AIMS DARE TO SUCCESS MADE IN INDIA

Saturday, 10 February 2018

అంతర్జాతీయం 2014 సంవత్సరం జనవరి నుండి డిసెంబరు వరకు మొత్తం

అంతర్జాతీయం 2014 సంవత్సరం జనవరి నుండి డిసెంబరు వరకు మొత్తం 

జనవరి 2014 అంతర్జాతీయం
సీఏఆర్ తాత్కాలిక అధ్యక్షురాలిగా ‘సాంబా’
సెంట్రల్ ఆఫ్రికన్ రిపబ్లిక్ (సీఏఆర్) తాత్కాలిక అధ్యక్షురాలిగా కేథరిన్ సాంబా పాంజా జనవరి 20 న ఎన్నికయ్యారు. ఆమె 2011లో ఆ దేశ రాజధాని నగరం బాంగ్యుకు మేయర్‌గా వ్యవహరించారు.

దక్షిణకొరియా అధ్యక్షురాలు భారత పర్యటన
దక్షిణ కొరియా తొలి మహిళా అధ్యక్షురాలు పార్క్ గున్ హే భారత్‌లో పర్యటించారు. ఇందులో భాగంగా 2014, జనవరి 16న ఆర్థిక, వ్యూహాత్మక భాగస్వామ్యం, రక్షణరంగం వంటి అంశాలపై ఆమె చర్చలు జరిపారు. భారత రాష్ట్రపతి ప్రణబ్‌ముఖర్జీ, ప్రధానమంత్రి మన్మోహన్ సింగ్‌లతో గున్ హే సమావేశ మయ్యారు. రాజస్థాన్‌లో కొరియా ఇండస్ట్రియల్ పార్క్ ఏర్పాటు అవకాశాలను ఆమె స్వాగతించారు. కొరియన్ టూరిస్ట్‌లకు వీసాలు త్వరితగతిన జారీచేసే విధానాన్ని భారత ప్రధాని మన్మోహన్ ఈ సంధర్భంగా ప్రకటించారు. ఒడిశాలో రూ.52,000 కోట్లతో దక్షిణ కొరియా నిర్మించే పోస్కో ఉక్కుకర్మాగరానికి పర్యావరణ అనుమతి లభించడం పట్ల గున్ హే సంతోషం వ్యక్తం చేశారు. ఈ సందర్భంగా ఇరుదేశాల మధ్య తొమ్మిది ఒప్పందాలపై సంతకాలు జరిగాయి. ఇందులో వర్గీకృత సైనిక సమాచార రక్షణ, సైబర్‌స్పేస్ అంశాలున్నాయి. 

మడగాస్కర్ అధ్యక్షుడిగా హెరీ రాజోనారి మాంపియానినా
మడగాస్కర్ దేశ అధ్యక్షునిగా ఆ దేశ మాజీ ఆర్థిక మంత్రి హెరీ రాజోనారి మాంపియానినా ఎన్నికయ్యారు. దేశంలో ప్రజాస్వామ్యాన్ని పునరుద్ధరించే క్రమంలో జరిగిన ఎన్నికల అనంతరం హెరీ అధ్యక్ష బాధ్యతలు చేపట్టనున్నారు. 2009లో రాజోయిలీనా అధికారం చేజిక్కించుకున్నాక నాలుగేళ్లకు గత డిసెంబర్‌లో ఎన్నికలు జరిగాయి. నాటి అధికార మార్పిడిలో రాజోయిలీనా ప్రత్యర్థి మార్క్ రాలో మనన దేశం విడిచి పారి పోయి దక్షిణాఫ్రికాలో ఆశ్రయం పొందారు. 

పోలియో రహిత దేశంగా భారత్
భారత్‌ను పోలియో ర హిత దేశంగా కేంద్ర ఆరోగ్యశాఖ మంత్రి గులాం నబీ ఆజాద్ 2014, జనవరి 13న ప్రకటించారు. దేశంలో గత మూడేళ్లలో ఒక్క పోలియో కేసు కూడా నమోదు కాలేదని ఆయన తెలిపారు. చివరిగా 2011, జనవరి 13న పశ్చిమబెంగాల్‌లో ఓ కేసు నమోదైంది. 2009లో 741గా ఉన్న కేసుల సంఖ్య 210 నాటికి 42కు, 2011లో ఒక్క కేసుకి తగ్గాయి.

తులసిలో జన్యుమార్పిడి
తులసిలో ఔషధ గుణాలను మరింతగా పెంచేందుకు అమెరికా పరిశోధకులు ప్రయత్నాలు ప్రారంభించారు. ఈ మేరకు ఆ మొక్కలో జన్యుమార్పిడికి శ్రీకారం చుట్టారు. ఈ బృందానికి భారతీయ అమెరికన్ శాస్త్రవేత్త, తెలుగువాడైన చంద్రకాంత్ ఈమని నేతృత్వం వహిస్తున్నారు. ఈయన తన విద్యార్థులతో కలిసి తులసిలో యూజెనాల్ అనే పదార్థం పెరిగేలా చర్యలు తీసుకుంటున్నారు. రొమ్ము క్యాన్సర్‌ను నియంత్రించడంలో యూజెనాల్ ఎంతో కీలక పాత్ర పోషిస్తుంది. 

దాతల సదస్సులో సిరియాకు 2.4 బిలియన్ డాలర్ల సాయం
అంతర్యుద్ధంతో నలిగిపోతున్న సిరియాకు కువైట్‌లో 2014, జనవరి 17న జరిగిన దాతల సదస్సులో వివిధ దేశాలు 2.4 బిలియన్ డాలర్ల సహాయాన్ని ప్రకటించాయి. మానవతా దృక్పథంతో 6.5 బిలియన్ డాలర్లు సమకూర్చాలని ఐక్యరాజ్యసమితి ఈ సదస్సు నిర్వహించింది. ఐరాస ప్రధాన కార్యదర్శి బాన్-కీ-మూన్ అధ్యక్షతన జరిగిన ఈ సదస్సు లో 70 దేశాలు, 24 అంతర్జాతీయ సంస్థల ప్రతినిధులు పాల్గొన్నారు. సదస్సుకు ఆతిథ్యమిచ్చిన కువైట్ అత్యధికంగా 500 మిలియన్ డాలర్ల సాయాన్ని ప్రకటించింది.

న్యూస్‌మేకర్స్ నటి సుచిత్రా సేన్ మృతి
అలనాటి అందాల నటి సుచిత్రా సేన్ (82) కోల్‌కతాలో 2014, జనవరి 17న మరణించారు. ఆమె బెంగాలీ, హిందీ భాషల్లో 60 సినిమాల్లో నటించారు. అగ్ని పరీక్ష, ఆంధీ, సాత్‌పాకే బంధా, మసాఫిర్, బొంబాయ్ కాబబా, దేవదాస్ వంటి చిత్రాలు ఆమెకు మంచి పేరు తెచ్చిపెట్టాయి. దేవదాస్‌లో నటనకు ఉత్తమ జాతీయ నటి అవార్డు ఆమెకు లభించింది. 1963లో మాస్కోలో జరిగిన అంతర్జాతీయ చలన చిత్రోత్సవంలో ఉత్తమ నటి అవార్డు అందుకున్నారు. 1972లో ఆమెకు పద్మశ్రీ పురస్కారం, 2005లో దాదా సాహెబ్ ఫాల్కే అవార్డును సుచిత్రాసేన్ అందుకున్నారు.

కేంద్రమంత్రి థరూర్ భార్య సునంద పుష్కర్ మృతి 
కేంద్ర మానవ వనరుల శాఖ సహాయమంత్రి శశిథరూర్ భార్య సునంద పుష్కర్ (52) న్యూఢిల్లీలో 2014 జనవరి 17న అనుమానాస్పద స్థితిలో మృతి చెందారు. సునంద పుష్కర్‌ను థరూర్ 2010 ఆగస్టులో వివాహమాడారు.

ఆధ్యాత్మిక గురువు బుర్హానుద్దీన్ మృతి 
దావూద్ బోహ్రా ముస్లిమ్‌మతపెద్ద సేడ్నా బుర్హానుద్దీన్ (99) ముంబాయిలో 2014 జనవరి 17న మరణించారు. ఈయన ప్రపంచ వ్యాప్త దావూదీ బోహ్రా మతానికి 52వ దాయ్ అల్-మల్తక్. జోర్డాన్ ప్రభుత్వం స్టార్ ఆఫ్ జోర్డాన్, ఈజిప్ట్ ప్రభుత్వం ఆర్డర్ ఆఫ్ ది నైలీ వంటి అత్యున్నత పౌరపురస్కారాలతో ఆయనను సత్కరించాయి. అనేక సంస్థలు డాక్టరేట్ బహుకరించాయి. ఇదిలా ఉండగా ఇయన అంత్యక్రియల సందర్భంగా జనవరి 18న ముంబైలో జరిగిన తొక్కిసలాటలో 18 మంది మృత్యు వాతపడ్డారు. 

కవి నామ్‌దేవ్ ఢసాల్ మృతి 
ప్రముఖ మరాఠి కవి, దళిత ఉద్యమనేత పద్మశ్రీ నామ్‌దేవ్ ఢసాల్ (64) ముంబయిలో 2014, జనవరి 16న కన్నుమూశారు. నామ్‌దేవ్ తొలి కవితా సంకలనం గోల్‌పెథా 1973లో ప్రచురితమయింది. ఆయన 1972లో దళిత్ పాంథర్స్‌అనే ర్యాడికల్ సంస్థను స్థాపించారు. దళిత్ పాంథర్స్ ముంబయిలో శివసేనను సిద్ధాంత పరంగాను, బహిరంగం గాను విభేదించింది. మహిళలతో పాటు కులాలకు అతీతంగా దోపిడికి గురైన వారందరూ దళితులేనంటూ దళిత్ పాంథర్స్ నిర్వచించింది.

బంగ్లా ప్రధానిగా షేక్ హసీనా ప్రమాణం
బంగ్లాదేశ్ ప్రధానవుంత్రిగా షేక్ హసీనా (అవామీలీగ్ పార్టీ) జనవరి 12న ప్రమాణ స్వీకారం చేశారు. హసీనా ప్రధాని పదవిని చేపట్టడం ఇది వరుసగా రెండోసారి, మొత్తం మీద మూడోసారి. గత వారం పార్లమెంట్‌కు జరిగిన ఎన్నికల్లో అవామీలీగ్ 232 స్థానాల్లో జయకేతనం ఎగురవేసింది. అవామీలీగ్ మిత్ర పక్షమైన జతియా పార్టీ 33 స్థానాలను కైవసం చేసుకుంది.

భారతీయ శాస్త్రవేత్తకు అధ్యయన నిధి
అమెరికాలోని భారత సంతతి నాడీశాస్త్రవేత్త ఖలీల్జ్రాక్‌కు అక్కడి జాతీయ ఫౌండేషన్ సుమారు రూ. 5.21కోట్లు (866.90 డాలర్లు) మంజూరు చేసింది. వయసుతోపాటు వచ్చే వినికిడి సమస్యలకు చికిత్స చేసేందుకు ఉపయోగ పడేలా మెదడు చర్యా విధానంపై రజాక్ కొద్దికాలంగా పరిశోధనలు చేస్తున్నారు. వీటిని కొనసాగించేందుకు ఐదేళ్లకుగాను ఈ మొత్తం నిధిని రజాక్‌కు బహుకరించారు.

కార్మికుల రక్షణపై భారత్, సౌదీ ఒప్పందం
సౌదీఅరేబియాలో పనిచేసే భారత కార్మికుల హక్కుల పరిరక్షణకు ఉద్దేశించిన ఒప్పందంపై భారత్, సౌదీ అరేబియాలు జనవరి 2న న్యూఢిల్లీలో సంతకాలు చేశాయి. ఈ ఒప్పందంపై సౌదీ అరేబియా కార్మికమంత్రి మొహమ్మద్ ఫఖీ, భారత్ తరపున ప్రవాస భారతీయశాఖ మంత్రి వాయిలర్ రవి సంతకాలు చేశారు. ఈ ఒప్పందం యజమాని, గృహ కార్మికుడు ఇరువురి హక్కుల పరిరక్షణకు తోడ్పడుతుంది. ఇరువురి మధ్య ఒప్పందం సంబంధాలను క్రమబద్ధీకరిస్తుంది. చట్టాలను ఉల్లంఘించే ఏజెంట్లపై చర్యలు తీసుకునేందుకు తోడ్పడుతుంది. 

న్యూఢిల్లీవేదికగా పెట్రోటెక్-2014
2014 అంతర్జాతీయ పెట్రోలియం సమావేశాలకు న్యూఢిల్లీ వేదిక కానుంది. ఈ సమావేశాలు జనవరి 12 నుంచి 15 వరకు నాలుగు రోజులపాటు జరగనున్నాయి. ఈ సదస్సును పెట్రోలియం, సహజవనరుల, చమురు శుద్ధి మంత్రిత్వశాఖ, పెట్రోటెక్ లిమిటెడ్‌లు సంయుక్తంగా నిర్వహించనున్నాయి. 2030 విజన్ పేరుతో ఈ పెట్రోటెక్ 2014 జరగనుంది.

యూరోజోన్‌లోకి లాత్వియా
జనవరి 1న లాత్వియా అధికారికంగా యూరో ను తన దేశ ఆధికారిక కరెన్సీగా స్వీకరించింది. ఉత్తర యూరప్ దేశమైన లాత్వియా జనాభా 20,70,370.

AIMS DARE TO SUCCESS 

ఫిబ్రవరి 2014 అంతర్జాతీయం
715 కొత్త గ్రహాలను కనుగొన్న నాసా 
అమెరికా అంతరిక్ష సంస్థ నాసా 715 కొత్త గ్రహాలను కనుగొన్నట్లు 2014 ఫిబ్రవరి 26న తెలిపింది. ఇంతపెద్ద మొత్తంలో కొత్త గ్రహాలను కనుగొనడం ఇదే తొలిసారి. కెప్లెర్ టెలిస్కోప్ ద్వారా వీటిని నాసా కనుగొంది. వీటిలో 95 శాతం నెఫ్ట్యూన్ కంటే చిన్నవిగా ఉన్నాయి. భూమి కంటే నెప్ట్యూన్ నాలుగురెట్లు పెద్దదిగా ఉంటుంది. ఈ కొత్త గ్రహాలతో కలిపి సౌర కుటుంబం వెలుపల కచ్చితంగా గుర్తించిన గ్రహాల సంఖ్య దాదాపు 1700కు చేరింది.

భారత పర్యటనలో బహ్రెయిన్ రాజు
బహ్రెయిన్ రాజు హమద్‌బిన్ ఇసా అల్ ఖలీఫా భారత పర్యటనలో ఫిబ్రవరి 20న ప్రధాన మంత్రి మన్మోహన్ సింగ్‌తో చర్చలు జరిపారు. వాణిజ్యం, వ్యాపార రంగాల్లో సహకారాన్ని విస్తరించుకొనేందుకు మూడు ఒప్పందాలపై ఇరుపక్షాలు సంతకాలు చేశాయి. ద్వైపాక్షిక వాణిజ్యంపై ఇరు దేశాల నాయకులు సమీక్షించారు. భారత కంపెనీలు తమ దేశం లో పెట్టుబడులు పెట్టాలని బహ్రెయిన్ కోరింది. 

ఇటలీ ప్రధానిగా మటెనో రెంజీ
ఇటలీ ప్రధానమంత్రిగా మటెనోరెంజీ ఫిబ్రవరి 22న ప్రమాణ స్వీకారం చేశారు. ఆయనతో పాటు 16 మంది మంత్రులు కూడా బాధ్యతలు స్వీకరించారు. 39 ఏళ్ల రెంజీ ఇటలీకి అత్యంత పిన్న వయసులో ప్రధాని అయిన వ్యక్తిగా గుర్తింపు పొందారు. రెంజీ గతంలో ఫ్లోరెన్‌‌స గవర్నర్‌గా పనిచేశారు. 

నేపాల్ ప్రధామంత్రిగా సుశీల్ కొయిరాలా
నేపాలీ కాంగ్రెస్ అధ్యక్షుడు సుశీల్ కొయిరాలా(75) ఆ దేశ ప్రధాన మంత్రిగా 2014 ఫిబ్రవరి 10న ప్రమాణస్వీకారం చేశారు. పార్లమెంట్‌లో జరిగిన ఓటింగ్‌లో ఆయనకు మూడింట రెండు వంతుల కంటే ఎక్కువ మెజార్టీ లభించింది. సీపీఎన్-యూఎంఎల్ మద్దతుతో ఆయన విజయం సాధించారు. 2008లో నేపాల్‌లో రాజరికం రద్దయ్యాక సుశీల్ కొయిరాలా ఆరో ప్రధానమంత్రి.

పత్రికా స్వేచ్ఛలో భారత్‌కు 140వ స్థానం
పత్రికా స్వేచ్ఛలో ప్రపంచంలో అత్యంత దయనీయంగా ఉన్న దేశాల సరసన భారత్ చేరింది. పారిస్ కు చెందిన రిపోర్టర్‌‌స విత్ ఔట్ బోర్డర్‌‌స 2014 ఫిబ్రవరి 12న విడుదల చేసిన నివేదికలో భారత్‌కు 140వ స్థానం దక్కింది. 180 దేశాల జాబితాలో పాకిస్తాన్ 158, చైనా 175, నేపాల్ 120, అఫ్గానిస్తాన్ 128 స్థానాల్లో ఉన్నాయి. ఫిన్లాండ్ మొదటి స్థానంలో నిలువగా అగ్రరాజ్యం అమెరికా 46 స్థానంలో, బ్రిటన్ 33 స్థానంలో నిలిచాయి. 2013లో భారత్‌లో ఎనిమిది మంది జర్నలిస్టులు, ఒక మీడియా వర్కర్ మరణించినట్లు ఆ నివేదిక పేర్కొంది.

మైక్రోసాఫ్ట్ సీఈఓగా సత్య నాదెళ్ల
‘మైక్రోసాఫ్ట్’ సీఈఓగా రాష్ట్రానికి చెందిన సత్య నాదెళ్ల(46) 2014 ఫిబ్రవరి 4న నియమితులయ్యా రు. ప్రస్తుత సీఈఓ స్టీవ్ బామర్ స్థానంలో నాదెళ్ల బాధ్యతలు చేపడతారు. మైక్రోసాఫ్ట్ వ్యవస్థాపకుడు, చైర్మన్ బిల్‌గేట్స్ స్థానంలో జాన్ థాంప్సన్ చైర్మన్‌గా నియమితులయ్యారు.

మలాలాకు బాలల నోబెల్ పురస్కారం
పాకిస్థాన్ బాలల హక్కుల కార్యకర్త మలాలా యూసఫ్ జాయ్(16) ప్రపంచ బాలల పురస్కారానికి ఎంపికయ్యారు. ఆమెతో పాటు అమెరికాకు చెందిన జాన్‌ఉడ్, నేపాల్‌కు చెందిన రాణామగర్ కూడా 2014 సంవత్సరానికి ఈ అవార్డుకు ఎంపికయ్యారు. స్వీడన్‌కు చెందిన సంస్థ ఈ ప్రతిష్టాత్మక అవార్డును ప్రదానం చేస్తుంది. జాన్‌ఉడ్, రాణామగర్ కూడా పిల్లల విద్య, హక్కుల కోసం పాటుపడుతున్నారు.

తొలి ఎలక్ట్రానిక్ కంప్యూటర్‌కు 70 ఏళ్లు
మొట్టమొదటి ఎలక్ట్రానిక్ కంప్యూటర్‌కు 2014 ఫిబ్రవరి 5 నాటికి 70 ఏళ్లు పూర్తయ్యాయి. 1944 ఫిబ్రవరి 5న ఈ ‘కోలోసస్’ కంప్యూటర్ వినియోగంలోకి వచ్చింది. రెండో ప్రపంచ యుద్ధ కాలంలో జర్మనీ నియంత అడాల్ఫ్ హిట్లర్ తన జనరల్స్‌కు పంపిన కోడ్ సందేశాలను డీకోడ్ చేసేందుకు ఉపయోగించారు.

భారత్‌లోనే నిరక్షరాస్యత: ఐరాస
భారత్‌లో నిరక్షరాస్యులైన వయోజనుల సంఖ్య అధికంగా ఉందని ఐక్యరాజ్యసమితి తన నివేదికలో వెల్లడించింది. 28.7 కోట్ల మందికి అక్షరం పట్ల అవగాహన లేదని స్పష్టం చేసింది. వాస్తవానికి దేశంలో అక్షరాస్యుల సంఖ్య పెరిగినా జనాభా సంఖ్య పోటీగా ఎగబాకటంతో నిరక్షరాస్యుల శాతంలో మార్పులేదని పేర్కొంది. అంతర్జాతీయ నిరక్షరాస్యుల్లో 37 శాతం మంది భారతీయులే ఉన్నారని తెలిపింది. ఐక్యరాజ్య సమితి విద్యా, శాస్త్ర, సాంస్కృతిక సంస్థ (యునెస్కో) ప్రచురించిన ‘అందరికీ విద్య-అంతర్జాతీయ పర్యవేక్షణ -2013-14’ నివేదికలో ఈ వివరాలను వెల్లడించింది.

పర్యావరణ జాబితాలో భారత్‌కు 155వ స్థానం
అత్యంత ప్రాధాన్యతనివ్వవలసిన పర్యావరణ అంశాల పనితీరు ఆధారంగా రూపొందించిన ప్రపంచ పర్యావరణ జాబితా (గ్లోబల్ గ్రీన్ లిస్)లో భారత్‌కు 155వ స్థానం దక్కింది. ‘2014 పర్యావరణ పనితీరు సూచి’లో 178 దేశాలకు ర్యాంకులు కేటాయించగా.. ఈ సూచిలో 31.23 పాయింట్లతో భారత్ 155 వ స్థానంలో నిలిచింది. స్విట్జర్లాండ్ మొదటి స్థానం, తరువాత స్థానాల్లో లగ్జమ్‌బర్గ్, ఆస్ట్రేలియా, సింగపూర్, చెక్ రిపబ్లిక్‌లు ఉన్నాయి. ఈ సూచీని ప్రపంచ ఆర్థిక ఫోరమ్‌తో కలిసి యేల్,కొలంబియా విశ్వవిద్యాలయాలు రూపొందించాయి.

ఫేస్‌బుక్‌కు పది వసంతాలు
సోషల్ నెట్‌వర్కింగ్ వెబ్‌సైట్ ఫేస్‌బుక్‌కు 2014, ఫిబ్రవరి 4వ తేదీ నాటికి పదేళ్లు పూర్తయ్యాయి. ఇంటర్నెట్ తెచ్చిన సమాచార విప్లవంలో సోషల్ మీడియా మరింత విప్లవాత్మక మార్పులు తెచ్చింది. హార్వర్డ్ వర్సిటీ విద్యార్థిగా మార్క్ జుకర్‌బర్గ్ రూపొందించిన ప్రాజెక్టు ఫేస్‌బుక్‌గా రూపుదిద్దుకుని ప్రస్తుతం ప్రపంచవ్యాప్తంగా 123 కోట్ల మందిని అనుసంధానిస్తోంది.

AIMS DARE TO SUCCESS 

మార్చి 2014 అంతర్జాతీయం
జి-8 నుంచి రష్యా సస్పెన్షన్
ఉక్రెయిన్ నుంచి రిఫరెండం ద్వారా స్వాతంత్య్రం పొందిన క్రిమియాను రష్యా తన సమాఖ్యలోకి చేర్చుకోవడంపై అగ్రరాజ్యాలు మండిపడ్డాయి. ప్రపంచంలోని అతిపెద్ద పారిశ్రామిక దేశాల కూటమైన జి-8 నుంచి రష్యాను సస్పెండ్ చేస్తున్నట్లు కూటమిలోని మిగిలిన 7 దేశాలైన అమెరికా, బ్రిటన్, కెనడా, జర్మనీ, ఫ్రాన్స్, ఇటలీ, జపాన్ ప్రకటించాయి. నెదర్లాండ్స్‌లోని హేగ్‌లో మార్చి 25న జరిగిన అత్యవసర సమావేశంలో ఈ నిర్ణయాన్ని వెల్లడించాయి. అలాగే రష్యాలోని సోచిలో జూన్‌లో జరగనున్న జి-8 సదస్సును రద్దు చేస్తున్నట్లు తెలిపాయి. ఈ సదస్సును జి-7 పేరుతో బ్రసెల్స్‌లో నిర్వహిస్తామని ప్రకటించాయి. క్రిమియా విషయంలో రష్యా తన వైఖరి మార్చుకునే వరకూ ఈ సస్పెన్షన్ కొనసాగుతుందని స్పష్టం చేశాయి. 

2012లో వాయు కాలుష్యం వల్ల 70 లక్షలమంది మృతి
వాయు కాలుష్యం వల్ల 2012లో ప్రపంచ వ్యాప్తంగా 70 లక్షల మంది మరణించినట్లు ప్రపంచ ఆరోగ్య సంస్థ (డబ్ల్యు.హెచ్.ఒ) తాజా అధ్యయనంలో అంచనావేసింది. ప్రపంచ వ్యాప్తంగా వాయు కాలుష్యం అత్యంత ప్రమాదకర పర్యావరణ సంబంధ అనారోగ్య కారకంగా ఉందని డబ్ల్యు. హెచ్.ఒ తెలిపింది. ఈ మరణాల్లో 88 శాతం తక్కువ, మధ్య స్థాయి ఆదాయ దేశాల్లో సంభవిస్తున్నాయని నివేదికలో వివరించింది. వాయు కాలుష్యం వల్ల సంభవిస్తున్న మరణాల్లో 80 శాతం గుండె సంబంధమైనవి కాగా, 11 శాతం ఊపిరితిత్తులు, ఆరు శాతం క్యాన్సర్ వల్ల జరుగుతున్నాయని పేర్కొంది. 

ఆక్స్‌ఫర్డ్ నిఘంటువులో ‘హాంగ్‌కాంగర్‌‘ ,‘ హాంగ్ కాంగీస్‌‘ పదాలు 
ఆక్స్‌ఫర్డ్ నిఘంటువులో కొత్తగా హాంగ్‌కాంగర్, హాంగ్ కాంగీస్ అనే కొత్త పదాలను చేర్చారు. వీటితో పాటు మరో 600 కొత్త పదాలను మార్చి నెలలో చేర్చారు. స్థానికంగా వాడే ఈ పదాలను హాంగ్‌కాంగ్‌లోని ఒక వర్గం గుర్తించింది. హాంగ్‌కాంగర్ అంటే స్థానికుడు లేదా హాంగ్‌కాంగ్ నివాసి. హాంగ్‌కాంగీస్ అంటే హాంగ్‌కాంగ్ నగరం లేదా అక్కడి నివాసితులకు సంబంధించి దేనినైనా వివరించేందుకు ఉపయోగించే పదంగా డిక్షనరీ నిర్వచించింది. ఒకనాటి బ్రిటీష్ వలస ప్రాంతమైన హాంగ్‌కాంగ్‌ను 17 ఏళ్ల కిందట చైనా పొందింది. అప్పటినుంచి ప్రధాన భూభాగ ప్రజల వల్ల స్థానికంగా ధరలు పెరగడం, పిల్లలకు స్థానికత కొరకు ఆ ప్రాంత గర్భిణీ స్త్రీలు నగరానికి వచ్చి ప్రసవించడం, స్థానిక రాజకీయాల్లో బీజింగ్ ఆధిపత్యం చెలాయించేందుకు ప్రయత్నిస్తుండటం వల్ల హాంగ్‌కాంగ్ ప్రజలు ఆందోళనలు చేస్తున్నారు. 

