల్లో అత్యంత వేగంగా సెంచరీ చేసిన క్రికెటర్‌గా రికార్డు నెలకొల్పాడు. జొహన్నెస్‌బర్గ్‌లో జనవరి 18న వెస్టిండీస్-దక్షిణాఫ్రికాల మధ్య జరిగిన రెండో వన్డేలో డివిలియర్స్ 31 బంతుల్లో 100 పరుగులు చేశాడు. 16 బంతుల్లో అర్ధ సెంచరీ చేసి మరో రికార్డు కూడా నెలకొల్పాడు. ఈ వన్డేలో మొత్తం 44 బంతుల్లో 149 పరుగులు చేశాడు. గతంలో న్యూజిలాండ్ క్రికెటర్ కోరె అండర్సన్ వెస్టిండీస్‌పై 36 బంతుల్లో సెంచరీ చేసిన రికార్డు ఉంది.
పంకజ్‌కు జాతీయ బిలియర్డ్స్ చాంపియన్‌షిప్
జాతీయ బిలియర్డ్స్ చాంపియన్‌షిప్‌ను పంకజ్ అద్వానీ గెలుచుకున్నాడు. జనవరి 17న కోల్‌కతాలోని బెంగాల్ రోయింగ్ క్లబ్‌లో జరిగిన ఫైనల్లో ధ్రువ్ సిత్వాలాను అద్వానీ ఓడించాడు. ఇది పంకజ్‌కు ఏడో జాతీయ బిలియర్డ్స్ టైటిల్.
అత్యుత్తమ ఫుట్‌బాలర్‌గా క్రిస్టియానో రొనాల్డో
పోర్చుగల్ ఫుట్‌బాల్ జట్టు కెప్టెన్, మాడ్రిడ్ క్లబ్ క్రీడాకారుడు క్రిస్టియానో రొనాల్డో అత్యుత్తమ ఫుట్‌బాలర్‌గా నిలిచి 2014 బలాన్ డియోర్ అవార్డుకు ఎంపికయ్యాడు.
సానియా జోడీకి ఏపియా ఇంటర్నేషనల్ డబుల్స్ టైటిల్
ఏపియా ఇంటర్నేషనల్ టెన్నిస్ టోర్నమెంట్ డబుల్స్ టైటిల్‌ను సానియా జోడీ గెలుచుకుంది. జనవరి 16న సిడ్నీలో జరిగిన ఫైనల్లో అబిగైల్ స్పియర్స్-రకెల్ కోప్స్ జోన్స్ జోడీపై సానియామీర్జా, అమెరికాకు చెందిన బెథానీ మాటెక్ జోడీ విజయం సాధించింది. సానియా కెరీర్‌లో ఇది 23వ టైటిల్. 
సౌమ్యజిత్, మౌమాదాస్‌లకు జాతీయ టేబుల్ టెన్నిస్ టైటిళ్లు
జాతీయ టేబుల్ టెన్నిస్ పురుషుల సింగిల్స్ టైటిల్‌ను సౌమ్యజిత్ ఘోష్ గెలుచుకున్నాడు. పుదుచ్చేరిలో జనవరి 17న జరిగిన ఫైనల్లో జి.సాథియన్‌ను ఓడించాడు. మహిళల సింగిల్స్ టైటిల్‌ను మౌమాదాస్ గెలుచుకుంది.
చరిత్ర సృష్టించిన సంధూ
ఈస్ట్ బెంగాల్ మాజీ గోల్ కీపర్ గుర్‌ప్రీత్ సింగ్ సంధూ భారత ఫుట్‌బాల్‌లో కొత్త చరిత్ర సృష్టించాడు. 79 ఏళ్ల తర్వాత తొలి అంచె యూరోపియన్ క్లబ్‌లో ఆడిన భారత ఆటగాడిగా తను రికార్డులకెక్కాడు. 2014 ఆగస్టులో సంధూ.. నార్వేయన్ టిప్పెలిగేన్ క్లబ్‌లో ఆడే స్టాబేక్ ఎఫ్‌సీ జట్టుతో ఒప్పందం కుదుర్చుకున్నాడు. గత శనివారం ఫోలో ఫుట్‌బాల్ క్లబ్‌తో జరిగిన మ్యాచ్‌లో 22 ఏళ్ల సంధూ తొలిసారిగా బరిలోకి దిగాడు.

బోర్డర్-గవాస్కర్ ట్రోఫీ విజేత ఆస్ట్రేలియా
భారత్-ఆస్ట్రేలియాల మధ్య జరిగిన నాలుగు టెస్ట్ మ్యాచ్‌ల క్రికెట్ సిరీస్‌ను ఆస్ట్రేలియా 2-0తో తేడాతో గెలుచుకుని బోర్డర్-గవాస్కర్ ట్రోఫీని సొంతం చేసుకుంది. సిడ్నీలో జనవరి 10న ముగిసిన చివరి టెస్ట్ మ్యాచ్ డ్రా అయింది. మ్యాన్ ఆఫ్ ది సిరీస్‌గా ఆస్ట్రేలియా కెప్టెన్ స్టీవెన్ స్మిత్ ఎంపికయ్యాడు.
ఫెడరర్ 1000వ విజయం
స్విట్జర్లాండ్ టెన్నిస్ ఆటగాడు రోజర్ ఫెడరర్ బ్రిస్బేన్ ఓపెన్ టెన్నిస్ టోర్నమెంట్‌ను గెలుచుకున్నాడు. జనవరి 11న బ్రిస్బేన్‌లో జరిగిన ఫైనల్లో మిలోస్ రావ్‌నిక్ (కెనడా) పై గెలిచాడు. ఈ గెలుపుతో 33 ఏళ్ల ఫెడరర్ ఓపెన్ శకంలో (1968 తర్వాత) 1000 విజయాలు సాధించిన మూడో క్రీడాకారుడిగా గుర్తింపు పొందాడు. ఈ జాబితాలో జిమ్మీ కానర్స్ (1,253), ఇవాన్ లెండిల్ (1,071) తొలి రెండు స్థానాల్లో ఉన్నారు. 1998లో టులూజ్ ఓపెన్‌లో గిలెమ్ రవూక్స్ (ఫ్రాన్స్)పై నెగ్గి ఫెడరర్ తొలి విజయాన్ని సాధించాడు. కెరీర్‌లో 125 ఏటీపీ టోర్నీ ఫైనల్లో పాల్గొన్న ఫెడరర్‌కు ఓవరాల్‌గా ఇది 83వ సింగిల్స్ టైటిల్ కావడం విశేషం. 2001 నుంచి ప్రతి ఏడాది ఫెడరర్ ఒక్క టైటిలైనా గెలుస్తూ వస్తున్నాడు. కాగా బ్రిస్బేన్ టోర్నమెంట్ మహిళల టైటిల్‌ను మరియా షరపోవా (రష్యా) గెలుచుకుంది.
చెన్నై ఓపెన్ టెన్నిస్
స్విట్జర్లాండ్ టెన్నిస్ ఆటగాడు స్టానిస్లాస్ వావ్రింకా చెన్నై ఓపెన్ టైటిల్‌ను గెలుచుకున్నాడు. పురుషుల డబుల్స్ టైటిల్‌ను యెన్ సున్ లూ (చైనీస్ తైపీ)-జేమీ ముర్రే (బ్రిటన్) జోడీ గెలుచుకుంది.

సంగక్కర ఖాతాలో 12 వేల పరుగులు
శ్రీలంక క్రికెటర్ కుమార్ సంగక్కర టెస్టు కెరీర్‌లో 12 వేల పరుగులు పూర్తిచేసుకున్న ఐదో క్రికెటర్‌గా రికార్డులకెక్కాడు. వెల్లింగ్టన్‌లో జనవరి 3న న్యూజిలాండ్‌తో జరిగిన మ్యాచ్‌లో ట్రెంట్ బౌల్ట్ వేసిన బంతిని స్క్వేర్ దిశగా మళ్లించి రెండు పరుగులు తీయడం ద్వారా ఈ అరుదైన జాబితాలో చోటు దక్కించుకున్నాడు. గతంలో ఈ రికార్డు సాధించిన వారిలో సచిన్ టెండూల్కర్ (15,921), రికీ పాంటింగ్ (13,378), జాక్వెస్ కలిస్ (13,289), రాహుల్ ద్రావిడ్ (13,288) ఉన్నారు.

భారత్‌కు 14 పతకాలుఆసియా యూత్, జూనియర్ మహిళల వెయిట్‌లిఫ్టింగ్ చాంపియన్‌షిప్‌లో భారత్ ఆరు స్వర్ణాలు, నాలుగు రజతాలు, నాలుగు కాంస్యాలతో కలిపి 14 పతకాలు సాధించింది. భారత్ నుంచి మొత్తం 20 మంది బరిలోకి దిగగా... 14 మంది పతకాలు నెగ్గారు. మిగతా ఆరుగురు టాప్-6లో నిలిచారు.

క్రీడలు డిసెంబరు 2014

క్రీడలు డిసెంబరు 2014
ప్రపంచకప్ ప్రచారకర్తగా సచిన్
2015 వన్డే క్రికెట్ ప్రపంచకప్ ప్రచారకర్తగా సచిన్ టెండూల్కర్ వ్యవహరించనున్నట్లు ఇంటర్నేషనల్ క్రికెట్ కౌన్సిల్ (ఐసీసీ) డిసెంబర్ 22న ప్రకటించింది. 2011 ప్రపంచకప్‌నకు కూడా సచిన్ ప్రచార కర్తగా పనిచేశారు. వచ్చే ఏడాది ఫిబ్రవరి 14 నుంచి మార్చి 29 వరకు ఆస్ట్రేలియా, న్యూజిలాండ్ దేశాల్లో ప్రపంచకప్ టోర్నమెంట్ జరగనుంది.
లార్డ్స్‌లో 2019 ప్రపంచకప్ ఫైనల్
2019 ఇంటర్నేషనల్ క్రికెట్ కౌన్సిల్ (ఐసీసీ) ప్రపంచ కప్ ఫైనల్‌కు లార్డ్స్ మైదానం ఆతిథ్యమివ్వనున్నట్లు డిసెంబర్ 17న ఇంగ్లండ్ క్రికెట్ బోర్డు అధికారికంగా ప్రకటించింది. క్రికెట్ మక్కాగా పేరుగాంచిన లార్డ్స్.. 1975, 1979, 1983, 1999 ప్రపంచకప్ ఫైనల్స్‌కు ఆతిథ్యమిచ్చింది. 2017లో జరిగే మహిళల ప్రపంచకప్ ఫైనల్ కూడా లార్డ్స్ మైదానంలో జరగనుంది.
వరల్డ్ చాంపియన్స్‌గా జొకోవిచ్, సెరెనా
2014 సంవత్సరానికి పురుషుల విభాగంలో సెర్బియాకు చెందిన నొవాక్ జొకోవిచ్, మహిళల విభాగంలో అమెరికాకు చెందిన సెరెనా విలియమ్స్‌లను వరల్డ్ చాంపియన్స్‌గా ఇంటర్నేషనల్ టెన్నిస్ ఫెడరేషన్ (ఐటీఎఫ్) డిసెంబర్ 18న ప్రకటించింది. జొకోవిచ్ ఈ అవార్డును దక్కించుకోవడం ఇది నాలుగోసారి కాగా, సెరెనాకు ఐదోసారి.
బాక్సర్ సరితపై ఏడాది నిషేధం
ఆసియా క్రీడల్లో పతకం స్వీకరించేందుకు నిరాకరించిన భారత మహిళా బాక్సర్ లైష్రామ్ సరితాదేవిపై అంతర్జాతీయ బాక్సింగ్ సంఘం (ఏఐబీఏ) డిసెంబర్ 17న ఏడాదిపాటు నిషేధం విధించింది. దాంతోపాటు వెయ్యి స్విస్ ఫ్రాంక్‌ల జరిమానా వేసింది. నిషేధం 2015, అక్టోబర్ 1 వరకు అమల్లో ఉంటుంది. పతకం తిరస్కరించిన సందర్భంలో సరితకు మద్దతుగా నిలిచిన కోచ్ ఫెర్నాండెజ్‌పై రెండేళ్ల నిషేధం విధించింది.
భారత్‌కు కబడ్డీలో డబుల్ ప్రపంచకప్
రికార్డు స్థాయిలో భారత పురుషుల జట్టు వరుసగా ఐదోసారి, మహిళల జట్టు నాలుగోసారి కబడ్డీ ప్రపంచకప్‌ను కైవసం చేసుకున్నాయి. డిసెంబర్ 20న పంజాబ్‌లోని గురుగోబింద్ సింగ్ స్టేడియంలో జరిగిన ఫైనల్స్‌లో పురుషుల జట్టు, పాకిస్థాన్ జట్టును ఓడించింది. మహిళల జట్టు న్యూజిలాండ్ జట్టుపై విజయం సాధించింది.
‘కోల్‌కతా’కు ఐఎస్‌ఎల్ టైటిల్
తొలి ఇండియన్ సూపర్ లీగ్ (ఐఎస్‌ఎల్) ఫుట్‌బాల్ టైటిల్‌ను అట్లెటికో డి కోల్‌కతా గెలుచుకుంది. డిసెంబర్ 20న ముంబైలో డీవై పాటిల్ స్టేడియంలో జరిగిన ఫైనల్లో కేరళ బ్లాస్టర్స్ ఎఫ్‌సీను ఓడించింది. విజేతగా నిలిచిన కోల్‌కతాకు రూ.8 కోట్ల ప్రైజ్‌మనీ దక్కింది. రన్నరప్ కేరళ బ్లాస్టర్స్‌కు రూ. 4 కోట్లు అందాయి. ‘గోల్డెన్ బూట్’ అవార్డును ఎలనో(చెన్నైయిన్) అందుకున్నాడు. కోల్‌కత, కేరళ జట్లకు గంగూలీ, సచిన్ టెండూల్కర్‌లు సహ యజమానులుగా ఉన్నారు.
చాంపియన్ చెన్‌లాంగ్
బ్యాడ్మింటన్ సీజన్ ముగింపు టోర్నమెంట్ ‘వరల్డ్ సూపర్ సిరీస్ ఫైనల్స్’లో చెన్ లాంగ్ (చైనా), తాయ్ జు యింగ్ (చైనీస్ తైపీ) వరుసగా పురుషుల, మహిళల సింగిల్స్ విభాగాల్లో విజేతలుగా నిలిచారు. డిసెంబర్ 21న జరిగిన ఫైనల్స్‌లో చెన్ లాంగ్.. విటిన్‌గస్ (డెన్మార్క్)పై గెలుపొందగా, తాయ్ జు యింగ్.. సుంగ్ జీ హున్ (కొరియా)ను ఓడించింది. విజేతగా నిలిచిన చెన్ లాంగ్, తాయ్ జు యింగ్‌లకు 80 వేల డాలర్ల (రూ. 50 లక్షల 68 వేలు) చొప్పున ప్రైజ్‌మనీ లభించింది.

గద్దె రుత్వికకు మహిళల సింగిల్స్ టైటిల్
టాటా ఓపెన్ ఇండియా ఇంటర్నేషనల్ చాలెంజ్ బ్యాడ్మింటన్ టోర్నీలో హైదరాబాద్ అమ్మాయి గద్దె రుత్వికా శివాని మహిళల సింగిల్స్ టైటిల్ సాధించింది. ముంబైలో డిసెంబర్ 14న జరిగిన ఫైనల్లో రుత్విక.. మహారాష్ట్రకు చెందిన అరుంధతి పంతవానెపై విజయం సాధించింది. పురుషుల సింగిల్స్‌లో గురుసాయిదత్.. హెచ్.ఎస్.ప్రణయ్ చేతిలో ఓడి రన్నరప్‌గా నిలిచాడు. పురుషుల డబుల్స్ టైటిల్‌ను సుమీత్‌రెడ్డి-మను అత్రి, మహిళల డబుల్స్ టైటిల్‌ను అపర్ణా బాలన్-ప్రజక్తా సావంత్ గెలుచుకున్నారు.
జర్మనీకి ‘చాంపియన్స్ ట్రోఫీ’
చాంపియన్స్ ట్రోఫీ హాకీ టోర్నమెంట్‌లో జర్మనీ జట్టు విజేతగా నిలిచింది. డిసెంబర్ 14న భువనేశ్వర్‌లో కళింగ మైదానంలో జరిగిన ఫైనల్లో 2-1తో పాకిస్థాన్ జట్టుపై విజయం సాధించింది. 2007 తర్వాత మరోసారి టైటిల్‌ను సాధించిన జర్మనీకి ఇది పదో ట్రోఫీ. ప్లే ఆఫ్ మ్యాచ్‌లో భారత్.. ఆస్ట్రేలియా చేతిలో ఓడి, నాలుగో స్థానంతో సరిపెట్టుకుంది. ఉత్తమ గోల్ కీపర్‌గా పి.శ్రీజేష్ ఎంపికయ్యాడు. చాంపియన్స్ ట్రోఫీని అత్యధికంగా ఆస్ట్రేలియా 13సార్లు గెలుచుకుంది.
ఇండియన్ ఏసెస్‌కు ఐపీటీఎల్ టైటిల్
ఇంటర్నేషనల్ ప్రీమియర్ టెన్నిస్ లీగ్ (ఐపీటీఎల్) టైటిల్‌ను భారత్‌కు చెందిన ఇండియన్ ఏసెస్ గెలుచుకుంది. దుబాయిలో డిసెంబర్ 13న ముగిసిన పోటీల్లో యూఈఏ రాయల్స్ రెండో స్థానంలో నిలిచింది. ఈ పోటీలను నిర్వహించడం ఇదే తొలిసారి. టైటిల్ గెలుచుకున్న ఇండియన్ ఏసెస్‌కు రూ.6.26 కోట్ల నగదు బహుమతి దక్కనుంది.
ఆనంద్‌కు ‘లండన్’ టైటిల్
భారత గ్రాండ్‌మాస్టర్ విశ్వనాథన్ ఆనంద్ లండన్ క్లాసిక్ చెస్ టోర్నమెంట్‌లో విజేతగా నిలిచాడు. లండన్‌లో జరిగిన పోటీలో బ్రిటిష్ గ్రాండ్ మాస్టర్ మైకేల్ ఆడమ్స్‌ను ఓడించాడు. ఈ టైటిల్‌ను ఆనంద్ గెలుచుకోవడం ఇదే తొలిసారి. ఆనంద్‌కు రూ.39 లక్షల 20 వేలు నగదు బహుమతి లభించింది.

ఈస్ట్‌జోన్‌కు దేవధర్ ట్రోఫీ 
దేవధర్ ట్రోఫీని ఈస్ట్‌జోన్ క్రికెట్ జట్టు గెలుచుకుంది. ముంబైలో డిసెంబరు 3న జరిగిన ఫైనల్‌లో వెస్ట్‌జోన్‌ను ఓడించింది. 

భారత్‌కు అంధుల క్రికెట్ ప్రపంచకప్అంధుల క్రికెట్ ప్రపంచ కప్‌ను భారత్ గెలుచుకుంది. దక్షిణాఫ్రికాలోని కేప్‌టౌన్‌లో డిసెంబరు 7న జరిగిన ఫైనల్‌లో పాకిస్థాన్‌ను భారత్ ఓడించింది. భారత్ జట్టు కు శేఖర్ నాయక్ కెప్టెన్‌గా వ్యవహరించాడు. ఈ టోర్నమెంట్‌లో భారత్, పాకిస్థాన్, శ్రీలంక, ఆస్ట్రేలియా, బంగ్లాదేశ్, దక్షిణాఫ్రికా, ఇంగ్లండ్ జట్లు పాల్గొన్నాయి. 

గోల్ఫ్ హీరో ఉమెన్స్ ఇండియన్ ఓపెన్గోల్ఫ్ హీరో ఉమెన్స్ ఇండియన్ ఓపెన్ టైటిల్‌ను గ్లాడీస్ నోసెరా (ఫ్రాన్స్) గెలుచుకుంది. న్యూఢిల్లీలో డిసెంబరు 6న ముగిసిన పోటీలో ఆమె టైటిల్ సాధించింది. భారత్‌కు చెందిన వైశావి సిన్హా ఐదోస్థానంలో నిలిచింది.

క్రీడలు నవంబరు 2014

క్రీడలు నవంబరు 2014
కర్ణాటకకు విజయ్ హ జారే ట్రోఫీ
క్రికెట్‌లో విజయ్ హజారే ట్రోఫీని కర్ణాటక గెలుచుకుంది. అహ్మదాబాద్‌లో నవంబరు 25న జరిగిన ఫైనల్‌లో పంజాబ్‌ను ఓడించి కర్ణాటక విజేతగా నిలిచింది. దీంతో ఆ జట్టు వరుసగా రెండోసారి ట్రోఫీని కైవసం చేసుకుంది. 
ఆస్ట్రేలియా క్రికెటర్ ఫిలిప్ హ్యూస్ మృతి
దేశవాళి క్రికెట్‌లో ఆడుతూ గాయపడిన ఆస్ట్రేలియా క్రికెటర్ ఫిలిప్ హ్యూస్ (25) సిడ్నీ ఆసుపత్రిలో నవంబరు 27న మరణించారు. బౌలర్ సీన్‌అబాట్ వేసిన బంతి హ్యూస్ తలకు తగలడంతో ఈ ప్రమాదం సంభవించింది. 
పీవీ సింధుకు మకావ్ ఓపెన్ టైటిల్ 
భారత బ్యాడ్మింటన్ క్రీడాకారిణి పి.వి.సింధు మకావ్ ఓపెన్ గ్రాండ్ ప్రి గోల్డ్ టోర్నమెంట్ టైటిల్‌ను కైవసం చేసుకుంది. నవంబరు 30న మకావ్‌లో జరిగిన ఫైనల్‌లో కిమ్ హ్యోమిన్ (దక్షిణ కొరియా) ను డిఫెండింగ్ ఛాంపియన్ సింధు ఓడించింది. విజేతకు రూ. 5.60 లక్షల ప్రైజ్‌మనీ దక్కింది. సింధుకు ఇది మూడో గ్రాండ్ ప్రి టైటిల్. 
ఐబీఎస్‌ఎఫ్ అధ్యక్షుడిగా మోహన్
అంతర్జాతీయ బిలియర్డ్స్, స్నూకర్ సమాఖ్య (ఐబీఎస్‌ఎఫ్) కొత్త అధ్యక్షుడిగా ఆంధ్రప్రదేశ్‌కు చెందిన కెప్టెన్ పి.వి.కె.మోహన్ ఎన్నికయ్యారు. దీంతో ఈ పదవి చేపట్టిన తొలి భారతీయుడిగా గుర్తింపు పొందారు. కాగా ఆసియా నుంచి మూడో వ్యక్తి. ఈ హోదాలో ఆయన రెండేళ్లు కొనసాగుతారు. 
స్నూకర్ టైటిల్ విజేత బింగ్ టావ్
ప్రపంచ స్నూకర్ చాంపియన్‌షిప్ టైటిల్‌ను 14 ఏళ్ల చైనాకు చెందిన యాన్ బింగ్‌టావ్ కైవసం చేసుకున్నాడు. 12 సార్లు ప్రపంచ చాంపియన్‌గా నిలిచిన పంకజ్ అద్వానీ సహా హేమాహేమీలను ఓడిస్తూ ఫైనల్‌కు చేరిన యాన్... తుదిపోరులో మహ్మద్ సజ్జాద్ (పాకిస్థాన్) ను ఓడించాడు. దీంతో అత్యంత పిన్న వయసులో స్నూకర్ ప్రపంచ చాంపియన్‌గా నిలిచిన ఘనత అతడికి దక్కింది. మహిళల విభాగంలో వాండీ జాన్స్ (బెల్జియం) రష్యాకు చెందిన అనస్తాషియా నెచెయివాను ఓడించి టైటిల్ సాధించింది.

వెంగ్‌సర్కార్‌కు సి.కె.నాయుడు జీవతకాల సాఫల్య పురస్కారం
భారత క్రికెట్ కంట్రోల్‌బోర్డు 2014 అవార్డులను నవంబరు 18న అందించింది. కల్నల్ సి.కె.నాయుడు జీవిత కాల సాఫల్య పురస్కారానికి భారత మాజీ కెప్టెన్ దిలీప్ వెంగ్‌సర్కార్, ఉత్తమ అంతర్జాతీయ భారత క్రికెటర్ (పాలీ ఉమ్రిగర్ ట్రోఫీ)గా పేస్ బౌలర్ భువనేశ్వర్ కుమార్‌లు ఈ పురస్కారాలకు ఎంపికయ్యారు.
వరల్డ్ అథ్లెట్స్ ఆఫ్ ద ఇయర్‌గా రెనౌద్ లావిల్లేనీ, వాలెర్ ఆడమ్స్
2014 వరల్డ్ అథ్లెట్స్ ఆఫ్ ద ఇయర్‌గా పురుషుల విభాగంలో పోల్‌వాల్ట్ ఆటగాడు రెనౌద్ లావిల్లేనీ (ఫ్రాన్స్), మహిళల విభాగంలో షాట్‌పుట్టర్ వాలెరీ ఆడమ్స్ (న్యూజిలాండ్) ఎంపికైనట్లు ఐఏఏఎఫ్ నవంబరు 21న మొరాకోలో ప్రకటించింది. 
చెస్ ప్రపంచ చాంపియన్ మాగ్నస్ కార్ల్‌సన్
నార్వేకి చెందిన మాగ్నస్ కార్ల్‌సన్ చెస్ ప్రపంచ చాంపియన్‌గా నిలిచాడు. సోచిలో నవంబరు 23న ముగిసిన పోటీలో భారత్‌కు చెందిన విశ్వనాథన్ ఆనంద్‌ను కార్ల్‌సన్ ఓడించి టైటిల్ నిలబెట్టుకున్నాడు. 
ఫార్ములావన్ ప్రపంచ చాంపియన్ లూయీస్ హామిల్టన్
బ్రిటన్‌కు చెందిన మెర్సిడెజ్ డ్రైవర్ లూయీస్ హామిల్టన్ అబుదాబి గ్రాండ్ ప్రి టైటిల్‌ను కైవసం చేసుకున్నాడు. అబుదాబిలో నవంబరు 23న జరిగిన రేసులో సాధించిన విజయంతో 2014 ప్రపంచ చాంపియన్‌గా అవతరించాడు. అతనికిది రెండో ప్రపంచ టైటిల్. 
స్విట్జర్లాండ్‌కు డేవిస్‌కప్ టైటిల్
స్విట్జర్లాండ్‌కు రోజర్ ఫెదరర్ తొలి డేవిస్‌కప్ టైటిల్ అందించాడు. లిల్లె (ఫ్రాన్స్)లో నవంబరు 23న జరిగిన ఫైనల్‌లో డేవిడ్ గాస్క్వెట్ (ఫ్రాన్స్)ను ఫెదరర్ ఓడించి టైటిల్ సాధించాడు.

రెండో డబుల్ సెంచరీతో రోహిత్‌శర్మ రికార్డు
శ్రీలంకతో జరిగిన వన్డేలో భారత క్రికెటర్ రోహిత్‌శర్మ 264 పరుగులతో వన్డేల్లో రెండు డబుల్ సెంచరీలు సాధించిన ఏకైక ఆటగాడిగా అరుదైన రికార్డు సృష్టించాడు. నవంబరు 13న కోల్‌కత ఈడెన్ గార్డెన్‌లో జరిగిన మ్యాచ్‌లో ఈ ఘనత సాధించాడు. అంతర్జాతీయ వన్డేల్లో అత్యధిక వ్యక్తిగత స్కోరు ఇదే. దీంతో సెహ్వాగ్ పేరిట ఉన్న 219 పరుగుల రికార్డును రోహిత్ అధిగమించాడు. గతంలో అతడు 2013లో ఆస్ట్రేలియాపై 209 పరుగులు చేశాడు. 
2015 ప్రపంచ కప్ క్రికెట్ ప్రచారకర్తలు
ఆస్ట్రేలియా, న్యూజిలాండ్ సంయుక్తంగా నిర్వహించే 2015 ప్రపంచకప్ క్రికెట్ ప్రచారకర్తలను అంతర్జాతీయ క్రికెట్ మండలి (ఐసీసీ) నవంబరు 13న ప్రకటించింది. వీరిలో విరాట్‌కోహ్లి (భారత్), షేన్‌వాట్సన్, మిచెల్ జాన్సన్ (ఆస్ట్రేలియా), బ్రెండన్ మెక్‌కల్లమ్ (న్యూజిలాండ్), కుమార సంగక్కర (శ్రీలంక) ఉన్నారు. 
మిచెల్ జాన్సన్‌కు ఐసీసీ టెస్ట్ క్రికెటర్ అవార్డు
ఆస్ట్రేలియా ఫాస్ట్ బౌలర్ మిచెల్ జాన్సన్ 2013-14 సంవత్సరానికి ఐసీసీ అత్యుత్తమ టెస్టు క్రికెటరు అవార్డుకు ఎంపికయ్యాడు. రికీపాంటింగ్ తర్వాత రెండోసారి ఈ అవార్డుకు ఎంపికైన ఆటగాడు జాన్సనే. 
చైనా ఓపెన్ సిరీస్ విజేతలు సైనా, శ్రీకాంత్
చైనా ఓపెన్ బ్యాడ్మింటన్ సూపర్ సిరీస్ సింగిల్స్ టైటిళ్లను సైనా నెహ్వాల్, కిదాంబి శ్రీకాంత్ గెలుచుకున్నారు. శ్రీకాంత్‌కు ఇది తొలి సూపర్ సిరీస్ టైటిల్. సైనా ఈ టైటిల్ గెలవడం ఇది తొలిసారి.

సచిన్ ఆత్మకథ ఆవిష్కరణ
మాజీ క్రికెటర్, భారత రత్న సచిన్ టెండూల్కర్ తన ఆత్మకథ ప్లేయింగ్ ఇట్ మై వే పుస్తకాన్ని అక్టోబరు 5న ముంబయిలో ఆవిష్కరించారు. తొలికాపీని తన తల్లి రజనికి అందించారు. తన 24 ఏళ్ల క్రికెట్ కెరీర్‌లో ఎదురైన అనుభవాలు, వివాదాలు, తదితర అంశాలను ఈ పుస్తకంలో వెల్లడించారు. 
జాతీయ స్క్వాష్ విజేతలు సంధు, జ్యోష్న
జాతీయ సీనియర్ స్క్వాష్ ఛాంపియన్ షిప్ టైటిల్‌ను హరీందర్ పాల్ సింగ్ సంధు కైవసం చేసుకున్నాడు. నవంబర్ 8న ముంబయిలో జరిగిన ఫైనల్‌లో సౌరభ్ ఘోషల్‌పై విజయం సాధించాడు. సంధుకిదే తొలి జాతీయ టైటిల్. మహిళల టైటిల్‌ను జ్యోష్న చినప్ప గెలుచుకుంది. ఫైనల్‌లో సచికా ఇంగాలేని ఆమె ఓడించింది.
భువనేశ్వర్‌కు పీపుల్స్ ఛాయిస్ అవార్డు
భారత ఫాస్ట్ బౌలర్ భువనేశ్వర్‌కుమార్‌కు ప్రతిష్టాత్మక ఎల్.జి పీపుల్స్ చాయిస్ అవార్డు వరించింది. ప్రపంచ వ్యాప్తంగా క్రికెట్ అభిమానులు ఇందుకు జరిగిన ఓటింగ్‌లో పాల్గొని విజేతను ఎన్నుకొన్నారు. ఈ అవార్డు 2010లో సచిన్, 2011, 2012లో సంగక్కర, 2013లో ఎం.ఎస్. ధోనికి లభించింది. 
హాకీ సిరీస్ భారత్ కైవసం
ఆస్ట్రేలియాతో జరిగిన హాకీ సిరీస్‌ను భారత్ గెలుచుకుంది. నవంబరు 9న పెర్త్‌లో జరిగిన నాలుగో టెస్ట్‌ను భారత్ గెలవడంతో 3-1 తేడాతో సిరీస్‌ను చేజిక్కించుకుంది. ఆస్ట్రేలియాపై భారత్ సిరీస్ గెలవడం ఇదే తొలిసారి.

ఐఎస్‌ఎస్‌ఎఫ్ చైర్మన్‌గా అభినవ్ బింద్రా
భారత షూటర్ అభినవ్ బింద్రా అంతర్జాతీయ షూటింగ్ క్రీడల సమాఖ్య (ఐఎస్‌ఎస్‌ఎఫ్) చైర్మన్‌గా ఎంపికయ్యాడు. ఈ నిర్ణయాన్ని ఐఎస్‌ఎస్‌ఎఫ్ అక్టోబరు 30న ప్రకటించింది. ప్రస్తుతం బింద్రా ఈ కమిటీలో సభ్యునిగా ఉన్నాడు. కాగా ఈ హోదాలో నియమితులైన తొలి భారతీయుడు ఆయనే.

రూ.250 కోట్లు చెల్లించాలని విండీస్‌కు బీసీసీఐ నోటీసువెస్టిండీస్ క్రికెట్ ఆటగాళ్లు సిరీస్‌ను రద్దుచేసుకొని అర్థంతరంగా తిరిగి వెళ్లడంతో నష్టపరిహారంగా రూ. 250 కోట్లు చెల్లించాలని వెస్టిండీస్ క్రికెట్ బోర్డుకు బీసీసీఐ నోటీసు ఇచ్చింది. పారితోషికం విషయంపై విండీస్ ఆటగాళ్లు,బోర్డుకు మధ్య వివాదం నెలకొనడంతో భారత్‌లో జరగనున్న మ్యాచ్‌లు ఆగిపోయాయి. దీంతో బీసీసీఐకి పలు రూపాల్లో భారీ నష్టం వాటిల్లింది.

పంకజ్ అద్వానీకి ప్రపంచ బిలియర్డ్స్ చాంపియన్ టైటిల్భారత బిలియర్డ్స్ క్రీడాకారుడు పంకజ్ అద్వానీ టైమ్ ఫార్మాట్‌లో ప్రపంచ బిలియర్డ్స్ చాంపియన్‌షిప్ టైటిల్‌ను గెలుచుకున్నాడు. ఇంగ్లండ్‌లోని లీడ్స్‌లో అక్టోబరు 29న జరిగిన ఫైనల్‌లో రాబర్డ్ హాల్ (ఇంగ్లండ్) ను ఓడించాడు. మూడోసారి గ్రాండ్ డబుల్ సాధించిన తొలి ఆటగాడిగా గుర్తింపు పొందాడు. కాగా కెరీర్‌లో 12వ ప్రపంచ టైటిల్. మహిళల టైటిల్ విజేత ఎమ్మా బోని (ఇంగ్లండ్). ఈమె రెవన్న ఉమాదేవి (భారత్)పై విజయం సాధించింది.

బ్రాడ్‌మన్ హాల్ ఆఫ్ ఫేమ్‌లో సచిన్, స్టీవ్‌వాకు చోటుమాజీ క్రికెటర్లు సచిన్ టెండూల్కర్ (భారత్), స్టీవ్‌వా (ఆస్ట్రేలియా)లకు బ్రాడ్‌మన్ హాల్ ఆఫ్ ఫేమ్‌లో చోటు లభించింది. అక్టోబరు 29న సిడ్నీ మైదా నంలో నిర్వహించిన కార్యక్రమంలో సచిన్, స్టీవ్‌వా పేర్లను గార్డ్ ఆఫ్ ఆనర్స్‌లో చేర్చినట్లు బ్రాడ్‌మన్ ఫౌండేషన్ ప్రకటించింది.

సెంట్రల్ జోన్‌కు దులీప్ ట్రోఫీదులీప్ ట్రోఫీని సెంట్రల్ జోన్ క్రికెట్ జట్టు గెలుచుకుంది. నవంబరు 2న న్యూఢిల్లీలో జరిగిన పైనల్‌లో సౌత్ జోన్‌ను సెంట్రల్‌జోన్ ఓడించి పదేళ్ల తర్వాత తిరిగి దులీప్‌ట్రోఫీని దక్కించుకుంది. ఈ ట్రోఫీని సెంట్రల్‌జోన్ గెలుచుకోవడం ఆరోసారి.