హేగ్‌లో మూడో అణుభద్రత సదస్సు 
మూడో అణుభద్రత సదస్సు (న్యూక్లియర్ సెక్యూరిటీ సమ్మిట్) నెదర్లాండ్స్‌లోని హేగ్‌లో మార్చి 24-25 తేదీల్లో జరిగింది. 58 దేశాలకు చెందిన నాయకులు ఇందులో పాల్గొన్నారు. అణు భద్రతను పటిష్ఠం చేయడం, అణు ఉగ్రవాద ముప్పును తగ్గించడం, 2010 వాషింగ్టన్ సదస్సు తర్వాత సాధించిన పురోగతిపై ప్రధానంగా చర్చించారు. మొదటి అణు భద్రత సదస్సు (2010) వాషింగ్టన్‌లో, రెండో సదస్సు (2012) సియోల్‌లో జరిగాయి. నాలుగో సదస్సు 2016లో అమెరికాలో జరగనుంది. 

నాటో సెక్రటరీ జనరల్‌గా స్టోలెన్‌బర్గ్
నార్వే మాజీ ప్రధాన మంత్రి జెన్స్ స్టోలెన్‌బర్గ్ నాటో (నార్త్ అట్లాంటిక్ ట్రీటీ ఆర్గనైజేషన్) సెక్రటరీ జనరల్‌గా మార్చి 27న ఎంపికయ్యారు. ప్రస్తుతం ఆయన నార్వే లేబర్‌పార్టీ అధ్యక్షుడిగా ఉన్నారు. ఇప్పుడున్న నాటో అధ్యక్షుడు అండర్స్ ఫాగ్ రాస్‌ముస్సేన్ స్థానంలో అక్టోబర్ 1 నుంచి స్టోలెన్‌బర్గ్ బాధ్యతలు చేపట్టనున్నారు. నాటో రక్షణ కూటమిలో నార్త్ అమెరికా, ఐరోపాలకు చెందిన 28 దేశాలు ఉన్నాయి.

రష్యాలో విలీనమైన క్రిమియా 
రష్యాలో క్రిమియాను విలీనం చేసే ఒప్పందంపై రష్యా అధ్యక్షుడు వ్లాదిమిర్ పుతిన్ మార్చి 18న సంతకం చేశారు. దీంతో రష్యా సమాఖ్యలో క్రిమియా చేరినట్లయింది. 18వ శతాబ్దం నుంచి రష్యాలో భాగంగా ఉన్న క్రిమియాను 1954లో నాటి సోవియట్‌నేత నికితా కృశ్చేవ్ ఉక్రెయిన్‌కు బదిలీ చేశారు. నాటి నుంచి క్రిమియాలో మెజారిటీ ప్రజలుగా ఉన్న రష్యా జాతీయులు క్రిమియాను రష్యాలో విలీనం చేయాలని కోరుకుంటున్నారని పుతిన్ తెలిపారు. క్రిమియాను రష్యా విలీనం చేసుకోవడంతో జీ-8 నుంచి రష్యాను సస్పెండ్ చేస్తున్నట్లు ఫ్రాన్స్ ప్రకటించింది. దీంతో జూన్‌లో రష్యాలోని సోచిలో జరగాల్సిన జీ-8 సదస్సు నిర్వహణపై నీలినీడలు కమ్ముకున్నాయి.

ఆగ్నేయాసియా దేశాల్లో టీబీ రోగులకు వైద్యం 
ఆగ్నేయాసియా దేశాల్లో ఏటా టీబీ వ్యాధి సోకే మూడు మిలియన్లలో మూడింట ఒకవంతు రోగులకు వైద్య సేవలు అందుబాటులో లేవని ప్రపంచ ఆరోగ్య సంస్థ (డ బ్ల్యుహెచ్ ఓ) మార్చి 20న విడుదల చేసిన నివేదిక తెలిపింది. టీబీ వ్యాధి మరణాలను సున్నా స్థాయికు తీసుకువచ్చేందుకు వైద్య సేవలు అందని మిలియన్ మందిని గుర్తించి, వైద్యం అందించేందుకు చర్యలు తీసుకోవాలని ప్రపంచ ఆరోగ్య సంస్థ ఆగ్నేయాసియా దేశాలను కోరింది. ప్రపంచంలో ప్రతీ సంవత్సరం తొమ్మిది మిలియన్ల మందికి ఈ వ్యాధి సోకుతుంది. ఇందులో మిలియన్ మందికి వ్యాధి తీవ్రంగా ఉంటోంది. తద్వారా వ్యాధి ఇతరులకు విస్తరిస్తుంది. పౌష్టికాహార లోపం, పేదరికం, పర్యావరణం, అధిక స్థాయిలో ప్రజలను తరలించడం వంటి పరిస్థితులు టీబీకి కారణమవుతున్నాయని ప్రపంచ ఆరోగ్య సంస్థ ఆగ్నేయాసియాప్రాంతీయ డెరైక్టర్ పూనమ్ ఖేత్రపాల్ తెలిపారు. 

ఓకే పదానికి 175 ఏళ్లు 
ఇంగ్లిష్ భాషలో అత్యధికంగా వాడుకలో ఉన్న పదం ఓకే (ైఓ)కి 175 వసంతాలు పూర్తయ్యాయి. అమెరికా సంయుక్త రాష్ట్రాలలో అత్యంత ప్రజాదరణ గల నాటి పత్రిక ద బోస్టన్ మార్నింగ్ పోస్ట్‌లో ఓకే పదం తొలిసారిగా 1839 మార్చి 23న ప్రచురితమైంది. 

మాల్దీవుల ఎన్నికల్లో పాలక సంకీర్ణం విజయం
మాల్దీవుల అధ్యక్షుడు అబ్దుల్లా యమీన్‌కు చెందిన ప్రోగ్రెసివ్ పార్టీ ఆఫ్ మాల్దీవులు (పీపీఎం) తన సంకీర్ణ భాగస్వామ్య పార్ట్టీల కూటమి పార్లమెంట్ ఎన్నికల్లో విజయం సాధించింది. మార్చి 22న జరిగిన ఎన్నికల్లో ఆ కూటమి పార్లమెంట్‌లోని మొత్తం 85 స్థానాలకు గాను 54 స్థానాల్లో గెలుపొందింది. మాజీ అధ్యక్షుడు మొహమ్మద్ నషీద్ నాయకత్వంలోని ప్రతిపక్ష మాల్దీవియన్ డెమోక్రటిక్ పార్టీ (ఎండీపీ) 24 స్థానాలకు మాత్రమే పరిమితమైంది. 

ఈజిప్ట్‌లో 529 మందికి ఉరిశిక్ష
ఈజిప్ట్‌లో ఒకేసారి 529 మందికి ఉరిశిక్ష విధిస్తూ ఆ దేశంలోని మనియా కోర్టు తీర్పునిచ్చింది. వీరంతా ఆ దేశ పదవీచ్యుత అధ్యక్షుడు మహమ్మద్ మోర్సీ మద్దతుదారులని కోర్టు ప్రకటించింది. ముస్లిం బ్రదర్ హుడ్‌కు చెందిన వీరంతా ఓ పోలీసు అధికారి హత్యకేసు, ప్రజలపై దాడుల కేసులో దోషులుగా నిర్ధారిస్తూ ఈ శిక్షను విధించింది. ఆధునిక ఈజిప్ట్ చరిత్రలో ఇంతమందికి మరణదండన విధించడం ఇదే తొలిసారి. 

సముద్రంలో కూలిన మలేషియా విమానం
తప్పిపోయిన తమ దేశ విమానం దక్షిణ హిందూ మహాసముద్రంలో కుప్పకూలి జలసమాధి అయిందని మలేషియా ప్రధానమంత్రి నజీబ్ రజాక్ మార్చి 24న ప్రకటించారు. ఉపగ్రహాల నుంచి లభించిన సమాచారం ఆధారంగా విమానం సముద్రంలో కూలి మునిగిపోయిందన్న నిర్ధారణకు వచ్చినట్లు ఆయన తెలిపారు. మార్చి 8న మలేషియన్ ఎయిర్ లైన్స్‌కు చెందిన ఎం.హెచ్.-370 విమానం కౌలాలంపూర్ నుంచి బీజింగ్‌కు బయలుదేరి వెళ్లింది. ఇందులో 239 మంది ప్రయాణికులు, 13మంది సిబ్బంది ఉన్నారు. ప్రయాణికుల్లో ఐదుగురు భారతీయులున్నారు. 

స్పెయిన్ తొలి ప్రధానమంత్రి అడోల్ఫ్ సూరెజ్ మృతి
స్పెయిన్ తొలి ప్రధానమంత్రి అడోల్ఫ్ సూరెజ్ (81) మాడ్రిడ్‌లో మార్చి 23న మరణించారు. 1975లో జనరల్ ఫ్రాన్సిస్‌కో ఫ్రాంకో మరణించిన తర్వాత సూరెజ్ స్పెయిన్ తొలి ప్రధానమంత్రిగా నియమితులయ్యారు. స్పెయిన్‌లో చారిత్రాత్మక మార్పు చోటుచేసుకున్న కాలంలో భాగం పంచుకున్న వారిలో మరణించిన చివరి వ్యక్తి సూరెజ్. నియంతృత్వాన్ని కూల్చి ప్రజాస్వామ్య సంస్కరణలు తీసుకురావడంలో సూరెజ్ నాయకత్వం వహించారు. 1976లో సూరెజ్‌ను ఆదేశ రాజు ప్రధానిగా నియమించారు.

దేవయానిపై అభియోగాల కొట్టివేత
భారత దౌత్యవేత్త దేవయానిపై నమోదైన వీసా మోసం అభియోగాలను అమెరికా కోర్టు మార్చి 12న కొట్టివేసింది. ఆమెకు పూర్తిస్థాయి దౌత్య రక్షణ ఉన్న నేపథ్యంలో ఈ అభియోగాలు చెల్లవని స్పష్టం చేసింది. ఈ మేరకు న్యూయార్క్‌లోని జిల్లా కోర్టు జడ్జి షీరా షైండ్లిన్ తీర్పు ఇచ్చారు. దేవయానిపై మార్చి 15 అమెరికా విచారణాధికారులు తాజా అభియోగాలతో అరెస్ట్ వారంట్ జారీ చేశారు. దీంతో ఆమె అమెరికా వెళితే మరోసారి అరెస్టయ్యే అవకాశం ఉంది. దేవయాని న్యూయార్క్‌లోని భారత కాన్సులేట్ అధికారిగా ఉన్నప్పుడు తన ఇంట్లో పనిమనిషి సంగీత రిచర్డ్ వీసా విషయంలో అధికారులకు తప్పుడు సమాచారం ఇచ్చారంటూ గతేడాది ఆమెపై కేసు నమోదైన విషయం తెలిసిందే. 

రాజకీయాల్లో మహిళల భాగస్వామ్యంలో భారత్‌కు 73వ స్థానం
రాజకీయాల్లో మహిళల భాగస్వామ్యం విషయంలో భారత్ ప్రపంచంలో 73వ స్థానంలో నిలిచింది. ‘ద ఉమెన్స్ ఇన్ పాలిటిక్స్ మ్యాప్-2014’ అనే పేరుతో ఇంటర్ పార్లమెంటరీ యూనియన్ (ఐపీయూ), యూఎన్ ఉమెన్ సంస్థలు మార్చి 16న విడుదల చేసిన నివేదిక ఈ విషయాన్ని వెల్లడించింది. ఈ నివేదిక ప్రకారం ప్రపంచ వ్యాప్తంగా మహిళల భాగస్వామ్యం విషయంలో నికరాగువా మొదటి స్థానంలో నిలిచింది. స్వీడన్, ఫిన్లాండ్, ఫ్రాన్స్ తర్వాతి స్థానాల్లో ఉన్నాయి. ప్రపంచవ్యాప్తంగా మహిళ పార్లమెంటేరియన్ల శాతం 21.8గా ఉన్నట్లు ఈ నివేదిక తెలిపింది. భారత్‌లో పార్లమెంటరీ లేదా మంత్రిత్వ పదవుల్లో 9 శాతం మంది మహిళలు మాత్రమే ఉన్నారు. ఈ విషయంలో ఆఫ్రికా దేశాలు హైతీ, రువాండా, కాంగో, ఛాద్, జాంబియాలు భారత్ కంటే మెరగైన స్థానాల్లో ఉన్నాయి. 

స్వాతంత్య్రం ప్రకటించుకున్న క్రిమియా
ఉక్రెయిన్‌లో భాగంగా ఉన్న క్రిమియా.. ఉక్రెయిన్ నుంచి మార్చి 17న స్వాతంత్య్రం ప్రకటించుకుంది. ఈ ద్వీపకల్పంలోని ఉక్రెయిన్ ప్రభుత్వ ఆస్తులను జాతీయం చేస్తున్నట్లు ప్రకటించింది. పొరుగునే ఉన్న రష్యాలో చేరేందుకు అంగీకరించాలని ఆ దేశాన్ని కోరింది. ‘‘క్రిమియాను స్వతంత్ర దేశంగా గుర్తించాలని ఐక్యరాజ్యసమితి, ప్రపంచ దేశాలన్నింటికీ క్రిమియా రిపబ్లిక్ విజ్ఞప్తి చేస్తోంది. రిపబ్లిక్ ఆఫ్ క్రిమియాను రష్యా సమాఖ్యలో సభ్యురాలిగా చేర్చుకోవాలని ఆ దేశాన్ని క్రిమియా రిపబ్లిక్ కోరుతోంది’’ అనే తీర్మానాన్ని క్రిమియా ప్రాంతీయ పార్లమెంటు ఆమోదించింది. ఉక్రెయిన్‌లో కొంత కాలంగా కొనసాగుతున్న సంక్షుభిత పరిణామాల నేపథ్యంలో.. స్వయం ప్రతిపత్తి గల క్రిమియా తాను ఉక్రెయిన్‌లోనే కొనసాగాలా? లేక ఆ దేశం నుంచి విడిపోయి రష్యాలో చేరాలా? అనే అంశంపై మార్చి 16న ప్రజాభిప్రాయ సేకరణ నిర్వహించింది. ఇందులో పాల్గొన్న ఓటర్లలో 96.8 శాతం మంది ఉక్రెయిన్ నుంచి వేరుపడి రష్యాలో చేరాలని తీర్పుచెప్పినట్లు రెఫరెండం ఎన్నికల కమిషన్ చైర్మన్ మిఖాయిల్ మలిషేవ్ ప్రకటించారు. మార్చి 30 నుంచి తమ ప్రాంతం మాస్కో కాలమానానికి (జీఎంటీ + 4, ప్రస్తుత క్రిమియా కాలమానం కంటే రెండు గంటలు ముందుకు) మారుతుందని క్రిమియా స్థానిక ప్రధానమంత్రి సెర్గీ అక్సియోనోవ్ పేర్కొన్నారు. 

ఎల్ సాల్వెడార్ అధ్యక్షునిగా సెరెన్
ఎల్ సాల్వెడార్ అధ్యక్షునిగా మాజీ వామపక్ష గెరిల్లా కమాండర్ సాల్వెడార్ సాంచెజ్ సెరెన్ ఎన్నికయ్యారు.

ఆయుధాల దిగుమతుల్లో భారత్ టాప్
ఆయుధ సంపత్తి దిగుమతుల్లో భారత్ పొరుగు దేశాలైన చైనా, పాకిస్థాన్‌ల కంటే ముందుంది. ఆ దేశాల కంటే మూడు రెట్లు అధికంగానే ప్రధాన ఆయుధాలను దిగుమతి చేసుకుంది. అలాగే ప్రపంచంలో అత్యధికంగా ఆయుధాలను కొనుగోలు చేస్తున్న దేశంగా తన స్థానాన్ని కొనసాగిస్తోంది. చైనా, పాక్ వరుసగా రెండు, మూడు స్థానాల్లో ఉన్నాయి. అంతర్జాతీయంగా ఆయుధాల సరఫరాపై స్వీడన్‌కు చెందిన స్టాక్‌హోం ఇంటర్నేషనల్ పీస్ రీసెర్చ్ ఇన్‌స్టిట్యూట్ (సిప్రి) తాజాగా విడుదల చేసిన నివేదికలో ఈ వివరాలను వెల్లడించింది. ఈ నివేదిక ప్రకారం... భారత్ భారీ ఆయుధాల దిగుమతులు 2004-08తో పోలిస్తే 2009-13 మధ్య కాలంలో 111 శాతం, పాకిస్థాన్ దిగుమతులు 119 శాతం పెరిగాయి. అలాగే అంతర్జాతీయంగా ఆయుధాల దిగుమతుల్లో భారత్ వాటా 7 నుంచి 14 శాతానికి పెరిగింది. ఇలా భారత్ కొనుగోలు చేస్తున్న ఆయుధ సంపత్తిలో 75 శాతం విక్రయించి రష్యా ప్రథమ స్థానంలో నిలవగా, 7 శాతం సరఫరాతో అమెరికా రెండో స్థానం దక్కించుకుంది. భారత్ తన సైనిక అవసరాలకు స్వదేశీ తయారీ పరిశ్రమ కంటే ఆయుధాల దిగుమతులపైనే ఎక్కువగా ఆధారపడుతోందని సిప్రి ప్రస్తావించింది. 

వరల్డ్ వైడ్ వెబ్‌కు 25 ఏళ్లు
వరల్డ్ వైడ్ వెబ్(www) మార్చి 12న పాతికేళ్ల ప్రస్థానంలోకి అడుగు పెట్టింది. ఇంటర్‌నెట్‌లో ప్రస్తుతం ఒక వెబ్ బ్రౌజర్ నుంచే అనేక వెబ్‌పేజీలు మనం చూడగలుగుతున్నాం. దీనంతటికీ ఇంటర్‌నెట్ కారణమైనా.. దాని వెనక వరల్డ్ వైడ్ వెబ్ చేరడం వల్లే ఆన్‌లైన్ ప్రపంచం ఇంతగా సులభ సాధ్యమైంది. 1989లో బ్రిటిష్ శాస్త్రవేత్త టీమ్ బెర్నర్స్ లీ ప్రతిపాదనతో వరల్డ్ వైడ్ వెబ్ ప్రాచుర్యంలోకి వచ్చింది.

నేప్యిదాలో మూడో బిమ్స్‌టెక్ సదస్సు
మయన్మార్ రాజధాని నేప్యిదాలో మూడో బిమ్స్‌టెక్ సదస్సు మార్చి 4న ముగిసింది. ఉగ్రవాదం, అంతర్జాతీయ నేరాలు, మాదక ద్రవ్యాల రవాణాపై ఉమ్మడిగా పోరాటం జరపాలని ఏడు దేశాల బిమ్స్‌టెక్ కూటమి నేతలు అంగీకరించారు. వాణిజ్యం, విద్యుత్తు, పర్యావరణ రంగాల్లో సహకారానికి, దేశాల మధ్య అనుసంధానానికి కూడా నేతలు నిర్ణయించారు. బే ఆఫ్ బెంగాల్ ఇనిషియేటివ్ ఫర్ మల్టీసెక్టోరల్ టెక్నికల్ అండ్ ఎకనామిక్ కో-ఆపరేషన్- బీఐఎంఎస్‌టీఈసీ(బిమ్స్‌టెక్) సదస్సు అనంతరం డిక్లరేషన్ విడుదల చేశారు. మూడు ఒప్పందాలపై సంతకాలు చేశారు. ఇందులో ఢాకాలో బిమ్స్‌టెక్‌కు శాశ్వత సచివాలయం ఏర్పాటు, భారత్‌లో సెంటర్ ఫర్ వెదర్ అండ్ కై ్లమేట్ ఏర్పాటు, కల్చరల్ ఇండస్ట్రీస్ కమిషన్ ఏర్పాటు ఉన్నాయి. బిమ్స్‌టెక్ తొలి సెక్రటరీ జనరల్‌గా శ్రీలంకకు చెందిన సుమిత్ నకందల నియమితులయ్యారు. బిమ్స్‌టెక్‌లో భారత్, బంగ్లాదేశ్, శ్రీలంక, థాయ్‌లాండ్, మయన్మార్, భూటాన్, నేపాల్ సభ్యదేశాలుగా ఉన్నాయి.

AIMS DARE TO SUCCESS 

ఏప్రిల్ 2014 అంతర్జాతీయం
హతాఫ్ -3 క్షిపణిని పరీక్షించిన పాకిస్థాన్
అణుసామర్థ్యం ఉన్న క్షిపణి హతాఫ్-3ని పాకిస్థాన్ ఏప్రిల్ 22న విజయవంతంగా ప్రయోగించింది. 200 కిలోమీటర్ల పరిధి ఉన్న ఈ క్షిపణి ఉపరితలం నుంచి ఉపరితలంలోని లక్ష్యాలను ఛేదిస్తుంది. సైన్యంలోని వ్యూహాత్మక దళాల కమాండ్ శిక్షణలో భాగంగా ఈ పరీక్ష నిర్వహించింది. భారత్‌లోని పలు ప్రాంతాలు ఈ క్షిపణి పరిధిలోకి వస్తాయి. 

కొత్త ఖనిజాన్ని గుర్తించిన ఆస్ట్రేలియా శాస్త్రవేత్తలు
పశ్చిమ ఆస్ట్రేలియాలో కొత్త ఖనిజాన్ని శాస్త్రవేత్తలు గుర్తించినట్లు అడిలైడ్‌కు చెందిన మినరలాజికల్ మ్యాగజీన్ ఏప్రిల్ 21న తెలిపింది. నిర్మాణం, కూర్పులో ప్రత్యేకత కలిగిన ఆ ఖనిజానికి పుట్నిసైట్ అని పేరుపెట్టారు. ఈ పుట్నిసైట్‌లో స్టోంటియం, కాల్షియం, క్రోమియం, సల్ఫర్, కార్బన్, ఆక్సిజన్, హైడ్రోజన్ మూలకాలు ఉన్నాయి. ప్రపంచంలో ఇప్పటి వరకు 400 ఖనిజ రకాలను గుర్తించారు. 

బీజింగ్ ఫిల్మ్ ఫెస్టివల్‌లో ఉత్తమ చిత్రంగా సిద్దార్థ్
హిందీ చిత్రం సిద్దార్థ్ బీజింగ్ ఫిల్మ్ ఫెస్టివల్‌లో ఉత్తమ చిత్రంగా ఎంపికైంది. ఈ చిత్రానికి ఇండియన్ కెనడియన్ రిచీ మెహతా దర్శకత్వం వహించారు. తప్పిపోయిన కొడుకు కోసం తండ్రి వెతకడం అనే ఇతివృత్తంతో ఈ చిత్రాన్ని తెరకెక్కించారు. 88 దేశాల నుంచి వచ్చిన 837 చిత్రాలతో పోటీ పడిన సిద్దార్థ్ ఉత్తమ చిత్రంగా నిలిచింది. 

దక్షిణ ఆఫ్రికాలో బహుళ జాతి ప్రజాస్వామ్యానికి 20 ఏళ్లు
దక్షిణ ఆఫ్రికాలో బహుళ జాతి ప్రజాస్వామ్యానికి ఏప్రిల్ 27 నాటికి 20 ఏళ్లు పూర్తయ్యాయి. 27న ఫ్రీడమ్ డే ని జరుపుకున్నారు. మండేలా లేకుండా తొలిసారి ఫ్రీడమ్ డే జరిగింది. జాత్యహంకార వ్యతిరేక పోరాట యోధుడు మండేలా 95 ఏళ్ల వయసులో 2013 డిసెంబర్‌లో మరణించారు. 20 ఏళ్ల క్రితం దేశంలో అన్ని జాతులు తొలిసారి ప్రజాస్వామ్యయుతంగా జరిగిన ఎన్నికల్లో పాల్గొన్నాయి. ఆఫ్రికన్ నేషనల్ కాంగ్రెస్ (ఏఎన్‌సీ) అధికారంలోకి వచ్చింది. నెల్సన్ దేశ తొలి నల్లజాతి అధ్యక్షుడిగా అధికారం చేపట్టారు.

ఉక్రెయిన్ సంక్షోభం నివారణకు ఒప్పందం
ఉక్రెయిన్ సంక్షోభం నివారణకు రష్యా, అమెరికా, యూరోపియన్ యూనియన్, ఉక్రెయిన్‌లు ఏప్రిల్ 17న ఒక అంగీకారానికి వచ్చాయి. జెనీవాలో సమావేశమైన ఈ నాలుగు దేశాల విదేశాంగ మంత్రులు ఉక్రెయిన్ సంక్షోభాన్ని రాజ్యాంగ సంస్కరణల ద్వారా పరిష్కరించే ప్రణాళికకు అంగీకరించారు. ఆ ప్రణాళిక ప్రకారం రష్యన్ భాష మాట్లాడే ప్రాంతాలకు అధిక అధికారాలను కల్పిస్తారు. అస్తవ్యస్తంగా ఉన్న దళాల నిరాయుధీకరణ, ఉక్రెయిన్‌లో ఆక్రమించిన భవనాలను ఖాళీ చేయించడం జరుగుతుంది. తీవ్ర నేరాలకు పాల్పడిన వారికి తప్ప మిగిలిన నిరసనకారులకు క్షమాభిక్ష ప్రసాదిస్తారు. రాజ్యాంగ సంస్కరణలు తీసుకొచ్చే దిశగా అన్ని రాజకీయ పార్టీలు, అన్ని ప్రాంతాల్లో జాతీయ స్థాయిలో చర్చలు జరపాలని ఉక్రెయిన్‌ను, రష్యా, అమెరికా, యూరోపియన్ యూనియన్ కోరాయి.

దక్షిణ కొరియా నౌక ప్రమాదంలో 300 మంది గల్లంతు
దక్షిణ కొరియా దక్షిణ తీరంలో ఏప్రిల్ 16న నౌక మునిగిపోవడంతో 300 మంది గల్లంతయ్యారు. మొత్తం 459 మంది నౌకలో ప్రయాణిస్తున్నారు. అందులోని వారంతా విహారయాత్రకు వెళ్లిన విద్యార్థులు. 6,825 టన్నుల బరువు, 146 మీటర్ల పొడవైన ఎంవీసీవోల్ అనే ఈ ఓడ దక్షిణ కొరియా వాయవ్య ప్రాంతంలోని ఇంచియాన్ నుంచి పర్యాటక ప్రాంతమైన జెజు దీవి మధ్య ప్రయాణిస్తుంది. ఇందుకు 14 గంటల సమయం పడుతుంది. మరో మూడు గంటల్లో గమ్యాన్ని చేరుతుందనగా బ్యాంగ్‌పుంగ్ దీవికి సమీపంలో ప్రమాదం చోటుచేసుకుంది.

నాలుగోసారి అల్జీరియా అధ్యక్షుడిగా ఎన్నికైన బౌటెఫ్లికా
అల్జీరియా అధ్యక్షుడిగా అబ్దెలాజిజ్ బౌటెఫ్లికా (నేషనల్ లిబరేషన్ ఫ్రంట్ పార్టీ) నాలుగోసారి ఎన్నికయ్యారు. ఏప్రిల్ 18న ప్రకటించిన ఫలితాల్లో 81.53 శాతం ఓట్లను ఆయన సాధించాడు. ప్రత్యర్థి అలీ బెన్‌ఫ్లిస్‌కు 12.18 శాతం ఓట్లు దక్కాయి. మిలటరీ, ఇస్లామిస్ట్ మిలిటెంట్లకు మధ్య చెలరేగిన అంతర్యుద్ధం కాలంలో (1999) బౌటెఫ్లికా మొదటి సారిగా అధ్యక్ష బాధ్యతలు చేపట్టారు. 