క్రీడలు అక్టోబరు 2014

క్రీడలు అక్టోబరు 2014
ఫెదరర్‌కు స్విస్ టైటిల్
రోజర్ ఫెదరర్ (స్విట్జర్లాండ్) స్విస్ ఇండోర్స్ (బాసెల్) టైటిల్‌ను గెలుచుకున్నాడు. అక్టోబరు 26న జరిగిన ఫైనల్‌లో డేవిడ్ గోఫిన్(బెల్జియం)పై విజయం సాధించాడు. ఫెదరర్ ఈ టెర్నీని గెలుచుకోవడం ఆరోసారి. 
బాక్సర్ సరితా దేవి సస్పెన్షన్
ఆసియా క్రీడల్లో పతకాన్ని స్వీకరించేందుకు నిరాకరించిన భారతీయ మహిళా బాక్సర్ సరితాదేవిపై అంతర్జాతీయ బాక్సింగ్ సంఘం (ఏఐబీఏ) తాత్కాలికంగా వేటు వేసింది. దక్షిణ కొరియాలోని ఇంచియాన్‌లో సెప్టెంబర్‌లో జరిగిన ఆసియా క్రీడల్లో జినా పార్క్ (దక్షిణ కొరియా)తో జరిగిన పోటీలో సరితా ఆధిక్యాన్ని కాదని పార్క్‌ను విజేతగా ప్రకటించారు. దీంతో ఆమె కలతచెంది పతకాన్ని తిరస్కరించడాన్ని ఏఐబీఏ తప్పు పట్టింది.
సాకేత్‌కు ఏటీపీ డబుల్స్ టైటిల్
ఆంధ్రప్రదేశ్ టెన్నిస్ క్రీడాకారుడు సాకేత్ మైనేని పుణె ఏటీపీ చాలెంజర్ డబుల్స్ టైటిల్‌ను గెలుచుకున్నాడు. అక్టోబరు 24న జరిగిన ఫైనల్‌లో సాకేత్-సనమ్ సింగ్ జోడి థాయ్‌లాండ్‌కు చెందిన రటి వటానా-సొంచాట్ జోడీపై విజయం సాధించారు. సాకేత్‌కు ఇది మూడో ఏటీపీ చాలెంజర్ టోర్నీ డబుల్స్ టైటిల్. 
సానియా జోడీకి డబ్ల్యూటీఏ టోర్నీ టైటిల్ 
సానియామీర్జా (భారత్)-కారాబ్లాక్ (జింబాబ్వే) జోడీ డబ్ల్యూటీఏ పైనల్స్ టోర్నీ టైటిల్ గెలుచుకుంది. అక్టోబరు 26న జరిగిన ఫైనల్‌లో సు వి సై (చైనీస్ తైపీ), సువయ్ పెంగ్ (చైనా) జోడీని ఓడించారు. సానియాకిది తొలి డబ్ల్యూటీఏ ఫైనల్స్ టోర్నీ టైటిల్ కాగా కారా బ్లాక్‌కు మూడోది. ప్రైజ్‌మనీ రూ. 3 కోట్లు. మహిళల సింగిల్స్ టైటిల్‌ను సెరెనా విలియమ్స్ గెలుచుకుంది. ఫైనల్లో ఆమె సిమోనా హలెప్ (రొమేనియా)ను ఓడించింది. సెరెనాకు ఇది వరుసగా మూడో డబ్ల్యూటీఏ టైటిల్.
ఆసియా పారాగేమ్స్‌లో శరత్ రికార్డు
భారత స్విమ్మర్ శరత్ మహదేవరావు గైక్వాడ్ ఆసియా పారాగేమ్స్‌లో ఆరు పతకాలతో రికార్డు నెలకొల్పాడు. ఇంచియాన్ (దక్షిణ కొరియా)లో అక్టోబరు 24న పురుషుల మెడ్లీ రిలే రేసులో శరత్‌తోపాటు, భారత బృందం కాంస్యం సాధించింది. అంతకు ముందు శరత్ ఐదు ఈవెంట్లలో కాంస్యాలు సాధించాడు. దీంతో ఆసియా క్రీడల్లో (పారా గేమ్స్‌తో కలిపి) అత్యధిక పతకాలు సాధించిన భారత క్రీడాకారుడిగా చరిత్ర సృష్టించాడు. గతంలో పి.టి.ఉష 1986లో నాలుగు స్వర్ణాలు, ఒక రజతంతో ఐదు పతకాలు సాధించింది.
పంకజ్ అద్వానీకి ప్రపంచ బిలియర్డ్స్ చాంపియన్ టైటిల్
భారత్‌కు చెందిన పంకజ్ అద్వానీ ప్రపంచ బిలియర్డ్స్ చాంపియన్ షిప్ టైటిల్‌ను గెలుచుకున్నాడు. అక్టోబరు 24న లీడ్స్‌లో జరిగిన 150 అప్ పాయింట్స్ ఫార్మేట్ పోటీ ఫైనల్‌లో మాజీ చాంపియన్ పీటర్ గిల్ క్రిస్ట్ (సింగపూర్) ను పంకజ్ ఓడించాడు. పంకజ్ కెరీర్‌లో ఇది 11వ ప్రపంచ టైటిల్.

సాకేత్‌కు ఇండోర్ ఓపెన్ టైటిల్ 
ఆంధ్రప్రదేశ్‌కు చెందిన టెన్నిస్ క్రీడాకారుడు సాకేత్ మైనేని ఇండోర్ ఓపెన్ ఏటీపీ చాలెంజర్ టోర్నీ టైటిల్‌ను కైవసం చేసుకున్నాడు. అక్టోబరు 19న జరిగిన సింగిల్స్ ఫైనల్‌లో అలెగ్జాండర్ (కజకిస్థాన్)ను సాకేత్ ఓడించాడు. ఇది అతనికి తొలి ఏటీపీ చాలె ంజర్ టోర్నీ టైటిల్.
జాతీయ సీనియర్ ఆర్చరీ చాంప్ 
జాతీయ సీనియర్ ఆర్చరీ చాంపియన్‌షిప్ టైటిల్‌ను తెలుగమ్మాయి వెన్నం జ్యోతి సురేఖ కైవసం చేసుకుంది. అక్టోబరు 16న జరిగిన మహిళల వ్యక్తిగత కాంపౌండ్ ఫైనల్‌లో పూర్వాషా షిండేపై ఆమె విజయం సాధించింది. ఈ చాంపియన్‌షిప్‌ను జ్యోతి రెండుసార్లు గెలుచుకుంది. 
భారత్‌కు సుల్తాన్ జొహర్ కప్ 
హాకీ సుల్తాన్ జొహర్ కప్ అండర్ -21 టోర్నమెంట్‌ను భారత జట్టు గెలుచుకుంది. మలేసియాలో జరిగిన ఫైనల్‌లో బ్రిటన్‌ను భారత్ ఓడించింది. దీంతో ఈ టోర్నమెంట్‌ను వరుసగా రెండు సార్లు సాధించిన తొలి జట్టుగా భారత్ గుర్తింపు పొందింది.

ఫోర్బ్స్ విలువైన క్రీడాకారుల్లో ధోనీ
ఫోర్బ్స్ అక్టోబరు 8న విడుదల చేసిన ప్రపంచ విలువైన క్రీడాకారుల జాబితాలో భారత క్రికెటర్ మహేంద్రసింగ్ ధోని ఐదో స్థానంలో నిలిచాడు. ధోనీ బ్రాండ్ విలువ 20 మిలియన్ డాలర్లు (రూ. 122 కోట్లు). అమెరికా బాస్కెట్ బాల్ ప్లేయర్ లీ బ్రాన్ జేమ్స్ 37 మిలియన్ డాలర్లతో ఒకటో స్థానంలో ఉన్నాడు. టైగర్ ఉడ్స్ (గోల్ఫ్), రోజర్ ఫెదరర్ (టెన్నిస్) రెండు, మూడు స్థానాల్లో నిలిచారు. 
ఫెదరర్‌కు షాంఘై మాస్టర్స్ టోర్నీ 
చైనాలో జరిగిన షాంఘై మాస్టర్స్ టోర్నీ విజేతగా రోజర్ ఫెదరర్ (స్విట్జర్లాండ్) నిలిచాడు. అక్టోబర్ 12న జరిగిన ఫైనల్లో గైల్స్ సైమన్‌పై గెలిచాడు. 
జయరామ్‌కు డచ్ ఓపెన్ టైటిల్
భారత బ్యాడ్మింటన్ క్రీడాకారుడు అజయ్ జయరామ్ డ చ్ ఓపెన్ టైటిల్‌ను గెలుచుకున్నాడు. ఇది అతనికి తొలి గ్రాండ్ ప్రి టైటిల్. గతంలో చేతన్ ఆనంద్ (2009), ప్రకాశ్ పదుకొనె(1982)లు ఈ టైటిల్‌ను గెలుచుకున్నారు.

ఆసియా క్రీడల్లో భారత్‌కు ఎనిమిదో స్థానం 
ఆసియా క్రీడల్లో చైనా 151 స్వర్ణపతకాలతో అగ్రస్థానంలో నిలిచింది. 79 స్వర్ణాలతో దక్షిణకొరియా రెండో స్థానం, 47తో జపాన్ మూడో స్థానం సాధించాయి. 11 బంగారు పతకాలతో భారత్ ఎనిమిదో స్థానంలో నిలిచింది. దక్షిణ కొరియాలోని ఇంచియాన్‌లో సెప్టెంబర్ 17న ఆరంభమైన 17వ ఆసియా క్రీడలు అక్టోబర్ 4న ముగిసాయి. నాలుగు వ్యక్తిగత స్వర్ణాలు సాధించిన జపాన్ స్విమ్మర్ కొనుగో హగినో అత్యంత విలువైన ఆటగాడి అవార్డుకు ఎంపికయ్యాడు. 2018 ఆసియా క్రీడలు ఇండోనేసియాలోని జకార్తాలో జరుగుతాయి. 

భారత్ సాధించిన స్వర్ణాలు-వివరాలు:
  • షూటింగ్: భారత్ తరపున తొలిస్వర్ణం షూటర్ జీతూరాయ్‌కి లభించింది.
  • ఆర్చరీ: పురుషుల కాంపౌండ్ టీం ఈవెంట్‌లో స్వర్ణం గెలుచుకుంది. అభిషేక్‌వర్మ, రజత్ చౌహాన్, సందీప్ కుమార్‌ల జట్టు కొరియాను ఓడించింది.
  • స్క్వాష్: పురుషుల జట్టు మలేసియాపై గెలిచింది.
  • రెజ్లింగ్: పురుషుల 65 కిలోల ఫ్రీస్టయిల్ రెజ్లర్ యోగేశ్వర్‌దత్ సాధించాడు. 28 ఏళ్ల తర్వాత భారత్‌కు ఆసియా క్రీడల్లో రెజ్లింగ్ (కుస్తీ)లో స్వర్ణం లభించింది. 1986లో సియోల్ క్రీడల్లో కర్తార్ సింగ్ స్వర్ణాన్ని గెలిచాడు.
  • డిస్కస్‌త్రో: మహిళల విభాగంలో సీమా పూనియా విజేత. అథ్లెటిక్స్‌లో ఇది తొలి స్వర్ణం.
  • టెన్నిస్ మిక్స్‌డ్ డబుల్స్: సానియామీర్జా, సాకేత్ మైనేనిల జోడి.
  • సెయిలింగ్: ఆసియా క్రీడల్లో మహిళలు తొలిసారి సెయిలింగ్‌లో పతకం సాధించారు.
  • బాక్సింగ్: విజేత మేరీకోమ్. కజకిస్థాన్‌కు చెందిన జైనా షెకెర్బెకోవాను ఓడించింది.
  • హాకీ: ఫైనల్లో పాకిస్థాన్‌ను ఓడించింది. ఈ విజయంతో 2016 రియో డిజెనిరోలో జరిగే ఒలింపిక్స్ క్రీడలకు భారత్ అర్హత సాధించింది. చివరిగా 1998లో బ్యాంకాక్ ఆసియా క్రీడల్లో భారత్ స్వర్ణం గెలిచింది.
  • రిలే పరుగు: మహిళల 4,400 మీటర్ల పరుగులో పూవమ్మ, టింటూ లుకా, మన్‌దీప్ కౌర్, ప్రియాంక పన్వర్‌ల బృందం స్వర్ణం గెలిచింది.
  • కబడ్డీ: పురుషుల,మహిళల విభాగాల్లో రెండు స్వర్ణాలు దక్కాయి. పురుషుల జట్టుకిది వరుసగా ఏడో విజయం కాగా మహిళల జట్టుకు రెండో వరుస విజయం.
పతకాల పట్టిక:
దేశంస్వర్ణంరజతంకాంస్యంమొత్తం
చైనా15110883342
దక్షిణకొరియా797184234
జపాన్477677200
భారత్11103657


చైనా ఓపెన్ విజేతలు షరపోవా, జొకొవిచ్
చైనా ఓపెన్ డబ్ల్యూటీఏ ప్రీమియర్ టోర్నమెంట్‌లో పురుషుల సింగిల్స్‌లో జొకొవిచ్, మహిళల సింగిల్స్‌లో షరపోవా గెలుపొందారు. ఫైనల్లో పెట్రా క్విటోవా (చెక్ రిపబ్లిక్)ను షరపోవా ఓడించింది. చైనా గడ్డపై తొలిసారి ఓ టోర్నీలో విజేతగా నిలవడం ఆమెకిది తొలిసారి. నొవాక్ జొకొవిచ్ వరుసగా ఐదోసారి చైనా ఓపెన్ టైటిల్ కైవసం చేసుకున్నాడు. 

హామిల్టన్‌కు జపాన్ గ్రాండ్ ప్రి టైటిల్జపాన్‌లో జరిగిన ఫార్ములావన్ గ్రాండ్ ప్రి టైటిల్‌ను మెర్సిడెజ్ డ్రైవర్ లూయిస్ హామిల్టన్ గెలుచుకున్నాడు. నికో రోస్‌బర్గ్ రెండో స్థానంలో నిలిచాడు. 

నిషికోరికి జపాన్ ఓపెన్ టైటిల్జ పాన్ టెన్నిస్ స్టార్ కీ నిషికోరి జపాన్ ఓపెన్ టైటిల్ గెలుచుకున్నాడు. అక్టోబర్ 5న జరిగిన ఫైనల్‌లో మిలోస్ రావ్‌నిక్(కెనడా)ను ఓడించాడు.

చెన్నై సూపర్ కింగ్స్‌దే చాంపియన్స్‌లీగ్ టైటిల్చాంపియన్స్ లీగ్ టీ-20 క్రికెట్ టైటిల్‌ను చెన్నై సూపర్ కింగ్స్ గెలుచుకుంది. అక్టోబర్ 4న జరిగిన ఫైనల్లో కోల్‌కత నైట్ రైడర్స్‌ను ఓడించి విజేతగా నిలిచింది. 2010లో కూడా ఈ టైటిల్‌ను చెన్నై జట్టు గెలుచుకుంది. మ్యాన్ ఆఫ్ ద టోర్నమెంట్‌గా సురేశ్‌రైనా ఎంపికయ్యాడు.

క్రీడలు సెప్టెంబరు 2014

క్రీడలు సెప్టెంబరు 2014
ప్రపంచ చెస్ టోర్నీలో కార్తీక్‌కు కాంస్యం
సెర్బియాలో జరిగిన వ్యక్తిగత చెస్ ఛాంపియన్‌షిప్ (వికలాంగుల)లో విజయవాడకు చెందిన కేవీకే కార్తీక్ కాంస్యపతకాన్ని కైవసం చేసుకున్నాడు. దీంతో పాటు ఫిడే మాస్టర్ టైటిల్‌ను సొంతం చేసుకున్నాడు. 
కపిల్‌దేవ్‌కు లైఫ్‌టైం అచీవ్ మెంట్ అవార్డు
భారత మాజీ క్రికెట్ ఆటగాడు కపిల్‌దేవ్ ఇండో -యూరోపియన్ బిజినెస్ ఫోరమ్ లైఫ్ టైం అచీవ్‌మెంట్ అవార్డుకు ఎంపికయ్యారు. హౌస్ ఆఫ్ లార్డ్స్‌లో సెప్టెంబర్ 24న ఆయన ఈ పురస్కారాన్ని అందుకున్నారు. క్రికెట్‌తో పాటు నిరాశ్రయులకు చేయూతనివ్వడంలో కపిల్ చూపిన కృషికి ఈ అవార్డు లభించింది. 
సచిన్, స్టీవ్‌వాలకు బ్రాడ్‌మన్ పురస్కారం
2014 బ్రాడ్‌మన్ పురస్కారానికి క్రికెటర్లు సచిన్‌టెండూల్కర్, స్టీవ్‌వా (ఆస్ట్రేలియా)లను బ్రాడ్‌మన్ ఫౌండేషన్ ఎంపికచేసింది. ఈ ఏడాది అక్టోబర్ 29న బ్రాడ్‌మన్ ఫౌండేషన్ అవార్డులను ప్రదానం చేయనుంది. 
పేస్ జోడీకి మలేసియా ఓపెన్ టైటిల్
లియాండర్ పేస్-మార్సిన్ మట్కోవ్‌స్కీ (పోలెండ్) జోడీ మలేసియా ఓపెన్ టైటిల్ గెలుచుకుంది. సెప్టెంబర్ 27న జరిగిన పోటీలో జేమీ ముర్రే, జాన్ పిర్స్ జంటపై పేస్ జోడీ విజయం సాధించింది.

సానియా జోడీకి పసిఫిక్ ఓపెన్ టైటిల్
సానియామీర్జా, కారాబ్లాక్ (జింబాబ్వే) జోడీ డబ్ల్యూటీఏ టోరే పాన్ పసిఫిక్ ఓపెన్ టైటిల్‌ను గెలుచుకుంది. టోక్యోలో సెప్టెంబర్ 20న జరిగిన ఫైనల్‌లో ఈ జంట గాబ్రిన్ మగురుజా-కార్లా సురెజ్ నవారో (స్పెయిన్)పై విజయం సాధించారు. 
ఇంచియాన్‌లో ప్రారంభమైన 17వ ఆసియా క్రీడలు 
దక్షిణ కొరియాలోని ఇంచియాన్‌లో 17వ ఆసియా క్రీడలు సెప్టెంబర్ 17న ఆరంభమయ్యాయి. అక్టోబర్ 4 వరకు కొనసాగుతాయి. ఒలింపిక్స్ తర్వాత రెండో అతిపెద్ద క్రీడలివే. 45 దేశాల నుంచి 13,000 మంది క్రీడాకారులు పాల్గొనగా వీరిలో భారత్ నుంచి 516 మంది ఉన్నారు. 36 క్రీడాంశాల్లో 439 ఈవెంట్లు జరుగుతాయి. ప్రారంభోత్సవ కార్యక్రమంలో భారత బృందానికి హాకీ జట్టు కెప్టెన్ సర్దార్ సింగ్ త్రివర్ణ పతాకంతో సారథ్యం వహించాడు.
జీతూరాయ్‌కి తొలిస్వర్ణం: 50 మీటర్ల పిస్టల్ ఈవెంట్‌లో భారత షూటర్ జీతూరాయ్ స్వర్ణం గెలిచాడు. ఆసియా క్రీడల్లో భారత్‌కు షూటింగ్‌లో తొలి స్వర్ణం కూడా ఇదే. 2018 ఆసియా క్రీడలు ఇండోనేసియా రాజధాని జకార్తాలో జరగనున్నాయి. 
షూటింగ్ ప్రపంచ చాంపియన్‌షిప్‌లో ప్రదీప్‌కు కాంస్యం
స్పెయిన్‌లోని గ్రనడా వేదికగా జరిగిన షూటింగ్ ప్రపంచ చాంపియన్ షిప్‌లో యువ షూటర్ ప్రదీప్ 25 మీటర్ల స్టాండర్డ్ పిస్టల్ పోటీ జూనియర్ విభాగంలో కాంస్యం సాధించాడు. ఈ టోర్నీలో భారత్‌కిది రెండో పతకం. ఇంతకు ముందు 50 మీటర్ల పిస్టల్ పోటీలో జీతూరాయ్ రజతం గెలిచాడు.

యూఎస్ ఓపెన్ పురుషుల సింగిల్స్ విజేత మారిన్
యూఎస్ ఓపెన్ పురుషుల సింగిల్స్ విజేతగా క్రొయేషియాకు చెందిన మారిన్ సిలిక్ నిలిచాడు. ఫైనల్లో జపాన్‌కు చెందిన తార కియ్ నిషికోరిపై విజయం సాధించాడు. 
పాక్ స్పిన్నర్ అజ్మల్‌పై ఐసీసీ నిషేధం
పాకిస్థాన్ స్పిన్నర్ సయీద్ అజ్మల్‌పై అంతర్జాతీయ క్రికెట్ కౌన్సిల్ (ఐసీసీ) నిషేధం విధించింది. అజ్మల్ బౌలింగ్ శైలి నిబంధనలకు విరుద్ధంగా ఉందని తెలిపింది. ఆగస్టులో శ్రీలంకతో జరిగిన టెస్టు సిరీస్‌లో అజ్మల్ బౌలింగ్ తీరుపై సందేహం వ్యక్తం చేస్తూ మ్యాచ్ రిఫరీ ఆండీ పైక్రాఫ్ట్‌క ఐసీసీకి నివేదించారు. దీంతో అజ్మల్‌కు పరీక్షలు నిర్వహించడంతో అతని బౌలింగ్ అక్రమమని తేలింది. 
నిషాకు జాతీయ మహిళల చెస్ చాంప్
జాతీయ మహిళల చాలెంజర్స్ చెస్ చాంపియన్‌షిప్ టైటిల్‌ను నిషా మెహతా గెలుచుకుంది. పనాజీ(గోవా)లో సెప్టెంబర్ 15న ముగిసిన పోటీల్లో నిషా మెహతా స్వర్ణపతకం సాధించింది. విజయలక్ష్మికి రజతం, తెలంగాణకు చెందిన హిందూజ రెడ్డి కాంస్యం గెలుచుకున్నారు. 
ప్రణయ్‌కు ఇండోనేషియా మాస్టర్స్ టైటిల్
భారత షటిలర్ హెచ్.ఎస్.ప్రణయ్ ఇండోనేషియా మాస్టర్స్ గ్రాండ్ ప్రి గోల్డ్ బ్యాడ్మింటన్ టైటిల్ గెలుచుకున్నాడు. పాలెమ్‌బాంగ్ (ఇండోనేషియా)లో సెప్టెంబర్ 14న జరిగిన ఫైనల్లో అబ్దుల్ కోలిక్ (ఇండోనేషియా)ను ఓడించాడు. అతనికిది తొలి గ్రాండ్ ప్రి గోల్డ్‌టైటిల్.

ఇంగ్లండ్ వన్డే సిరీస్‌ను గెలుచుకున్న భారత్
ఇంగ్లండ్‌తో జరిగిన ఐదు వన్డేల క్రికెట్ సిరీస్‌ను భారత్ 3-1 తేడాతో కైవసం చేసుకుంది. 24 ఏళ్ల తర్వాత ఇంగ్లండ్‌లో భారత్ వన్డే సిరీస్‌ను గెలుచుకుంది. 
యూఎస్ ఓపెన్ టెన్నిస్
యూఎస్ ఓపెన్ మిక్స్‌డ్ డబుల్స్ విజేతగా సానియా -బ్రునో సొరెస్ (బ్రెజిల్) జంట నిలిచింది. సెప్టెంబర్ 5న జరిగిన ఫైనల్లో స్పియర్స్ (అమెరికా)-గొంజాలెజ్ (మెక్సికో) జోడిని ఓడించింది. సానియాకు ఇది మూడో గ్రాండ్ స్లామ్ టైటిల్. 
మహిళల సింగిల్స్: ఈ విభాగంలో సెరెనా విలియమ్స్ విజేతగా నిలిచింది. ైఫైనల్లో కరోలైన్ వోజ్నియాకి (డెన్మార్క్)ను ఓడించింది. సెరెనాకు ఇది ఆరో యూఎస్ టైటిల్ కాగా తన కెరీర్‌లో 18వ గ్రాండ్‌స్లామ్ సింగిల్స్ టైటిల్. 
మహిళల డబుల్స్: ఈ విభాగంలో ఎకటెరీనా మకరోనా-ఎలెనా వెస్నినా (రష్యా) విజేతలుగా నిలిచారు. 
పురుషుల డబుల్స్: ఈ విభాగం టైటిల్‌ను అమెరికాకు చెందిన మైక్ బ్రయాన్-బాబ్ బ్రయాన్ సోదరులు గెలుచుకున్నారు. వీరికిది వందో డబుల్స్ టైటిల్. యూఎస్ ఓపెన్‌లో ఐదో సారి విజేతలుగా నిలిచారు. మొత్తం మీద 16వ గ్రాండ్ స్లామ్ టైటిల్. 
హామిల్టన్‌కు ఇటలీ గ్రాండ్ ప్రి టైటిల్
ఫార్ములా వన్ ఇటలీ గ్రాండ్ ప్రి టైటిల్‌ను మెర్సిడెస్ డ్రైవర్ లూయీస్ హామిల్టన్ గెలుచుకున్నాడు. మోంజా (ఇటలీ)లో సెప్టెంబర్ 7న జరిగిన పోటీలో రోస్‌బర్గ్ రెండో స్థానంలో నిలిచారు.

ప్రపంచ బ్యాడ్మింటన్ టోర్నీ
ప్రపంచ బ్యాడ్మింటన్ చాంపియన్‌షిప్ పురుషుల టైటిల్‌ను చైనాకు చెందిన చెన్‌లాంగ్ గెలుచుకున్నాడు. ఆగస్టు 31న కోపెన్‌హెగెన్‌లో జరిగిన ఫైనల్లో మలేషియాకు చెందిన లీచోంగ్‌వీ నిచెన్‌లాంగ్ ఓడించాడు. మహిళల సింగిల్స్ టైటిల్‌ను కరోలినా మారిన్ (స్పెయిన్) గెలుచుకుంది. ఫైన ల్లో జురుయ్ లీ (చైనా)ను ఓడించింది. స్పెయిన్ క్రీడాకారిణి ప్రపంచ బ్యాడ్మింటన్ చాంపియన్‌షిప్ గెలుచుకోవడం ఇదే తొలిసారి. భారత్‌కు చెందిన పి.వి. సింధు వరుసగా రెండో ఏడాదీ కాంస్యం నెగ్గింది. తద్వారా ఈ ఘనత సాధించిన భారత తొలి క్రీడాకారిణిగా నిలిచింది.

యూత్ ఒలింపిక్స్‌లో భారత్‌కు రెండో పతకం చైనాలో జరుగుతున్న యూత్ ఒలింపిక్స్‌లో ఆగస్టు 26న అతుల్‌వర్మ భారత్‌కు రెండో పతకం అందించాడు. వ్యక్తిగత రికర్వ్ ఆర్చరీ ఈవెంట్‌లో అతుల్ కాంస్యం గెలుచుకున్నాడు. 

క్రీడా పురస్కారాల ప్రదానంజాతీయ క్రీడా దినోత్సవాన్ని పురస్కరించుకొని ఆగస్టు 29న రాష్ట్రపతి ప్రణబ్ ముఖర్జీ జాతీయ క్రీడా అవార్డులను ప్రదానం చేశారు. వివరాలు.. 15 మందికి 2014 అర్జున అవార్డులను అందజేశారు. ఇందులో రవిచంద్రన్ అశ్విన్ (క్రికెట్), పూజారి మమత (కబడ్డీ), సునీల్‌కుమార్ రాణా (రెజ్లింగ్) ఉన్నారు. ద్రోణాచార్యగ్రహీతలు: గురుచరణ్ సింగ్ గోగి (జూడో), మనోహరన్ (బాక్సింగ్), జోసె జాకబ్ (రోయింగ్), లింగప్ప (అథ్లెటిక్స్), మహావీర్ ప్రసాద్ (రెజ్లింగ్). ధ్యాన్‌చంద్ అవార్డు గ్రహీతలు: గుర్మిల్ సింగ్ (హాకీ), కేపీ ఠక్కర్ (స్విమ్మింగ్-డైవింగ్), జీషణ్ అలీ (టెన్నిస్). హాకీ మాంత్రికుడు ధ్యాన్‌చంద్ జన్మదినోత్సవాన్ని (ఆగస్టు 29) జాతీయ క్రీడా దినోత్సవంగా నిర్వహిస్తారు.

జైపూర్ పాంథర్స్‌కు ప్రొ కబడ్డీ టైటిల్ ప్రొ కబడ్డీ లీగ్ టైటిల్‌ను జైపూర్ పింక్ పాంథర్స్ జట్టు గెలుచుకుంది. బాలీవుడ్ నటుడు అభిషేక్ బచ్చన్‌కు చెందిన ఈ జట్టు ఆగస్టు 31న జరిగిన ఫైనల్లో యు ముంబై జట్టును ఓడించింది. పాట్నా పైరేట్స్ మూడో స్థానంలో నిలిచింది.

క్రీడలు ఆగష్టు 2014

క్రీడలు ఆగష్టు 2014
యూత్ ఒలింపిక్స్‌లో భారత్‌కు తొలిపతకం ఆంధ్రప్రదేశ్‌కు చెందిన రాగాల వెంకట రాహుల్ చైనాలోని నాన్‌జింగ్‌లో జరుగుతున్న యూత్ ఒలింపిక్స్‌లో భారత్‌కు రజత పతకం అందించాడు. భారత్‌కు దక్కిన తొలి పతకం ఇదే. వెయిట్‌లిఫ్టింగ్‌లో ఆగస్టు 21న రాహుల్ 77 కిలోల విభాగంలో రజతం సాధించాడు. అమెరికాకు చెందిన హాకోబ్‌కు స్వర్ణం, కజకిస్థాన్‌కు చెందిన కలియన్‌కు కాంస్యం దక్కాయి. 

బెల్జియం గ్రాండ్ ప్రి విజేత రికియార్డోబెల్జియం గ్రాండ్‌ప్రిని రెడ్‌బుల్ డ్రైవర్ డానియల్ రికియార్డో గెలుచుకున్నాడు. రోస్‌బర్గ్ (మెర్సిడెజ్)కు రెండో స్థానం దక్కింది. 

ఫెదర ర్, సెరెనాలకు సిన్సినాటి టైటిళ్లుసిన్సినాటి ఓపెన్ టెన్నిస్ టోర్నమెంట్‌లో పురుషుల విభాగంలో రోజర్ ఫెదరర్ (స్విట్జర్లాండ్) విజేతగా నిలిచాడు. మహిళల టైటిల్‌ను సెరెనా విలియమ్స్ (అమెరికా) సొంతం చేసుకుంది.

ఆసియా పురుషుల వాలీబాల్ చాంప్ దక్షిణకొరియానాలుగో ఏవీసీ క్లబ్ కప్ వాలీబాల్ టోర్నమెంట్ టైటిల్‌ను దక్షిణకొరియా గెలుచుకుంది. కజకిస్థాన్‌లో ఆల్‌మాటీలో జరిగిన ఫైనల్‌లో భారత్‌ను ఓడించి స్వర్ణం గెలుచుకుంది. రెండేళ్లకోసారి జరిగే ఈ టోర్నమెంట్‌లో భారత్ ఫైనల్‌కు చేరడం ఇదే తొలిసారి.
చెస్ ఒలింపియాడ్‌లో భారత్‌కు పతకం
చెస్ ఒలింపియాడ్‌లో భారత్ తొలిపతకాన్ని సాధించింది. నార్వేలో జరిగిన టోర్నీ చివరి రౌండ్‌లో భారత పురుషుల జట్టు ఉజ్బెకిస్థాన్‌ను ఓడించి ద్వితీయ స్థానంలో నిలిచింది. అయితే టైబ్రేక్ కారణంగా మూడోస్థానంలో భారత్ కాంస్యం గెలుచుకుంది. కాంస్యం గెలుచుకున్న జట్టులో తెలుగుతేజం లలిత్‌బాబు ఉన్నాడు. 1924లో చెస్ ఒలింపియాడ్ మొదలైన తర్వాత భారత్ పతకం గెలుచుకోవడం ఇదే తొలిసారి. 
ప్రపంచ టీమ్ బిలియర్డ్స్‌లో భారత్‌కు స్వర్ణం
మొదటి ప్రపంచ టీమ్ బిలియర్డ్స్ చాంపియన్‌షిప్‌లో భారత్ స్వర్ణ, రజత పతకాలు సాధించింది. ఆగస్టు 15న గ్లాస్గోలో జరిగిన ఫైనల్‌లో భారత-బి జట్టు భారత-ఎ జట్టును ఓడించి స్వర్ణం సాధించింది. ఈ విజయంతో పంకజ్ అద్వానీ (10) అత్యధిక ప్రపంచ టైటిల్స్ సాధించిన భారత క్రీడాకారుడిగా రికార్డులకెక్కాడు. ఇంతవరకు ఏ క్రీడలో ఏ ఆటగాడూ ఇన్ని ప్రపంచ టైటిల్స్‌ను గెలవలేదు. ఇంతవరకు ఏ క్రీడాకారుడూ ఇన్ని టైటిల్స్‌ను గెలుచుకోలేదు. 28 ఏళ్ల అద్వానీ 8 సార్లు ప్రపంచ చాంపియన్‌షిప్‌ను, రెండు సార్లు ఆసియా క్రీడల్లో స్వర్ణం సాధించాడు. 
మదుగలె రికార్డు
ఐసీసీ మ్యాచ్ రిఫరీ రంజన్ మదుగలె ఒక అరుదైన రికార్డును సొంతం చేసుకున్నారు. ఇటీవల భారత్-ఇంగ్లండ్‌ల మధ్య ముగి సిన ఐదో టెస్టు ఆయనకు 150వది కావడం విశేషం. తద్వారా టెస్టు క్రికెట్‌లో ఈ ఘనత సాధించిన తొలి రిఫరీగా మదుగలె రికార్డు సృష్టించారు. 1993లో కరాచీలో పాకిస్థాన్, జింబాబ్వే మధ్య జరిగిన టెస్టుతో ఆయన అంతర్జాతీయ రిఫరీగా మారారు. 
చైనాలో ప్రారంభమైన యూత్ ఒలింపిక్స్
చైనాలోని నాన్‌జింగ్ ఒలింపిక్ స్టేడియంలో ఆగస్టు 16న యూత్ ఒలింపిక్స్ ప్రారంభమయ్యాయి. 12 రోజుల పాటు జరిగే ఈ ఒలింపిక్స్‌లో 200లకు పైగా దేశాలకు చెందిన దాదాపు 3600 మంది క్రీడాకారులు పాల్గొంటున్నారు. 
పటౌడీ ట్రోఫీ విజేత ఇంగ్లండ్
భారత్-ఇంగ్లండ్ జట్ల మధ్య ఆగస్టు 18న ముగిసిన ఐదు టెస్ట్ మ్యాచ్‌ల సిరీస్‌లో ఇంగ్లండ్ విజేతగా నిలిచింది. తద్వారా వరుసగా మూడో సారి (2011, 2012, 2014) పటౌడీ ట్రోఫీని గెలుచుకుంది. అండర్సన్ (ఇంగ్లండ్), భువనేశ్వర్ (భారత్)లకు ‘మ్యాన్ ఆఫ్ ద సిరీస్’ అవార్డులు లభించాయి.
ఫోర్‌‌బ్స కోటీశ్వరుల జాబితాలో షరపోవా అగ్రస్థానం
రష్యా టెన్నిస్ క్రీడాకారిణి మరియా షరపోవా ఫోర్బ్స్ మహిళ క్రీడాకారుల కోటీశ్వరుల జాబితాలో వరుసగా పదో ఏడాది అగ్రస్థానంలో నిలిచింది. 2013 జూన్- 2014 జూన్ మధ్య కాలంలో వాణిజ్య ఒప్పందాలు, ప్రైజ్ మనీ ద్వారా సుమారు రూ. 148 కోట్లకు పైగా సంపాదనతో మహిళా అథ్లెట్లలో మొదటిస్థానం సాధించింది. చైనా టెన్నిస్ క్రీడాకారిణి లినా రూ. 143 కోట్లతో రెండో స్థానంలో నిలిచింది.

ప్రపంచకప్ ఆర్చరీలో దీపిక బృందానికి స్వర్ణ పతకం 
పోలెండ్ దేశం వ్రోక్లా నగరంలో జరుగుతున్న ప్రపంచకప్ ఆర్చరీలో దీపిక కుమారి నేతృత్వంలోని మహిళల రికర్వ్ జట్టు స్వర్ణ పతకం సాధించింది. ఆగస్టు 10న జరిగిన ఫైనల్లో దీపికా కుమారి, బొంబేలా దేవీ, లక్ష్మీరాణిలతో కూడిన భారత మహిళల జట్టు మెక్సికో జట్టుపై విజయం సాధించింది. కాగా జయంత తాలుక్‌దార్ సారథ్యంలోని భారత పురుషుల జట్టు రజతం సాధించింది. 
రద్వాన్ స్కా కు డబ్ల్యూటీఏ రోజర్స్ కప్ టైటిల్
డబ్ల్యూటీఏ రోజర్స్ కప్ టెన్నిస్ మహిళల సింగిల్స్ టైటిల్‌ను రద్వాన్ స్కా (పోలెండ్) గెలుచుకుంది. టొరంటోలో ఆగస్టు 11న జరిగిన ఫైనల్‌లో వీనస్ విలియమ్స్ (అమెరికా)ను రద్వాన్ స్కా ఓడించింది. 
సోంగాకు ఏటీపీ రోజర్స్ కప్ టైటిల్
ఏటీపీ రోజర్స్ కప్ పురుషుల సింగిల్స్ టెన్నిస్ టైటిల్‌ను జోవిల్ ఫ్రైడ్ సోంగా (ఫ్రాన్స్) కైవసం చేసుకున్నాడు. ఆగస్టు 11న జరిగిన ఫైనల్‌లో రోజర్ ఫెదరర్(స్విట్జర్లాండ్) ను సోంగా ఓడించాడు.
లెడెకి మరో ప్రపంచ రికార్డు
అమెరికా స్వివ్ముర్ కేటీ లెడెకి మరో సంచనలం సృష్టించింది. యుఎస్ స్విమ్మింగ్ జాతీయ చాంపియున్‌షిప్‌లో ప్రపంచ రికార్డు నెలకొల్పింది. శనివారం జరిగిన వుహిళల 400 మీటర్ల ఫ్రీస్టరుుల్ రేసును 17 ఏళ్ల ఈ అమ్మాయి 3ని.58.86 సెకన్లలో పూర్తి చేసి కొత్త ప్రపంచ రికార్డు నమోదు చేసింది. గతంలో ఈ రికార్డు ఇటలీ స్వివ్ముర్ ఫెడ్రికా పెల్లెగ్రిని (3:59.15 సెకన్లు) పేరిట ఉండేది. హైటెక్ బాడీ సూట్‌ను నిషేధించిన తర్వాత పెల్లెగ్రిని ఈ రికార్డు నెలకొల్పింది. ఇదే టోర్నీలో 800 మీటర్లు. 1500 మీటర్ల ఫ్రీస్టరుల్‌లోనూ కొత్త ప్రపంచ రికార్డులు సృష్టించిన లెడెకి... జానెట్ ఇవాన్స్ (1998 నుంచి 2006 మధ్యలో) తర్వాత ఏకకాలంలో వుూడు విభాగాల్లో ప్రపంచ రికార్డులు నమోదు చేసుకున్న స్విమ్మర్‌గా గుర్తింపు పొందింది.

కామన్‌వెల్త్ క్రీడల్లో భారత్‌కు 5వస్థానం
స్కాట్లాండ్‌లోని గ్లాస్గోలో జూలై 23న ప్రారంభమైన 21వ కామన్‌వెల్త్ క్రీడలు ఆగస్టు 3తో ముగిశాయి. కెనడాకు చెందిన రిథమిక్ జిమ్నాస్ట్ ఫ్రాంకీ జోన్స్ ఉత్తమ అథ్లెట్‌గా ఎంపికైంది. 21వ కామన్‌వెల్త్ క్రీడలు ఆస్ట్రేలియాలోని గోల్డ్‌కోస్ట్ నగరంలో 2018లో జరగనున్నాయి. 
మొదటి 5 స్థానాల్లో నిలిచిన దేశాలు 
దేశంస్వర్ణంరజతంకాంస్యంమొత్తం
ఇంగ్లండ్585957174
ఆస్ట్రేలియా494246137
కెనడా32164682
స్కాట్లాండ్19151953
భారత్15301964
భారత్ 2010 కామన్‌వెల్త్ క్రీడల్లో 38 స్వర్ణాలు, 27 రజతాలు, 36 కాంస్యాలతో మొత్తం 101 పతకాలతో రెండో స్థానంలో నిలిచింది. 