స్వాతంత్య్రం ప్రకటించుకున్న తూర్పు ఉక్రెయిన్ నగరం డొనెస్క్ 
తూర్పు ఉక్రెయిన్ నగరం డొనెస్క్‌లో రష్యా అనుకూల కార్యకర్తలు ఏప్రిల్ 7న ఉక్రెయిన్ నుంచి స్వాతంత్రం ప్రకటించుకున్నారు. డొనెస్క్‌లోని ప్రాంతీయ ప్రభుత్వ ప్రధాన కార్యాలయాన్ని నిరసనకారులు స్వాధీనం చేసుకున్నారు. పీపుల్స్ కౌన్సిల్ ఆఫ్ డొనెస్క్‌ను ఏర్పాటు చేసి ఉక్రెయిన్ నుంచి విడిపోతున్న్ల తీర్మానాన్ని ఏకగ్రీవంగా ఆమోదించారు. ప్రజాభిప్రాయం సేకరించి మే 11 లోగా రష్యాలో చేరాలని పీపుల్స్ కౌన్సిల్ నిర్ణయించింది.

రష్యాకు సహకారం నిలిపేసిన నాటో దేశాలు 
క్రిమియా సంక్షోభం నేపథ్యంలో రష్యాకు అన్ని రకాల పౌర సహకారాన్ని రద్దు చేసేందుకు నాటో విదేశాంగ మంత్రులు ఏప్రిల్ 1న నిర్ణయించారు. తాజా నిర్ణయం వల్ల రష్యాతో ఎటువంటి సంబంధాలు ఉండబోవని స్పష్టం చేశారు. బ్రసేల్స్‌లో సమావేశమైన నాటో బ్లాక్‌కు చెందిన 28 సభ్యదేశాల విదేశాంగ మంత్రులు. క్రిమియాను రష్యా విలీనం చేయడం చట్ట విరుద్ధమని తీవ్రంగా తప్పుబట్టారు. 

చిలీ తీరంలో భూకంపం, సునామీ
చిలీకి ఉత్తరంగా పసిఫిక్ మహాసముద్రంలో ఏప్రిల్1న భారీ భూకంపం, సునామీ సంభవించాయి. పెద్ద ఎత్తున అలలు ఎగిసిపడ్డాయి. ఆరుగురు మరణించారు. భూకంప తీవ్రత రిక్టర్ స్కేలుపై 8.2గా నమోదైంది. లక్షలాది మంది ని సురక్షిత ప్రాంతాలకు తరలించారు. 2010లో చిలీలో భారీ భూకంపం, సునామీ సంభవించడంతో 500 మంది మరణించారు. భారీగా ఆస్తి నష్టం కూడా వాటిల్లింది.

వాతావరణ మార్పులతో ఆహారభద్రతకు ముప్పు వాతావరణ మార్పుల వల్ల ఆహార భద్రతకు ముప్పు వాటిల్లుతుందని ఐక్యరాజ్యసమితి వాతావరణ మార్పునకు చెందిన అంతర ప్రభుత్వ ప్యానెల్ (ఐపీసీసీ) హెచ్చరించింది. మార్చి 30న విడుదల చేసిన ‘వాతావరణ మార్పు-2014 ప్రభావాలు’ అనే కొత్త నివేదికలో అన్ని ఖండాలు, సముద్రాలు వాతావరణ ప్రభావానికి గురవుతున్నాయని పేర్కొంది. వాతావరణం దెబ్బతినడం వల్ల వరదలు, వేడివల్ల మరణాలు, కరువులు, ఆహార కొరత సంభవిస్తాయని నివేదిక తెలిపింది. 

మాల్టా అధ్యక్షురాలిగా కొలీరో ప్రెకా
మాల్టా దేశానికి తొమ్మిదో అధ్యక్షురాలిగా మేరీ లూసీ కొలీరో ప్రెకా ఏప్రిల్ 4న ప్రమాణ స్వీకారం చేశా రు. ప్రధానమంత్రి ఆమె పేరును సూచించగా, పార్లమెంట్ ఆమోదం తెలిపింది. 55 ఏళ్ల కొలీరో ప్రెకా మాల్టా దేశానికి రెండో మహిళా అధ్యక్షురాలు. ఆమె 2013 మార్చి ఎన్నికల తర్వాత అధికారంలోకి వచ్చిన లేబర్ పార్టీ ప్రభుత్వంలో సోషల్ పాలసీ మంత్రిగా పనిచేశారు.

AIMS DARE TO SUCCESS 

మే 2014 అంతర్జాతీయం
ఈజిప్ట్ అధ్యక్ష ఎన్నికల్లో సిసీ ఘన విజయం
ఈజిప్ట్ అధ్యక్ష ఎన్నికలలో మాజీ సైన్యాధిపతి అబ్దుల్ ఫతా అల్ సిసీ (59) ఘన విజయం సాధించారు. మే 29న ప్రకటించిన ఎన్నికల ఫలితాలలో ఆయనకు 96 శాతం ఓట్లు రాగా ప్రత్యర్థి హమ్ దీన్ నబ్బాహీకి 4 శాతం ఓట్లు మాత్రమే వచ్చాయి. ఈజిప్ట్‌లో ప్రజాస్వామ్య బద్ధంగా ఎన్నికైన తొలి అధ్యక్షుడు మహమ్మద్ మోర్సిపై ప్రజావ్యతిరేకత వెల్లువెత్తిన నేపథ్యంలో 2013 జులైలో మోర్సీని సైన్యం పదవీచ్యుతిడ్ని చేసింది. 

మూడు దేశాల యూరేషియన్ యూనియన్
మూడు దేశాల ఆర్థిక కూటమి ఏర్పాటుకు ఉద్దేశించిన యూరేషియన్ ఎకనామిక్ ఇంటిగ్రేషన్ ఒప్పందంపై రష్యా, బెలారస్, కజకిస్థాన్ దేశాల అధ్యక్షులు మే 29న మాస్కోలో సంతకాలు చేశారు. 2015 జనవరి 1 నుంచి ఈ కూటమి అమల్లోకి వచ్చిన తరువాత 170 మిలియన్ల జనాభాతో కూడిన మార్కెట్ వ్యవస్థ ఏర్పడుతుంది. వార్షిక జీడీపీ 2.7 ట్రిలియన్లుగా ఉంటుంది. ప్రపంచ ఇంధన వనరుల్లో నాలుగో వంతు ఇక్కడే ఉంటాయి. ఈ కూటమిలో ఆర్మేనియా జూన్‌లో చేరనుండగా, కిర్గిస్థాన్, ఉజ్బెకిస్థాన్ దేశాలు సభ్యత్వానికి సిద్ధంగా ఉన్నాయి. 

థాయ్‌లాండ్‌లో సైనిక పాలన 
థాయ్‌లాండ్ మరోసారి సైనికపాలనలోకి వెళ్లింది. సైన్యాధ్యక్షుడు జనరల్ ప్రయూత్ చాన్‌వోచా దేశంలో మార్షల్ లా (సైనిక చట్టం) విధిస్తున్నట్లు మే 22న ప్రకటించారు. మే 23న ప్రధాని ఇంగ్లక్ షినవత్రాను నిర్బంధంలోకి తీసుకున్నారు. రాజ్యాంగాన్ని రద్దు చేస్తూ అధికారాన్ని తమ చేతుల్లోకి తీసుకున్నారు. ప్రభుత్వ వ్యతిరేక నిరసనలను నివారించడానికి ..థాయ్ సైన్యం, రాయల్ ఎయిర్‌ఫోర్స్ పోలీసులతో కూడిన జాతీయ శాంతి పరిరక్షణ కమిటీ ఈ నిర్ణయం తీసుకున్నట్లు సైన్యాధ్యక్షుడు చాన్‌వోచా వివరించారు. ఇప్పటిదాకా థాయ్‌లాండ్‌లో 18 సార్లు సైన్యం తిరుగుబాటు చేయగా వాటిలో 11 విజయవంతమయ్యాయి. 

రష్యా-చైనాల భారీ గ్యాస్ ఒప్పందం
ఇంధన కొరతతో అల్లాడుతున్న చైనా 40 వేల కోట్ల డాలర్ల గ్యాస్ ఒప్పందాన్ని రష్యాతో కుదుర్చుకుంది. బొగ్గుపై ఆధారపడటాన్ని తగ్గించుకోవాలని భావిస్తున్న చైనా ఈ భారీ ఒప్పందానికి సిద్ధమైంది. 30 ఏళ్ల ఒప్పందం విషయమై 2004లో ప్రారంభమైన ఈ చర్చల్లో భాగంగా రష్యా 2018 నుంచి చైనాకు ఏటా 3,800 కోట్ల క్యూబిక్ మీటర్ల సహజవాయువును సరఫరా చేస్తుంది. రష్యా అధ్యక్షుడు పుతిన్ చైనా పర్యటనలో భాగంగా ఈ ఒప్పందం కుదిరింది.

దక్షిణాఫ్రికా అధ్యక్షునిగా జాకబ్‌జుమా
దక్షిణాఫ్రికా అధ్యక్షుడిగా జాకబ్‌జుమాను ఆ దేశ పార్లమెంట్ మే 21న ఏకగ్రీవంగా ఎన్నుకొంది. జాకబ్‌జుమా అధ్యక్ష బాధ్యతలు చేపట్టడం ఇది రెండోసారి. దక్షిణాఫ్రికా అధ్యక్ష పదవీ కాలం ఐదేళ్లు. నెల్సన్ మండేలా నెలకొల్పిన ఆఫ్రికన్ నేషనల్ కాంగ్రెస్ పార్టీ నుంచి జుమా అధ్యక్షుడిగా ఎన్నికయ్యారు.

షాంఘైలో సీఐసీఏ సదస్సు
ఆసియా దేశాల్లో పరస్పర సంప్రదింపులు, విశ్వాస నిర్మాణ చర్యలకు ఉద్దేశించిన కాన్ఫరెన్స్ ఆన్ ఇంటరాక్షన్ అండ్ కాన్ఫిడెన్స్ బిల్డింగ్ మెజర్ ఇన్ ఆసియా (సీఐసీఏ) సదస్సు చైనాలోని షాంఘైలో మే 21న జరిగింది. భద్రత సహకారానికి కొత్త ఆసియా వ్యవస్థను రూపొందించాలని చైనా అధ్యక్షుడు జి జిన్‌పింగ్ సదస్సులో పిలుపునిచ్చారు. ఇది ప్రాంతీయ ప్రాతిపదికన ఉండాలని, ఇందులో అమెరికా మినహా రష్యా, ఇరాన్‌లతో కలిసి ఉండాలన్నారు. సదస్సులో రష్యా అధ్యక్షుడు పుతిన్‌తోపాటు ఆసియా దేశాలకు చెందిన నాయకులు పాల్గొన్నారు. సీఐసీఏ సదస్సు కజకిస్థాన్ ప్రోద్బలంతో 1992లో ఏర్పాటైంది. 24 దేశాల ఈ వేదికలో ఇజ్రాయెల్, మంగోలియా, ఉజ్బెకిస్థాన్, దక్షిణకొరియా, థాయ్‌లాండ్, టర్కీ తదితర దేశాలు సభ్యత్వం కలిగి ఉన్నాయి.

దక్షిణ కొరియా కొత్త ప్రధానిగా హాన్ దై హీ
దక్షిణ కొరియా కొత్త ప్రధానిగా హాన్ దై హీ (50)ను దేశ అధ్యక్షురాలు పార్క్ గ్యున్ హే మే 22న నియమించారు. ఏప్రిల్ 16న జరిగిన నౌక ప్రమాదంలో 300 మంది మరణించడంతో ప్రధానిగా ఉన్న చుంగ్ హాంగ్ నైతిక బాధ్యత వహిస్తూ రాజీనామా చేశారు. దీంతో ఆ స్థానంలో సుప్రీంకోర్ట్ మాజీ న్యాయమూర్తి హాన్ దై హీకు బాధ్యతలు అప్పగించారు.

ఎల్టీటీఈపై నిషేధం మరో ఐదేళ్లు పొడిగింపు
శ్రీలంక తమిళ తీవ్రవాద సంస్థ లిబరేషన్ టైగర్స్ ఆఫ్ తమిళ్ ఈలం (ఎల్టీటీఈ)పై విధించిన నిషేధాన్ని భారత ప్రభుత్వం మే 14న మరో ఐదేళ్లు పొడిగిస్తూ నిర్ణయం తీసుకుంది. 1991లో మాజీ ప్రధాని రాజీవ్ గాంధీ హత్యకు గురైన తర్వాత ప్రధాన కుట్రదారైన ఎల్‌టీటీఈని ప్రభుత్వం నిషేధించింది. అంతేకాక 1967నాటి చట్టవ్యతిరేక కార్యకలాపాల నిరోధక చట్టం కింద ప్రభుత్వం దీన్ని చట్టవ్యతిరేక సంస్థగా గుర్తించింది. శ్రీలంక తూర్పు, ఉత్తర ప్రాంతాల్లో తమిళులకు స్వతంత్ర తమిళ రాష్ట్రాన్ని ఏర్పాటు చేయాలన్న డిమాండ్‌తో 1976లో ఏర్పడిన ఎల్ టీటీఈ ఉగ్రవాద సంస్థ 2009లో శ్రీలంక సైన్యం చేతిలో పూర్తిగా తుడిచిపెట్టుకుపోయింది. 

తీవ్రవాదసంస్థ బోకోహరమ్‌ను ఎదుర్కొనేందుకు ఆఫ్రికాదేశాల వ్యూహం
నైజీరియాకు చెందిన 200 మంది బాలికలను అపహరించిన ఇస్లామిక్ తీవ్రవాద సంస్థ బోకోహరమ్‌ను అణచివేసేందుకు పారిస్‌లో ఆఫ్రికాదేశాలు మే 17న సమావేశమయ్యాయి. ఫ్రాన్స్ నిర్వహించిన ఈ సదస్సులో నైజీరియా, కెమరూన్, నైగర్, చాద్, బెనిన్ దేశాల నాయకులు పాల్గొన్నారు. 

దక్షిణాఫ్రికా ఎన్నికల్లో ఏఎన్‌సీ విజయం
దక్షిణాఫ్రికా ఎన్నికల్లో అధికార ఆఫ్రికన్ నేషనల్ కాంగ్రెస్ (ఏఎన్‌సీ) విజయం సాధించింది. మే 9న ప్రకటించిన ఫలితాల్లో 62 శాతానికి పైగా ఓట్లు సాధించింది. ప్రతిపక్ష డెమోక్రటిక్ కూటమికి 22.2 శాతం ఓట్లు దక్కాయి. జులియస్ మలెమాకు చెందిన ఫ్రీడమ్‌ఫైటర్స్ పార్టీకి 6.25 శాతం ఓట్లు వచ్చాయి. జాతివివక్ష ప్రభుత్వం అంతమైన తరువాత ఐదోసారి జరిగిన ఎన్నికల్లో ఏఎన్‌సీ విజయం సాధించింది. ప్రస్తుత అధ్యక్షుడు జాకోబ్ జుమానే రెండోసారి ఆ బాధ్యతలు చేపట్టనున్నారు. 

కోస్టారికా అధ్యక్షుడిగా లూయిస్ గులెర్మో సోలిస్
కోస్టారికా కొత్త అధ్యక్షుడిగా లూయిస్ గులెర్మోసోలిస్ మే 8న ప్రమాణ స్వీకారం చేశారు. 56 ఏళ్ల చరిత్రకారుడైన సోలిస్ రాజ్యాంగాన్ని పరిరక్షిస్తాననీ, పౌర సమాజంలోని అన్ని వర్గాలతో చర్చలు జరుపుతానని, రాజకీయ, సామాజిక సంస్కరణలు చేపడతానని వాగ్దానం చేశారు.

ఉక్రెయిన్‌కు నాలుగు అంశాల శాంతి ప్రణాళిక
ఉక్రెయిన్, రష్యా భాష మాట్లాడే తిరుగుబాటుదారుల మధ్య నెలకొన్న అనిశ్చితిని తొలగించేందుకు రష్యా, ఐరోపాలు శాంతి ప్రణాళికకు మే 7న మాస్కోలో జరిగిన సమావేశంలో అంగీకరించాయి. ఈ ప్రణాళికలో కాల్పుల విరమణ, ఉద్రిక్తతలు తగ్గించడం, చర్చలు ప్రారంభించడం, ఉక్రెయిన్‌లో ఎన్నికలు నిర్వహించడం ఉన్నాయి. రష్యా అధ్యక్షుడు వ్లాదిమిర్ పుతిన్, స్విస్ అధ్యక్షుడు డిదీర్ బుర్కాల్డర్ పాల్కొని మే 11న దోదోస్క్ లుహాన్స్‌ల స్వాతంత్రం కోసం నిర్వహించే రెఫరెండంను వాయిదావేయాలని కూడా రష్యా అనుకూల నిరసనకారులను కోరారు. 

థాయ్ ప్రధాని తొలగింపు 
థాయ్‌లాండ్ ప్రధాని ఇంగ్లక్ షినవత్రా (46)ను, ఆమె కేబినెట్‌లోని 9మంది మంత్రులను రాజ్యాంగ కోర్టు మే 7న పదవుల నుంచి తొలగించింది. షినవత్రా తన కుటుంబానికి లబ్ధి చేకూర్చేందుకు 2011లో జాతీయ భద్రత మండలి ప్రధాన కార్యదర్శి బదిలీలో అధికార దుర్వినియోగానికి పాల్పడ్డారని కోర్టు నిర్ధారించింది. దేశ ఆపద్ధర్మ ప్రధానిగా ప్రస్తుతం ఉపప్రధానిగా ఉన్న బూన్సంగ్ పైనన్‌ను నియమించింది. 

భారత నగరాల్లో అత్యధిక కాలుష్యం
పట్టణ వాయు నాణ్యత గణాంకాలను ప్రపంచ ఆరోగ్యసంస్థ మే7న వెల్లడించింది. ప్రపంచ వ్యాప్తంగా చాలా నగరాల్లో వాయు కాలుష్య నియంత్రణ, వాటికి చేపట్టాల్సిన చర్యలు సంస్థ నిర్దేశించిన సురక్షిత స్థాయి ప్రమాణాలకు అనుగుణంగా లేవని తెలిపింది. డబ్ల్యు.హెచ్.ఓ. 91 దేశాల్లో 1600 నగరాలకు చెందిన వాయు నాణ్యత గణాంకాలను తెలియజేసింది. ఈ లెక్కల ప్రకారం భారత్‌లోని 120కి పైగా నగరాలు అత్యధిక కాలుష్యం స్థాయిలు గల నగరాల జాబితాలో ఉన్నాయి. ఇందులో ఢిల్లీ, ముంబై, అహ్మదాబాద్, వారణాసి, ఆగ్రా తదితర నగరాలు ఉన్నారతుు. శిలాజ ఇంధనాలపై ఆధారపడటం, ప్రై వేటు రవాణా మోటారు వాహనాలు, భవనాల్లో ఇంధనాన్ని సమర్థవంతంగా వినియోగించకపోవడం, వంటకు, వేడి చేసేందుకు బయోమాస్‌ను ఉపయోగించడం వంటివి వాయు కాలుష్యం పెరగడానికి కారణాలుగా ప్రపంచ ఆరోగ్య సంస్థ వివరించింది.

లిబియా కొత్త ప్రధానిగా అహమ్మద్ మితీగ్
లిబియా కొత్త ప్రధానమంత్రిగా అహమ్మద్ మితీగ్‌ను లిబియా పార్లమెంట్ మే 4న ఎన్నుకుంది. 42 ఏళ్ల మితీగ్ లిబియాకు అత్యంత పిన్నవయస్కుడైన ప్రధాని. 2011లో గడాఫీ ప్రభుత్వం కూలిన తర్వాత లిబియాకు మితీగ్ ఐదో ప్రధానమంత్రి. 

రష్యా అధ్యక్షుడు పుతిన్ అధికారులపై అమెరికా ఆంక్షలు
రష్యా అధ్యక్షుడు వ్లాదిమిర్ పుతిన్‌కు చెందిన ఏడుగురు అధికారులు, 17 సంస్థలపై అమెరికా ఏప్రిల్ 28న కొత్త ఆంక్షలు విధించింది. సైనిక అవసరాలకు ఉపయోగించే అత్యాధునిక ఎగుమతులపై కూడా ఆంక్షలు విధించింది. తూర్పు ఉక్రెయిన్‌లో జరుగుతున్న హింసలో రష్యా జోక్యం చేసుకోవడంపై అసంతృప్తి వ్యక్తం చేస్తూ అమెరికా ఈ నిర్ణయం తీసుకుంది. యూరోపియన్ యూనియన్ కూడా రష్యా, ఉక్రెయిన్ అధికారులపై ఆంక్షలు విధించేందుకు అంగీకరించింది. వీసాలపై నిషేధం, ఆస్తులను స్థంభింపజేయడంలాంటివి ఈ ఆంక్షల్లో ఉన్నాయి.

AIMS DARE TO SUCCESS 

జూన్ 2014 అంతర్జాతీయం
బీజింగ్‌లో పంచశీల 60వ వార్షికోత్సవాలు
చైనా రాజధాని బీజింగ్‌లో పంచశీల 60వ వార్షికోత్సవం జరిగింది. దీనికి భారత ఉపరాష్ట్రపతి హమీద్ అన్సారీతోపాటు చైనా అధ్యక్షుడు జీజిన్‌పింగ్, మయన్మార్ అధ్యక్షుడు యూ థీన్ సీన్ హాజరయ్యారు. భారత్, చైనాల మధ్య ఉన్న విభేదాలను తగ్గించుకుంటూ పరస్పర సహకారాన్ని పెంచుకోవాలని ఈ అంశం పంచశీలకు ఎంతగానో దోహదపడుతుందని అన్సారీ ఈ సంద్భరంగా అన్నారు. 

వరల్డ్ లుక్ క్యాపిటల్‌గా వ్రోక్లా నగరం
పోలెండ్‌లోని వ్రోక్లా నగరాన్ని 2016 సంవత్సరానికి గాను వరల్డ్ లుక్ క్యాపిటల్‌గా యునెస్కో జూన్ 26న ప్రకటించింది. ప్రచురణ, పుస్తక అమ్మకాల పరిశ్రమను ప్రాంతీయంగా, అంతర్జాతీయంగా ప్రోత్సహించినందుకు ఈ గుర్తింపు లభించింది. వ్రోక్లా నగరంలోని ప్రజానాయకులు ప్రజల్లో పుస్తక పఠనాన్ని ప్రోత్సహించినందుకు మంచి కార్యక్రమాన్ని అమలు చేసినట్లు యునెస్కో పేర్కొంది. పుస్తకాలు, పుస్తక పఠనాన్ని వివిధ కార్యక్రమాల్లో ప్రోత్సహించిన నగరాన్ని వరల్డ్ లుక్ క్యాపిటల్‌గా 2001 నుంచి ఐరాస సాంస్కృతిక సంస్థ యునెస్కో ప్రకటిస్తోంది. ఈ గౌరవం 2003లో న్యూఢిల్లీకి దక్కింది. కాగా 2014లో నైజీరియాకు చెందిన పోర్ట్‌హార్ కోర్ట్, 2015లో దక్షిణ కొరియాలోని ఇంజియోన్‌లు లుక్ క్యాపిటల్‌గా ఎంపికయ్యాయి. 

ప్రపంచ పర్యావరణ నేరాల విలువ 213 బిలియన్ డాలర్లు 
ప్రపంచ పర్యావరణ నేరాల విలువ 213 బిలియన్ డాలర్ల వరకు ఉంటుందని ఐక్యరాజ్యసమితి, ఇంటర్‌పోల్ జూన్ 24న విడుదల చేసిన ఓ నివేదిక వెల్లడించింది. ఈ మొత్తం ప్రపంచ వ్యాప్తంగా భద్రత, సుస్థిర అభివృద్ధిని దెబ్బతీసే నేరస్థులు, ఉగ్రవాదులకు తోడ్పడుతుందని వివరించింది. కెన్యా రాజధాని నైరోబీలోని ఐక్యరాజ్యసమితి పర్యావరణ కార్యక్రమం ప్రధాన కార్యాలయం (యుఎన్‌ఈపీ)లో వారం రోజులపాటు జరిగిన ప్రపంచ పర్యావరణ సదస్సులో ఈ నివేదికను విడుదల చేశారు. వన్యప్రాణుల వేటను అరికట్టడం, హరిత ఆర్థిక వ్యవస్థను పెంపొందించడం అనే అంశాల లక్ష్యంగా ఈసదస్సు జరిగింది.

ఐరాస మానవ హక్కుల హైకమిషనర్‌గా జీద్ అల్ -హుస్సేన్
ఐక్యరాజ్య సమితి మానవహక్కుల కొత్త హైకమిషనర్‌గా జోర్డాన్ యువరాజు జీద్ అల్ - హుస్సేన్ నియామకానికి సమితి సర్వ ప్రతినిధిసభ జూన్ 16న ఆమోదం తెలిపింది. ఈయన ఈ పదవిని చేపట్టిన తొలి ముస్లిం, అరబ్. హుస్సేన్ ప్రస్తుతం ఐక్యరాజ్య సమితిలో జోర్డాన్ రాయబారిగా ఉన్నారు. సెప్టెంబర్ 1న హుస్సేన్ మానవహక్కుల హైకమిషనర్‌గా బాధ్యతలు చేపడతారు. ప్రస్తుతం దక్షిణాఫ్రికాకు చెందిన నవీ పిల్లే ఈ పదవిలో కొనసాగుతున్నారు. జీద్ అల్ -హుస్సేన్‌కు శాంతి స్థాపన, అంతర్జాతీయ న్యాయ రంగాల్లో అనుభవం ఉంది. అంతర్జాతీయ క్రిమినల్ కోర్టు (ఐసీసీ) ఏర్పాటులో ప్రధాన పాత్ర పోషించారు. 

51 మిలియన్లకు చేరిన ప్రపంచ కాందిశీకులు 
2013 చివరినాటికి పోరాటాలు, సంక్షోభాల వల్ల నిరాశ్రయులైన కాందిశీకులు అత్యధికంగా 51.2 మిలియన్లకు చేరినట్లు ఐక్యరాజ్యసమితి కాందిశీకుల సంస్థ జూన్ 20న పేర్కొంది. ఈ సంఖ్య గతేడాది కంటే ఆరు మిలియన్లు ఎక్కువ. రెండో ప్రపంచ యుద్ధం తరువాత వీరి సంఖ్య అత్యధిక స్థాయికి చేరింది. సిరియా సంక్షోభం వల్ల ఈ సంఖ్య పెరిగిపోయిందని నివేదికలో పేర్కొంది. 

స్విస్ బ్యాంకుల్లో అక్రమసంపదగల దేశాల జాబితాలో భారత్‌కు 58 వ స్థానం
స్విట్జర్లాండ్ సెంట్రల్ బ్యాంకింగ్ అథారిటీ 2013 సంవత్సరపు అధికారిక గణాంకాలను జూన్ 22న విడుదల చేసింది. ఈ లెక్కల ప్రకారం స్విస్ బ్యాంకుల్లో అక్రమంగా నిల్వ ఉన్న సంపద గల దేశాల జాబితాలో భారత్ 58వ స్థానంలో ఉంది. గతేడాది భారత్ 70వ స్థానంలో ఉండేది. స్విస్ బ్యాంకుల్లో ఉన్న ప్రపంచ సంపద 1.6 ట్రిలియన్ డాలర్లలో భారత్ వాటా కేవలం 0.15 శాతం. ఈ మొత్తం సంపద రూ. 14వేల కోట్లు. కాగా అగ్రస్థానంలో 20 శాతం వాటాతో యునెటైడ్ కింగ్‌డమ్, తరువాత స్థానాల్లో అమెరికా, వెస్టిండీస్, జర్మనీ ఉన్నాయి.