కశ్యప్‌కు స్వర్ణం తెలుగు క్రీడాకారుడు పారుపల్లి కశ్యప్ బ్యాడ్మింటన్‌లో స్వర్ణం సాధించాడు. 1978లో ప్రకాశ్ పదుకొనె, 1982లో సయ్యద్ మోడీ పురుషుల సింగిల్స్‌లో స్వర్ణం సాధించారు. స్క్వాష్‌లో మహిళల డబుల్స్‌లో భారత జోడీ దీపికా పల్లికల్, జ్యోష్న చినప్ప టైటిల్ గెలుచుకున్నారు. కామన్‌వెల్త్ క్రీడల్లో స్క్వాష్‌లో భారత్ పతకం సాధించడం ఇదే తొలిసారి. అలాగే కామన్‌వెల్త్ క్రీడల్లో జిమ్నాస్టిక్స్‌లో తొలిసారి పతకం సాధించిన భారత క్రీడాకారిణిగా దీప కర్మాకర్ రికార్డు సృష్టించింది. జూలై 31న వాల్ట్ విభాగంలో జరిగిన పోటీలో త్రిపురకు చెందిన దీప కాంస్య పతకం నెగ్గింది. కర్ణాటకకు చెందిన వికాస్‌గౌడ్ డిస్కస్‌త్రోలో తొలి స్వర్ణం సాధించిన వ్యక్తిగా రికార్డు సృష్టించాడు.. ఈ విజయంతో అథ్లెటిక్స్ విభాగంలో స్వర్ణం సాధించిన రెండో వ్యక్తిగా రికార్డులకెక్కాడు. వికాస్‌గౌడ్‌కు ముందు మిల్కాసింగ్ 1958 కామన్‌వెల్త్ క్రీడల్లో ట్రాక్ ఈవెంట్ విభాగంలో తొలిసారి బంగారుపతకం సాధించాడు. 

టెన్నిస్‌లో వేగవంతమైన సర్వ్ రికార్డ్ నమోదుజర్మనీకి చెందిన సబీన్ లిసికి జూలై 30న మహిళల టెన్నిస్ విభాగంలో అత్యంత వేగవంతమైన సర్వ్ రికార్డును నెలకొల్పింది. అమెరికా వేదికగా అన్నా ఇవనోవిచ్‌తో తలపడిన మ్యాచ్‌లో మొదటి రౌండ్‌లో గంటకు 131 మైళ్ల వేగంతో సర్వ్‌ను చేసింది. కాగా ఆమె ఓటమిపాలైంది.

క్రీడలు జూలై 2014

క్రీడలు జూలై 2014
లార్డ్స్ టెస్టులో భారత్ విజయం 
ఇంగ్లండ్‌లో జరుగుతున్న ఐదు టెస్టుల సిరీస్‌లో లార్డ్స్ వేదికగా సాగిన రెండో టెస్టులో ధోనీసేన చారిత్రక విజయాన్ని సాధించింది. లార్డ్స్‌లో టీమిండియా ఆడిన 16 టెస్టుల్లో ఇది రెండో విజయం. 28 ఏళ్ల క్రితం 1986లో కపిల్ దేవ్ సారథ్యంలో తొలి విజయం నమోదయింది. ఏడు వికెట్లు తీసిన ఇషాంత్‌శర్మకు మ్యాన్ ఆఫ్ ద మ్యాచ్ అవార్డు దక్కింది.
తెలంగాణ బ్రాండ్ అంబాసిడర్‌గా సానియామీర్జా 
తెలంగాణ బ్రాండ్ అంబాసిడర్‌గా టెన్నిస్ క్రీడాకారిణి సానియామీర్జాను రాష్ట్ర ప్రభుత్వం ఎంపికచేసింది. తెలంగాణ వికాసానికి విశిష్ట వ్యక్తులతో జాతీయ, అంతర్జాతీయ స్థాయిలో ప్రచారం చేయాలనే లక్ష్యంతో ప్రభుత్వం ఈ నిర్ణయం తీసుకుంది. టెన్నిస్‌లో మరింతగా ప్రతిభా పాటవాలను ప్రదర్శించేందుకు అవసరమైన ప్రత్యేక శిక్షణ నిమిత్తం కోటిరూపాయల ఆర్థిక సాయం ప్రకటించింది.
జర్మన్ గ్రాండ్‌ప్రి విజేత రోస్‌బర్‌‌గ
జర్మన్ గ్రాండ్‌ప్రిలో మెర్సిడెస్ జట్టు డ్రైవర్ నికో రోస్‌బర్గ్ విజయం సాధించాడు. జూలై 20న జరిగిన పోటీలో బొటాస్(విలియమ్స్ జట్టు) రెండో స్థానంలో నిలిచాడు. 

ప్రపంచకప్ విజేత జర్మనీ
బ్రెజిల్‌లో మారకానాలో జూలై 13న జరిగిన ప్రపంచకప్ ఫుట్‌బాల్ ఫైనల్లో జర్మనీ, అర్జెంటీనాను ఓడించి విజేతగా నిలిచింది. తద్వారా ఉత్తర,దక్షిణ అమెరికా ఖండంలో జరిగిన ప్రపంచ కప్ పోటీల్లో విజేతగా నిలిచిన తొలి ఐరోపా దేశంగా జర్మనీ జట్టు చరిత్ర సృష్టించింది. జర్మనీకి ఇది నాలుగో ప్రపంచకప్. తదుపరి 2018 ప్రపంచ కప్ ఫుట్‌బాల్ టోర్నమెంట్‌కు (21వ)కు రష్యా ఆతిథ్యమివ్వనుంది. ఈ సందర్భంగా ప్రకటించిన అవార్డుల వివరాలు.. గోల్డెన్‌బాల్ (అత్యుత్తమ ఆటగాడు): లియోనెల్ మెస్సి (అర్జెంటీనా), గోల్డెన్ బూట్ (అత్యధిక గోల్స్): రోడ్రిగెజ్ (కొలంబియా), గోల్డెన్ గ్లోవ్ (అత్యుత్తమ గోల్‌కీపర్): మాన్యుల్ న్యూర్ (జర్మనీ),ఉత్తమ యువ ఆటగాడు: పాల్ ఫోగ్బా (ఫ్రాన్స్), ఫెయిర్ ప్లే అవార్డు (కొలంబియా జట్టు) 
నిఖిత్ జరీన్‌కు బాక్సింగ్‌లో స్వర్ణంతెలంగాణకు చెందిన నిఖిత్‌జరీన్ గోల్డెన్‌గ్లవ్ ఆఫ్ వోజ్‌వోదినా అంతర్జాతీయ బాక్సింగ్‌చాంపియన్‌షిప్‌లో స్వర్ణ పతకం సాధించింది. సెర్బియాలోని వోజ్‌వోదినాలో జూలై 13న జరిగిన ఫైనల్‌లో 54 కిలోల విభాగంలో హంగేరికి చెందినపెరెన్జ్‌జూడిత్‌ను నిఖిత్ జరీన్ ఓడించింది.

నైజీరియా ఫుట్‌బాల్ జట్టుపై నిషేధం నైజీరియా ఫుట్‌బాల్ జట్టును ఫిఫా నిషేధించింది. అంతర్జాతీయ స్థాయిలో జరిగే ఫుట్‌బాల్ పోటీల్లో ఆ జట్టు పాల్గొనరాదని జూలై 9న ఆదేశాలు జారీచేసింది. నైజీరియా ఫుట్‌బాల్ ఫెడరేషన్‌లో అక్కడి ప్రభుత్వం జోక్యం చేసుకోవడాన్ని తీవ్రంగా పరిగణిస్తూ ఫిఫా ఈ చర్యకు పాల్పడింది.

వింబుల్డన్ విజేతలు మహిళల సింగిల్స్:పెట్రో క్విటోవా (చెక్ రిపబ్లిక్). ఫైనల్లో యూజీవ్ బౌచర్డ్ (కెనడా)పై విజయం. 
పురుషుల సింగిల్స్: నొవాక్ జొకోవిచ్ (సెర్బియా). ఫైనల్లో రోజర్ ఫెదరర్ (స్విట్జర్లాండ్)పై విజయం.
మహిళల డబుల్స్: సారాఎరాని, రాబెర్టావిన్సీ జోడి (ఇటలీ) 
పురుషుల డబుల్స్: వాసెక్ పాస్ప్‌పిసిల్ (కెనడా), జాక్‌సోక్(అమెరికా) జోడీ. మిక్స్‌డ్ డబుల్స్: నీనద్ జిమోంజిక్ (సెర్బియా), సమంతాస్టోసుర్ (ఆస్ట్రేలియా) జోడీ. 

బ్రిటీష్ గ్రాండ్ ప్రి విజేత హామిల్టన్ బ్రిటీష్ గ్రాండ్ ప్రి టైటిల్‌ను లూయిస్ హామిల్టన్ కైవసం చేసుకున్నాడు. ఈ సీజన్‌లో అతనికిది ఐదో విజయం. 

ఆనంద్‌కు రష్యా ఆర్డర్ ఆఫ్ ఫ్రెండ్‌షిప్ అవార్డు భారత చెస్ దిగ్గజం విశ్వనాథన్ ఆనంద్ రష్యా సమాఖ్యకు చెందిన ఆర్డర్ ఆఫ్ ఫ్రెండ్‌షిప్ అవార్డుకు ఎంపికయ్యారు. ఇజ్రాయెల్‌కు చెందిన మరో చెస్ క్రీడాకారుడు బోరిస్ గేల్‌ఫాండ్‌ను కూడా ఎంపికచేసినట్లు జూలై 4న ఫిడే ప్రకటించింది. ఈ అవార్డును ఆర్థిక, శాస్త్ర, సాంకేతిక రంగాల్లో రష్యాతో స్నేహ పూర్వక, సహకార సంబంధాల విస్తరణకు కృషిచేసిన విదేశీయులకు గుర్తింపుగా ప్రదానం చేస్తారు.

క్రీడలు జూన్ 2014

క్రీడలు జూన్ 2014
ఆస్ట్రేలియన్ ఓపెన్ టైటిల్ విజేత సైనా
భారత స్టార్ షట్లర్ సైనా నెహ్వాల్ ఆస్ట్రేలియన్ ఓపెన్ సూ పర్ సిరీస్ టోర్నమెంట్‌లో ఛాంపియన్‌గా అవతరించింది. సిడ్నీలో జూన్ 29న జరిగిన ఫైనల్లో సైనా స్పెయిన్‌కు చెం దిన కరోలినా మారిన్‌పై విజయం సాధించింది. ఈ గెలుపుతో సైనా తన కెరీర్‌లో ఏడో సూపర్ సిరీస్ టైటిల్‌ను సొం తం చేసుకుంది. ఆమెకు రూ.34 లక్షల ప్రైజ్‌మనీ దక్కింది. 
ఐసీసీ చైర్మన్‌గా శ్రీనివాసన్
పాలనాపరమైన మార్పుల అనంతరం ఏర్పడిన తొలి అంతర్జాతీయ క్రికెట్ కౌన్సిల్ (ఐసీసీ)కు భారత్‌కు చెందిన ఎన్. శ్రీనివాసన్ చైర్మన్‌గా అధికారికంగా ఎన్నికయ్యారు. ఐసీసీ చైర్మన్ పద వీ కాలం రెండేళ్లు. మెల్‌బోర్న్ క్రికెట్ గ్రౌండ్స్‌లో జూన్ 26న జరిగిన వార్షిక సమావేశంలో 52 మంది సభ్యులు శ్రీనివాసన్‌ను ఏకగ్రీవంగా ఎన్నుకున్నారు. ఐసీసీ పాలనా వ్యవహారాలతో పాటు మెమోరాండమ్, ఆర్టికల్స్‌లో సవరణకు కూడా కౌన్సిల్ ఆమోదించింది. దీంతో ఇక పాలనా వ్యవహారాల్లో బిగ్-3 (భారత్, ఆస్ట్రేలియా, ఇంగ్లండ్)దే అంతిమ నిర్ణయం.
వరల్డ్ 6-రెడ్ స్నూకర్ విజేత పంకజ్ అద్వానీ
భారత స్నూకర్ స్టార్ పంకజ్ అద్వానీ వరల్డ్ 6-రెడ్ స్నూకర్ చాంపియన్‌షిప్ విజేతగా నిలిచాడు. జూన్ 29న జరిగిన ఫైనల్లో పంకజ్ పోలెండ్‌కు చెందిన కాస్ఫర్ ఫ్లిల్పియాక్‌పై విజయం సాధించాడు. ఈ విజయంతో తొమ్మిదో ప్రపంచ టైటిల్‌ను (బిలియర్డ్స్‌లో 7, స్నూకర్‌లో 2) తన ఖాతాలో వేసుకున్నాడు.
ఉరుగ్వే ఫుట్‌బాల్ ఆటగాడు సూరెజ్‌పై నిషేధం 
బ్రెజిల్‌లో జూన్ 25న ఇటలీ- ఉరుగ్వేల మధ్య జరిగిన ప్రపంచకప్ ఫుట్‌బాల్ మ్యాచ్‌లో గియార్గియా అనే ఇటలీ ఆటగాడిని కొరికినందుకు ఉరుగ్వే ఫుట్ బాల్ క్రీడాకారుడు లూయిస్ సూరెజ్‌పై ఫిఫా నిషేధం విధించింది. తొమ్మిది అంతర్జాతీయ మ్యాచ్‌లతోపాటు నాలుగు నెలలు ఫుట్‌బాల్ కార్యకలాపాల్లో పాల్గొనకుండా సూరెజ్‌పై చర్య తీసుకుంది.

బంగ్లాదేశ్ మాజీ కెప్టెన్‌పై ఎనిమిదేళ్ల నిషేధం
బంగ్లాదేశ్ క్రికెట్ ఆటగాడు, మాజీ కెప్టెన్ మహమ్మద్ ఆష్రాఫుల్‌పై ఆ దేశ క్రికెట్ బోర్డు ఎనిమిదేళ్ల నిషేధం విధించింది. ఆష్రాఫుల్‌తోపాటు ఢాకా గ్లాడియేటర్స్ జట్టు యజమాని పిహబ్ చౌదరి పదేళ్ల నిషేధానికి గురయ్యాడు. మ్యాచ్ ఫిక్సింగ్‌కు పాల్పడినట్లు నేరాన్నిఅంగీకరించినందుకు ఆష్రాఫుల్‌పై బంగ్లాదేశ్ క్రికెట్ బోర్డు జూన్ 18న క్రమశిక్షణ ఉల్లంఘన కింద చర్యలను తీసుకుంది. 
షూటర్ జీతూకు స్వర్ణం
స్లొవేనియాలోని మారిబోర్‌లో జరుగుతున్న ఐఎస్‌ఎస్‌ఎఫ్ ప్రపంచకప్‌లో భారత ఆటగాడు జీతూరాయ్ స్వర్ణం సాధించాడు. ఎయిర్ పిస్టల్ విభాగం ఫైనల్ రౌండ్‌లో 200.8 పాయింట్లతో స్వర్ణం కైవసం చేసుకున్నాడు. ఈ పతకంతో పాటు ఇంతకు ముందే ప్రీ పిస్టల్‌లో రజతం సాధించిన జీతూ ప్రపంచకప్‌లో రెండు పతకాలు సాధించిన తొలి భారతీయుడిగా రికార్డులకెక్కాడు. 
అత్యుత్తమ బౌలింగ్ రికార్డు నెలకొల్పిన స్టువర్ట్ బిన్నీ 
వన్డే క్రికెట్‌లో భారత బౌలర్ స్టువర్ట్ బిన్నీ అత్యుత్తమ బౌలింగ్ రికార్డు నెలకొల్పాడు. బంగ్లాదేశ్‌లోని మిర్పూర్‌లో జూన్ 17న భారత్, బంగ్లాదేశ్‌ల మధ్య జరిగిన రెండో వన్డేలో నాలుగు పరుగులకు ఆరు వికెట్లు తీసి సంచలనం సృష్టించాడు. ఇప్పటివరకు ఉన్న అనిల్‌కుంబ్లే రికార్డును అధిగమించాడు. కుంబ్లే 1993లో వెస్టిండీస్‌పై కోల్‌కతాలో 12 పరుగులకు 6 వికెట్లు తీసిన రికార్డు ఇప్పటివరకు ఉంది. 
ఫిడే వరల్డ్ రాపిడ్ చెస్ విజేత మాగ్నస్ కార్లస్ 
ప్రపంచ నంబర్‌వన్ చెస్ ఆటగాడు మాగ్నస్ కార్లస్ ఫిడే వరల్డ్ రాపిడ్ చెస్ చాంపియన్‌షిప్‌ను కైవసం చేసుకున్నాడు. చెస్ క్లబ్ ఆఫ్ దుబాయ్‌లో జూన్ 18న జరిగిన పోటీల్లో మాగ్నస్ 15 పాయింట్లకు గాను 11 పాయింట్లు గెలిచి విజేతగా నిలిచాడు. ఈ టోర్నమెంట్‌ను ప్రపంచ చెస్ ఫెడరేషన్ నిర్వహించడం ఇది మూడోసారి.
ఆస్ట్రియా గ్రాండ్ ప్రి విజేత రోస్‌బర్గ్
ఆస్ట్రియా గ్రాండ్ ప్రిలో మెర్సిడెస్ డ్రైవర్ జర్మనీకి చెందిన నికో రోస్‌బర్గ్ విజేతగా నిలిచాడు. జూన్ 22న 71 ల్యాప్‌ల రేసును రోస్‌బర్గ్ 27 నిమిషాల 54.976 సెకన్లలో పూర్తిచేసి అగ్రస్థానంలో నిలిచాడు. ఈ సీజన్‌లో రోస్‌బర్గ్‌కు ఇది మూడో విజయం. కాగా ఇదే జట్టుకు చెందిన లూయీస్ హామిల్టన్ రెండో స్థానాన్ని దక్కించుకున్నాడు.

పురుషుల ప్రపంచ హకీ కప్ విజేత ఆస్ట్రేలియా
పురుషుల ప్రపంచ హకీ కప్‌ను ఆస్ట్రేలియా గెలుచుకుంది. జూన్ 15న ద హేగ్‌లో జరిగిన ఫైనల్లో నెదర్లాండ్స్‌ను ఓడించింది. అర్జెంటీనా మూడో స్థానం దక్కించుకుంది. మహిళల విభాగంలో ఆస్ట్రేలియాను ఓడించి నెదర్లాండ్స్ విజేతగా నిలిచింది.
ప్రపంచకప్ షూటింగ్‌లో జీతూకు రజతం
భారత పిస్టల్ షూటర్ జీతూ రాయ్.. ప్రపంచకప్ షూటింగ్‌లో రజత పతకం సాధించాడు. జూన్ 11న జరిగిన పురుషుల 10 మీటర్ల ఎయిర్ పిస్టల్ ఈవెంట్ ఫైనల్స్‌లో జీతూ రెండో స్థానంలో నిలిచాడు. స్పెయిన్‌కు చెందిన పాబ్లో కారెరా స్వర్ణం దక్కించుకున్నాడు. 
ప్రారంభమైన సాకర్ వరల్డ్‌కప్
20వ ఫుట్‌బాల్ ప్రపంచకప్ బ్రెజిల్‌లోని సావోపాలో నగరంలో జూన్ 12న ప్రారంభమైంది. జూలై 13 వరకు ఈ టోర్నమెంట్ జరుగుతుంది. 32 దేశాలు పాల్గొంటున్న ఈ టోర్నీ ప్రారంభ మ్యాచ్‌లో బ్రెజిల్-క్రొయేషియాతో తలపడింది. ఈ ప్రపంచకప్ మొత్తం ప్రైజ్‌మనీ రూ. 3417 కోట్లు. విజేత జట్టుకు దక్కే మొత్తం రూ.207 కోట్లు. రన్నరప్ జట్టుకు లభించే మొత్తం రూ. 148 కోట్లు. ఫుట్‌బాల్ ప్రపంచకప్‌ను పురస్కరించుకుని భారత్‌లో రూ.5, రూ.25ల ప్రత్యేక స్టాంపులను విడుదల చేశారు. న్యూఢిల్లీ ప్రధానమంత్రి నరేంద్ర మోడి చేతుల మీదుగా జూన్ 12న వీటిని ఆవిష్కరించారు. ఇప్పటివరకు 19 ప్రపంచకప్ టోర్నమెంట్లు జరిగాయి. 1930లో జరిగిన తొలి ప్రపంచ కప్‌లో 13 జట్లు పాల్గొన్నాయి. అత్యధిక సార్లు ప్రపంచ కప్ గెలిచిన జట్టు బ్రెజిల్ (5). గత ప్రపంచకప్ 2010లో దక్షిణాఫ్రికాలో జరిగింది. ఇందులో స్పెయిన్ విజేతగా నిలిచింది.
ఫోర్బ్స్ జాబితాలో ధోని
ప్రపంచ వ్యాప్తంగా అత్యధిక సంపాదనతో తొలి 100 స్థానాల్లో నిలిచిన క్రీడాకారులతో ఫోర్బ్స్ వెబ్‌సైట్ జాబితా రూపొందించింది. ఇందులో భారత క్రికెట్ కెప్టెన్ మహేంద్ర సింగ్ ధోనికి స్థానం దక్కింది. గతేడాది జూన్ నుంచి ఈ ఏడాది జూన్ దాకా 12 నెలల కాలంలో ధోని రూ. 177 కోట్లు ఆర్జించి దేశంలోకెల్లా అత్యధిక ఆర్జన గల క్రీడాకారుడిగా ఈ జాబితాలో 22వ స్థానంలో నిలిచాడు. భారత్ నుంచి ఈ జాబితాలో నిలిచిన ఏకైక క్రీడాకారుడు ధోనియే. ఈ జాబితాలో అమెరికా బాక్సర్ మేవెదర్ అగ్రస్థానం (రూ. 621 కోట్లతో)లో నిలిచాడు. టైగర్ వుడ్స్ (రూ. 591 కోట్లతో) రెండో స్థానం పొందాడు. 
ఆసియా బిలియర్డ్స్ చాంప్ కొఠారి
ఆసియా బిలియర్డ్స్ చాంపియన్‌షిప్‌లో భారత జాతీయ చాంపియన్ సౌరవ్ కొఠారి విజేతగా నిలిచాడు. చండీగఢ్‌లో జూన్ 13న జరిగిన ఫైనల్లో కొఠారి అలోక్ (భారత్)ను ఓడించాడు. 
హాకీ మ్యాచ్ సమయం 60 నిమిషాలు
ఇప్పటిదాకా 70 నిమిషాలున్న హాకీ మ్యాచ్ నిడివి 60 నిమిషాలకు కుదించా లని అంతర్జాతీయ హాకీ సమాఖ్య (ఎఫ్‌ఐహెచ్) నిర్ణయించింది. ప్రతి 15 నిమిషాలకు విరామం చొప్పున నాలుగు భాగాలుగా 60 నిమిషాల పాటు మ్యాచ్ సాగుతుంది. ఈ ఏడాది సెప్టెంబర్‌లో ఇంచియాన్‌లో జరిగే ఆసియా క్రీడల నుంచి ఈ సమయాన్ని అమలు చేస్తున్నట్లు ఎఫ్‌ఐహెచ్ అధ్యక్షుడు లియాండ్రె నెగ్రె జూన్ 15న ప్రకటించారు.


కెనడా గ్రాండ్‌ప్రి విజేత రికియార్డో
కెనడా గ్రాండ్‌ప్రిలో రెడ్‌బుల్ జట్టు డ్రై వర్ డానియెల్ రికియార్డో విజేతగా నిలిచాడు. నికో రోస్‌బర్గ్ (మెర్సిడెస్) రెండో స్థానంతో సరిపెట్టుకున్నాడు. 

ఫ్రెంచ్ ఓపెన్-2014 విజేతలుమహిళల సింగిల్స్:ఈ విభాగంలో మరియా షరపోవా(రష్యా) విజేతగా నిలిచింది. జూన్ 7న జరిగిన ఫైనల్లో సిమోనా హలెప్ (రుమేనియా)పై విజయం సాధించింది.
పురుషుల సింగిల్స్: రాఫెల్ నాదల్ (స్పెయిన్) విజేతగా నిలిచాడు. జూన్ 8న జరిగిన ఫైనల్లో నొవాక్ జొకోవిచ్ (సెర్బియా) పై విజం సాధించాడు. ఫ్రెంచ్ ఓపెన్‌ను నాదల్ గెలవడం ఇది 9వ సారి కాగా... వరుసగా ఐదో సారి (2010-2014) కావడం విశేషం. ఈ టైటిల్‌తో అతను అత్యధిక గ్రాండ్‌స్లామ్ సింగిల్స్ టైటిల్స్ నెగ్గిన క్రీడాకారుల జాబితాలో రెండో స్థానానికి చేరుకున్నాడు. 14 టైటిల్స్‌తో పీట్ సంప్రాస్ (అమెరికా)సరసన నాదల్ ఉన్నాడు. 17 టైటిల్స్‌తో ఈ జాబితాలో ఫెదరర్ (స్విట్జర్లాండ్) అగ్రస్థానంలో ఉన్నాడు. 
మహిళల డబుల్స్ విజేతలు: సువీ హసిహ్ (తైపీ), పెంగ్ షూయ్ (చైనా) జంట;
పురుషుల డబుల్స్ విజేతలు: మార్షల్ గ్రనొల్లెర్స్, మార్క్ లోపెజ్ (స్పెయిన్) జంట; 
మిక్స్‌డ్ డబుల్స్ విజేతలు: అన్నా లీనా గ్రొనెఫెల్డ్ (జర్మనీ), జీన్ జులియెన్ రోజెర్ (నెదర్లాండ్స్) జంట.

క్రీడలు మే 2014

క్రీడలు మే 2014
ఐపీఎల్ విజేత కోల్‌కత నైట్‌ైరె డర్స్
ఇండియన్ ప్రీమియర్ లీగ్ (ఐపీఎల్)-7 క్రికెట్ టోర్నమెంట్ విజేతగా కోల్‌కతా నైట్‌రైడర్స్ జట్టు నిలిచింది. జూన్ 1న బెంగళూరులో జరిగిన ఫైనల్లో కింగ్‌‌స ఎలెవన్ పంజాబ్‌ను ఓడించి రెండోసారి ఐపీఎల్ టైటిల్‌ను కైవసం చేసుకుంది (2012లో జరిగిన ఐపీఎల్-5 టైటిల్ కోల్‌కతా మొదటిసారి గెలుచుకుంది). తద్వారా రూ. 15 కోట్ల ప్రైజ్‌మనీని సొంతం చేసుకుంది. రన్నరప్‌గా నిలిచిన పంజాబ్‌కు రూ.10 కోట్లు లభించింది. ఐపీఎల్-7 విశేషాలు మ్యాన్ ఆఫ్ ద ఫైనల్ మ్యాచ్: మనీష్ పాండే (కోల్‌కత); అత్యంత విలువైన ఆటగాడు: మాక్స్‌వెల్ (పంజాబ్); ఆరెంజ్ క్యాప్ (అత్యధిక పరుగులు): రాబిన్ ఉతప్ప (కోల్‌కత); పర్పుల్ క్యాప్ (అత్యధిక వికెట్లు): మోహిత్‌శర్మ (చెన్నై); ఎమర్జింగ్ క్రికెటర్: అక్షర్ పటేల్ (పంజాబ్); ఫెయిర్ ప్లే అవార్డు: చెన్నై సూపర్ కింగ్స్.
సియట్ క్రికెటర్ ఆఫ్ ద ఇయర్‌గా కోహ్లి
2014 సంవత్సరానికి సియట్ క్రికెట్ అవార్డులను జూన్ 2న ముంబైలో ప్రదానం చేశారు. వివరాలు... క్రికెటర్ ఆఫ్ ద ఇయర్: విరాట్ కోహ్లి (2010-11లోనూ ఈ అవార్డును కోహ్లియే అందుకున్నాడు); వన్డే ప్లేయర్ ఆఫ్ ద ఇయర్: శిఖర్ ధావన్ (భారత్); ఇండియన్ ప్లేయర్ ఆఫ్ ద ఇయర్: రవి చంద్రన్ అశ్విన్; ఉత్తమ అంతర్జాతీయ టెస్ట్ క్రికెటర్: మిచెల్ జాన్సన్ (ఆస్ట్రేలియా); టి20 క్రికెటర్: షకీబ్ అల్ హసన్ (బంగ్లాదేశ్). పాపులర్ వాయిస్ అవార్డు: గ్లెన్ మ్యాక్స్ వెల్ (ఆస్ట్రేలియా); యంగ్ ప్లేయర్ అవార్డు: విజయ్‌జోల్ (మహారాష్ట్ర); లైఫ్ టైం అఛీవ్‌మెంట్ అవార్డు: సయ్యద్ కిర్మానీ (భారత్).

ఉబెర్‌కప్ విజేత చైనా 
మహిళల ప్రపంచ టీమ్ బ్యాడ్మింటన్ చాంపియన్‌షిప్ ఉబెర్‌కప్‌ను చైనా గెలుచుకుంది. న్యూఢిల్లీ వేదికగా మే 24న జరిగిన పైన ల్లో జపాన్‌ను ఓడించింది. తద్వారా 13వ సారిగా ఈ చాంపియన్‌షిప్‌ను గెలుచుకున్న ఘనతను సాధించింది. సెమీఫైనల్‌లో ఓడిన భారత్, దక్షిణకొరియా జట్లకు కాంస్య, రజత పతకాలు దక్కాయి. 
జపాన్‌కు థామస్‌కప్
పురుషుల ప్రపంచ టీమ్ బ్యాడ్మింటన్ చాంపియన్‌షిప్ థామస్ కప్‌ను జపాన్ జట్టు గెలుచుకుంది. న్యూఢిల్లీలో మే 25న జరిగిన ఫైనల్లో మలేషియాను ఓడించి తొలిసారి థామస్ కప్ విజేతగా నిలిచింది. ఈ ఏడాది ప్రతిష్టాత్మక ప్రపంచ బ్యాడ్మింటన్ సమాఖ్య అవార్డులకు పురుషుల విభాగంలో లీ చోంగ్ వీ (మలేషియా), మహిళల విభాగంలో లీజురుయ్ (చైనా) ఎంపికయ్యారు.
మొనాకో గ్రాండ్ ప్రీ విజేత రోస్‌బర్గ్
మొనాకో గ్రాండ్ ప్రీ విజేతగా మెర్సిడెస్ జట్టు డ్రైవర్ రోస్‌బర్గ్ నిలిచాడు. ఈ సీజన్‌లో రోస్‌బర్గ్‌కు ఇది రెండో విజయం. మోంటెకార్లోల్లో జరిగిన రేస్‌లో మెర్సిడెస్ జట్టుకు చెందిన హామిల్టన్ రెండో స్థానంలో నిలిచాడు.

ఐపీఎల్ ఫిక్సింగ్‌పై విచారణకు ముద్గల్ కమిటీ
2013 ఐపీఎల్‌లో నెలకొన్న స్పాట్ ఫిక్సింగ్, బెట్టింగ్‌లపై పూర్తి స్థాయి విచారణకు రిటైర్డ్ జడ్జి ముకుల్ ముద్గల్ నేతృత్వంలోని కమిటీకి సుప్రీంకోర్టు అంగీకరించింది. కమిటీలో సభ్యులుగా ఎల్. నాగేశ్వరరావు, నిలయ్‌దత్తా కొనసాగనున్నారు. గతంలో ఇదే విషయంపై ప్రాథమిక విచారణను పూర్తి చేసి సీల్డ్‌కవర్‌లో కోర్టుకు అప్పగించినది ముద్గల్ కమిటీయే. 
20వ జాతీయ మహిళా ఫుట్‌బాల్ ఛాంప్స్ మణిపూర్
20వ జాతీయ మహిళల సీనియర్ ఫుట్‌బాల్ చాంపియన్ షిప్‌ను మణిపూర్ జట్టు కైవసం చేసుకొంది. మణిపూర్ జట్టుకు ఈ టైటిల్ 17వది.
జకోవిచ్‌కు రోమ్ మాస్టర్స్‌టైటిల్
రోమ్ మాస్టర్స్ టైటిల్‌ను నోవాక్ జొకోవిచ్ గెలుచుకున్నాడు. రోమ్‌లో మే 18న జరిగిన ఫైనల్లో నాదల్‌ను జొకోవిచ్ ఓడించాడు. కాగా ఇటాలియన్ ఓపెన్ టైటిల్ విజేతగా సెరెనా విలియమ్స్ నిలిచింది. ఫైనల్లో అన్న ఇవనోవిచ్‌ను ఓడించింది.
భారత్‌కు దక్షిణాసియా బాస్కెట్‌బాల్ టైటిల్ దక్షిణాసియా
బాస్కెట్‌బాల్ చాంపియన్‌షిప్‌లో భారత పురుషుల జట్టు విజేతగా నిలిచింది.ఈ విజయంతో దక్షిణాసియాలో నంబర్ వన్ జట్టుగా నిలిచిన భారత్ జులైలో చైనాలో జరిగే ఆసియాకప్‌కు అర్హత సాధించింది.

టేబుల్‌టెన్నిస్ చాంపియన్ చైనా
వరల్డ్ టీం టేబుల్‌టెన్నిస్ చాంపియన్ షిప్‌లో చైనాకు చెందిన పురుషుల, మహిళల జట్లు విజేతలుగా నిలిచాయి. టోక్యోలో మే 4న ముగిసిన పోటీల్లో పురుషుల జట్టు జర్మనీని, మహిళల జట్టు జపాన్‌ను ఓడించాయి. కాగా మహిళల జట్టు ఈ టైటిల్‌ను 19 వసారి గెలవడం విశేషం.
హామిల్టన్‌కు స్పానిష్ గ్రాండ్ ప్రి
ప్రపంచ మాజీ చాంపియన్ హామిల్టన్ స్పానిష్ గ్రాండ్ ప్రి టైటిల్‌ను గెలుచుకున్నాడు. బార్సిలోనాలో మే 11న జరిగిన ఫార్ములావన్ స్పానిష్ గ్రాండ్ ప్రి ని మెర్సిడెస్ జట్టు డ్రై వర్ లూయిస్ హామిల్టన్ తొలిస్థానంలో నిలిచి టైటిల్ సొంతం చేసుకున్నాడు. ప్రస్తుత సీజన్‌లో హామిల్టన్‌కు ఇది వరుసగా నాలుగో గ్రాండ్ ప్రి టైటిల్. కాగా రెండో స్థానంలో నిలిచిన రోస్‌బర్గ్ కూడా మెర్సిడెస్ జట్టుకు చెందిన వాడే కావడం విశేషం.
నాదల్, షరపోవాలకు మాడ్రిడ్ టైటిల్
మాడ్రిడ్ మాస్టర్స్ టైటిల్ విజేతగా రఫెల్ నాదల్ నిలిచాడు. ఫైనల్‌లో ప్రత్యర్థి నిషికోరి (జపాన్) మ్యాచ్ మధ్యనుంచి అర్థంతరంగా వైదొలగడంతో నాదల్‌ను విజేతగా ప్రకటించారు. నాదల్ కెరీర్‌లో ఇది నాలుగో మాడ్రిడ్ మాస్టర్స్ టైటిల్. మహిళల విభాగంలో మరియా షరపోవా టైటిల్‌ను సొంతం చేసుకుంది. మాడ్రిడ్‌లో మే 11న జరిగిన ఫైనల్స్‌లో సిమోనా హలీస్‌ను షరపోవా ఓడించింది. ప్రస్తుత సీజన్‌లో షరపోవాకు ఇది రెండో క్లే కోర్టు టైటిల్.
ప్రపంచ స్నూకర్ విజేత మార్క్ సెల్బీ
వరల్డ్ స్నూకర్ చాంపియన్‌షిప్‌ను మార్క్ సెల్బీ గెలుచుకున్నాడు. షీఫీల్డ్‌లో మే 6న ముగిసిన పోటీల్లో రోనీ ఓ సల్లివాన్‌ను సెల్బీ ఓడించాడు. సెల్బీ ఈ టైటిల్ విజేతగా నిలవడం ఇదే తొలిసారి. సల్లివాన్ గతంలో ఐదుసార్లు ప్రపంచ చాంపియన్‌గా నిలిచాడు.

మాడ్రిడ్ నగర దత్త పుత్రుడిగా నాదల్ 
ప్రపంచ నంబర్‌వన్ టెన్నిస్ క్రీడాకారుడు రఫెల్‌నాదల్‌ను మాడ్రిడ్ నగరం తమ దత్త పుత్రుడిగా ప్రకటించింది. ఈ అవార్డును మాడ్రిడ్ నగర మేయర్ అనా బొటెల్లా మే 5న నాదల్‌కు అందించారు. 2013లో జరిగిన ఓటింగ్‌లో నాదల్ ఏకగ్రీవంగా ఎన్నికయ్యాడు. ఎవరినైనా దత్తపుత్రుడిగా కానీ, దత్త పుత్రికగా కానీ స్వీకరించడం మాడ్రిడ్ నగరవాసుల దృష్టిలో అతి పెద్ద గౌరవం. 

ప్రపంచ వాకింగ్‌లో ఇర్ఫాన్‌కు 26వ స్థానంచైనాలోని తైసాంగ్‌లో జరిగిన ప్రపంచ రేస్ వాకింగ్ కప్‌లో భారత వాకర్ తోడి ఇర్ఫాన్ 26వ స్థానంలో నిలిచాడు. ఈ పోటీలో 20 కిలోమీటర్ల దూరాన్ని ఇర్ఫాన్ 1:21:09 గంటల సమయంలో పూర్తి చేశాడు. ఐదుగు రు సభ్యుల భారత బృందంలో ఇదే అత్యుత్తమ ప్రతిభ. 17 జట్లు పాల్గొన్న ఈ పోటీ లో భారత్‌కు 8వ స్థానం దక్కింది. ఉక్రెయిన్‌కు చెందిన రుస్లాన్ డిమెంట్రెంకో మొదటి, కాయ్‌జెలీన్ రెండోస్థానంలో నిలిచారు.

పోర్చుగల్ ఓపెన్‌లో సానియా జంటకు టైటిల్ పోర్చుగ ల్ ఓపెన్ టెన్నిస్ డబుల్స్ విజేతగా సానియా మీర్జా జంట నిలిచింది. మే 3న జరిగిన ఫైనల్లో సానియా, ఆమె సహచర క్రీడాకారిణి కారాబ్లాక్ (జింబాబ్వే) తో కలిసి ఇవా హిదినోవా (చెక్ రిపబ్లిక్), వలెరియా సొలోవ్యెవా (రష్యా) జంటపై నెగ్గి టైటిల్‌ను కైవసం చేసుకున్నారు. 