ప్రధాని తొలి విదేశీ పర్యటన
భారత ప్రధానమంత్రి నరేంద్ర మోడీ జూన్ 15, 16 తేదీల్లో భూటాన్‌లో పర్యటించారు. ప్రధానమంత్రి ఇరు దేశాల సంబంధాలను ‘బీ4బీ’(భూటాన్ కోసం భారత్, భారత్ కోసం భూటాన్)గా ఆయన అభివర్ణించారు. ఈ పర్యటనలో మోడీ ఆ దేశ రాజు జిగ్మే ఖేసర్ నామ్‌గ్యెల్ వాంగ్‌చుక్, ప్రధాని షెరింగ్ తోబ్గేలతో శాంతి భద్రతలు, పర్యాటకం తదితర అంశాలపై చర్చలు జరిపారు. అభివృద్ధికి చేయూతలో భాగంగా భారత్ రూ.70కోట్ల వ్యయంతో నిర్మించిన భూటాన్ సుప్రీంకోర్టు భవన సముదాయాన్ని మోడీ ప్రారంభించారు. ఈ పర్యటనలో మోడీ భూటాన్ పార్లమెంట్ సంయుక్త సమావేశంలో ప్రసంగించారు. ఇరుదేశాల భాగస్వామ్యంతో నిర్మిస్తున్న 600 మెగావాట్ల సామర్థ్యంగల ఖోలాంగ్చు జలవిద్యుత్ ప్రాజెక్ట్‌కు శంకుస్థాపన చేశారు.

డబ్ల్యూఏలో భారత్‌కు శాశ్వత సభ్యత్వం
ఇంజనీరింగ్ స్టడీస్, ఇంజనీర్ల మొబిలిటీకి సంబంధించి అంతర్జాతీయ ఒప్పందం వాషింగ్టన్ అగ్రిమెంట్(డబ్ల్యూ ఏ) లో జూన్ 13న భారత్‌కు శాశ్వత సభ్యత్వం లభించింది. దీంతో భారతీయ డిగ్రీలకు ప్రపంచ వ్యాప్త గుర్తింపు లభించడంతోపాటూ అమెరికా తదితర దేశాల్లో ఉద్యోగాలకు భారతీయ ఇంజనీర్లు సులువుగా వెళ్లేందుకు అవకాశాలు విస్తృతమవుతాయి. 1989లో కుదిరిన ఈ ఒప్పందంపై 17 దేశాలు సంతకాలు చేశాయి. ఇంజనీరింగ్ డిగ్రీ కార్యక్రమాలకు అధికారిక గుర్తింపునిచ్చే సంస్థల మధ్య కుదిరిన ఈ అంతర్జాతీయ ఒడంబడికను వాషింగ్టన్ అకార్డ్‌గా పేర్కొంటారు. ఇందులో తాత్కాలిక సభ్యత్వం కలిగి ఉన్న భారత్ గత ఏడేళ్లుగా శాశ్వత సభ్యత్వం కోసం ప్రయత్నిస్తోంది.

ఇజ్రాయెల్ అధ్యక్షుడిగా రూవెన్
ఇజ్రాయెల్ అధ్యక్షుడిగా రూవెన్ రివ్లిన్‌ను ఆ దేశ పార్లమెం ట్ జూన్ 10న ఎన్నుకుంది. షిమోన్ పెరెస్ స్థానంలో రూవె న్ జూలై 24న బాధ్యతలు స్వీకరిస్తారు. రూవెన్ గతంలో స్పీకర్‌గా,కమ్యూనికేషన్ల మంత్రి బాధ్యతలు నిర్వర్తించారు.

జనరల్ అసెంబ్లీ అధ్యక్షుడిగా కుతెస
ఐక్యరాజ్యసమితి జనరల్ అసెంబ్లీ జూన్ 11న తన 69వ సమావేశానికి ఉగండాకు చెందిన సామ్ కంబా కుతెసను అధ్యక్షుడిగా ఎన్నుకుంది. కుతెస ఉగండా ప్రభుత్వంలో విదేశాంగ మంత్రిగా బాధ్యతలు నిర్వహిస్తున్నారు.

బ్రస్సెల్స్‌లో జీ-7 సదస్సు
జీ-7 సదస్సు జూన్ 4,5 తేదీల్లో బ్రస్సెల్స్‌లో జరిగింది. ఇందులో కెనడా, ఫ్రాన్స్, జర్మనీ, ఇటలీ, జపాన్, యునెటైడ్ కింగ్‌డమ్, అమెరికా దేశాల నాయకులతోపాటు యూరోపియన్ కౌన్సిల్, యూరోపియన్ కమిషన్ అధ్యక్షులు పాల్గొన్నారు. ఈ సదస్సులో ఉక్రెయిన్ సంక్షోభం, రష్యా ప్రతిస్పందనపై ప్రధానంగా దష్టి సారించారు. ప్రపంచ వృద్ధి, నిరుద్యోగ సమస్యసు అధిగమించడం వంటి అంశాలపై చర్చలు జరిపారు. భూతాప ప్రభావాన్ని తగ్గించేందుకు 2015లో జరిగే వాతావరణ మార్పుల ఒప్పందం పట్ల తమ నిబద్ధతను ప్రకటించాయి. జీ-7 సదస్సును తొలిసారి యూరోపియన్ యూనియన్ నిర్వహించింది.

ఉక్రెయిన్ అధ్యక్షుడిగా పెట్రో పోరోషెంకో 
ఉక్రెయిన్ అధ్యక్షుడిగా పెట్రో పోరోషెంకో జూన్ 7న ప్రమాణ స్వీకారం చేశారు. పోరోషెంకోను పశ్చిమ దేశాలు సమర్థిస్తున్నాయి. ఈయన మే 25న దేశాధ్యక్షుడిగా ఎన్నికయ్యారు.

సిరియా అధ్యక్ష ఎన్నికల్లో అసద్ విజయం
సిరియా అధ్యక్ష ఎన్నికల్లో ప్రస్తుత అధ్యక్షుడు బషర్ అల్ అసద్ భారీ ఆధిక్యతతో విజయం సాధించారు. జూన్ 3న జరిగిన అధ్యక్ష ఎన్నికల్లో అసద్‌కు 10 మిలియన్ల (88.7శాతం) ఓట్లు దక్కాయి. దీంతో అధికార బాత్ పార్టీ మరో ఏడేళ్లు అధికారంలో ఉంటుంది. ఈ ఎన్నికల్లో మొత్తం 15.8 మిలియన్ల ఓటర్లకు గాను 11.6 మిలియన్ల మంది ఓటింగ్‌లో పాల్గొన్నారు.

ఐక్యరాజ్య సమితి ఐసీహెచ్ కమిటీకి భారత్ ఎన్నిక
స్పృశించరాని వారసత్వ సంపద (ఇంటాంజిబుల్ కల్చరల్ హెరిటేజ్ - ఐసీహెచ్)ను పరిరక్షించేందుకు ఉద్దేశించిన ఐక్యరాజ్యసమితి అంతర్ ప్రభుత్వ కమిటీకి భారత్ తిరిగి ఎన్నికైంది. జూన్ 4న జరిగిన ఓటింగ్‌లో 142 దేశాల్లో భారత్‌కు 135 దేశాలు అనుకూలంగా ఓటు వేశాయి. ఐసీహెచ్ కమిటీలో 24 మంది సభ్యులు ఉంటారు. నాలుగేళ్లపాటు సభ్యులుగా కొనసాగుతారు. ఆచారాలు, అలవాట్లు, వ్యక్తీకరణలు, జ్ఞానం, నైపుణ్యం వంటివి అంటే పాటలు, సంగీతం, పండుగలు, హస్తకళానైపుణ్యం మొదలైన వాటిని స్పృశించరాని వారసత్వ సంపదగా పేర్కొంటారు.

ఈజిప్టు అధ్యక్షునిగా అబ్దెల్ ఫత్తా
ఈజిప్టు మాజీ సైన్యాధ్యక్షుడు అబ్దెల్ ఫత్తా ఎల్- సిసీ దేశాధ్యక్షునిగా జూన్ 8న బాధ్యతలు చేపట్టారు. నాలుగేళ్ల పాటు ఆయన అధ్యక్షునిగా కొనసాగుతారు. అధ్యక్షపదవికి గతవారం జరిగిన ఎన్నికల్లో ఆయనకు 96.6 శాతం ఓట్లు వచ్చాయి. 59 ఏళ్ల అబ్దెల్ ఫత్తా ఈజిప్టుకు 7వ అధ్యక్షుడు. ప్రజాస్వామిక పద్ధతిలో తొలిసారి ఎన్నికైన మహమ్మద్ మోర్సీని ఆయన గత ఏడాది పదవీచ్యుతుడిని చేశారు.

పాలస్తీనా యూనిటీ ప్రభుత్వం ఏర్పాటు
రెండు పాలస్తీనా వర్గాలైన ఫతా, హమాస్‌ల మధ్య ఏడేళ్ల విభేదాలకు స్వస్తి పలుకుతూ పాలస్తీనా యూనిటీ ప్రభుత్వం జూన్ 2న రొమల్లాలో ప్రమాణ స్వీకారం చేసింది. ప్రధానమంత్రిగా రామి హమ్‌దల్లా ప్రమాణ స్వీకారం చేశారు. ఏప్రిల్‌లో కుదిరిన శాంతి ఒప్పందం యూనిటీ ప్రభుత్వ ఏర్పాటుకు తోడ్పడింది. పాలస్తీనా వ్యవహారాల్లో రాజకీయ, భౌగోళిక విభజనను కొత్త యూనిటీ ప్రభుత్వం రూపుమాపుతుంది. చాలాకాలంగా ఆగిపోయిన పాలస్తీనా ఎన్నికలు 2015లో నిర్వహించేందుకు తోడ్పడుతుంది. కొత్త ప్రభుత్వం 2007 తర్వాత తొలిసారిగా గాజా, వెస్ట్ బ్యాంక్‌లను ఒకే రాజకీయ ఆధిపత్యం కిందికి తీసుకొస్తుంది. 2006లో జరిగిన పాలస్తీనా చట్టసభ ఎన్నికల్లో హమాస్ విజయం సాధించింది. అప్పటి నుంచి వెస్ట్‌బ్యాంక్ అధ్యక్షుడు మొహ్మద్ అబ్బాస్, ఫతా పాలన కింద ఉంది. గాజా ప్రాంతం ఉగ్రవాద గ్రూపుగా భావిస్తున్న హమాస్ పాలనలో ఉంది. 

30 శాతం కర్బన ఉద్గారాలను తగ్గించనున్న అమెరికా
అమెరికా తన విద్యుత్ కేంద్రాల నుంచి విడుదలయ్యే కర్బన ఉద్గారాలను 30 శాతం తగ్గించాలని జూన్ 2న ప్రతిపాదించింది. 2005 స్థాయి నుంచి 2030 నాటికి జాతీయ సరాసరిలో 30 శాతం కర్బన ఉద్గారాలను తగ్గించాలని భావిస్తోంది. అమెరికాలో వెలువడే కార్బన్ డయాక్సైడ్‌లో 40 శాతం విద్యుత్ కేంద్రాల నుంచే వెలువడుతుంది. ఈ వాయువు వాతావరణ మార్పునకు ప్రధాన కారణం. ఈ తగ్గింపు వల్ల పిల్లల్లో 6,600 ముందస్తు మరణాలను, 150,000 ఆస్తమా జబ్బులను నివారించవచ్చని పర్యావరణ వేత్తలు పేర్కొంటున్నారు.

AIMS DARE TO SUCCESS 

జూలై 2014 అంతర్జాతీయం
భారత్ వృద్ధి 5.4 శాతం
బ్రిక్స్ దేశాల్లో భారత్ మినహా ఇతర దేశాల అభివృద్ధి అంచనాలను అంతర్జాతీయ ద్రవ్య సంస్థ తగ్గించింది. ఈ ఏడాది ఇండియా 5.4 శాతం, వచ్చే ఏడాది 6.4 శాతం పురోగతి సాధిస్తుందని ప్రపంచ ఆర్థిక భవితపై జూలై 25న విడుదల చేసిన నివేదికలో తెలిపింది. బ్రిక్స్‌లో (బ్రెజిల్, రష్యా, ఇండియా, చైనా, సౌత్ ఆఫ్రికా) రష్యా 0.9శాతం (1.1 శాతం డౌన్‌గ్రేడ్), చైనా 7.4 శాతం(0.2 శాతం), బ్రెజిల్ 1.3 శాతం (0.6 శాతం), దక్షిణాఫ్రికా 1.7 శాతం (0.6 శాతం) వృద్ధి నమోదుచేస్తాయని పేర్కొంది. ప్రపంచ ఆర్థిక వృద్ధి రేటు అంచనాను 3.4 శాతానికి చేర్చింది.

చైనా క్షిపణి నిరోధక పరీక్ష విజయవంతం
చైనా గగనతలానికి క్షిపణి రక్షణ కవచం ఏర్పాటులో భాగంగా ఆ దేశం జూలై 23న మూడోసారి క్షిపణి నిరోధక పరీక్షను విజయవంతంగా నిర్వహించింది.

బాల్యవివాహాలు భారత్‌లోనే అధికం
ప్రపంచ వ్యాప్తంగా జరిగే బాల్య వివాహాల్లో మూడింట ఒక వంతు భారతదేశంలోనే జరుగుతున్నాయని యూనిసెఫ్ పేర్కొంది. బాల్య వివాహాల సంఖ్య అత్యధికంగా ఉన్న పది దేశాల్లో భారత్, నైగర్, బంగ్లాదేశ్, చాద్, మాలి, సెంట్రల్ ఆఫ్రికన్ రిపబ్లిక్, గినియా,ఇథియోిపియా, బుర్కినాఫాసో, నేపాల్ ఉన్నాయి.

ప్రపంచంలోని 1/3 వ వంతు పేదలు భారత్‌లోనే
ప్రపంచంలో 1.2 బిలియన్ల మంది అత్యంత పేదరికంలో ఉన్నారు. వారిలో మూడోవంతు భారత్‌లోనే ఉన్నారని ఐక్యరాజ్య సమితి సహస్రాబ్ది అభివృద్ధి లక్ష్యాల-2014 నివేదిక పేర్కొంది. ఈ నివేదికను కేంద్ర మైనారిటీ వ్యవహారాల శాఖ మంత్రి నజ్మాహెప్తుల్లా జూలై 16న న్యూఢిల్లీలో విడుదల చేశారు. రోజుకు ఒక డాలర్ కంటే తక్కువ ఆదాయంతో నివసిస్తున్న వారిని అత్యంత పేదవారిగా నివేదిక పేర్కొంది. భారత్‌లో 1994లో 49.4 శాతంగా ఉన్న పేదరికం 2010 నాటికి 32.7 శాతానికి తగ్గినట్లు నివేదిక వెల్లడించింది. భారత్‌లో 1.4 మిలియన్ల మంది పిల్లలు ఐదేళ్ల వయసు దాటకుండానే మరణిస్తున్నారని నివేదిక తెలిపింది. 

బ్రిక్స్ ఆరో సదస్సు
భారత్, చైనా, బ్రెజిల్, దక్షిణాఫ్రికా, రష్యా దేశాల కూటమి (బిక్స్) ఆరో సదస్సు బ్రెజిల్‌లోని ఫోర్టలెజాలో జూలై 15-16 తేదీల్లో జరిగింది. సమ్మిళిత వృద్ధి, సుస్థిర పరిష్కారాలు అనే ఇతివృత్తంతో ఈ సదస్సును నిర్వహించారు. సదస్సు అనంతరం 72 అంశాలతో ఫోర్టలెజా నివేదికను వెల్లడించారు. ఇందులో న్యూ డెవలప్‌మెంట్ బ్యాంక్ పేరుతో బ్రిక్స్ బ్యాంక్ ఏర్పాటును ప్రకటించారు. 100 బిలియన్ డాలర్లతో ఏర్పాటు చేసే ఈ బ్యాంక్ షాంఘై (చైనా) ప్రధాన కేంద్రంగా పని చేస్తుంది. ఈ బ్యాంక్‌కు తొలుత భారత్ అధ్యక్షత వహిస్తుంది. కరెన్సీ రిజర్వ్ అరేంజ్‌మెంట్ (సీఆర్‌ఏ) ఒప్పందంపై కూడా సభ్యదేశాలు అవగాహనకు వచ్చాయి. 100 బిలియన్ డాలర్లతో ఏర్పాటు చేయనున్న ఈ నిధి సభ్యదేశాల స్వల్పకాల లిక్విడిటీ ఒత్తిడులను తట్టుకోవడానికి తోడ్పడుతుంది. సదస్సులో భారత్ ప్రధాని నరేంద్రమోడీ, రష్యా అధ్యక్షుడు పుతిన్, బ్రెజిల్ అధ్యక్షురాలు దిల్మా రౌసెఫ్, చైనా అధ్యక్షుడు జి జిన్‌పింగ్, దక్షిణాఫ్రికా అధ్యక్షుడు జాకబ్ జుమా పాల్గొన్నారు. 2015లో జరిగే ఏడో సదస్సుకు రష్యాలోని ఊఫా నగరం ఆతిథ్యం ఇవ్వనుంది. 

గాజాపై ఇజ్రాయెల్ దాడుల్లో 500మంది మృతి
హమాస్ ఆధీనంలోని గాజా ప్రాంతంపై ఇజ్రాయెల్ కొనసాగిస్తున్న దాడుల్లో 500 మందికిపైగా మరణించారు. ఇజ్రాయెల్, పాలస్తీనాల మధ్య ఘర్షణ తలెత్తడంతో జూలై 8 నుంచి ఇజ్రాయెల్ ఈ దాడులు చేస్తోంది.

బాల కార్మిక వ్యవస్థపై బొలీవియా సంచలన నిర్ణయం
బొలీవియా ప్రభుత్వం పదేళ్లు దాటిన పిల్లలను పనిలో పెట్టుకోవచ్చంటూ చట్టం తీసుకువచ్చింది. దీంతో బాలకార్మిక వ్యవస్థను చట్టబద్ధం చేసిన తొలిదేశంగా బొలీవియా నిలిచింది. జూన్‌లో చట్టసభ కాంగ్రెస్‌లో జరిగిన సమావేశంలో ఈ బిల్లును ఆమోదించింది. ఇది జూలై 17 నుంచి అమల్లోకి వచ్చింది. పనిచేసే వయసును 14 ఏళ్ల నుంచి పదేళ్లకు తగ్గించడం వాస్తవ పరిస్థితులకు అనుగుణంగా ఉందని, దేశంలోని పేద కుటుంబాలకు పిల్లలను పనిలో పెట్టడం తప్ప మరో అవకాశం లేనందున ఆమోదించాల్సి వచ్చిందని ప్రభుత్వం పేర్కొంది. కొత్త చట్టం ప్రకారం పదేళ్లు దాటిన పిల్లలు తల్లిదండ్రుల పర్యవేక్షణలో పని చేస్తూ పాఠశాలకు వెళ్లవచ్చు. కాంట్రాక్టు కింద పనిచేయించే వారి వయసు కనీసం 12 సంవత్సరాలు నిండాలి. అయితే పిల్లలను పనిలో చేర్పించే క్రమంలో తగు రక్షణ చర్యలు పాటించాలని, లేని పక్షంలో 30ఏళ్ల జైలు శిక్ష అనుభవిస్తారని హెచ్చరించింది.

నకిలీ కరెన్సీలో రూపాయికి మూడో స్థానం
స్విట్జర్లాండ్‌లో అధికారులు స్వాధీనం చేసుకున్న నకిలీ విదేశీ కరెన్సీ నోట్లలో యూరో, అమెరికన్ డాలర్ తర్వాత భారత రూపాయి మూడో స్థానంలో ఉంది. స్విస్ ఫెడరల్ ఆఫీస్ ఆఫ్ పోలీస్ (ఫెడ్ పోల్) విడుదల చేసిన తాజా వివరాల ప్రకారం 2013లో స్వాధీనం చేసుకున్న నకిలీ నోట్లలో యూరో నోట్లు 2,394, అమెరికా డాలర్ నోట్లు 1,101 ఉన్నాయి. భారత రూపాయి నోట్లు 403. కాగా వీటిలో రూ.500 విలువైనవి 380, రూ. 1000 నోట్లు 23 ఉన్నట్లు అధికారులు తెలిపారు. 2012లో నకిలీ కరెన్సీ జాబితాలో అమెరికా తర్వాత భారత్ రెండో స్థానంలో ఉంది.

మలేషియా విమానం కూల్చివేత
మలేషియా విమానం బోయింగ్-777ను ఉక్రెయిన్- రష్యా సరిహద్దులో ఉగ్రవాదులు జూలై 17న కూల్చివేయడంతో 295 మంది మరణించారు. ఆమ్‌స్టర్‌డ్యామ్ నుంచి కౌలాలంపూర్ వెళ్తుండగా ఈ దుర్ఘటన చోటు చేసుకుంది. రష్యా సరిహద్దుకు 40 కిలోమీటర్ల దూరంలోని గ్రాబోవో ప్రాంతంలో 33వేల అడుగుల ఎత్తులో ఎగురుతున్న విమానాన్ని ఉగ్రవాదులు క్షిపణి ప్రయోగించి కూల్చివేశారని ఉక్రెయిన్ హోంశాఖ తెలిపింది.

వారసత్వ సంపదగా దిలీప్‌కుమార్ పూర్వీకుల ఇల్లు
బాలీవుడ్ నటుడు దిలీప్‌కుమార్ పూర్వీకుల ఇంటిని పాకిస్థాన్ ప్రభుత్వం జాతీయ వారసత్వ సంపదగా ప్రకటించింది. పెషావర్‌లోని ప్రఖ్యాతిగాంచిన ఖవానీ బజార్ ప్రాంతంలో ఉన్న దిలీప్‌కుమార్ పూర్వీకుల ఇల్లు ప్రస్తుతం పాతబడిపోయింది. దీన్ని ఆధునీకరించి ప్రదర్శనశాల ఏర్పాటు చేసే పనిలో పాక్ ప్రభుత్వం సిద్ధమైంది.

బ్రిటన్ పార్లమెంట్ స్క్వైర్‌లో గాంధీ విగ్రహం 
బ్రిటన్ పార్లమెంట్ స్క్వైర్‌లో మహాత్మాగాంధీ విగ్రహం ప్రతిష్టిస్తామని బ్రిటన్ విదేశాంగమంత్రి విలియమ్‌హేగ్, ఛాన్స్‌లర్ ఆఫ్ ఎక్స్‌ఛెక్కర్ జార్జి ఓస్‌బోర్న్ ప్రకటించారు. ఇప్పటివరకు నెల్సన్‌మండేలా, అబ్రహం లింకన్‌తోపాటు ప్రపంచనేతల విగ్రహాలు పార్లమెంట్ స్క్వైర్‌లో ఉన్నాయి. గాంధీ విగ్రహం 11వది.

నిఖిల్ శ్రీవాస్తవకు జార్జ్ పోల్యా ప్రైజ్ 
భారతీయ యువ గణిత శాస్త్రవేత్త నిఖిల్ శ్రీవాస్తవ ఈ ఏడాది ప్రతిష్టాత్మకమైన జార్జ్ పోల్యా ప్రైజ్‌ను మరో ఇద్దరితో కలిసి సంయుక్తంగా గెలుచుకున్నారు. క్వాంటమ్ మెకానిక్స్‌లో గణితపరంగా కీలకమైన కడినన్- సింగర్ భావనను ఆడమ్ డబ్ల్యూ మార్కస్, డేనియల్ ఏ స్పిల్‌మాన్ అనే ఇద్దరు శాస్త్రవేత్తలతో కలిసి నిఖిల్ చేసిన పరిశోధనకు ఈ పురస్కారం దక్కింది.

అఫ్గాన్‌కు నూతన స్వేచ్ఛాయుత వీసా విధానం
అఫ్గానిస్థాన్ దేశస్థుల కోసం నూతన స్వేచ్ఛాయుత వీసా విధానాన్ని భారత్ జూన్ 30న ప్రకటించింది. ఈ నిర్ణయం జూలై 1నుంచి అమల్లోకి వచ్చింది. 

అంటార్కిటికాలో పర్వతానికి సిన్హా పేరు
అంటార్కిటికా ఖండంలోని ఓ పర్వతానికి భారత-అమెరికన్ శాస్త్రవేత్త అఖౌరి సిన్హా పేరు పెట్టారు. పరిశోధకుడిగా ఆయన అందించిన సేవలకు గుర్తుగా అంటార్కిటికాలోని మెక్ డొనాల్డ్ హైట్స్ దక్షిణ భాగంలో 930 మీటర్ల ఎత్తున్న ఓ పర్వతానికి మౌంట్ సిన్హా అని పేరు పెట్టేందుకు అమెరికా జియోలాజికల్ సర్వే , అంటార్కిటిక్ పేర్లపై ఏర్పాటైన సలహా సంఘం జూన్ 30న నిర్ణయించింది. సిన్హా మిన్నెసోటా విశ్వవిద్యాలయంలో జన్యుశాస్త్రం, సెల్ బయాలజీ విభాగంలో ప్రొఫెసర్‌గా పనిచేస్తున్నారు. 

కార్బన్ డై ఆక్సైడ్ అంచనాకు నాసా ఉపగ్రహం
వాతావరణంలో ఉండే కార్బన్‌డై ఆక్సైడ్ (బొగ్గు పులుసు వాయువు)ను ఎప్పటికప్పుడు అంచనా వేసేందుకు అమెరికా అంతరిక్ష పరిశోధన సంస్థ (నాసా) ప్రత్యేక ఉపగ్రహాన్ని జూలై 2న విజయవంతంగా ప్రయోగించింది. ఆర్బిటింగ్ కార్బన్ అబ్జర్వేటరీ -2 గా పిలిచే ఈ ఉపగ్రహ ం వల్ల భూమి మీద ఏయే ప్రాంతాల నుంచి అధికంగా వాతావరణంలోకి కార్బన్ డయాక్సైడ్ విడుదలవుతుందో తెలుసుకోవచ్చు. 

యూరోపియన్ కమిషన్ అధ్యక్షుడిగా జీన్‌క్లౌడ్ 
యూరోపియన్ కమిషన్ నూతన అధ్యక్షుడిగా జీన్ క్లౌడ్ జంకర్ జూన్ 26న ఎంపికయ్యారు. ప్రస్తుత అధ్యక్షుడు జోస్ మాన్యుఎల్ బరోసో స్థానంలో ఆయన ఈఏడాది నవంబర్‌లో బాధ్యతలు చేపట్టనున్నారు. జీన్ క్లౌడ్ 1995 -2013 వరకు లక్సెంబర్గ్ ప్రధానిగా, 2005-13 మధ్య యూరో సమాఖ్య తొలి శాశ్వత అధ్యక్షుడిగా పనిచేశారు. యూరో దేశాల సమాఖ్యలో ఒక దేశానికి సుదీర్ఘ కాలం ప్రధానిగా పనిచేసిన ఘనత క్లౌడ్‌దే.

AIMS DARE TO SUCCESS 

ఆగష్టు 2014 అంతర్జాతీయం
థాయ్‌లాండ్ ప్రధానిగా ప్రయూత్ చాన్ - ఓచా
థాయ్‌లాండ్ సైనికాధిపతి ప్రయూ త్ చాన్-ఓచా ఆగస్టు 21న ఆ దేశ ప్రధానిగా ఎన్నికయ్యారు. 197 మంది సభ్యులున్న నేషనల్ లెజిస్లేటివ్ అసెంబ్లీలో 191 మంది మద్దతు ఆయనకు లభించింది. 