ఆసియా స్నూకర్‌లో కమల్‌కు కాంస్యంఆసియా స్నూకర్ చాంపియన్‌షిప్‌లో భారత స్నూకర్ ఆటగాడు కమల్ చావ్లా కాంస్యం సాధించాడు. మే 3న యూఏఈలో నిర్వహిం చిన సెమీ ఫైనల్‌లో మలేషియాకు చెందిన చువాన్ లియోంగ్‌ధోర్ చేతిలో చావ్లా ఓటమిపాలై మూడో స్థానంలో నిలిచాడు.

డోపీంగ్‌లో పట్టుబడిన టైసన్ గే అమెరికా అథ్లెటిక్ స్ప్రింట్ స్టార్ టైసన్ గే డోపింగ్‌లో పట్టుబడ్డాడు. పోటీలు లేనప్పుడు (ర్యాండమ్ అవుట్ ఆఫ్ కాంపిటీషన్) నిర్వహించిన రెండు పరీక్షలతో పాటు మరో ఈవెంట్ పరీక్షలోనూ టైసన్ నిషేధిత ఉత్ప్రేరకాలను వాడినట్లు రుజువైంది. దాంతో అమెరికా యాంటీ డోపింగ్ అసోసియేషన్ అతనిపై ఏడాది పాటు నిషేధం విధించింది.

క్రీడలు ఏప్రిల్ 2014

క్రీడలు ఏప్రిల్ 2014
చిత్ర మగిమైరాజ్‌కు ప్రపంచ మహిళల స్నూకర్ టైటిల్బెంగళూరుకు చెందిన చిత్రమగిమైరాజ్ ప్రపంచ మహిళల స్నూకర్ చాంపియన్ టైటిల్ గెలుచుకుంది. లీడ్స్ (ఇంగ్లండ్)లో ఏప్రిల్ 22న జరిగిన ఫైనల్‌లో బెలారస్‌కు చెందిన అలెనా అస్మోలోవను చిత్ర ఓడించి విజేతగా నిలిచింది. 

లిన్ డాన్, సుంగ్ జీలకు ఆసియా బ్యాడ్మింటన్ చాంపియన్‌షిప్ టైటిల్స్దక్షిణ కొరియాలో ఏప్రిల్ 27న ముగిసిన ఆసియా బ్యాడ్మింటన్ చాంపియన్‌షిప్ పురుషుల సింగిల్స్ టైటిల్‌ను లిన్‌డాన్, మహిళల సింగిల్స్ టైటిల్‌ను సుంగ్ జీ యున్ గెలుచుకున్నారు.
విజేతలుపురుషుల సింగిల్స్:లిన్ డాన్ (చైనా) ఫైనల్స్‌లో ససాకి షో (జపాన్)ను ఓడించి టైటిల్ గెలుచుకున్నాడు.
మహిళల సింగిల్స్: సుంగ్ జీ యున్ (కొరియా) గెలుచుకుంది. ఈమె ఫైనల్స్‌లో షిజియాన్ వాంగ్ (చైనా)ను ఓడించింది.
పురుషుల డబుల్స్: షిన్ బీక్ చోయెల్ - యు యోన్ సియోంగ్ (కొరియా) గెలుచుకున్నారు. వీరు లియు, యుచెన్ (చైనా)లను ఓడించారు. మహిళల డబుల్స్: లూ యింగ్ - లు యు (చైనా) గెలుచుకున్నారు. వీరు కిమ్ హ నా-జుంగ్ యుంగ్ యున్ (కొరియా)లను ఓడించారు. మిక్స్‌డ్ డబుల్స్: లీ చున్ హె - చావు హో వా (హాంకాంగ్) గెలుచుకున్నారు. వీరు ఫైనల్స్‌లో షిన్ బీక్ చోయెల్ - జాంగ్ యె నా (కొరియా)లను ఓడించారు. ఈ చాంపియన్‌షిప్ లో భారత్‌కు చెందిన సింధు, జ్వాల-అశ్విని జోడికి కాంస్య పతకాలు లభించాయి.

లాహిరికి గోల్ఫ్ ఆసియన్ టూర్ టైటిల్భారత్‌కు చెందిన అనిర్బన్ లాహిరి గోల్ఫ్ ఆసియన్ టూర్ టైటిల్‌ను గెలుచుకున్నాడు. జకర్తాలో ఏప్రిల్ 27న ముగిసిన పోటీలో లాహిరి టైటిల్ సాధించగా కొరియాకు చెందిన బేక్ సెయుహైన్ రెండో స్థానంలో నిలిచాడు. ఈ టైటిల్ లాహిరి గెలుచుకోవడం ఇది నాలుగోసారి.

ఎమ్మా బొన్నీకి ప్రపంచ బిలియర్డ్స్ చాంపియన్స్ టైటిల్ఎమ్మాబొన్నీ ప్రపంచ బిలియర్డ్స్ చాంపియన్‌షిప్ టైటిల్‌ను గెలుచుకుంది. లీడ్స్‌లో ఏప్రిల్ 24న జరిగిన ఫైనల్‌లో భారత్‌కు చెందిన ఉమాదేవి నాగరాజ్‌ను బోన్నీ ఓడించింది. ఈ టైటిల్‌ను భారత్ నుంచి తొలిసారి 2005లో అనూజ ఠాకూర్ గెలుచుకుంది. తర్వాత 2006, 2007లో చిత్ర గెలుచుకుంది.

షరపోవాకు పోర్షే గ్రాండ్ ప్రి టైటిల్పోర్షే గ్రాండ్ ప్రి టెన్నిస్ టైటిల్‌ను మరియా షరపోవా గెలుచుకుంది. స్టుట్‌గార్‌‌టలో ఏప్రిల్ 27న జరిగిన ఫైనల్స్‌లో అనా ఇవనోవిక్‌ను షరపోవా ఓడించింది.
మొదలైన ఐపీఎల్ -7
దుబాయ్ వేదికగా ఇండియన్ ప్రీమియర్ లీగ్(ఐపీఎల్)-7 పోటీలు ఏప్రిల్ 16న ప్రారంభమయ్యాయి. ఇందులో ఎనిమిది జట్లు పాల్గొంటున్నాయి. మొత్తం ప్రైజ్ మనీ: రూ.30 కోట్లు (అంతర్జాతీయ క్రికెట్‌లో ఏ టోర్నీలోనూ ఇంత ప్రైజ్‌మనీ లేదు; విజేతకు ప్రైజ్ మనీ: రూ. 13 కోట్లు, రన్నరప్‌కు: రూ. 8 కోట్లు).
ఆసియా క్రీడలను నిర్వహించలేమన్న వియత్నాం
2019లో జరిగే 18వ ఆసియా క్రీడల నిర్వహణ నుంచి వైదొలుగుతున్నట్లు వియత్నాం ప్రకటించింది. ఇలాంటి పెద్ద ఈవెంట్స్‌ను గతంలో నిర్వహించిన అనుభవం లేకపోవడంతో పాటు, దేశంలో నెలకొన్న ఆర్థిక ఇబ్బందులను దృష్టిలో పెట్టుకుని వియత్నాం ఈ కీలక నిర్ణయం తీసుకుంది.
రిచ్‌మండ్ ఓపెన్‌టోర్నీ విజేత జోష్నా 
అమెరికాలో జరిగిన రిచ్‌మండ్ ఓపెన్‌టోర్నీలో భారత క్రీడాకారిణి జోష్నా చినప్ప విజేతగా నిలిచింది. ఏప్రిల్ 19న జరిగిన ఫైనల్లో ప్రపంచ మాజీ చాంపియన్ రాచల్ గ్రిన్‌హమ్ (ఆస్ట్రేలియా)పై విజయం సాధించింది. ఈ గెలుపుతో జోష్నా తొమ్మిదో సారి మహిళల స్వ్కాష్ అసోసియేషన్ టూర్ టైటిల్‌ను తన ఖాతాలో వేసుకుంది.
వావ్రింకాకు మోంటెకార్లో మాస్టర్స్ టైటిల్ 
మోంటెకార్లో మాస్టర్స్ సిరీస్ టైటిల్‌ను స్విట్జర్లాండ్ టెన్నిస్ ఆటగాడు వావ్రింకా గెలుచుకున్నాడు. ఏప్రిల్ 20న జరిగిన ఫైనల్లో తన దేశానికే చెందిన రోజర్‌ఫెదరర్‌ను ఓడించాడు. మాస్టర్స్‌సిరీస్‌ను గెలుచుకోవడం వావ్రింకాకు ఇది మొదటిసారి. టోర్నీలో డబుల్స్ విభాగంలో బ్రయాన్ సోదరులు (మైక్ బ్రయాన్, బాబ్ బ్రయాన్) విజేతలుగా నిలిచారు. కాగా వీరిలో మైక్ బ్రయాన్‌కు ఇది 100వ టైటిల్. తద్వారా డబుల్స్ ఈవెంట్స్‌లో వంద టైటిల్స్ నెగ్గిన తొలి క్రీడాకారుడిగా మైక్ గుర్తింపు పొందాడు. 
చైనాగ్రాండ్ ప్రి విజేత హామిల్టన్ 
మెర్సిడెస్ జట్టు డ్రై వర్ లూయిస్ హామిల్టన్ ఫార్ములా వన్ చైనా గ్రాండ్ ప్రి విజేతగా నిలిచాడు. షాంఘైలో ఏప్రిల్ 20న జరిగిన పోటీలో హామిల్టన్ మొదటి స్థానంలో నిలవగా, మరో మెర్సిడెస్ డ్రై వర్ రోస్‌బర్గ్ రెండో స్థానంలో నిలిచాడు. ఈ సీజన్‌లో హామిల్టన్‌కు ఇది వరుసగా మూడో విజయం. ఇదివరకే మలేసియా, బహ్రెయిన్ గ్రాండ్ ప్రిలను కైవసం చేసుకున్నాడు.
ఆసియా బ్లిట్జ్ చెస్‌లో హారిక, హరికృష్ణలకు రజతాలు
ఆసియా బ్లిట్జ్‌చెస్ చాంపియన్‌షిప్‌లో ఆంధ్రప్రదేశ్ గ్రాండ్ మాస్టర్లు పెంటేల హరికృష్ణ, ద్రోణవల్లి హారికలు రజత పతకాలను సాధించారు. ఏప్రిల్ 19 న షార్జాలో జరిగిన టోర్నీ ఓపెన్ విభాగంలో యూయాంగ్వీ (చైనా) తొలి స్థానంలో నిలిచి స్వర్ణం సొంతం చేసుకోగా, హరికష్ణ రెండోస్థానంలో నిలిచాడు. మహిళల విభాగంలో టాన్‌జోంగ్యీ (చైనా)కు స్వర్ణం లభించగా, హారిక రజత పతకాన్ని కైవసం చేసుకుంది.

ప్రపంచ టి-20 జట్టు కెప్టెన్‌గా ధోని
ఐసీసీ ప్రపంచ టి-20 జట్టు కెప్టెన్‌గా భారత జట్టు కెప్టెన్ మహేంద్ర సింగ్ ధోని ఎంపికయ్యాడు. ధోనితోపాటు మరో ముగ్గురు భారత క్రికెటర్లు రోహిత్‌శర్మ, విరాట్ కోహ్లి, అశ్విన్‌లకు కూడా ఈ జట్టులో స్థానం లభించింది.
విజ్డెన్ క్రికెటర్ ఆఫ్ ద ఇయర్‌గా శిఖర్ ధావన్ 
భారత క్రికెటర్ శిఖర్ ధావన్ విజ్డెన్ క్రికెటర్ ఆఫ్ ద ఇయర్‌గా ఎంపికయ్యాడు. ధావన్‌తోపాటు మరో నలుగురు క్రికెటర్లు.. ర్యాన్‌హారిస్ (ఆస్ట్రేలియా), క్రిస్‌రోజర్స్ (ఆస్ట్రే లియా), జో రూట్ (ఇంగ్లండ్), ఇంగ్లండ్ మహిళల జట్టు కెప్టెన్ ఎడ్వర్డ్స్ కూడా ఈ అవార్డుకు ఎంపికయ్యారు. 2013లో కనబరిచిన ఉత్తమ ఆటతీరుకు వీరిని ఎంపిక చేశారు. విజ్డన్ లీడింగ్ క్రికెటర్‌గా డేల్ స్టెయిన్ (దక్షిణాఫ్రికా) నిలిచాడు. 
మానవ్‌జిత్‌కు స్వర్ణం 
ఐఎస్‌ఎస్‌ఎఫ్ షాట్‌గన్ ప్రపంచకప్ పురుషుల ట్రాప్ విభాగంలో భారత షూటర్ మానవ్‌జిత్ సింగ్ సంధు స్వర్ణం సాధించాడు. సంధు నాలుగేళ్ల క్రితం ప్రపంచకప్‌లోను విజేతగా గెలిచాడు. రెండుసార్లు ఒలింపిక్ చాంపియన్‌గా నిలిచిన మైకేల్ డైమండ్ రజతంతో సరిపెట్టుకున్నాడు.
ముస్తాక్ అలీ ట్రోఫీ విజేత బరోడా
సయ్యద్ ముస్తాక్ అలీ దేశవాళీ టీ-20 టోర్నీ విజేతగా బరోడా జట్టు నిలిచింది. ఏప్రిల్ 14న జరిగిన ఫైనల్లో ఉత్తరప్రదేశ్‌పై గెలిచింది.
దక్షిణాసియా జూడోలో భారత్‌కు పది స్వర్ణాలు
నేపాల్ రాజధాని ఖాట్మాండులో జరిగిన దక్షిణాసియా జూడో ఛాంపియన్‌షిప్‌లో భారత్ 10 స్వర్ణాలతో ఆధిపత్యం ప్రదర్శించింది. ఏప్రిల్ 10 నుంచి 13 వరకు జరిగిన ఈ పోటీల్లో 12 మందితో కూడిన భారత జుడోకాల బృందం 10 స్వర్ణాలతో పాటు చెరో రజతం, కాంస్యం సాధించింది. 
టెక్సాస్ రన్నరప్ దీపిక
భారత నంబర్‌వన్ స్క్వాష్ క్రీడాకారిణి దీపికా పల్లికల్ టెక్సాస్ ఓపెన్‌టోర్నీలో రన్నరప్‌తో సరిపెట్టుకుంది. ఈజిప్ట్ క్రీడాకారిణి నూర్‌ఎల్ షెర్బినితో జరిగిన ఫైనల్లో దీపిక ఓడిపోయింది.

టి-20 ప్రపంచ చాంపియన్ శ్రీలంక
బంగ్లాదేశ్‌లో జరిగిన టి-20 ప్రపంచకప్‌ను శ్రీలంక గెలుచుకుంది. ఫైనల్లో భారత్‌ను ఓడించింది. దీంతో 1996 తర్వాత ఐసీసీ నిర్వహించిన పోటీలో శ్రీలంక విజేతగా నిలిచింది. విజేతగా నిలిచిన శ్రీలంకకు 11 లక్షల డాలర్లు (రూ.6.6 కోట్లు), రన్నరప్ భారత్‌కు 3.3 కోట్లు ప్రై జ్‌మనీ లభించింది. మ్యాన్ ఆఫ్ ద సిరీస్ అవార్డు విరాట్‌కోహ్లికి దక్కింది. మ్యాన్ ఆఫ్ ద మ్యాచ్‌గా శ్రీలంక బ్యాట్స్‌మన్ కుమార సంగక్కర ఎంపికయ్యాడు. ఇదే టోర్నీకి సమాంతంగా జరిగిన టి-20 మహిళల ప్రపంచకప్‌ను ఆస్ట్రేలియా జట్టు కైవసం చేసుకుంది. ఫైనల్లో ఇంగ్లండ్‌పై విజయం సాధించింది. ఇప్పటివరకు నాలుగుసార్లు టి-20 ప్రపంచకప్ పో టీలు జరగ్గా... ఆస్ట్రేలియా మహిళల జట్టు వరుసగా 2010, 2012, 2014లలో టైటిల్స్ గెలిచి హ్యాట్రిక్ సాధించింది. 

అంజూబాబీకి స్వర్ణం- ఐఏఏఎఫ్ ప్రకటన 2005 ప్రపంచ అథ్లెటిక్స్ ఫైనల్లో భారత లాంగ్ జంపర్ అంజూ బాబీ జార్జ్ స్వర్ణపతకం గెలుచుకున్నట్లుగా ఏప్రిల్ 1న ఇంటర్నేషనల్ అసోసియేషన్ ఆఫ్ అథ్లెటిక్స్ ఫెడరేషన్ (ఐఏఏఎఫ్) అధికారికంగా ప్రకటించింది. దీంతో ప్రపంచ అథ్లెటిక్స్ పోటీల్లో స్వర్ణపతకం సాధించిన మొట్టమొదటి భారతీయ క్రీడాకారిణిగా అంజూ చరిత్ర సష్టించింది. మొనాకోలో జరిగిన 2005 ప్రపంచ అథ్లెటిక్స్ ఫైనల్లో రష్యా క్రీడాకారిణి తత్యనా కోటోవా ప్రథమ స్థానంలో నిలిచి స్వర్ణం సాధించింది. అయితే ఆమెపై అనర్హత వేటుపడిన కారణంగా రెండో స్థానంలో నిలిచిన అంజూ స్వర్ణ పతకం గెలిచినట్లు దృవీకరించారు.

ధోనికి 2014-ఆసియా అవార్డుటీమిండియా క్రికెట్ కెప్టెన్ మహేంద్రసింగ్‌ధోనికి 2014 ఆసియా అవార్డు వరించింది. క్రీడా రంగంలో అద్వితీయ ప్రతిభను కనబరిచినందుకు ఈ పురస్కారాన్ని అందజేస్తున్నట్లు అవార్డు ఎంపిక కమిటీ పేర్కొంది.

మార్టినా హింగిస్ జోడికి సోనీ ఓపెన్ టైటిల్మార్టినా హింగిస్, సబినా లిసికి జోడి సోనీ ఓపెన్ టెన్నిస్ టైటిల్‌ను గెలుచుకుంది. మియామిలో మార్చి 31న జరిగిన ఫైనల్లో ఎక్టెరినా మకరోవా, ఎవెనా వెస్నినా జంటను హింగిస్ జంట ఓడించింది. 

భారత బాక్సింగ్ సమాఖ్య గుర్తింపు రద్దుప్రభుత్వ మార్గదర్శకాలను పాటించేందుకు తిరస్కరించిన భారత అమెచ్యూర్ బాక్సింగ్ సమాఖ్య (ఐఏబీఎఫ్) గుర్తింపును కేంద్ర క్రీడా మంత్రిత్వ శాఖ ఏప్రిల్ 1న రద్దుచేసింది. మార్చి 4న ఇదే సమాఖ్యపై అంతర్జాతీయ అమెచ్యూర్ బాక్సింగ్ సమాఖ్య (ఏఐబీఏ) సస్పెన్షన్ వేటువేసింది. ఐఏబీఎఫ్ నియమావళిని సవరించి తాజాగా ఎన్నికలు నిర్వహించాలని అంతర్జాతీయ బాక్సింగ్ సమాఖ్య సూచించింది. ఇలా అంతర్జాతీయ సమాఖ్య, క్రీడా మంత్రిత్వ శాఖ ఆదేశాలను, సూచనలను భారత బాక్సింగ్ సమాఖ్య ఇప్పటివరకూ పాటించలేదు. అలాగే ఇంతకు ముందు నిర్వహించిన ఎన్నికలను రద్దుచేసి కొత్తగా ఎన్నికలు నిర్వహించలేదు. దీంతో ఐఏబీఎఫ్ గుర్తింపును రద్దు చేసినట్లు కేంద్ర క్రీడా మంత్రిత్వ శాఖ వివరించింది. గతంలోనూ ఈ సమాఖ్యపై 2012 డిసెంబర్‌లో తాత్కాలిక సస్పెన్షన్‌ను క్రీడామంత్రిత్వ శాఖ విధించింది.