మొదటి పర్యావరణ హిందూ దేవాలయం 
ప్రపంచంలో మొట్టమొదటి ఎకో హిందూ దేవాలయం శ్రీ స్వామి నారాయణన్ మందిర్‌ను ఇంగ్లండ్‌లోని వాయువ్య లండన్‌లో కింగ్స్‌బరీ అనే ప్రాంతం లో ఆగస్టు 19న ప్రారంభించారు. ఈ గుడి పైకప్పును సోలార్ ప్యానల్స్‌తో నిర్మించారు. వాన నీటిని పొదుపు చేసే పలు ప్రత్యేకతలతో కూడిన ఈ దేవాలయ నిర్మాణానికి 20 మిలియన్ పౌండ్లను వెచ్చించారు. 

ఆఫ్ఘనిస్థాన్‌లో 95వ స్వాతంత్య్ర దినోత్సవాలు
ఆఫ్ఘనిస్థాన్ 95వ స్వాతంత్య్ర దినోత్సవాలను ఆగస్టు 19న నిర్వహించింది. 1919లో బ్రిటీష్ ప్రభుత్వంతో కుదుర్చు కున్న ఆంగ్లో-ఆఫ్ఘాన్ ఒప్పందంతో ఆఫ్ఘనిస్థాన్ స్వతంత్ర దేశంగా ఆవిర్భవించింది.

పది లక్షల మందిపై ఎబోలా ప్రభావం
ఎబోలా వైరస్ ప్రభావం పశ్చిమ ఆఫ్రికాలో పది లక్షల మందిపై పడినట్లు ప్రపంచ ఆరోగ్య సంస్థ (డబ్ల్యూహెచ్ ఓ) డెరైక్టర్ జనరల్ మార్గరెట్ చాన్ తెలిపారు. త్వరలోనే ఇది మానవ సంక్షోభంగా మారే అవకాశం ఉందని చాన్ వ్యాఖ్యానించారు. అంతర్జాతీయ విమానాశ్రయం ఉన్న ప్రతి నగరానికి ఈ వ్యాధి నుంచి ముప్పు పొంచి ఉన్నట్లు హెచ్చరించారు. 

పనామా కాలువ నిర్మాణానికి నూరేళ్లు
ప్రపంచ జల రవాణా చరిత్రలో కీలక మైలురాయిగా భావించే పనామా కాలువ 2014, ఆగస్టు 15 నాటికి వంద సంవత్సరాలను పూర్తి చేసుకుంది. సరిగ్గా వందేళ్ల క్రితం అంటే 1914, ఆగస్టు 15న ఈ కాలువను అట్లాంటిక్- పసిఫిక్ మహా సముద్రాలను కలుపుతూ ఉత్తర, దక్షిణ అమెరికాల మధ్య ఉన్న పనామా దేశంలో నిర్మించారు. దీని ద్వారా అమెరికా పశ్చిమ తీరానికి, ఐరోపా తీరానికి మధ్య వేల మైళ్ల దూరం తగ్గింది.

2020 నాటికి బీజింగ్‌లో బొగ్గు వినియోగం నిషేధం
చైనా రాజధాని బీజింగ్‌లో 2020 నాటికి బొగ్గు వినియోగాన్ని నిషేధించాలని బీజింగ్ మున్సిపల్ పర్యావరణ పరిరక్షణ బ్యూరో ఆగస్ట్ 4న నిర్ణయించింది. బీజింగ్‌తోపాటు మరో ఐదు జిల్లాల్లో బొగ్గు వినియోగాన్ని పూర్తిగా నిషేధించే ప్రణాళికకు రూపకల్పన చేసింది. చైనాలోని ప్రధాన పట్టణాల్లో పెరుగుతున్న వాయు కాలుష్యాన్ని తగ్గించడమే దీని ఉద్దేశం. 

సూయజ్ కాలువ జలమార్గ నిర్మాణ పనులు ప్రారంభం 
145 ఏళ్ల చరిత్ర గల సూయజ్ కాలువ జలమార్గాన్ని తిరిగి అందుబాటులోకి తీసుకువచ్చేందుకు ఈజిప్ట్ ప్రభుత్వం ప్రయత్నిస్తోంది. దీనికి సంబంధించిన నిర్మాణ పనులను ఆ దేశాధ్యక్షుడు అబ్దుల్ ఫత అల్-సిసి ఆగస్టు 6న ప్రారంభించారు. దీంతో ఐరోపా, ఆసియా ఖండాల మధ్య వర్తకం మరింత విస్తరించనుంది. సూయజ్ కాలువను తొలిసారిగా 1869లో ప్రారంభించారు. ఇది ఈజిప్ట్‌లోని మెడిటేరేనియన్, ఎర్ర సముద్రాలను కలిపే కృత్రిమ జలమార్గం. దీనివల్ల వర్తకుల నౌకలు, ఓడలు ఆఫ్రికా ఖండాన్ని చుట్టిరాకుండా నేరుగా ఐరోపాను చేరుకోవచ్చు.

ఎబోలాపై అంతర్జాతీయ వైద్య ఎమర్జెన్సీ
పశ్చిమ ఆఫ్రికాలో విజృంభిస్తున్న ఎబోలా మహమ్మారిపై ప్రపంచ ఆరోగ్య సంస్థ (డబ్ల్యూహెచ్‌వో) ఆగస్టు 8న అంతర్జాతీయ ప్రజారోగ్య అత్యవసర పరిస్థితిని ప్రకటించింది. ఈ వైరస్ ప్రభావిత దేశాలకు ప్రపంచ దేశాలు సాయం చేయాలని డబ్ల్యూహెచ్‌వో డెరైక్టర్ జనరల్ మార్గరెట్ చాన్ కోరారు. గత నాలుగు దశాబ్దాల్లో తీవ్రమైన, సంక్లిష్టమైన మహమ్మారి ఇదేనని పేర్కొన్నారు. 2009లో స్వైన్‌ఫ్లూ వ్యాపించిన సమయంలోనూ, గత మేలో పోలియో విషయంలోనూ ప్రపంచ ఆరోగ్య సంస్థ అత్యవసర పరిస్థితిని ప్రకటించింది. ఎబోలా వ్యాప్తి గినియాలో గత మార్చిలో ఆరంభమైంది. అక్కడినుంచి సియోర్రాలియోన్, లైబీరియా, నైజీరియాలోని కొన్ని ప్రాంతాలకు విస్తరించింది.

తూర్పు ఆసియా విదేశాంగ మంత్రుల సదస్సు
తూర్పు ఆసియా విదేశాంగ మంత్రుల నాలుగో సదస్సు మయన్మార్‌లోని నేపితాలో ఆగస్టు 10న జరిగింది. సదస్సులో పాల్గొన్న భారత విదేశాంగమంత్రి సుష్మాస్వరాజ్ దక్షిణ చైనా సముద్రంలో చైనా బలప్రయోగాన్ని వ్యతిరేకించారు. ఈ విషయంలో బ్రూనై, మలేిషియా, ఫిలిప్పీన్స్, వియత్నాం, తైవాన్‌లతో చైనా పోరాడుతోంది. దక్షిణ చైనా సముద్రంలో వియత్నాం నుంచి అనుమతి పొంది భారత్ జరుపుతున్న చమురు తవ్వకాలపై కూడా చైనా అభ్యంతరం వ్యక్తం చేసింది.

వాతావరణ మార్పులపై బేసిక్ దేశాల మంత్రుల సమావేశం
బ్రెజిల్, దక్షిణ ఆఫ్రికా, భారత్, చైనా (బేసిక్) దేశాల మంత్రుల స్థాయి సమావేశం న్యూఢిల్లీలో ఆగస్టు 7,8 తేదీల్లో జరిగింది. వాతావరణ మార్పులు, ఐక్యరాజ్యసమితి కార్యాచరణ అంగీకారానికి సంబంధించిన ప్రధాన అంశాలపై ఈ సమావేశంలో చర్చించారు.

చైనాలో లోతైన ప్రయోగశాల
ప్రపంచంలోనే అత్యంత లోతైన ప్రదేశంలో ప్రయోగశాల నిర్మించేందుకు చైనా ఆగస్టు 2న పనులను ప్రారంభించింది. సైన్స్ చరిత్రలో చిక్కుముడిగా ఉన్న కృష్ణ పదార్థాన్ని గుర్తించే ఉద్దేశంతో నైరుతి సిచువాన్ రాష్ట్రంలోని జిన్‌పింగ్ జల విద్యుత్ కేంద్రం అడుగున 2,400 మీటర్ల లోతున దీన్ని నిర్మిస్తోంది. 2015 నాటికి ఈ నిర్మాణం పూర్తికానుంది. 

డబ్ల్యూటీవో చర్చలు విఫలం
వ్యవసాయ సబ్సిడీలపై భారత్ అభ్యంతరాలను సంపన్న దేశాలు పరిగణనలోకి తీసుకోకపోవడంతో జెనీవాలో జరిగిన డబ్ల్యూటీవో చర్చలు విఫలమయ్యాయి. భారత్ లేవనెత్తుతున్న అంశాలను పట్టించుకోకుండా.. వాణిజ్య సౌలభ్య ఒప్పందం(ట్రేడ్ ఫెలిసిటేషన్ అగ్రిమెంట్-టీఎఫ్‌ఏ)ను ఉన్నదున్నట్లుగా భారత్ అంగీకరించాలని ఆ దేశాలు ఒత్తిడి చేస్తున్నాయి. ఆహారోత్పత్తుల నిల్వ, ఆహార సబ్సిడీల లెక్కింపునకు సంబంధించి డబ్ల్యూటీవో నిబంధనల్లో సవరణలు కావాలని భారత్ కోరుతోంది. మొత్తం ఆహారోత్పత్తుల విలువలో సబ్సిడీలు 10 శాతంగా ఉండాలని ప్రస్తుత డబ్ల్యూటీవో నిబంధనలు చెబుతున్నాయి. అయితే, 20 ఏళ్ల కిందటి ధరల ఆధారంగా వాటిని లెక్కిస్తున్నారు. సబ్సీడీల విషయంలో 1986-87ను ప్రాతిపదిక సంవత్సరంగా తీసుకోవద్దని, ప్రస్తుత ద్రవ్యోల్బణం, కరెన్సీ హెచ్చుతగ్గుల్ని పరిగణనలోకి తీసుకుని ప్రాతిపదిక సంవత్సరాన్ని మార్చాలని భారత్ కోరుతోంది. అలాగే, 10 శాతం ఆహార సబ్సిడీతో భారత్‌లో ఆహార భద్రత పథకాన్ని అమలు చేయడం సాధ్యంకాదు. అది 10 శాతం దాటితే.. భారత్‌పై జరిమానాలు, ఆంక్షలు విధించే అవకాశముంది. 

పశ్చిమ ఆఫ్రికా దేశాల్లో ఎబోలా ఉద్ధృతం 
ఎబోలా వైరస్ ధాటికి పశ్చిమ ఆఫ్రికా దేశాలు విలవిల్లాడుతున్నాయి. సియోర్రా లియోన్‌లో ఎబోలా వ్యాధి ప్రబలి జూలై 31 నాటికి మరణించిన వారి సంఖ్య 233కు చేరింది. సియోర్రాలియోన్‌తో పాటు లైబీరియా, గినియా దేశాల్లో జూలై 31 నాటికి 729 మంది మరణించినట్లు ప్రపంచ ఆరోగ్య సంస్థ తెలిపింది. ఈ నేపథ్యంలో ప్రాంతీయ సమావేశం నిర్వహించిన పశ్చిమ ఆఫ్రికా దేశాలు కఠిన నిర్ణయాలు తీసుకున్నాయి. వ్యాధిని ఎదుర్కొనేందుకు వంద మిలియన్ డాలర్ల ప్రతిస్పందన ప్రణాళికను రూపొందించాయి.

AIMS DARE TO SUCCESS 

సెప్టెంబరు 2014 అంతర్జాతీయం
సార్క్ సాంస్కృతిక రాజధానిగా బమియాన్
ఆఫ్గానిస్థాన్‌లోని బమియాన్ పట్టణాన్ని 2015 సార్క్ సాంస్కృతిక రాజధానిగా సెప్టెంబర్ 25న న్యూఢిల్లీలో జరిగిన సమావేశంలో సార్క్ సాంస్కృతిక శాఖ నిర్ణయించింది. 2016-17 సంవత్సరానికి ఢాకాను సాంస్కృతిక రాజధానిగా ప్రకటించారు. 2016-17ను సార్క్ సాంస్కృతిక వారసత్వ సంవత్సరంగా సదస్సు నిర్ణయించింది.

గ్రేట్ బ్రిటన్‌తో కలిసి ఉండేందుకే స్కాట్లాండ్ ప్రజల ఓటు
స్కాట్లాండ్‌లో నిర్వహించిన రెఫరెండమ్‌లో గ్రేట్ బ్రిటన్ నుంచి విడిపోయేందుకు ప్రజలు తిరస్కరించారు. సెప్టెంబర్ 18న నిర్వహించిన రెఫరెండంలో 55.3 శాతం మంది స్కాట్లాండ్ వాసులు బ్రిటన్‌తో కలిసి ఉండేందుకు ఓటు వేశారు. 44.7 శాతం మంది స్వతంత్రంగా ఉండేందుకు మొగ్గు చూపారు. ఈ తీర్పును బ్రిటన్ ప్రధాని డేవిడ్ కామెరూన్ స్వాగతించారు. స్కాట్లాండ్ స్వాతంత్య్రం కోసం ప్రచారం నిర్వహించిన స్కాట్లాండ్ నేషనల్ పార్టీ నాయకుడు, మంత్రి అలెక్స్ సాల్మండ్ ఓటమిని అంగీకరిస్తూ తన పదవికి రాజీనామా చేశారు. బ్రిటన్, స్కాట్లాండ్‌ల మధ్య అసమానతలు, ఆర్థిక, సంక్షేమ రంగాల్లో వివక్ష, పెరుగుతున్న నిరుద్యోగం, స్కాట్లాండ్‌లో భారీగా చమురు నిల్వలు స్వతంత్రం కోరుకునేందుకు ప్రేరేపించాయి. స్కాట్లాండ్‌కు మరిన్ని అధికారాలు కల్పిస్తామన్న ప్రధాని డేవిడ్ కామెరూన్ హామీ, విభజనతో కలిగే నష్టాలు కలిసి ఉండేందుకు తోడ్పడ్డాయి. 

అపర కుబేరుల జాబితాలో భారత్‌ది ఆరోస్థానం
అపర కుబేరుల (బిలియనీర్) ప్రపంచ జాబితాలో భారత్ ఆరోస్థానంలో నిలిచింది. వెల్త్-ఎక్స్, యూబీఎస్ బిలియనీర్ సెన్సెస్-2014 సెప్టెంబర్ 17న వివరాలను వెల్లడించింది. భారత్‌లో ఈ ఏడాది 100 మంది బిలీయనీర్లు ఉన్నట్లు తేల్చింది. ఈ వంద మంది మొత్తం ఆస్తుల విలువ రూ. 10,50,000 కోట్లు (175 బిలియన్ డాలర్లు). అమెరికా, చైనా యునెటైడ్ కింగ్‌డమ్ తొలి మూడు స్థానాల్లో ఉన్నాయి. 

పన్నుల సమాచార మార్పిడికి జి-20 దేశాల నిర్ణయం
జి-20 దేశాలు ఆటోమాటిక్‌గా ఆయా దేశాల మధ్య పన్నుల సమాచారం మార్పిడి వ్యవస్థను 2017 నాటికి రూపొందించేందుకు నిర్ణయించాయి. సెప్టెంబర్ 21న కెయిర్న్స్‌లో ముగిసిన రెండు రోజుల జి-20 ఆర్థిక మంత్రుల, సెంట్రల్ బ్యాంక్ గవర్నర్ల సమావేశంలో దీన్ని ఆమోదించారు. ఈ నిర్ణయం విదేశాల్లో ఉన్న నల్లధనాన్ని వెనక్కి తెప్పించేందుకు భారత్‌కు తోడ్పడతుంది. 

అఫ్గానిస్థాన్ అధ్యక్షుడిగా అష్రాఫ్ ఘనీ
అఫ్గానిస్థాన్ కొత్త అధ్యక్షుడిగా అష్రాఫ్ ఘనీని సెప్టెంబర్ 21న ప్రకటించారు. గత జూన్‌లో జరిగిన ఎన్నికల్లో ఆర్థికమంత్రిగా ఉన్న అష్రాఫ్ ఘనీ, ప్రతిపక్ష నేత అబ్దుల్లా అబ్దుల్లా ఎవరికి వారు విజయం సాధించినట్లు ప్రకటించుకున్నారు. దీంతో దేశంలో సంక్షోభం తలెత్తింది. దీనికి ముగింపు పలుకుతూ ఇద్దరి మధ్య కుదిరిన ఒప్పందం ప్రకారం ఘనీ అధ్యక్షుడిగా కొనసాగుతారు. ఛీఫ్ ఎగ్జిక్యూటివ్ ఆఫీసర్ పదవికి అబ్దుల్లా నామినేట్ అవుతారు.

మూడోసారి న్యూజిలాండ్ ప్రధానిగా జాన్ కీ 
న్యూజిలాండ్ ప్రదానమంత్రిగా జాన్‌కీ వరుసగా మూడోసారి ఎన్నికయ్యారు. ఆయనకు చెందిన నేషనల్ పార్టీ 121 స్థానాలకు గాను 61 సీట్లను గెలుచుకుంది. ప్రధాన ప్రతిపక్షం లేబర్‌పార్టీ రెండో స్థానంలో నిలిచింది.

బాల్య వివాహాల్లో భారత్‌ది రెండో స్థానం: ఐరాస
భారతదేశం బాల్య వివాహాల్లో రెండో స్థానంలో ఉందని ఐక్య రాజ్యసమితి నివేదిక వెల్లడించింది. 2000-12 మధ్యలో ఐదేళ్ల లోపున్న బాలల వివరాలు నమోదు చేయని విషయంలో కూడా భారత్ మొదటి స్థానంలో ఉందని ‘బాలల జీవితాల అభివృద్ధి, భవిష్యత్తు మార్పు- 25 ఏళ్లుగా దక్షిణాసియాలో బాలల హక్కులు’ అనే అంశంపై వెల్లడైన యూనిసెఫ్ నివేదిక తెలిపింది. 2000-12 మధ్యలో 71 మిలియన్ల ఐదేళ్లలోపు బాలల వివరాలు భారత్ నమోదు చేయలేదని వెల్లడించింది. బాల్య వివాహాల్లో బంగ్లాదేశ్ తొలి స్థానంలో ఉండగా, భారత్, నేపాల్, అఫ్గానిస్థాన్‌లు తర్వాతి స్థానాల్లో నిలిచాయి.

వరల్డ్ ఎకనమిక్ ఫోరం పోటీ - జాబితాలో భారత్‌కు 71వస్థానం 
వరల్డ్ ఎకనమిక్ ఫోరం (డబ్ల్యూఈఎఫ్) ప్రపంచ పోటీ జాబితాలో భారత్ 71వ స్థానంలో నిలిచింది. 2014, సెప్టెంబర్ 3న జెనీవాలో విడుదల చేసిన నివేదిక ప్రకారం మొత్తం 144 దేశాలు పోటీపడగా స్విట్జర్లాండ్, సింగపూర్, అమెరికా మొద టి మూడు స్థానాల్లో నిలిచాయి. బ్రిక్స్ దేశాల కూటమిలో భారత్‌ది చివరి స్థానం. 2013-14లో భారత్‌కు 60వ ర్యాంక్ దక్కగా ఈసారి 11 స్థానాలను కోల్పోయింది. గ్లోబల్ కాంపిటీటివ్‌నెస్ రిపోర్టు (జీసీఆర్)ను వరల్డ్ ఎకనమిక్ ఫోరం 2004 నుంచి ఒక వార్షిక నివేదికగా ప్రచురిస్తోంది. 

గాజాలో అమల్లోకి కాల్పుల విరమణ
ఇజ్రాయెల్, పాలస్తీనాల అంగీకారంతో గాజాలో ఆగస్టు 26 నుంచి దీర్ఘకాల కాల్పుల విరమణ అమల్లోకి వచ్చింది. గాజాలో సహాయ కార్యక్రమాలు చేపట్టేందుకు, దాడుల వల్ల దెబ్బతిన్న ప్రాంతాల పునర్మిణానికి వీలుగా దిగ్బంధాన్ని తొలగించేందుకు కూడా ఇజ్రాయెల్ అంగీకరించింది. 

ఈ-మెయిల్‌కు 32 ఏళ్లు
సమాచార రంగంలో విప్లవాత్మకమై.. నేడు ప్రపంచమంతా విస్తృతంగా వాడకంలో ఉన్న ఎలక్ట్రానిక్ మెయిల్ (ఈ-మెయిల్)కు ఈ ఏడాది ఆగస్టు 30తో 32 ఏళ్లు నిండాయి.

AIMS DARE TO SUCCESS 

అక్టోబరు 2014 అంతర్జాతీయం
ఐరాస మానవ హక్కుల మండలికి భారత్ ఎన్నిక
ఐక్యరాజ్యసమితి మానవ హక్కుల మండలి (యూఎన్‌హెచ్‌ఆర్‌ిసీ)కి భారత్ తిరిగి ఎన్నికైంది. 2014 అక్టోబరు 21న జనరల్ అసెంబ్లీలో 47 దేశాల మండలికి జరిగిన ఎన్నికలో భారత్ విజయం సాధించింది. ప్రస్తుత సభ్యత్వం ఈ డిసెంబర్‌తో ముగుస్తుంది. తిరిగి ఎన్నికవడంతో 2017 చివరి వరకు సభ్యదేశంగా కొనసాగుతుంది. వరుసగా రెండుసార్లు సభ్యత్వం పొందిన దేశం మూడోసారి పోటీ పడేందుకు వీలులేదు. 

ఏసియన్ ఇన్‌ఫ్రాస్ట్రక్చర్ ఇన్వెస్ట్‌మెంట్ బ్యాంక్ ఏర్పాటు
ఏసియన్ ఇన్‌ఫ్రాస్ట్రక్చర్ ఇన్వెస్ట్‌మెంట్ బ్యాంక్ (ఎఐఐబీ) అక్టోబరు 24న బీజింగ్ కేంద్రంగా ఏర్పాటైంది. ఆసియా దేశాల్లో మౌలిక సదుపాయాల అభివృద్ధికి నిధులు సమకూర్చే లక్ష్యంతో ఏర్పాటైన ఎఐఐబీ 2015 నుంచి పనిచేస్తుంది. దీనికి 100 బిలియన్ డాలర్ల అధీకృత మూలధనం సమకూరుస్తారు. చైనా ఆర్థికశాఖ ఉప మంత్రి జిన్ లిక్వన్ ఈ బ్యాంకుకు ప్రధాన కార్యదర్శిగా వ్యవహరిస్తారు. ఈ బ్యాంక్‌కు సంబంధించిన అవగాహన పత్రంపై చైనా, భారత్‌తోపాటు మొత్తం 20 దేశాలు సంతకాలు చేశాయి. ప్రపంచ బ్యాంకు, అంతర్జాతీయ ద్రవ్యనిధి ఒత్తిళ్ల నుంచి బయట పడేందుకు ఆసియా దేశాలకు ఈ బ్యాంకు దోహదపడుతుంది. 

కుబేరులను అందించిన ముంబై వర్సిటీ 
ప్రపంచ వ్యాప్తంగా కుబేరులను అందించిన విశ్వ విద్యాలయాల జాబితాలో ముంబై వర్సిటీ తొమ్మిదో స్థానంలో నిలిచింది. ఇందులో చదువుకున్న 12 మంది పూర్వ విద్యార్థులు వంద కోట్లకు అధిపతులు అయ్యారు. వెల్త్-ఎక్స్ యూబీఎస్ బిలియనీయర్ గణాంకాల ప్రకారం అమెరికాకు చెందిన పెన్సిల్వేనియా విశ్వ విద్యాల యం అగ్రస్థానంలో నిలిచింది. 

అఫ్గాన్‌లో సైనిక కార్యకలాపాలకు బ్రిటన్ ముగింపు
అఫ్గానిస్థాన్‌లో సైనిక కార్యకలాపాలకు బ్రిటన్ అధికారికంగా అక్టోబరు 26న ముగింపు పలికింది. లష్కర్ గాహ్‌లో తమ నియంత్రణలో ఉన్న స్థావరాలను ఆఫ్గాన్ సైన్యానికి అప్పగించింది. దీంతో 13 ఏళ్లుగా కొనసాగిన బ్రిటన్ సైనిక చర్యలు ముగిశాయి. నాటో దళాలు ఏర్పాటు చేసిన అతిపెద్ద స్థావరం లష్కర్ గాహ్.

కాశ్మీర్‌పై జోక్యానికి ఐరాస విముఖత
కాశ్మీర్ సరిహద్దు అంశంపై జోక్యం కోసం పాకిస్థాన్ చేసిన ప్రతిపాదనను ఐక్యరాజ్యసమితి తిరస్కరించింది. ఈ అంశాన్ని భారత్, పాక్‌లు చర్చలు ద్వారా పరిష్కరించుకోవాలంటూ సూచించింది. సరిహద్దులో పరిస్థితిని చక్కదిద్దేందుకు, కాశ్మీర్ సమస్య పరిష్కారానికి జోక్యం చేసుకోవాలని పాక్ ఐక్యరాజ్యసమితి ప్రధాన కార్యదర్శి బాన్ కీ మూన్‌కు లేఖ రాసింది. అయితే ఈ వివాదాన్ని ద్వైపాక్షిక చర్చలతో పరిష్కరించుకోవాలని ఆయన సూచించారు. 

యాంగ్ చాంగ్‌లో జీవ వైవిధ్య సదస్సు 
దక్షిణ కొరియాలోని యాంగ్ చాంగ్ నగరంలో జీవ వైవిధ్య సదస్సు (కాప్ 12)ను అక్టోబర్ 12 నుంచి 14వ తేదీ వరకు నిర్వహించారు.

బెల్జియం ప్రధానిగా చార్లెస్ మైఖేల్
బెల్జియమ్‌లో కొత్త సెంటర్- రైట్ గవర్నమెంట్ అక్టోబరు 11న బాధ్యతలు చేపట్టింది. ప్రధానమంత్రిగా చార్లెస్ మైఖేల్ (38) ప్రమాణ స్వీకారం చేశారు. 1841 నుంచి ప్రధాని పదవి చేపట్టిన వారిలో అతి పిన్న వయస్కుడు చార్లెస్.

ఆకలి సూచీలో భారత్‌కు 55వ స్థానం 
ప్రపంచ ఆకలి సూచీ(జీహెచ్‌ఐ)లో భారత్‌కు ఈ ఏడాది 55వ స్థానం దక్కింది. ఈ జాబితాలో గతేడాది 63వ స్థానంలో నిలిచిన భారత్.. ఏడాది కాలంలో 17.8 పాయింట్లు తగ్గించుకుని 55వ స్థానంలో నిలిచింది.

2050 నాటికి సౌర విద్యుత్తు ప్రధాన విద్యుత్ వనరు 
సౌరవిద్యుత్ 2050 నాటికి ప్రధాన విద్యుత్ వనరు కానున్నదని అంతర్జాతీయ ఇంధన సంస్థ (ఇంటర్నేషనల్ ఎనర్జీ ఏజన్సీ) సెప్టెంబర్ 29న విడుదల చేసిన నివేదికలో పేర్కొంది. సోలార్ ఫోటో వోల్టాయిక్ వ్యవస్థల ద్వారా 2050 నాటికి మొత్తం ప్రపంచ విద్యుత్ ఉత్పత్తిలో 16 శాతం ఉత్పత్తి కాగలదని నివేదికలో తెలిపింది. ప్రస్తుతం ప్రపంచ ఇంధన సామర్థ్యంలో సౌర విద్యుత్ 1 శాతం కంటే తక్కువ. సౌర విద్యుత్ ఉత్పత్తిలో చైనాది మొదటి స్థానం. అమెరికా రెండో స్థానంలో ఉంది. 

ఉప్పు వినియోగాన్ని తగ్గించాలన్న ప్రపంచ ఆరోగ్య సంస్థ
హృదయ సంబంధ వ్యాధుల ప్రమాదాలను తగ్గించేందుకు ఉప్పు వినియోగాన్ని తగ్గించాలని ప్రపంచ ఆరోగ్య సంస్థ (డబ్ల్యూహెచ్‌ఓ) వరల్డ్‌హార్ట్ డే (సెప్టెంబర్ 29) సందర్భంగా కోరింది. 2025 నాటికి ఉప్పు వాడకాన్ని 30 శాతం తగ్గిస్తే మిలియన్ల సంఖ్యలో గుండెపోటు మరణాలను అరికట్టవచ్చని తెలిపింది. 

డాంగ్ ఫెంగ్ క్షిపణిని పరీక్షించిన చైనా
అణ్వస్త్ర సామర్థ్యం గల డాంగ్ ఫెంగ్ -31 బి అనే క్షిపణిని సెప్టెంబర్ 25న చైనా పీపుల్స్ లిబరేషన్ ఆర్మీ వుఝూయ్ కేంద్రంలో పరీక్షించింది. ఇది 10వేల కిలోమీటర్ల దూరంలోని లక్ష్యాలను ఛేదించగలదు. ఈ క్షిపణి అమెరికా, ఐరోపాల్లోని పలు నగరాలను తాకగలదు.

AIMS DARE TO SUCCESS 

నవంబరు 2014 అంతర్జాతీయం
ఖాట్మండులో 18వ సార్క్ సద స్సు
దక్షిణాసియా ప్రాంతీయ సహకార కూటమి (సార్క్) 18వ సదస్సు నేపాల్ రాజధాని ఖాట్మండులో నవంబరు 26-27 తేదీల్లో జరిగింది. ఉగ్రవాదం, తీవ్రవాదాలను సభ్యదేశాలు తీవ్రంగా ఖండించాయి. ఉమ్మడి, ఆర్థిక ద్రవ్య వ్యవస్థగా సౌత్ ఆసియా ఎకనమిక్ యూనియన్ ఏర్పాటుతో పాటు, సార్క్ అభివృద్ధి నిధిని బలోపేతం చేసేందుకు కట్టుబడి ఉన్నట్లు సదస్సు ప్రకటించింది. సదస్సులో ప్రధాని నరేంద్రమోదీ ఉగ్రవాదాన్ని, సీమాంతర నేరాలను ఎదుర్కొనేందుకు చేసిన ప్రతిజ్ఞ నెరవేర్చాలని పిలుపునిచ్చారు. సార్క్ సభ్యదేశాలు: భారత్, బంగ్లాదేశ్, భూటాన్, పాకిస్థాన్, శ్రీలంక, నేపాల్, మాల్దీవులు, అఫ్గానిస్థాన్. 19వ సదస్సు పాకిస్థాన్‌లో జరగనుంది.

ఐరాసలో మరణశిక్షలపై తీర్మానాన్ని వ్యతిరేకించిన భారత్
మరణశిక్షల తాత్కాలిక నిలిపివేతకు ఉద్దేశించిన ఐక్యరాజ్యసమితి సర్వ ప్రతినిధి సభ ముసాయిదా తీర్మానానికి భారత్ వ్యతిరేకంగా ఓటు వేసింది. నవంబరు 24న జరిగిన ఓటింగ్‌లో అనుకూలంగా 114 దేశాలు, వ్యతిరేకంగా 36 దేశాలు ఓటు వేశాయి. 34 దేశాలు ఓటింగ్‌లో పాల్గొనలేదు. అత్యంత అరుదైన కేసుల్లోనే మరణశిక్షను విధిస్తున్నట్లు భారత్ పేర్కొంది.

బాల్య వివాహాలపై ఐరాస తీర్మానం
బాల్య వివాహాలను నివారించాలని ప్రభుత్వాలకు పిలుపునిస్తూ ఐక్యరాజ్యసమితి తొలిసారిగా నవంబరు 21న తీర్మానాన్ని ఆమోదించింది. దీన్ని కెనడా, జాంబియా ప్రవేశపెట్టాయి. ఇందుకు సంబంధించి చట్టాలను తీసుకురావాలని అన్ని దేశాలను కోరాయి. నైగర్, బంగ్లాదేశ్, భారత్‌లలో బాల్య వివాహాలు ఎక్కువగా జరుగుతున్నాయి. 

బార్సిలోనాలో స్మార్ట్ సిటీ ప్రపంచ సదస్సు
స్పెయిన్ రాజధాని బార్సిలోనాలో నాలుగో స్మార్ట్‌సిటీ ప్రపంచ సదస్సు జరిగింది. దీన్ని కేంద్ర పట్టణాభి వృద్ధి శాఖ మంత్రి ఎం. వెంకయ్య నాయుడు ప్రారంభించారు. వచ్చే 20 ఏళ్లలో భారత పట్టణ రంగంలో సుమారు 8.64 లక్షల కోట్ల పెట్టుబడులకు అవకాశముందని వెంకయ్య అన్నారు. 

నేపాల్‌లో అంతర్జాతీయ బౌద్ధ సదస్సు
ఈ ఏడాది అంతర్జాతీయ బౌద్ధ సదస్సుకు నేపాల్‌లోని లుంబినీ వేదికైంది. నవంబరు 15 నుంచి 18వరకు జరిగిన ఈ సదస్సు జరిగింది.

బీజింగ్‌లో 22వ అపెక్ సదస్సు 
చైనా రాజధాని బీజింగ్‌లో 22వ ఆసియా పసిఫిక్ ఆర్థిక సహకార (అపెక్) సదస్సు నవంబరు 11-12 తేదీల్లో జరిగింది. ఆసియా పసిఫిక్ బాగస్వామ్యంతో భవిష్యత్ ఆవిష్కరణ అనేది సదస్సు ఇతివృత్తం. ఆసియా పసిఫిక్ ప్రాంతంలో చైనా ప్రతిపాదించిన స్వేచ్ఛా వాణిజ్య ప్రాంతం ఏర్పాటుకు సభ్యదేశాలు అంగీకరించాయి. భారత్ ఇందులో సభ్యదేశం కాదు. పరిశీలకదేశంగా పాల్గొనాలని ఆహ్వానించగా ప్రధాని మోదీ హాజరుకాలేదు. 2015 అపెక్ సదస్సు ఫిలిప్పైన్స్‌లో జరగనుంది. అపెక్ సభ్య దేశాల సంఖ్య 21.

తోకచుక్కపై దిగిన ఫీలే 
ఖగోళ చరిత్రలో తొలిసారి తోకచుక్కపై ల్యాండర్ చేరింది. 67పి/ చుర్యుమోన్-గెరాసి మెంకో అనే తోకచుక్క వెంట పదేళ్లుగా ప్రయాణించిన ఐరోపా అంతరిక్ష సంస్థకు చెందిన రొసెట్టా వ్యోమ నౌక ఫీలే నవంబరు 12న కాలుమోపింది. ఇలా తోకచుక్కపై దిగడం ఇదే తొలిసారి. 2004లో రొసెట్టా వ్యోమనౌకను అంతరిక్షంలోకి ప్రయోగించారు. తోకచుక్కల అధ్యయనం వల్ల 450 కోట్ల ఏళ్ల కిందట ఏర్పడిన సౌర కుటుంబం గురించి తెలుసుకోవచ్చు.

బ్రిస్బేన్‌లో జీ-20 సదస్సు
నవంబరు 15-16 తేదీల్లో జరిగిన తొమ్మిదో జీ-20 సదస్సుకు ఆస్ట్రేలియాలోని బ్రిస్బేన్ వేదికైంది. సభ్య దేశాలు వచ్చే ఐదేళ్లలో 2.1 లేదా అంతకంటే ఎక్కువ వృద్ధిని ఉమ్మడిగా, వేర్వేరుగా సాధించేందుకు తీర్మానించాయి. భారతీయులు విదేశాల్లో అక్రమంగా దాచిన నల్లధనాన్ని తిరిగి తెప్పించేందుకు ప్రపంచ దేశాలు సహకరించాలని సదస్సులో ప్రధాని మోదీ కోరారు. బ్రిస్బేన్‌లోని రోమా వీధిలో మహాత్మాగాంధీ విగ్రహాన్ని ఆయన ఆవిష్కరించారు. పదో జీ-20 సదస్సు (2015) టర్కీలో జరగనుంది. 

25వ ఆసియాన్ సదస్సు
ఆగ్నేయాసియా దేశాల (ఆసియాన్) 25వ సదస్సు నవంబరు 12న మయన్మార్‌లోని నేపితాలో జరిగింది. ‘శాంతి యుత, సౌభాగ్య వంతమైన సమాజం కోసం ఐక్యతతో ముందుకు’ అనే ఇతివృత్తంతో సదస్సు సాగింది. మయన్మార్ అధ్యక్షుడు థీన్‌సేన్ దీనికి అధ్యక్షత వహించారు. ఇందులో పాల్గొన్న ప్రధాని మోదీ భారత ఆర్థిక ప్రగతిలో ఆగ్నేయాసియా దేశాలు భాగస్వాములు కావాలని కోరారు. 

అంతర్జాతీయం బెర్లిన్ గోడ కూల్చివేతకు పాతికేళ్లు
చారిత్రక బెర్లిన్ గోడ కూల్చివేత ఘట్టానికి పాతికేళ్లు నిండాయి. ప్రచ్ఛన్న యుద్ధ కాలంలో కమ్యూనిస్టుల పాలనలోని నాటి తూర్పు జర్మనీ ప్రభుత్వం 1961లో దీన్ని నిర్మించింది. ఆ తర్వాత 1989 నవంబరు 9న తూర్పు జర్మనీ ప్రభుత్వం పశ్చిమ జర్మనీ వెళ్లేందుకు తమ పౌరులను అనుమతించింది. దీంతో ఆ రోజున వేలమంది జర్మన్లు బెర్లిన్ గోడను కూల్చేశారు. ఆ పరిణామమే జర్మనీ ఏకీకరణకు దారితీసింది. 

సంక్రమించని వ్యాధులతో ప్రధాన ఆరోగ్య సమస్య
భారత్‌లో 2012లో 60 శాతం మరణాలు ఒకరి నుంచి ఒకరికి సంక్రమించని వ్యాధుల వల్లనే సంభవించా యని ప్రపంచ ఆరోగ్య సంస్థ తెలిపింది. ఎకానమిక్స్ నాన్ కమ్యూనికబుల్ డిసీజెస్ ఇన్ ఇండియా పేరుతో విడుదలైన నివేదిక ప్రకారం భారత్‌లో 2012-2030 మధ్య కాలంలో ఎన్‌సీడీలు, మానసిక ఆరోగ్య స్థితుల వల్ల 4.58 ట్రిలియన్ డాలర్ల నష్టం వాటిల్లుతుందని తెలిపింది. గుండె, ఊపిరితిత్తుల వ్యాధులు, మధుమేహం, క్యాన్సర్లు మనుషుల ఆరోగ్యానికి, ఆర్థిక వృద్ధికి, దేశాభివృద్ధికి పెద్ద సమస్య గా మారాయని పేర్కొంది. 

మొనాకోలో ఇంటర్‌పోల్ సదస్సు
మొనాకో వేదికగా 83వ ఇంటర్‌పోల్ సదస్సు జరిగింది. నవంబరు 3-7 తేదీల మధ్య సాగిన ఈ సమావేశంలో భారత హోంమంత్రి రాజ్‌నాథ్ సింగ్ పాల్గొని హిందీలో ప్రసంగించారు. ఈ అంతర్జాతీయ వేదికపై హిందీలో ప్రసంగించడం ఇదే ప్రథమం. 82వ సదస్సు గతేడాది కొలంబియాలోని కార్టెజినాలో జరిగింది. 

ఆసియా-పసిఫిక్ మంత్రుల సదస్సు
దక్షిణ కొరియా రాజధాని సియోల్‌లో గృహ నిర్మాణం-పట్టణాభివృద్ధి ఆసియా పసిఫిక్ మంత్రుల స్థాయి ప్లీనరీ నవంబరు 5న జరిగింది. దీనికి కేంద్ర మంత్రి ఎం.వెంకయ్యనాయుడు హాజరయ్యారు. 2022 నాటికి అందరికీ గృహ వసతి భారత్ లక్ష్యమని ప్రకటించారు.

లింగ అసమానత్వ సూచీలో భారత్‌కు 114వ స్థానం
ప్రపంచ ఆర్థిక వేదిక (డబ్ల్యూఈఎఫ్)-2014 లింగ అసమానత్వ సూచీలో భారత్ 114 వ స్థానంలో నిలిచింది. గతేడాది ఉన్న 101 స్థానం నుంచి 13 స్థానాలు భారత్ దిగజారింది. మొత్తం 142 దేశాల పనితీరు ఆధారంగా అక్టోబరు 28న విడుదల చేసిన సూచీలో మొదటి స్థానంలో ఐస్‌లాండ్ నిలిచింది.

పాలస్తీనాను అధికారికంగా గుర్తించిన స్వీడన్
పాలస్తీనా ప్రాంతాన్ని అధికారికంగా గుర్తించిన తొలి యూరోపియన్ యూనియన్ దేశంగా స్వీడన్ నిలిచింది. ఇప్పటివరకు 130 ఇతర దేశాలు పాలస్తీనాను అధికారికంగా గుర్తించాయి. 

బంగ్లాదేశ్ జమాత్ అధ్యక్షుడికి మరణశిక్ష 
బంగ్లాదేశ్ జమాత్-ఇ-ఇస్లామీ అధ్యక్షుడు ఎం.రహ్మాన్ నిజామి (71)కు బంగ్లాదేశ్ యుద్ధ నేరాల ట్రైబ్యునల్ అక్టోబరు 29న మరణశిక్ష విధించింది. 1971 యుద్ధంలో అనేక మంది లౌకిక వాద మేధావుల హత్యలతో పాటు ఇతర నేరాల్లో కారకుడిగా గుర్తించిన ట్రైబ్యునల్ నిజామికి ఈ శిక్షను ఖరారు చేసింది. 

వ్యాపార అనుకూల దేశాల్లో భారత్‌కు 142వ స్థానం 
ప్రపంచ బ్యాంకు విడుదల చేసిన వ్యాపార అనుకూల దేశాల జాబితాలో భారత్ 142వ స్థానంలో నిలిచింది. మొత్తం 189 దేశాలకు సంబంధించిన జాబితాను ప్రపంచ బ్యాంకు అక్టోబరు 29న విడుదల చేసింది. సింగపూర్, న్యూజిలాండ్, హాంకాంగ్ మొదటి మూడు స్థానాల్లో నిలిచాయి. 

మూడో అతిపెద్ద ఆర్థిక వ్యవస్థగా భారత్ 
పర్చేజింగ్ పవర్ పారిటీ (పీపీపీ) విభాగంలో భారత్ మూడో స్థానంలో నిలిచిందని అంతర్జాతీయ ద్రవ్యనిధి సంస్థ (ఐఎంఎఫ్) ప్రకటించింది. ఐఎంఎఫ్ అంచనాల ప్రకారం అక్టోబరులో పీపీపీ అంశంలో భారత్ 7277.279 బిలియన్ అమెరికన్ డాలర్లతో స్థూల జాతీయోత్పత్తిలో 6.8 శాతాన్ని చేరింది. చైనా ప్రపంచ స్థూల జాతీయోత్పత్తిలో 16.48 శాతంతో మొదటి స్థానంలో, అమెరికా ప్రపంచ స్థూల జాతీయోత్పత్తిలో 16.28 శాతంతో రెండోస్థానంలో నిలిచాయి.

AIMS DARE TO SUCCESS 

డిసెంబరు 2014 అంతర్జాతీయం
పాక్‌లో ఉగ్రవాదుల దాడిలో 148 మంది మృతి
పాకిస్తాన్‌లోని పెషావర్‌లో సైనిక పాఠశాలపై డిసెంబర్ 16న ఆత్మాహుతి దళ తాలిబన్లు జరిపిన దాడిలో 148 మంది మరణించారు. వీరిలో 132 మంది విద్యార్థులున్నారు. పాక్ సైన్యం జరిపిన ఎదురుదాడిలో ముగ్గురు తాలిబన్లు మరణించగా, నలుగురు తమను తాము పేల్చుకున్నారు. ఉత్తర వజీరిస్తాన్‌లో పాక్ సైన్యం దాడులకు ప్రతీకారంగా సైనిక పాఠశాలపై దాడి చేసినట్లు తెహ్రీక్ ఇ తాలిబన్ ఉగ్రవాద సంస్థ ప్రకటించింది.

వ్యాపారానికి అత్యంత అనుకూలం డెన్మార్క్
వ్యాపారానికి అనుకూల దేశాలకు సంబంధించి ఫోర్బ్స్ విడుదల చేసిన 9వ వార్షిక ర్యాంకింగ్స్‌లో డెన్మార్క్ మొదటి స్థానంలో నిలిచింది. హాంకాంగ్, న్యూజిలాండ్‌లు వరుసగా రెండు, మూడో స్థానాలను దక్కించుకున్నాయి. 146 దేశాల జాబితాలో భారత్ 93వ స్థానంలో నిలిచింది. గినియా చివరి స్థానంలో నిలిచింది. ఆస్తి హక్కులు, ఆవిష్కరణలు, పన్నులు, సాంకేతిక పరిజ్ఞానం, అవినీతి తదితర 11 కారకాల ఆధారంగా ఏటా ఫోర్బ్స్ ర్యాంకులు ఇస్తోంది.

అమెరికా సర్జన్ జనరల్‌గా భారతీయ అమెరికన్
అమెరికా 19వ సర్జన్ జనరల్‌గా 37 ఏళ్ల భారతీయ అమెరికన్ వివేక్‌మూర్తి నియామకాన్ని సెనేట్ డిసెంబర్ 15న ఆమోదించింది. దీంతో పిన్న వయసులోనే సర్జన్ జనరల్ అయిన వ్యక్తిగా మూర్తి రికార్డు సృష్టించారు. ఈ నియామకం పొందిన తొలి భారతీయ సంతతి వ్యక్తి కూడా ఆయనే. బోస్టన్‌లో వైద్య వృత్తిలో స్థిరపడిన మూర్తి కర్ణాటకలో జన్మించారు. ప్రజారోగ్య విషయాలకు సంబంధించిన పాలనలో సర్జన్ జనరల్ అత్యున్నత పదవి.

అంతర్జాతీయ యోగా దినోత్సవంగా జూన్ 21
జూన్ 21వ తేదీని అంతర్జాతీయ యోగా దినోత్సవంగా ఐక్యరాజ్యసమితి ప్రకటించింది. ఈ మేరకు భారతదేశం ప్రతిపాదించిన తీర్మానానికి డిసెంబర్ 11న ఐరాస సర్వసభ్య సమావేశం ఆమోదం తెలిపింది. భారత రాయబారి అశోక్ ముఖర్జీ ఈ తీర్మానాన్ని ప్రవేశపెట్టారు. 193 సభ్యదేశాలున్న సమితిలో రికార్డు స్థాయిలో 177 దేశాలు మద్దతు ప్రకటించాయి. జూన్ 21న సుదీర్ఘమైన పగటి రోజు కావడంతో చాలాదేశాల్లో ఈ తేదీకి ప్రత్యేకమైన గుర్తింపు ఉంది.

లిమాలో ముగిసిన వాతావరణ సదస్సు
పెరూ రాజధాని లిమాలో 13 రోజుల పాటు జరిగిన ఐక్యరాజ్య సమితి వాతావరణ సదస్సు (సీఓపీ-20) డిసెంబర్ 14న ముగిసింది. వాతావరణ కార్యాచరణకు లిమా పిలుపు (లిమా కాల్ టు క్లైమేట్ యాక్షన్) పేరుతో రూపొందించిన పత్రం ఆమోదంతో సదస్సు పూర్తయింది. ఈ పత్రానికి 196 దేశాలు ఆమోదం తెలిపాయి. 2015 డిసెంబర్‌లో పారిస్‌లో రూపొందే ఒప్పందానికి జరిగే చర్చల కోసం విధానపత్రంగా దీన్ని రూపొందించారు.

‘పర్సన్ ఆఫ్ ది ఇయర్’గా ఎబోలా చికిత్సకారులు
ప్రస్తుతం ప్రపంచాన్ని భయపెడుతున్న ప్రాణాంతక ఎబోలా వైరస్ కట్టడికి అవిశ్రాంతంగా పోరాడుతున్న వైద్యులు, నర్సులు, సహాయకులను ఉమ్మడిగా పర్సన్ ఆఫ్ ది ఇయర్ (2014)గా టైమ్ మ్యాగజైన్ ప్రకటించింది. చికిత్స అందించే క్రమంలో సహచర వైద్యులు వైరస్ బారినపడి మరణించినా, ధైర్యంతో సేవలు అందిస్తున్నందుకు తుది ఎనిమిది మంది జాబితాలోంచి వీరిని ఈ గౌరవానికి ఎంపిక చేసినట్లు మ్యాగజైన్ ఎడిటర్ నాన్సీ గిబ్స్ డిసెంబర్ 10న ప్రకటించారు.

అణ్వస్త్ర రహిత తీర్మానానికి వ్యతిరేకంగా భారత్ ఓటు
అణ్వస్త్ర రహిత దేశంగా ఉండటానికి తక్షణ అంగీకారంపై ఐక్యరాజ్య సమితి సాధారణ సభ తీర్మానాన్ని భారత్ వ్యతిరేకించింది. అణ్వస్త్ర నిరాయుధీకరణను వేగవంతం చేసే ప్రక్రియలో భాగంగా నవంబరు 2న ప్రవేశపెట్టిన ఈ తీర్మానానికి 169 దేశాలు వ్యతిరేకించగా, 7 దేశాలు అను కూలంగా ఓటేశాయి. భారత్‌తో పాటు పాకిస్థాన్, అమెరికా తదితర దేశాలు తీర్మానాన్ని వ్యతిరేకించాయి. తమ అణు సదుపాయాలను ఐఏఈఏ భద్రతా ప్రమాణాలకు లోబడి ఉంచడాన్ని కూడా తప్పుబట్టాయి. 

మాల్దీవుల్లో వాటర్ ఎమర్జెన్సీ 
మాల్దీవుల రాజధాని మాలేలోని నీటి శుద్ధి కేంద్రంలో డిసెంబరు 5న జరిగిన అగ్ని ప్రమాదంతో నీటి సర ఫరాకు ఆటంకం ఏర్పడింది. దీంతో రాజధాని మాలేలో వాటర్ ఎమర్జెన్సీని ప్రభుత్వం ప్రకటించింది. హిందూ మహాసముద్రం దిగువ ప్రాంతంలో ఉండే మాలేలో సహజ జలవనరులు లేవు. శుద్ధి చేసిన సముద్ర జలాలే మాలేలోని లక్షమంది ప్రజలకు ఆధారం. 

అవినీతి సూచీలో భారత్‌కు 85వ స్థానం
ట్రాన్స్‌పెరెన్సీ ఇంటర్నేషనల్ అనే స్వచ్ఛంద సంస్థ 175 దేశాల అవినీతి సూచీ జాబితాను విడుదల చేసింది. ఇందులో భారత్ 85వ స్థానంలో నిలిచింది. గతేడాది 94వ స్థానంలో ఉన్న భారత్ ఈ సారి పరిస్థితిని మెరుగుపరచుకొంది. అత్యంత తక్కువ అవినీతి గల దేశంగా డెన్మార్క్‌కి మొదటి స్థానం దక్కింది. తర్వాత స్థానాల్లో న్యూజిలాండ్, ఫిన్లాండ్, స్వీడన్, నార్వే ఉన్నాయి. సోమాలియా, ఉత్తర కొరియాలలో అవినీతి ఎక్కువగా ఉంది.
AIMS DARE TO SUCCESS 

అంతర్జాతీయం 2013 సంవత్సరం జనవరి నుండి డిసెంబరు వరకు మొత్తం

అంతర్జాతీయం 2013 సంవత్సరం జనవరి నుండి డిసెంబరు వరకు మొత్తం 

జనవరి 2013 అంతర్జాతీయం
డబ్ల్యూఈఎఫ్ 43వ వార్షిక సదస్సు
వరల్డ్ ఎకనామిక్ ఫోరం (డబ్ల్యూఈఎఫ్) 43వ వార్షిక సదస్సు దావోస్ (స్విట్జర్లాండ్) లో జనవరి 23 నుంచి 27వరకు జరిగింది. ప్రపంచ ఆర్థిక పరిస్థితులపై చర్చించేందుకు జరిగిన ఈ సదస్సులో భారత్ నుంచి కేంద్ర మంత్రులు కమల్ నాథ్, ఆనంద్ శర్మ సహా 100 మంది ప్రతినిధులు పాల్గొన్నారు. సంక్షోభంలో చిక్కుకున్న ప్రపంచ ఆర్థిక వ్యవస్థకు పునరుత్తేజం కలిగించేందుకు, ఉపాధి కల్పనకు, అవినీతిపై పోరాటానికి..సువర్ణ త్రిభుజం (గోల్డెన్ ట్రయాంగిల్) ఫార్ములా పాటించాలనే అభిప్రాయాన్ని సదస్సులో పాల్గొన్న ప్రతినిధులు వ్యక్తం చేశారు.

హెడ్లీకి 35 ఏళ్ల జైలు
26/11 ముంబై దాడుల్లో పాల్గొన్న పాకిస్థాన్ ఉగ్రవాదులకు వ్యూహాత్మక సహకారం అందించిన లష్కరే తోయిబా ఉగ్రవాది, పాకిస్థానీ-అమెరికన్ డేవిడ్ హెడ్లీకి అమెరికాలోని షికాగో కోర్టు జనవరి 24న 35 ఏళ్ల జైలు శిక్ష విధిస్తూ తీర్పు నిచ్చింది. ముంబైలో 2008 నవంబర్ 26న ఉగ్రవాదులు జరిపిన దాడుల్లో 166 మంది మరణించారు.

ఆహార వ్యర్థాలకు వ్యతిరేకంగా ప్రచారం
ఆహార పదార్థాల వ్యర్థానికి వ్యతిరేకంగా ఐక్యరాజ్యసమితి పర్యావరణ కార్యక్రమం; ఆహార, వ్యవసాయ సంస్థలు సంయుక్తంగా ప్రచారాన్ని చేపట్టాయి. ‘థింక్-ఈట్-సేవ్-రెడ్యూజ్ యువర్ ఫుడ్ ప్రింట్’ అనే నినాదంతో జనవరి 22న ఈ కార్యక్రమాన్ని ప్రారంభించాయి. వ్యర్థాలుగా వదిలి వేయడం కారణంగా ప్రతి ఏటా 1.3 బిలియన్ టన్నుల ఆహారాన్ని నష్టపోతున్నట్లు, ఇందుకు దారితీస్తున్న అలవాట్లను మార్చే ఉద్దేశంతో ఈ ప్రచారం చేపట్టాయి. ఉత్పత్తి స్థాయిలో అంటే పండే చోట, ప్రాసెసింగ్, పంపిణీ వద్ద ఆహారం అధికంగా వథా అవుతోంది. దీని విలువ ప్రతి సంవత్సరం ఒక ట్రిలియన్ డాలర్లు.