జకోవిచ్‌కు మియామి ఓపెన్ టైటిల్మియామి ఓపెన్ టెన్నిస్ టైటిల్‌ను నోవాక్ జకోవిచ్ గెలుచుకున్నాడు. మియామిలో మార్చి 31న జరిగిన ఫైనల్లో రాఫెల్ నాదల్‌ను ఓడించి విజేతగా నిలిచాడు. 

ఇండియన్ ఓపెన్ బ్యాడ్మింటన్ విజేతలు 
న్యూఢిల్లీలో ఏప్రిల్ 6తో ముగిసిన ఇండియన్ ఓపెన్ బ్యాడ్మింటన్ టోర్నమెంట్ టైటిల్ విజేతలు - విభాగాల వారీగా పురుషుల సింగిల్స్: లీచోంగ్‌వీ (మలేషియా); పురుషుల డబుల్స్: డెన్మార్క్‌కు చెందిన మాథియాస్‌బో, కార్‌స్టెన్ మోగెన్సన్; మహిళల సింగిల్స్: షిజియాన్ వాంగ్ (చైనా); మహిళల డబుల్స్: యువాన్‌తింగ్, యాంగ్‌యూ (చైనా); మిక్స్‌డ్ డబుల్స్: జోచిమ్ నీల్సన్, క్రిస్టినా పెడర్సన్ (డెన్మార్క్).

క్రీడలు మార్చి 2014

క్రీడలు మార్చి 2014
దేవ్‌ధర్ ట్రోఫీ విజేత వెస్ట్‌జోన్ దేశవాళీ జోనల్ వన్డే క్రికెట్ టోర్నీ దేవ్‌ధర్ ట్రోఫీని వెస్ట్‌జోన్ గెలుచుకుంది. విశాఖలోని డాక్టర్ వైఎస్‌ఆర్ ఏసీఏ-వీడీసీఏ స్టేడియంలో మార్చి 28న జరిగిన అంతిమపోరులో వెస్ట్‌జోన్ 133 పరుగుల భారీ తేడాతో నార్త్‌జోన్‌ను ఓడించింది. ఈ ట్రోఫీని వెస్ట్ జోన్ గెలవడం ఇది మూడోసారి.

క్యాండిడేట్ టోర్నీ టైటిల్ విజేత ఆనంద్రష్యాలో జరిగిన క్యాండిడేట్ టోర్నీ చెస్ టైటిల్‌ను భారత గ్రాండ్‌మాస్టర్ విశ్వనాథన్ ఆనంద్ కైవసం చేసుకున్నాడు. ఈ విజయంతో నవంబర్లో జరిగే ప్రపంచ ఛాంపియన్ షిప్ పోటీలకు నిరుటి విజేత మాగ్నస్ కార్ల్‌సన్ (నార్వే)తో తలపడేందుకు అర్హత సాధించాడు. 

ప్రపంచకప్ షూటింగ్‌లో హీనాకు రజతంభారత స్టార్ ఎయిర్ పిస్టల్ షూటర్ హీనా సిద్దూ అమెరికాలో జరిగిన ఐ.ఎస్.ఎస్.ఎఫ్ ప్రపంచ కప్‌లో రజత పతకం సాధించింది. ఫైనల్లో బల్గేరియాకు చెందిన బెనోవా అగ్రస్థానంలో నిలిచి స్వర్ణం కైవసం చేసుకుంది.

సంతోషికి స్వర్ణంనాగ్‌పూర్‌లో జరిగిన జాతీయ సీనియర్ వెయిట్ లిఫ్టింగ్ ఛాంపియన్‌షిప్‌లో రాష్ట్రానికి చెందిన లిఫ్టర్లు నాలుగు పతకాలు సాధించారు. మహిళల 53కిలోల విభాగంలో మత్స్య. సంతోషి స్వర్ణపతకం గెలుచుకుంది. ఆమె క్లీన్ అండ్ జర్క్‌లో 104 కిలోల బరువు ఎత్తి అగ్రస్థానంలో నిలిచింది. అలాగే మొత్తంగా 174 కిలోల బరువు ఎత్తిన సంతోషికి కాంస్యం కూడా వరించింది. కాగా పురుషుల 62 కిలోల కేటగిరీలో కె.గౌరీబాబు, పురుషుల 69 కిలోల విభాగంలో ఎం. రామకృష్ణ కాంస్యపతకాలు సాధించారు. ఈ ముగ్గురూ విజయనగరం జిల్లాకు చెందిన వారు కావడం విశేషం.

బీసీసీఐకి ఇద్దరు అధ్యక్షులుఐపీఎల్‌కు సంబంధించినంతవరకు బీసీసీఐ తాత్కాలిక అధ్యక్షుడిగా సునీల్‌గవాస్కర్, ఐపీఎల్ మినహా మిగిలిన బోర్డు వ్యవహారాలన్నింటికీ సంబంధించి శివలాల్‌యాదవ్ తాత్కాలిక అధ్యక్షుడిగా వ్యవహరించాలని అత్యున్నత న్యాయస్థానం ఆదేశించింది. ప్రస్తుతం అధ్యక్షుడి హోదాలో కొనసాగుతున్న శ్రీనివాసన్‌ను పక్కనబెట్టాలని స్పష్టం చేసింది. ఐపీఎల్ స్పాట్ ఫిక్సింగ్ వ్యవహారంపై కేసును విచారిస్తున్న ఏకే పట్నాయక్, ఇబ్రహీం ఖలీవుల్లాలతో కూడిన ద్విసభ్య ధర్మాసనం ఈ తీర్పునిచ్చింది. కేసు విచారణ ముగిసేవరకు తమ ఆదేశాలమేర అప్పగించిన బాధ్యతలను నిర్వహించాలని సూచించింది.

ఎయిరిండియాకు నేషనల్ ఎ డివిజన్ హాకీ చాంపియన్‌షిప్నేషనల్ ఎ డివిజన్ హాకీ చాంపియన్‌షిప్‌ను ఎయిరిండియా గెలుచుకుంది. లక్నోలో మార్చి 23న జరిగిన ఫైనల్లో కంప్ట్రోలర్ అండ్ ఆడిటర్ జనరల్ ఆఫ్ ఇండియా (కాగ్) జట్టును ఓడించింది. మూడో స్థానాన్ని ఉత్తర ప్రదేశ్ హాకీ సాధించింది. 

రైల్వేలకు హాకీ ఇండియా ఉమెన్స్ నేషనల్ చాంపియన్ షిప్నాలుగో హాకీ ఇండియా ఉమెన్స్ నేషనల్ చాంపియన్‌షిప్‌ను రైల్వేస్ గెలుచుకుంది. మార్చి 23న భోపాల్‌లో జరిగిన ఫైనల్లో హర్యానాను ఓడించింది. జార్ఖండ్ మూడో స్థానంలో నిలిచింది. ప్లేయర్ ఆఫ్ ద టోర్నమెంట్‌గా హర్యానా జట్టుకు చెందిన మోనిక ఎంపికైంది.

ఇండియన్ వెల్స్ విజేత జొకోవిచ్
ఇండియన్ వెల్స్ మాస్టర్స్ సిరీస్ టెన్నిస్ టోర్నమెంట్ నొవాక్ జొకోవిచ్ (సెర్బియా) గెలుచుకున్నాడు. ఫైనల్లో రోజర్ ఫెడరర్ (స్విట్జర్లాండ్)ను ఓడించాడు. జొకోవిచ్ కెరీర్‌లో ఓవరాల్‌గా ఇది 42వ టైటిల్. ఇందులో 17 మాస్టర్స్ సిరీస్ టైటిల్స్ ఉన్నాయి. ఈ క్రమంలో అత్యధికంగా మాస్టర్స్ సిరీస్ టైటిల్స్ నెగ్గిన క్రీడాకారుల జాబితాలో ఆండ్రీ అగస్సీ (అమెరికా) సరసన జొకోవిచ్ మూడో స్థానానికి చేరుకున్నాడు. ఈ జాబితాలో రాఫెల్ నాదల్ (26 టైటిల్స్), ఫెడరర్ (21 టైటిల్స్) తొలి రెండు స్థానాల్లో ఉన్నారు. 

విజయ్ హజారే విజేత కర్ణాటక
దేశవాళీ వన్డే క్రికెట్ టోర్నమెంట్ విజయ్ హజారే ట్రోఫీని కర్ణాటక గెలుచుకుంది. మార్చి 16న కోల్‌కతాలో జరిగిన ఫైనల్లో రైల్వేస్‌ను ఓడించింది. ఈ విజయంతో కర్ణాటక ఈ ఏడాది వరుసగా మూడో టైటిల్‌ను గెలుచుకుంది. ఇప్పటికే రంజీ, ఇరానీ ట్రోఫీలలో విజేతగా నిలిచింది.

ఆస్ట్రేలియన్ గ్రాండ్ ప్రి విజేత రోస్‌బర్గ్
ఆస్ట్రేలియన్ గ్రాండ్‌ప్రిలో మెర్సిడెస్ జట్టు డ్రై వర్ నికో రోస్‌బర్గ్ విజేతగా నిలిచాడు. మాగ్నుసన్ (మెక్‌లారెన్) రెండో స్థానంలో నిలిచాడు. ఇదే రేసులో ఎఫ్1 చరిత్రలో పిన్న వయస్సులో (19 ఏళ్ల 10 నెలల 18 రోజులు) పాయింట్లు నెగ్గిన డ్రై వర్‌గా డానిల్ క్వియాట్ (రష్యా) రికార్డు నెలకొల్పాడు.

హాకీ జూనియర్ ఉమెన్‌‌స చాంపియన్‌షిప్
హాకీ ఇండియా జూనియర్ ఉమెన్‌‌స చాంపియన్‌షిప్‌ను ఛత్తీస్‌గఢ్ గెలుచుకుంది. మైసూర్‌లో మార్చి 13న జరిగిన ఫైనల్లో కేరళను ఓడించింది. 

క్రికెటర్ ఆఫ్ ది జనరేషన్ సచిన్
భారత మాజీ ఆటగాడు, మాస్టర్ బ్యాట్స్‌మన్ సచిన్ టెండూల్కర్‌ను ‘క్రికెటర్ ఆఫ్ ది జనరేషన్’ అవార్డుకు ఈఎస్‌పీఎన్-క్రిక్ ఇన్ఫో సంస్థ ఎంపిక చేసింది. 

ఇతర అవార్డుల విజేతలు:
టెస్టు బ్యాటింగ్ అవార్డు: శిఖర్ ధావన్ (ఆస్ట్రేలియాపై తొలి టెస్టులో 187 పరుగుల ఇన్నింగ్స్)
వన్డే బ్యాటింగ్ అవార్డు: రోహిత్ శర్మ (ఆస్ట్రేలియాపై వన్డే డబుల్ సెంచరీ);
తొలి ఏడాది అత్యుత్తమ ప్రదర్శన అవార్డు:షమీ (2013లో టెస్టులు, వన్డేలు కలిపి 47 వికెట్లు);
ఉత్తమ టెస్టు బౌలింగ్ అవార్డు: మిచెల్ జాన్సన్ (7/40, ఇంగ్లండ్‌పై); 
ఉత్తమ వన్డే బౌలింగ్ అవార్డు: షాహిద్ ఆఫ్రిది (7/12, వెస్టిండీస్‌పై).

పంకజ్ అద్వానీకి నేషనల్ స్నూకర్ టైటిల్నేషనల్ స్నూకర్ టైటిల్‌ను పంకజ్ అద్వానీ గెలుచుకున్నాడు. లక్నోలో మార్చి 7న ముగిసిన పురుషుల పోటీలో కమల్ చావ్లాను పంకజ్ ఓడించాడు. పంకజ్‌కు ఇది 6వ నేషనల్ స్నూకర్ టైటిల్. మహిళల టైటిల్‌ను విద్యా పిళై ్ల గెలుచుకుంది. ఈమె ఫైనల్స్‌లో చిత్రా మగిమైరాజ్‌ను ఓడించింది.

నేషనల్ ఫుట్‌బాల్ చాంపియన్‌షిప్నేషనల్ ఫుట్‌బాల్ చాంపియన్‌షిప్‌ను మిజోరాం గెలుచుకుంది. సిలిగురిలో మార్చి 9న జరిగిన ఫైనల్స్‌లో రైల్వేస్‌ను ఓడించింది. 68 ఏళ్ల ఈ చాంపియన్‌షిప్ చరిత్రలో మిజోరాం తొలిసారి టైటిల్‌ను గెలుచుకుంది.

చోంగ్ వీ, షిజియాన్‌లకు ఆల్ ఇంగ్లండ్ ఓపెన్ బాడ్మింటన్ టైటిల్స్బర్మింగ్‌హామ్‌లో మార్చి 9న ముగిసిన ఆల్ ఇంగ్లండ్ ఓపెన్ బ్యాడ్మింటన్ చాంపియన్‌షిప్‌లో చోంగ్ వీ పురుషుల, షిజియాన్ మహిళల టైటిల్స్ గెలుచుకున్నారు.
పురుషుల సింగిల్స్: మలేషియాకు చెందిన లీ చోంగ్ వీ చైనాకు చెందిన చెన్ లాంగ్‌ను ఓడించి టైటిల్‌ను గెలుచుకున్నాడు.
మహిళల సింగిల్స్: చైనాకు చెందిన షిజియాన్ వాంగ్ చైనాకే చెందిన జురుయ్ లీని ఓడించి టైటిల్ సాధించింది.
పురుషుల డబుల్స్: మహ్మద్ ఆషాన్, హెంద్రా సెతియవాన్ (ఇండోనేషియా) టైటిల్ గెలుచుకున్నారు. వీరు హీరోయుకీ ఎండో, కెనిచి హయకావాలను ఓడించారు.
మహిళల డబుల్స్: యు యాంగ్, వాంగ్ జియోలీ గెలుచుకున్నారు. వీరు మా జిన్, తాంగ్ యవాంతింగ్‌లను ఓడించారు. 

శ్రీలంకకు ఆసియా కప్ ఆసియా కప్ క్రికెట్ టైటిల్‌ను శ్రీలంక గెలుచుకుంది. బంగ్లాదేశ్‌లో మార్చి 8న ముగిసిన ఫైనల్స్‌లో పాకిస్థాన్‌ను ఓడించింది. ఈ కప్‌ను శ్రీలంక గెలుచుకోవడం ఇది ఐదోసారి. మ్యాన్ ఆఫ్ ద మ్యాచ్‌గా మలింగ, మ్యాన్ ఆఫ్ ద సీరిస్‌గా తిరిమన్నె ఎంపికయ్యారు. ఈ టోర్నమెంట్ ఇప్పటివరకూ 12 సార్లు జరిగింది.

నేషనల్ బాస్కెట్‌బాల్ చాంపియన్‌షిప్చత్తీస్‌గఢ్ మహిళల జట్టు, తమిళనాడు పురుషుల జట్టు 64వ నేషనల్ బాస్కెట్‌బాల్ చాంపియన్‌షిప్ టైటిల్స్ గెలుచుకున్నాయి. న్యూఢిల్లీలో మార్చి 5న ముగిసిన పోటీల్లో రైల్వేస్‌ను చత్తీస్‌గఢ్, పంజాబ్‌ను తమిళనాడు ఓడించాయి. మహిళా విభాగంలో కవితా కుమారి, పురుషుల విభాగంలో రికిన్ పితానీలకు అత్యంత విలువైన ఆటగాళ్లకు ఇచ్చే హరీశ్‌శర్మ ట్రోఫీని బహూకరించారు. 

సాకేత్ మైనేనికి ఐటీఎఫ్ టైటిల్అంతర్జాతీయ టెన్నిస్ సమాఖ్య (ఐటీఎఫ్) టోర్నమెంట్‌లో ఆంధ్రప్రదేశ్‌కు చెందిన సాకేత్ పురుషుల సింగిల్స్ టైటిల్ గెలుచుకున్నాడు. భీమవరం (ఆంధ్రప్రదేశ్)లో మార్చి 8న జరిగిన ఫైనల్స్‌లో సనమ్‌సింగ్‌ను సాకేత్ ఓడించాడు. పురుషుల డబుల్స్ టైటిల్‌ను సాకేత్ మైనేని, సనమ్‌సింగ్‌లు గెలుచుకున్నారు. వీరు ఫైనల్స్‌లో శ్రీరామ్ బాలాజీ, వి.ఎం. రంజిత్‌లను ఓడించారు. 

దక్షిణాఫ్రికాకు క్రికెట్ అండర్-19 ప్రపంచకప్అండర్-19 క్రికెట్ ప్రపంచకప్‌ను దక్షిణాఫ్రికా గెలుచుకుంది. దుబాయ్‌లో 2014 మార్చి 1న జరిగిన ఫైనల్స్‌లో పాకిస్థాన్ ఓడించి కప్‌ను కైవసం చేసుకుంది. ఈ కప్‌ను దక్షిణాఫ్రికా గెలుచుకోవడం ఇదే తొలిసారి. దక్షిణాఫ్రికాకు చెందిన అబిడెన్ మర్‌క్రమ్ ప్లేయర్ ఆఫ్ ద మ్యాచ్‌గా, కోర్బిన్ బోష్ ప్లేయర్ ఆఫ్ ద టోర్నీగా ఎంపికయ్యారు. 

అరవింద్ భట్‌కు జర్మన్ ఓపెన్ బ్యాడ్మింటన్ టైటిల్భారత క్రీడాకారుడు అరవింద్‌భట్ జర్మన్ ఓపెన్ గ్రాండ్ ప్రీ గోల్డ్ బ్యాడ్మింటన్ టోర్నమెంట్‌లో పురుషుల సింగిల్స్ టైటిల్‌ను గెలుచుకున్నాడు. జర్మనీలో 2014 మార్చి 1న జరిగిన ఫైనల్స్‌లో డెన్మార్‌‌కకు చెందిన విటింగ్‌హస్‌ను ఓడించాడు. ఈ టైటిల్ ను గెలుచుకున్న మొదటి భారతీయుడు అరవింద్. ఈయనకు ఇది ఏడో అంతర్జాతీయ టైటిల్. గోపీచంద్, శ్రీకాంత్ తర్వాత విదేశంలో గ్రాండ్ ప్రీ గోల్డ్ టైటిల్ గెలుచుకొన్న మూడో భారతీయ క్రీడా కారుడిగా అరవింద్ గుర్తింపు పొందాడు.

డెల్‌బోనిస్‌కు బ్రెజిల్ ఓపెన్ టైటిల్అర్జెంటీనాకు చెందిన ఫెడెరికో డెల్‌బోనిస్ బ్రెజిల్ ఓపెన్ టోర్నమెంట్ టైటిల్‌ను గెలుచుకున్నాడు. సావో పౌలోలో 2014 మార్చి 2న జరిగిన ఫైనల్స్‌లో ఇటలీకి చెందిన పావొలో లోరెంజీని డెల్‌బోనిస్ ఓడించాడు.