పాదరసం నియంత్రణపై ఒప్పందం
హానికరమైన పాదరసం వినియోగాన్ని పరిమితం చేస్తూ రూపొందించిన ఒప్పందాన్ని 140 దేశాలు అంగీకరించాయి. జెనీవా (స్విట్జర్లాండ్)లో జరిగిన చర్చల్లో ఈ మేరకు అంగీకారానికి వచ్చాయి. పాదరసం వినియోగంపై ప్రపంచంలో చట్టబద్ధంగా కట్టుబడాల్సిన మొట్ట మొదటి ఒప్పందం ఇదే. దీన్ని ‘మినమటా కన్వెన్షన్ ఆన్ మెర్క్యురీ’గా పిలుస్తారు. మినమటా అనేది జపాన్‌లోని పట్టణం. ఇక్కడ దశాబ్దాలుగా ప్రజలు పాదరస ప్రభావానికి తీవ్రంగా గురయ్యారు. విషతుల్యమైన పాదరసాన్ని క్విక్ సిల్వర్‌గా కూడా పేర్కొంటారు. ఇది మానవ ఆరోగ్యానికి, పర్యావరణానికి తీవ్ర ముప్పు కలిగిస్తుంది. దీని ప్రభావం వల్ల శరీర రోగ నిరోధక వ్యవస్థ దెబ్బతింటుంది. పిండస్థ శిశువులు, చిన్న పిల్లలకు ఈ ముప్పు తీవ్రంగా ఉంటుంది. మానసిక రుగ్మతలు, శ్వాసకోశ సమస్యలు తలెత్తుతాయి. ఇది ఎలక్ట్రికల్ స్విచ్‌లు, థర్మామీటర్లు, బల్బులు, ఫేసియల్ క్రీమ్ వంటి వాటిల్లో ఉంటుంది. మైనింగ్, బొగ్గును మండించే విద్యుత్, సిమెంట్ కర్మాగారాల నుంచి ఎక్కువగా విడుదలవుతుంది.

పునర్వినియోగ ఇంధన ప్రపంచ అట్లాస్ ఆవిష్కరణ
పునర్వినియోగ ఇంధనాలపై ప్రపంచ అట్లాస్‌ను అంతర్జాతీయ పునర్వినియోగ ఇంధన సంస్థ (ఐఆర్‌ఈఎన్‌ఏ) జనవరి 13న ఆవిష్కరించింది. ఇది ఆయా దేశాలకు తమ పునర్వియోగ ఇంధన సామర్థ్యానికి సంబంధించిన సమాచారాన్ని అందుబాటులో ఉంచుతుంది. అబుదాబీలో జరిగిన ఐఆర్‌ఈఎన్‌ఏ రెండు రోజుల వార్షిక సమావేశంలో ఈ అట్లాస్‌ను విడుదల చేశారు. ప్రస్తుతం ఇందులో సౌర, పవన(విండ్) వనరులకు సంబంధించిన సమాచారం ఉంది. అబుదాబీ కేంద్రంగా 2011లో ఐఆర్‌ఈఎన్‌ఏ ఏర్పాటైంది. అన్ని విధాలైన పునర్వియోగ ఇంధన వనరుల సుస్థిర వినియోగానికి ప్రాచుర్యం కల్పించేందుకు ఐఆర్‌ఈఎన్‌ఏ పని చేస్తుంది.

శ్రీలంక కొత్త చీఫ్ జస్టిస్ మోహన్ పీరిస్
శ్రీలంక నూతన ప్రధాన న్యాయమూర్తిగా ఆ దేశ మాజీ అటార్నీ జనరల్ మోహన్ పీరిస్‌ను దేశాధ్యక్షుడు మహీంద్ర రాజపక్సే నియమించారు. పీరిస్ ప్రస్తుతం లంక కేబినెట్ న్యాయ సలహాదారుగా వ్యవహరిస్తున్నారు. అవినీతి ఆరోపణలు రుజువు కావడంతో పీరిస్‌కు ముందు చీఫ్ జస్టిస్‌గా ఉన్న శిరానీ బండారునాయకేను రాజపక్సే జనవరి 13న పదవి నుంచి తొలగించారు.

రెండోసారి ఒబామా ప్రమాణ స్వీకారం
అమెరికా అధ్యక్షుడిగా బరాక్ హుస్సేన్ ఒబామా జనవరి 20న రెండోసారి ప్రమాణ స్వీకారం చేశారు. తాజాగా బాధ్యతల స్వీకరణతో రెండోసారి అమెరికా అధ్యక్షుడైన 21వ వ్యక్తిగా కూడా ఆయన రికార్డు సష్టించారు. అధ్యక్ష ఎన్నికల్లో ఒబామా ఇంతకుముందే గెలిచినప్పటికీ, రాజ్యాంగ ప్రకారం కొత్త అధ్యక్షుడిగా ప్రమాణ స్వీకారం మాత్రం జనవరి 20న జరిగింది. అదే రోజు అమెరికా ఉపాధ్యక్షుడిగా జోయ్ బిడెన్ ప్రమాణ స్వీకారం చేశారు. బిడెన్ కూడా ఈ పదవిని చేపట్టడం వరుసగా ఇది రెండోసారి.

శ్రీలంక చీఫ్ జస్టిస్ తొలగింపు
శ్రీలంక మొదటి మహిళా చీఫ్ జస్టిస్ శిరానీ బండారునాయకేను ఆ దేశాధ్యక్షుడు మహీంద్ర రాజపక్సే పదవి నుంచి తొలగించారు. బండారునాయకేపై వచ్చిన అవినీతి ఆరోపణలు రుజువు కావడంతో రాజపక్సే ఈ చర్య తీసుకున్నారు. బండారునాయకేను తొలగించడానికి ఉద్దేశించిన మహాభియోగ తీర్మానాన్ని శ్రీలంక పార్లమెంట్ ఆమోదించింది. ఇందుకోసం జనవరి 11న జరిగిన ఓటింగ్‌లో తీర్మానానికి అనుకూలంగా 155 మంది సభ్యులు, వ్యతిరేకంగా 49 సభ్యులు ఓటేశారు.

పర్యావరణ ప్రమాదాలపై డబ్ల్యూఈఎఫ్ నివేదిక
పర్యావరణ ప్రమాదాలను ఎదుర్కోవడంపై రూపొందించిన వార్షిక నివేదికను జెనీవాలోని వరల్డ్ ఎకనామిక్ ఫోరమ్ (డబ్ల్యూఈఎఫ్) జనవరి 8న విడుదల చేసింది. ఇందులో ప్రపంచంలోని ప్రధాన ఆర్థిక వ్యవస్థలైన.. బ్రెజిల్, చైనా, జర్మనీ, ఇండియా, ఇటలీ, జపాన్, స్విట్జర్లాండ్, రష్యా, యూకే, అమెరికా దేశాలకు ర్యాంకులు కేటాయించింది. ఈ నివేదిక ప్రకారం ప్రపంచంలో ఆర్థిక ప్రమాదాలను ఎదుర్కొనే సామర్థ్యంలో భారత్ 9వ స్థానంలోనూ, పర్యావరణ ప్రమాదాలను ఎదుర్కోవడంలో 10వ స్థానంలోనూ ఉంది. ఈ జాబితాలో స్విట్జర్లాండ్ మొదటి స్థానంలో నిలిచింది. 

బ్లూమ్‌బర్గ్ బిలియనీర్స్ సూచీ
బ్లూమ్‌బర్గ్ బిలియనీర్స్ సూచీలో రిలయన్స్ ఇండస్ట్రీస్ సీఎండీ ముకేశ్ అంబానీకి 18వ స్థానం దక్కింది. ప్రపంచంలో 100 మంది అత్యంత సంపన్నులతో రూపొందించిన ఈ జాబితాను బ్లూమ్‌బర్గ్ జనవరి 2న విడుదల చేసింది. ఇందులో మెక్సికన్ టెలికమ్యూనికేషన్స్ దిగ్గజం టెల్మెక్స్ చైర్మన్ కార్లోస్ స్లిమ్ అగ్రస్థానంలో ఉన్నారు. మైక్రోసాఫ్ట్ వ్యవస్థాపకుడు బిల్ గేట్స్, ఫ్యాషన్ రిటైలింగ్ సంస్థ జారా వ్యవస్థాపకుడు ఆమాన్చియో ఓర్టెగా వరుసగా రెండు, మూడో స్థానాల్లో నిలిచారు. ఇన్వెస్ట్‌మెంట్ గురు వారెన్ బఫెట్‌కు నాలుగో స్థానం, ఐకియా వ్యవస్థాపకుడు ఇంగ్వర్‌కాంప్రాద్‌కు అయిదో స్థానం దక్కింది.

స్టేట్ ఆఫ్ పాలస్తీనా
దేశం హోదా కల్పించాలన్న డిమాండ్‌కు ఐక్యరాజ్యసమితి సాధారణ అసెంబ్లీ మద్దతిచ్చిన నేపథ్యంలో పాలస్తీనా ప్రాధికార సంస్థ అధికారికంగా ‘స్టేట్ ఆఫ్ పాలస్తీనా’ అనే పేరును ఖరారు చేసుకుంది. ఇకపై అన్ని అధికార పత్రాల్లో ఈ పేరునే వినియోగించాలని అధ్యక్షుడు మహ్మద్ అబ్బాస్ ఆదేశాలు జారీ చేశారు.

AIMS DARE TO SUCCESS 

ఫిబ్రవరి 2013 అంతర్జాతీయం
క్యూబా అధ్యక్షుడిగా రౌల్ కాస్ట్రో
క్యూబా అధ్యక్షుడిగా రౌల్ కాస్ట్రో రెండోసారి ఎన్నికయ్యారు. కాస్ట్రో మరో ఐదేళ్ల పాటు ఆ పదవిలో కొనసాగుతారు. ఉపాధ్యక్షుడిగా మిగేల్ దియాజ్ క్యానల్ నియమితులయ్యారు. గత ప్రభుత్వంలో దియాజ్ విద్యా మంత్రిగా బాధ్యతలు నిర్వహించారు.

సౌర కుటుంబం వెలుపల చిన్న గ్రహం
సౌర కుటుంబం వెలుపల అతి చిన్న గ్రహాన్ని నాసా శాస్త్రవేత్తలు ఫిబ్రవరి 21న కనుగొన్నారు. ఇప్పటివరకు మనకు తెలిసిన 800 పై చిలుకు సౌరకుటుంబేతర గ్రహాల్లో ఇదే అతి చిన్నది. ఇది చంద్రుడి కంటే కొంచెం పెద్దగా, భూమి సైజులో మూడో వంతు ఉంటుంది. సూర్యుని వంటి నక్షత్రం చుట్టూ 13 రోజులకోకసారి పరిభ్రమిస్తుంది. దీనికి కెప్లర్-37బి అనే పేరు పెట్టారు. ఇది భూమికి 210 కాంతి సంవత్సరాల దూరంలో లైరా అనే నక్షత్ర మండలంలో ఉంది.

‘కిషన్‌గంగ’ నీటిపై తీర్పు
భారత్-పాకిస్థాన్‌ల మధ్య కిషన్‌గంగ జలవిద్యుత్ ప్రాజెక్ట్ విషయంలో తలెత్తిన వివాదానికి నెదర్లాండ్స్‌లో ది హేగ్‌లోని అంతర్జాతీయ ఆర్బిట్రేషన్ కోర్టు తెరదించింది. ఈ ప్రాజెక్ట్ కోసం కిషన్‌గంగ నది (పాక్‌లో నీలం నది) నీటిని జలవిద్యుత్ ప్లాంటుకు తరలించేందుకు భారత్‌కు హక్కుందని తెలిపింది. 

1960లో ఇరు దేశాల మధ్య కుదిరిన సింధు జలాల ఒప్పందం ప్రకారం- భారత్ కిషన్‌గంగ నది నీటిని జలవిద్యుత్ ఉత్పాదనకు తరలించుకోవచ్చని పేర్కొంది. అదే సమయంలో పాక్ వ్యవసాయ ప్రయోజనాల దష్ట్యా ఈ నదిలో కనీస నీటి ప్రవాహం ఉండేలా చూడాల్సిన బాధ్యత భారత్‌పై ఉందని పేర్కొంది. ఈ మేరకు ఫిబ్రవరి 18న పాక్షిక తీర్పును ఇచ్చింది. ఇరు దేశాలు నది ప్రవాహానికి సంబంధించిన తాజా గణాంకాలు అందిస్తే.. ఈ ఏడాది చివర్లోగా కనీస నీటి ప్రవాహం స్థాయిని ఖరారుచేస్తూ తుది తీర్పు వెలువరిస్తామని తెలిపింది.

పార్క్ గెయున్ ప్రమాణం 
దక్షిణ కొరియా తొలి మహిళా అధ్యక్షురాలిగా పార్క్ గెయున్ హై ఫిబ్రవరి 25న ప్రమాణ స్వీకారం చేశారు. పార్క్ గెయున్ సైనిక నియంత, ఆ దేశ మూడో అధ్యక్షుడైన దివంగత పార్‌‌క చుంగ్ హే పెద్ద కుమార్తె. ఈమె..ఆసియాలోని నాలుగో అతిపెద్ద ఆర్థిక శక్తి అయిన దక్షిణ కొరియాకు 18వ అధ్యక్షురాలిగా సారథ్యం వహించనున్నారు. 

మూడో అణుపరీక్ష జరిపిన ఉత్తర కొరియా
భూగర్భ అణు పరీక్షను విజయ వంతంగా నిర్వహించినట్లు ఉత్తర కొరియా ఫిబ్రవరి 12న ప్రకటించింది. ఐక్యరాజ్య సమితి ఆంక్షలు ఉల్లంఘించి జరిపిన ఈ పరీక్షను ఐక్యరాజ్యసమితి, అమెరికా, భారత్ తోపాటు ప్రపంచ దేశాలు ఖండించాయి. 2006, 2009 తర్వాత ఉత్తర కొరియా జరిపిన మూడో అణుపరీక్ష ఇది. దీని తీవ్రత రిక్టర్ స్కేల్‌పై 4.9గా నమోదైంది. దీన్ని నార్‌‌త హంజీయాంగ్ ప్రావిన్‌‌సలోని పుంగ్సీ-రీ న్యూక్లియర్ కాంప్లెక్స్‌లో నిర్వహించారు. గత రెండు పరీక్షల కంటే ప్రస్తుతం జరిపింది చాలా శక్తివంతమైన అణుపరీక్ష. సూక్ష్మీ కరించిన పరికరం ద్వారా నిర్వహించిన మూడోపరీక్షలో విజయం సాధించినట్లు ఉత్తర కొరియా ప్రకటించింది. 2006, 09లో కూడా ఇక్కడే అణు పరీక్షలు జరిపింది. 2009లో పరీక్ష తర్వాత ఉత్తర కొరియాపై ఐక్యరాజ్యసమితి భద్రతా మండలి గట్టి ఆంక్షలు విధించింది.

హతాఫ్-9 క్షిపణిని పరీక్షించిన పాక్
పాకిస్తాన్ అణ్వాయు ధ సామర్థ్యం ఉన్న హతాఫ్ -9 (నాజర్) క్షిపణిని ఫిబ్రవరి 11న విజయవంతంగా పరీక్షిం చింది. ఉపరితలం నుంచి ఉపరితలంలోకి ప్రయోగిం చే ఈ క్షిపణి 60 కిలోమీట ర్ల పరిధిలోని లక్ష్యాన్ని ఛేదించడంతోపాటు అణ్వాయుధాలను మోసుకుపోగలదు.

నషీద్‌కు భారత దౌత్య కార్యాలయంలో ఆశ్రయం
మాల్దీవుల మాజీ అధ్యక్షుడు మహమ్మద్ నషీద్ మాలేలోని భారత దౌత్య కార్యాల యంలో ఫిబ్రవరి 13న ఆశ్రయం పొందారు. నషీద్‌కు మాల్దీవుల్లోని కోర్టు అరెస్ట్ వారెంట్ జారీ చేసింది. దీంతో ఆయన అరెస్ట్ భయంతో భారత్ ఆశ్రయం కోరారు. క్రిమినల్ కోర్‌‌ట జడ్జిని నిర్బంధించిన కేసులో విచారణకు హాజరుకాకపోవడంతో ఆయనపై అరెస్ట్ వారెంట్ జారీ అయింది.

హతాఫ్-2 అణు క్షిపణిని పరీక్షించిన పాక్
అణు సామర్థ్యం ఉన్న హతాఫ్-2 (అబ్దాలీ) క్షిపణిని పాకిస్తాన్ ఫిబ్రవరి 15న విజయవంతంగా పరీక్షించింది. 180 కి.మీ. దూరంలోని లక్ష్యాన్ని ఈ క్షిపణి ఛేదించ గలదు. ఇది ఉపరితలం నుంచి ఉపరితలం లోకి ప్రయాణించే బాలిస్టిక్ క్షిపణి. ఇది అణు సంప్రదాయ ఆయుధాలను మోసు కుపోగలదు.

) మధ్యగా ఆ శకలం దూసుకెళ్లింది. ఇది మళ్లీ 2019 ఫిబ్రవరి 15న భూమికి చేరువగా వస్తుంది.

అమెరికాలో ‘నెమో’ తుఫాను
ఈశాన్య అమెరికాలో మంచు తుఫాను తీవ్ర అంతరాయం కలిగించింది. ఫిబ్రవరి 8న సంభవించిన ఈ తుఫాను తాకిడికి ఐదుగురు మరణించారు. విద్యుత్ సరఫరా, రవాణాకు అంతరాయం కలిగింది. అనేక విమానాలను రద్దు చేశారు. కెనడాతో పాటు న్యూయార్క్, కనెక్టికట్, మసాచుసెట్స్, రోడ్ ఐలాండ్ రాష్ట్రాలు ఈ తుఫాను ధాటికి గురయ్యాయి. ఈ మంచు తుఫానుకు ‘నెమో’ అని పేరు పెట్టారు.

సోలమన్ దీవుల్లో భూకంపం
దక్షిణ పసిఫిక్‌లో సోలమన్ దీవుల్లో ఫిబ్రవరి 6న 8.0 తీవ్రతతో భారీ భూకంపం సంభ వించింది. దీనివల్ల పసిఫిక్ తీరంలో చిన్నపాటి సునామీ అలలు చెలరేగాయి. తొమ్మిది మంది మరణించారు. అనేక ఇళ్లు దెబ్బతిన్నాయి. 100 గ్రామాలు సునామీ ధాటికి గురయ్యాయి. సోలమన్ దీవులు ‘రింగ్ ఆఫ్ ఫైర్’ జోన్‌లో భాగంగా ఉన్నాయి. ఈ ప్రాంతంలో భూకంపాలు, అగ్నిపర్వతాలు పేలడం సంభవిస్తుంటాయి. 2007లో సోలమన్ దీవుల్లో 8.0 తీవ్రతతో సంభవించిన భూకంప ధాటికి 52 మంది మరణించారు. వేలాది మంది నిరాశ్రయులయ్యారు. సోలమన్స్‌లో 200 పైగా దీవులున్నాయి. ఈ దీవుల్లో 5,52,000 జనాభా ఉంది.

భారత్-బంగ్లాదేశ్ ఒప్పందాలు
భారత్-బంగ్లాదేశ్ మధ్య నేరస్తుల అప్పగింతపై ఒప్పందం కుదురింది. భారత హోం శాఖ మంత్రి సుశీల్ కుమార్ షిండే బంగ్లాదేశ్ పర్యటన సమయంలో ఈ ఒప్పందం కుదిరింది. ఈ మేరకు జనవరి 28న ఇరు దేశాలు బంగ్లాదేశ్ రాజధాని ఢాకాలో ఈ ఒప్పందాలపై సంతకాలు చేశాయి. ఇరు దేశాల్లో చట్టాలను అమలు చేసే సంస్థల మధ్య సహకారాన్ని మరింత పెంచేందుకు, నేరస్థులను నిరోధించడానికి ఇది దోహదపడుతుంది. సవరించిన రవాణా ఒప్పందంపై కూడా ఇరు దేశాలు ఒక అవగాహనకు వచ్చాయి. దీని వల్ల ఇరు దేశాల మధ్య వీసా ప్రక్రియ మరింత సరళం కానుంది. 

అమెరికా విదేశాంగ మంత్రిగా జాన్ కెర్రీ
అమెరికా విదేశాంగ మంత్రిగా సీనియర్ సెనెటర్ జాన్ కెర్రీ ఫిబ్రవరి 2న ప్రమాణ స్వీకారం చేశారు. హిల్లరీ క్లింటన్ స్థానంలో కెర్రీ బాధ్యతలు స్వీకరించారు. 

పత్రికా స్వేచ్ఛలో భారత్‌కు 140వ స్థానం
ప్రపంచ పత్రికా స్వేచ్ఛా సూచీలో భారత్ 140వ స్థానంలో నిలిచింది. ‘రిపోర్టర్స్ విత్ ఔట్ బోర్డర్స్’ అనే సంస్థ జనవరి 30న విడుదల చేసిన ‘2013 వరల్డ్ ప్రెస్ ఫ్రీడం ఇండెక్స్’ ఈ విషయాన్ని పేర్కొంది. 179 దేశాల్లో ఈ సర్వే చేసింది. దీని ప్రకారం ఫిన్లాండ్, నెదర్లాండ్స్, నార్వేలు మొదటి మూడు స్థానాల్లో ఉండగా.. తుర్క్‌మెనిస్థాన్, ఉత్తర కొరియా, ఎరిత్రియాలు చివరి మూడు స్థానాల్లో నిలిచాయి.

AIMS DARE TO SUCCESS 

మార్చి 2013 అంతర్జాతీయం
దర్బన్‌లో ‘బ్రిక్స్’ సదస్సు
బ్రెజిల్, రష్యా, ఇండియా, చైనా, సౌత్ ఆఫ్రికా(బ్రిక్స్) దేశాల ఐదో సదస్సు దక్షిణాఫ్రికా నగరం దర్బన్‌లో 2013 మార్చి 26, 27 తేదీల్లో జరిగింది. ‘బ్రిక్స్, ఆఫ్రికా-అభివద్ధి ఏకీకరణ, పారిశ్రామికీకరణ కోసం భాగస్వామ్యం’ అనే ఇతివత్తంతో సదస్సు నిర్వహించారు. 100 బిలియన్ డాలర్ల నిధితో బ్రిక్స్ ఆభివద్ధి బ్యాంక్ ఏర్పాటు చేయాలని సదస్సులో నిర్ణయించారు. సభ్యదేశాల్లో పెట్టుబడులు, వ్యాపారం ప్రోత్సహించేందుకు, వ్యాపార సహకారాన్ని పెంచేందుకు ‘బ్రిక్స్ వాణిజ్య మండలి’ని ప్రారంభించారు. అంతర్జాతీయ ఉగ్రవాదంపై సమగ్ర ఒప్పందానికి చర్చలను సత్వరం పూర్తి చేయాలని,పటిష్టమైన, సుస్థిర, సమతౌల్య వద్ధిని పెంపొందించేందుకు జి-20 నాయకులు రూపొందించిన అజెండాను కొనసాగించేందుకు సమష్టిగా పనిచేయాలని బ్రిక్స్ దేశాలు నిర్ణయించాయి. బిక్స్ బిజినెస్ ఫోరమ్ సమావేశంలో సమీకత అభివద్ధి, పారిశ్రామికీకరణ కోసం బ్రిక్స్, ఆఫ్రికాల మధ్య మరింత సన్నిహిత భాగస్వామ్యానికి అంగీకరించాయి. 

ఆఫ్రికాఖండంలో మౌలిక సదుపాయాల అభివద్ధి, పారిశ్రామికీకరణకు బ్రిక్స్ దేశాలు మరింత చురుకుగా మద్దతునిస్తాయి. ప్రపంచంలో ఆర్థిక శక్తులుగా ఎదుగుతున్న ఐదు దేశాలైన బ్రెజిల్, రష్యా, ఇండియా, చైనా, దక్షిణాఫ్రికాలను బ్రిక్స్‌గా పిలుస్తారు. 2001లో ఏర్పడిన బ్రిక్.. 2010లో దక్షిణాఫ్రికా చేరికతో బ్రిక్స్‌గా మారింది. ప్రపంచ జనాభాలో 40 శాతం బ్రిక్స్ దేశాల్లో ఉంది. ప్రపంచ భూభాగంలో 30 శాతం, జీడీపీలో 25 శాతం వాటా ఈ దేశాలదే. బ్రిక్స్ ఆరో సదస్సును 2014లో బ్రెజిల్‌లో నిర్వహించనున్నారు.

దోహాలో అరబ్ లీగ్ సదస్సు
కతార్ రాజధాని దోహాలో 24వ అరబ్‌లీగ్ సదస్సు 2013 మార్చి 26న జరిగింది. ప్రతిపక్షాలను అణగదొక్కుతుందన్న కారణంగా 2011లో అరబ్ లీగ్ నుంచి సిరియాను సస్పెండ్ చేశారు. ప్రస్తుతం సిరియా స్థానం లో ఆ దేశ తిరుగుబాటుదారులకు స్థానం కల్పించారు. సిరియా తిరుగుబాటుదారులకు ఆయుధాలతోపాటు అన్ని రకాల మద్దతు తెలపాలని సదస్సు తీర్మానించింది. సిరియన్లపై ప్రభుత్వ సైనిక దాడులను డిక్లరేషన్‌లో సదస్సు ఖండించింది. సిరియా పునర్నిర్మాణానికి ఐక్యరాజ్యసమితి పరిధిలో అంతర్జాతీయ సమావేశం ఏర్పాటు, సిరియా జాతీయ సంకీర్ణాన్ని, ప్రతిపక్ష దళాలను చట్టబద్దమైన ప్రభుత్వంగా గుర్తించాలని అంతర్జాతీయ సమాజానికి సదస్సు పిలుపునిచ్చింది. అరబ్ తూర్పు జెరూసలెంకు బిలియన్ డాలర్ల నిధి ఏర్పాటుకు సదస్సు అమోదం తెలిపింది. తూర్పు జెరూసలెం రాజధానిగా స్వతంత్ర దేశాన్ని పాలస్తీనీయులు కోరుతున్నారు.పాలస్తీనా భూభాగం, గోలన్ హైట్స్‌లోని అరబ్ భూభాగం నుంచి ఇజ్రాయిల్ వైదొలగడం ద్వారా శాంతికి దారితీసే చర్యలు తక్షణమే చేట్టాలని సదస్సు పిలుపునిచ్చింది. ఈ సదస్సులో 15 అరబ్ దేశాల అధినేతలు పాల్గొన్నారు. 1945లో అరబ్‌లీగ్ ఏర్పడింది. 

కొత్త పోప్ ఫ్రాన్సిస్-1
కొత్త పోప్‌గా అర్జెంటీనా మతాధికారి జార్జి మారియో బెర్గోగ్లియో మార్చి 13న ఎన్నికయ్యారు. ఆయనను ఇక నుంచి పోప్ ఫ్రాన్సిస్-1గా వ్యవహరిస్తారు. రెండువేల సంవత్సరాల కేథలిక్ చర్చి చరిత్రలో ఉత్తర, దక్షిణ అమెరికా ఖండాల నుంచి పోప్‌గా ఒక మతాధికారి ఎన్నికవడం ఇదే తొలిసారి. పోప్ బెనెడిక్ట్ తన పదవికి రాజీనామా చేయడంతో కొత్త పోప్ ఎన్నిక అనివార్యమైంది. ఈ ఎన్నికతో 266వ పోప్ అధికారంలోకి వచ్చారు. ప్రపంచవ్యాప్తంగా ఉన్న దాదాపు 120 కోట్ల మంది కేథలిక్ క్రెస్తవులకు పోప్ మతాధికారిగా వ్యవహరిస్తారు. 

చెనా అధ్యక్షుడిగా జిన్‌పింగ్ బాధ్యతలు
చైనా అధ్యక్షుడిగా జీ జిన్‌పింగ్ మార్చి 14న పదవీ బాధ్యతలు స్వీకరించారు. మిలటరీ కమిషన్ చైర్మన్‌గా కూడా ఆయన బాధ్యతలు చేపట్టారు. నాలుగు నెలల క్రితం ఆయన చైనా కమ్యూనిస్టు పార్టీ (సీపీసీ) ప్రధాన కార్యదర్శిగా ఎన్నికైన సంగతి తెలిసిందే. మూడువేల మంది సభ్యులు గల చైనా పార్లమెంటు (నేషనల్ పీపుల్స్ కాంగ్రెస్) జిన్‌పింగ్‌ను దేశాధ్యక్షుడిగా, మిలటరీ కమిషన్ చైర్మన్‌గా ఎన్నుకుంది. చైనా నూతన ప్రధానమంత్రిగా లీ కెకియాంగ్ మార్చి 15న ఎన్నికయ్యారు. కెకియాంగ్ పేరును ప్రధాని పదవికి అధికార కమ్యూనిస్ట్ పార్టీ ఆఫ్ చైనా (సీపీసీ) ప్రతిపాదించగా... ఆ దేశ పార్లమెంటు నేషనల్ పీపుల్స్ కాంగ్రెస్ (ఎన్‌పీసీ) ఎన్నుకుంది. 

మానవాభివద్ధి సూచీలో భారత్‌కు 136వ స్థానం
యునెటైడ్ నేషన్స్ డెవలప్‌మెంట్ ప్రోగ్రామ్ (యూఎన్‌డీపీ) మానవాభివద్ధి నివేదిక-2013లో భారత్‌కు 136వ స్థానం (గతంలో 134వ స్థానం) లభించింది. యూఎన్‌డీపీ మార్చి 14న ఈ నివేదికను విడుదల చేసింది. ఇందులో 187 దేశాలకు ర్యాంకులు కేటాయించింది. ఈ సూచీలో నార్వే మొదటి స్థానంలో నిలిచింది. ఆస్ట్రేలియా రెండో స్థానంలో, అమెరికా మూడో స్థానంలో ఉన్నాయి. ఈ నివేదికలో చైనా స్థానం 101. చాద్ (184వ స్థానం), మొజాంబిక్ (185వ స్థానం), కాంగో(186వ స్థానం), నైజర్(186వ స్థానం) చివరి స్థానాల్లో నిలిచాయి. విద్య, ఆరోగ్యం, ఆదాయం అనే మూడు అంశాలాధారంగా మానవాభివద్ధి సూచీని రూపొందిస్తారు.

నేపాల్ ప్రధానిగా రేగ్మీ ప్రమాణం
నేపాల్ సుప్రీం కోర్టు ప్రధాన న్యాయమూర్తి ఖిల్ రాజ్ రేగ్మీ ఆ దేశ తాత్కాలిక ప్రధానిగా మార్చి 14న ప్రమాణ స్వీకారం చేశారు. ఆ దేశ చరిత్రలో తొలిసారిగా సుప్రీంకోర్టు ప్రధాన న్యాయమూర్తి (సీజేఐ) ప్రధానిగా పగ్గాలు చేపట్టారు. అన్నీ సవ్యంగా సాగితే ఈయన నేతత్వంలోని తాత్కాలిక ప్రభుత్వం జూన్ 21 నాటికల్లా రాజ్యాంగ పరిషత్ ఎన్నికలు నిర్వహించనుంది.

పూర్తి కాలం కొనసాగిన పాక్ జాతీయ అసెంబ్లీ
పాకిస్థాన్ జాతీయ అసెంబ్లీ చరిత్ర సష్టించింది. తొలి సారి పూర్తి కాలం కొనసాగి పాక్ రాజకీయాల్లో మైలురాయిగా నిలిచింది. జాతీయ అసెంబ్లీ లేదా పార్లమెంట్ దిగువ సభ మార్చి 16తో ఐదేళ్ల కాలాన్ని పూర్తి చేసుకుంది. ఎన్నికల ద్వారా ఎంపికైన సర్కారును సైన్యం లేదా ఇతర రాజకీయ శక్తులు కూలదోయకపోవడం ఆ దేశంలో ఇదే తొలిసారి. ప్రభుత్వ గడువు పూర్తవడంతో ప్రధాని రజా అష్రాఫ్ మంత్రి వర్గం రద్దయింది. పాకిస్థాన్‌లో ఇంతకుముందు 12 జాతీయ అసెంబ్లీలో ఏ ఒక్కటీ పూర్తి కాలం పని చేయకపోవడం గమనార్హం.

చావెజ్ మృతి
లాటిన్ అమెరికా దేశం వెనిజులా అధ్యక్షుడు హ్యూగో చావెజ్ అనారోగ్యం (కేన్సర్ వ్యాధి) తో మార్చి 5న ఆ దేశ రాజధాని కారకస్‌లో మరణించారు. చావెజ్ 14 సంవత్సరాలపాటు వినిజులా అధ్యక్షుడిగా ఉన్నారు. గతేడాది అక్టోబర్ లో జరిగిన ఎన్నికల్లో మరో ఆరేళ్ల కాలానికి చావెజ్ అధ్యక్షునిగా ఎన్నికయ్యారు. ఈయన 1999లో తొలిసారిగా అధ్యక్ష బాధ్యతలు స్వీకరించారు. చావెజ్ 1954 జూలై 28న బరినాస్ (వెనిజులా) లో జన్మించారు. చావెజ్ మృతి నేపథ్యంలో ఆ దేశ ఉపాధ్యక్షుడు నికోలస్ మదురో తాత్కాలిక అధ్య క్షుడిగా బాధ్యతలు చేపట్టారు.

కెన్యా నూతన అధ్యక్షుడిగా ఉహురు కెన్యాట్ట
కెన్యా దేశ అధ్యక్ష పదవికి జరిగిన ఎన్నికల్లో ఆ దేశ ఉప ప్రధాని ఉహురు కెన్యాట్ట విజయం సాధించారు. మార్చి 9న విడుదలైన ఫలితాల్లో కెన్యాట్టకు 50.07 శాతం ఓట్లు, ఆయన ప్రత్యర్ధి ప్రస్తుత ప్రధాని రైలా ఒడింగాకు 43.28 శాతం ఓట్లు లభించాయి. 

ఐఏఈఏ అధిపతిగా అమనో
అంతర్జాతీయ అణుశక్తి సంస్థ (ఐఏఈఏ) అధిపతిగా యుకియా అమనో (జపాన్) రెండో సారి ఎన్నికయ్యారు. మార్చి 7న వియన్నాలో జరిగిన ఐఏఈఏ సమావేశంలో ఈ ఎన్నిక నిర్వహించారు. అమనో నాలుగేళ్లపాటు ఈ పదవిలో ఉంటారు.

ఉత్తర కొరియాపై ఐరాస ఆంక్షలు
ఐక్యరాజ్యసమితి భద్రతా మండలి మార్చి 7న ఉత్తర కొరియాపై ఆంక్షలను మరింత కఠినతరం చేసింది. ఫిబ్రవరిలో నిర్వహించిన అణు పరీక్షలకు ప్రతిగా ప్రతిపాదించిన ఆంక్షల తీర్మానానికి భద్రతా మండలి ఏకగ్రీవంగా ఆమోదం తెలిపింది. ఆ దేశ బ్యాంకింగ్, రాకపోకలు, వాణిజ్యంపై నిషేధం విధిస్తూ ఆంక్షలను మరింత కఠినం చేసింది. ఐక్యరాజ్యసమితి నిషేధిత జాబితాలో ప్రభుత్వ సైన్స్ అకాడమీ, ట్రేడింగ్ కంపెనీ, కొరియా మైనింగ్ డెవలప్‌మెంట్ ట్రేడింగ్ కార్పొరేషన్ అధిపతి, డిప్యూటీ చీఫ్‌లను చేర్చింది. 2006, 09 సంవత్సరాల్లో అణు పరీక్షలు జరిపిన తర్వాత ఉత్తర కొరియాపై విధించిన ఆంక్షల కంటే ప్రస్తుత ఆంక్షలు కఠినమైనవి.

మిత్రాకు ప్రతిష్టాత్మక ‘టెడ్’ ప్రెజ్
ప్రవాస భారతీయ విద్యావేత్త, బ్రిటన్‌లోని న్యూక్యాసిల్ యూనివర్సిటీ ఎడ్యుకేషనల్ టెక్నాలజీ ప్రొఫెసర్ డాక్టర్ సుగతా మిత్రా 2013 ఏడాదికిగాను ఫిబ్రవరి 26న అమెరికాలోని కాలిఫోర్నియాలో ప్రతిష్టాత్మక ‘టెడ్’ ప్రెజ్ అందుకున్నారు. అవార్డు కింద మిత్రాకు సుమారు రూ. 5.4 కోట్ల (10 లక్షల డాలర్లు) నగదును కూడా బహూకరించారు. భారత్‌లోని మురికివాడల పిల్లలకు కంప్యూటర్ విద్యను అందించేందుకు మిత్రా 1999లో ‘హోల్ ఆన్ ద వాల్’ అనే కార్యక్రమాన్ని చేపట్టారు. టెక్నాలజీ, ఎంటర్‌టైన్‌మెంట్, డిజైన్ (టెడ్) అనే మూడు రంగాల్లో విశేష కషి చేసిన వ్యక్తులను ప్రోత్సహించేందుకు టెడ్ సంస్థ ఏటా ఈ బహుమతిని అందిస్తోంది.

అమెరికా రక్షణమంత్రిగా హేగెల్
అమెరికా నూతన రక్షణ శాఖ మంత్రిగా చక్ హేగెల్ ఫిబ్రవరి 27న ప్రమాణ స్వీకారం చేశారు.

ఫోర్బ్స్ బిలియనీర్ల జాబితా
బిజినెస్ మ్యాగజీన్ ఫోర్బ్స్ మార్చి 4న బిలియనీర్ల జాబితాను విడుదల చేసింది. ఇందులో ప్రపంచం మొత్తం మీద అత్యధిక స్థాయిలో 1,426 మంది స్థానాలను పొందగా, 55 మంది భారతీయులకు చోటు లభించింది. భారతీయుల్లో కుబేరుడిగా ముకేష్ అంబానీ మళ్లీ టాప్ ర్యాంక్‌ను సొంతం చేసుకున్నారు. తద్వారా వరుసగా ఆరో ఏడాది అత్యంత సంపన్న భారతీయుడిగా నిలిచారు. ముకేష్ సంపద 21.5 బిలియన్ డాలర్లుకాగా, 16.5 బిలియన్ డాలర్ల ఆస్తులతో స్టీల్ దిగ్గజం లక్ష్మీ మిట్టల్ రెండో ర్యాంక్‌ను పొందారు. విప్రో అధినేత ప్రేమ్‌జీ 11.2 బిలియన్ డాలర్లతో మూడో స్థానాన్ని సొంతం చేసుకున్నారు. కాగా, ప్రపంచ కుబేరుల్లో మెక్సికన్ వ్యాపారవేత్త కార్లోస్ స్లిమ్ (73 బిలియన్ డాలర్లు) వరుసగా నాలుగోసారి అగ్రస్థానాన్ని పొందడం విశేషం. స్లిమ్ తన స్థానాన్ని మరోసారి నిలబెట్టుకున్నారు. మైక్రోసాఫ్ట్ అధినేత బిల్‌గేట్స్ (67 బిలియన్ డాలర్లు) రెండో స్థానంలో నిలవగా, స్పెయిన్‌కు చెందిన ఎమనికో ఓర్టెగా (57 బిలియన్ డాలర్లు ) మూడో ర్యాంక్‌ను, వారెన్ బఫెట్ (53.5 బిలియన్ డాలర్లు) నాలుగో స్థానాన్ని పొందారు. ఇక ప్రపంచ ధనవంతుల ర్యాంకింగ్‌లో ముకేష్‌కు 22వ ర్యాంక్ లభించగా, లక్ష్మీ మిట్టల్ 41, ప్రేమ్‌జీ 91వ స్థానాల్లో నిలిచారు.

AIMS DARE TO SUCCESS 

ఏప్రిల్ 2013 అంతర్జాతీయం
ఆగ్నేయాసియాలో 1.3 బిలియన్ మలేరియా కేసులు
ఆగ్నేయాసియాలో 1.3 బిలియన్ల మంది మలేరియా బారినపడనున్నట్లు ప్రపంచ ఆరోగ్యసంస్థ (డబ్యుహెచ్‌ఓ) ఏప్రిల్ 25న మలేరియా దినోత్సవం సందర్భంగా ఒక ప్రకటనలో తెలిపింది. ప్రపంచంలో వీరి సంఖ్య 15 శాతంగా ఉంది. ఆఫ్రికా తరువాత అత్యధికంగా ఆగ్నేయాసిలోనే మలేరియా బాధితులున్నారు. ఆగ్నేయాసియాలోని 11 దేశాల్లో మాల్దీవులు తప్ప మిగిలిన 10 దేశాల్లో మలేరియా వ్యాధి ప్రభలుతోంది. 1984 నుంచి మాల్దీవులు మలేరియా లేని దేశంగా ఉంది. భారత్‌లో కూడా మలేరియా ప్రభలుతోందని, ప్రతి ఏటా 700 మరణాలు సంభవిస్తున్నాయని అంచనా. గిరిజనులు, వలస ప్రజలు, ఆగ్రోఫారెస్ట్రీ, జల విద్యుత్ ప్రాజెక్టులు, రోడ్లు, నీటిపారుదల ప్రాజెక్టులు, మైనింగ్, రబ్బరు తోటల్లో పనిచేసే వారికి మలేరియా ఎక్కువగా సోకుతోందని డబ్యుహెచ్‌ఓ పేర్కొంది.

సెర్బియా, కొసావోల మధ్య ఒప్పందం
సెర్బియా, కొసావో ప్రధాన మంత్రులు ఇరుదేశాల మధ్య సాధారణ సంబంధాలు నెలకొల్పుకోవాలని ఒప్పందానికి వచ్చారు. ఈ ఒప్పందం యూరోపియన్ యూనియన్ మధ్యవర్తిత్వంలో ఏప్రిల్ 19న బ్రస్సెల్స్‌లో కుదిరింది. కొసావో పార్లమెంట్ ఏప్రిల్ 21న, సెర్బియా పార్లమెంట్ ఏప్రిల్ 27న ఒప్పందాన్ని ఆమోదించాయి. అయితే, వేలాది మంది కొసావో సెర్బులు ఈ ఒప్పందాన్ని వ్యతిరేకిస్తూ ప్రదర్శనకు దిగారు. ఈ ఒప్పందం బాల్కన్ ప్రత్యర్థుల మధ్య ఉద్రిక్తతలను తగ్గించి ఇ.యు.లో సభ్యత్వానికి మార్గం ఏర్పరుస్తుంది. తిరుగుబాటు కొసావో సెర్బులపై కొసావో అల్బేనియన్ నాయకత్వానికి అధికారాన్ని ఈ ఒప్పందం అప్పగిస్తుంది. దీంతో ఉత్తర కొసావోలో సెర్బియా నియంత్రణ ముగుస్తుంది. ఇందుకు ప్రతిగా మైనారిటీ సెర్బులు కొసావో పరిధిలో స్వతంత్ర ప్రతిపత్తి పొందుతారు. సెర్బియా నుంచి కొసావో 2008లో స్వాతంత్య్రం ప్రకటించుకుంది. దీన్ని సెర్బియా గుర్తించలేదు. అయితే అమెరికాతో 90కి పైగా దేశాలు, యూరోపియన్ యూనియన్‌లోని 27 దేశాల్లో 22 దేశాలు కొసావోను గుర్తించాయి.

ఇటలీ ప్రధానిగా లెట్టా ప్రమాణ స్వీకారం
ఇటలీ కొత్త ప్రధానమంత్రిగా ఎన్రికో లెట్టా (46) ఏప్రిల్ 28న ప్రమాణ స్వీకారం చేసారు. లెట్టా నాయకత్వంలో రెండు నెలల తరువాత కొత్త సంకీర్ణ ప్రభుత్వం ఏర్పడింది. 2013 ఫిబ్రవరిలో జరిగిన ఎన్నికల్లో ప్రభుత్వం ఏర్పాటుకు రాజకీయ పార్టీలు ఆవసరమైన మెజారిటీ సాధించలేదు. కొత్త సంకీర్ణ ప్రభుత్వాన్ని లెట్టాకు చెందిన డెమోక్రటిక్ పార్టీ (ిపీడీ), మాజీ ప్రధాని సిల్వియో బెర్లుస్కోనికి చెందిన పీపుల్స్ ఆఫ్ లిబర్టీ (ిపీడీఎల్) పార్టీలు కలిసి ఏర్పాటు చేసాయి.

గోల్కొండ వజ్రానికి రూ. 211 కోట్లు
హైదరాబాద్ నిజాంకు చెందిన గోల్కొండ వజ్రం ఏప్రిల్ 17న న్యూయార్క్‌లో నిర్వహించిన వేలంలో రూ. 211 కోట్ల ధర పలికింది. 34 క్యారెట్ల ఈ ‘ప్రిన్సీ’ వజ్రాన్ని క్రిస్టీస్ సంస్థ వేలం వేసింది. గోల్కొండ గనుల్లో బయట పడ్డ ఈ వజ్రం ఒకప్పుడు హైదరాబాద్ చివరి నిజాం వద్ద ఉండేది.

ఐసీసీ ఉపాధ్యక్షునిగా మిట్టల్
ఇంటర్నేషనల్ చాంబర్స్ ఆఫ్ కామర్స్ (ఐసీసీ) ఉపాధ్యక్షునిగా భారతీ ఎంటర్‌ప్రెజెస్ సీఈఓ సునీల్ భారతీ మిట్టల్ ఎన్నికయ్యారు. భారత్ నుంచి ఈ పదవి చేపట్టిన మూడో వ్యక్తి మిట్టల్. గతంలో భారత్ రామ్ (1969-17), హరిశంకర్ సింఘానియా (1993-94) ఈ పదవిలో నియమితులయ్యారు. ఐసీసీని 1919లో ఏర్పాటు చేశారు.

టైమ్ ప్రభావశీలుర జాబితాలో చిదంబరం, అమీర్
ప్రఖ్యాత టైమ్ మ్యాగజైన్ రూపొందించిన ప్రపంచంలో అత్యంత ప్రభావశీలురైన 100 మంది జాబితాలో భారత ఆర్థిక మంత్రి పి.చిదంబరం, బాలీవుడ్ నటుడు అమీర్‌ఖాన్‌లకు చోటు దక్కింది. అలాగే పాకిస్థాన్ సాహస బాలిక మలాలా యూసఫ్ జాయ్, అమెరికా అధ్యక్షుడు బరాక్ ఒబామా కూడా ఈ జాబితాలో ఉన్నారు. 

ఇటలీ అధ్యక్షుడిగా నపోలిటానో
ఇటలీ అధ్యక్షుడిగా జియోర్జియో న పోలిటానో ఏప్రిల్ 20న తిరిగి ఎన్నికయ్యారు. ఇటలీ చరిత్రలో రెండుసార్లు వరుసగా ఒకే వ్యక్తి అధ్యక్ష పదవిని చేపట్టడం ఇదే తొలిసారి.

సుదీర్ఘ చర్చా కార్యక్రమంతో గిన్నిస్ రికార్డు
నేపాల్‌కు చెందిన రబీ లమిచానే అనే టీవీ వ్యాఖ్యాత 62 గంటలపాటు టీవీ చర్చా కార్యక్రమం నిర్వహించి గిన్నిస్ బుక్ రికార్డ్స్ కెక్కాడు. ఏప్రిల్ 14న ‘లార్డ్ బుద్ద వజ్ బోర్న్ ఇన్ నేపాల్’ అనే అంశంపై ఆయన ఏకధాటిగా 62 గంటల 12 నిమిషాల పాటు చర్చా కార్యక్రమం నిర్వహించి సరికొత్త రికార్డు నెలకొల్పాడు. ఇప్పటి వరకు 52 గంటలు టీవీ కార్యక్రమం నిర్వహించిన రికార్డు ఉంది.

వెనిజులా అధ్యక్ష ఎన్నికల్లో మదురో విజయం
ఏప్రిల్ 14న జరిగిన వెనిజులా అధ్యక్ష ఎన్నికల్లో తాత్కాలిక అధ్యక్షుడు, యునెటైడ్ పార్టీ అభ్యర్థి నికోలస్ మదురో విజయం సాధించారు. ప్రత్యర్థి హెన్రీక్యూ కాప్రిల్స్‌పై విజయం సాధించారు. ఏప్రిల్ 18 నుంచి ఆరేళ్లపాటు మదురో అధ్యక్షుడిగా కొనసాగుతారు. వెనిజులా అధ్యక్షుడుగా ఉన్న హ్యూగో చావెజ్ మార్చి 5న మరణించడంతో ఆయన స్థానంలో మదురో తాత్కాలిక అధ్యక్షుడిగా నియమితులయ్యారు. 

హతాఫ్ -4ను ప్రయోగించిన పాక్
అణ్వాయుధ సామర్థ్యం గల హతాఫ్-4 బాలిస్టిక్ క్షిపణిని పాకిస్థాన్ ఏప్రిల్ 10న విజయవంతంగా పరీక్షించింది. ఇది 900 కి.మీ. దూరంలోని లక్ష్యాలను ఛేదించగలదు. 

కెన్యా అధ్యక్షుడిగా కెన్యాట్టా ప్రమాణ స్వీకారం
కెన్యా నాలుగో అధ్యక్షుడిగా ఉరు కెన్యాట్టా ఏప్రిల్ 9న ప్రమాణ స్వీకారం చేశారు. 51 ఏళ్ల కెన్యాట్టా కెన్యాకు తక్కువ వయస్సుగల అధ్యక్షుడు. ఆఫ్రికా అత్యంత ధనవంతుల్లో ఒకరు. మార్చి 4న జరిగిన ఎన్నికల్లో అధ్యక్షుడిగా ఉన్న రైలా ఒడింగాపై విజయం సాధించారు.

ప్రధాని జర్మనీ పర్యటన 
ప్రధానమంత్రి మన్మోహన్ సింగ్ జర్మనీ పర్యటనలో ఏప్రిల్ 11న భారత్-జర్మనీ అంతర్ ప్రభుత్వ సంప్రదింపుల రెండోదఫా సమావేశంలో పాల్గొన్నారు. ఈ పర్యటనలో ఉన్నత విద్య, పౌరభద్రత పరిశోధన, గ్రీన్ ఎనర్జీ కారిడార్ల ఏర్పాటు వంటి అంశాలకు సంబంధించిన అవగాహన పత్రాలపై సంతకాలు చేశారు. జర్మనీ ఛాన్సలర్ మెర్కెల్‌తో 2000లో అంగీకరించిన వ్యూహాత్మక భాగస్వామ్యాలపై చర్చలు జరిపారు. ఇందులో వాణిజ్యం, ద్వైపాక్షిక పెట్టుబడులు, ఇంధనం, ఇంధన భద్రత, పర్యావరణం, సంస్కతి, విద్యా శిక్షణ పరిశోధన, టెక్నాలజీ రక్షణ వంటి రంగాల్లో ఎంతో ప్రయోజనం చేకూర్చేందుకు ఉన్న అవకాశాలను గుర్తించారు.

ఏటీటీకి- ఐకాస ఆమోదం
ప్రపంచ ఆయుధ వ్యాపార నియంత్రణ ఒప్పందానికి (ఏటీటీ) ఐక్యరాజ్య సమితి సాధారణ సభ ఏప్రిల్ 2న ఆమోదం తెలిపింది. ఈ తరహా ఒప్పందం కుదరడం ఇదే తొలిసారి. ఇందుకోసం జరిగిన ఓటింగ్‌లో సాధారణ సభలో 193 దేశాలకుగాను 154 దేశాలు అనుకూలంగా 3 దేశాలు వ్యతికేకంగా ఓటు వేయగా 23 దేశాలు గైర్హాజరయ్యాయి. ఒప్పందం ఉగ్రవాదులు, రాజ్యాంగేతర శక్తుల పట్ల బలహీనంగా ఉందంటూ భారత్, చైనా, రష్యా ఓటింగ్‌లో పాల్గొనలేదు. ఇరాన్, సిరియా, ఉత్తర కొరియాలు వ్యతిరేకంగా, అమెరికా అనుకూలంగా ఓటు వేసాయి. ఈ ఒప్పందం 70 బిలియన్ల అంతర్జాతీయ వ్యాపారాన్ని క్రమబద్దీకరిస్తుంది. ఇందులో తేలికపాటి ఆయుధాల నుంచి యుద్ధ ట్యాంకులు, యుద్ధ నౌకలు వంటి సంప్రదాయ ఆయుధ వ్యాపారం జరుగుతుంది. సరిహద్దులు దాటి ఆయుధాలు వెళ్లడాన్ని నియంత్రిస్తుం ది. మానవ హక్కుల ఉల్లంఘనకు పాల్పడుతున్న గ్రూపులకు ఆయుధాలను అందకుండా అడ్డుకుంటుంది. అందుకు అవసరమైన అంతర్జాతీయ ప్రమాణాలను నిర్ణయిస్తారు. ఈ ఒప్పందంపై జూన్ 3వరకు సభ్యదేశాలు సంతకం చేయ వచ్చు. సంతకాలు చేసిన 50 దేశాల్లో పార్లమెంట్ ఆమోదం తెలిపిన 90 రోజుల్లో ఒప్పందం అమల్లోకి వస్తుంది.

లెబనాన్ కొత్త ప్రధానిగా తమ్మమ్ సలామ్ 
లెబనాన్ కొత్త ప్రధానమంత్రిగా తమ్మమ్ సలామ్ ఏప్రిల్ 6న నియమితులయ్యారు. పార్లమెంటు ఆయన నియామకాన్ని మెజారిటీతో ఆమోదించింది. ప్రధాని నజీబ్ మికాతీ రాజీనామా చేయడంతో ఆ స్థానంలో సలామ్ నియమితులయ్యారు.

స్వల్పంగా అమెరికాలో తగ్గిన నిరుద్యోగిత రేటు
అమెరికాలో నిరుద్యోగిత రేటు మరికాస్తా తగ్గింది. అదనంగా 88 వేల ఉద్యోగాలు లభించడంతో మార్చి నెలకు 7. 6 శాతం నమోదైంది. అంతక్రితం నెల్లో ఇది 7.7 శాతం ఉంది. దేశంలో నిరుద్యోగులు 1.17 కోట్లు ఉన్నారని, నిరుద్యోగిత రేటు 7.6 శాతం ఉందని యూఎస్ శ్రామిక విభాగం వెల్లడించింది. పురుషుల్లో 6.9 శాతం, మహిళల్లో 7 శాతం నిరుద్యోగులున్నారు. అమెరికాలోని ఆసియా వాసుల్లో ఈ నిరుద్యోగిత రేటు 5 శాతం ఉంది. గత పన్నెండు నెలలుగా అమెరికాలో సగటున ప్రతి నెల 1,69,000 మందికి ఉద్యోగాలు లభిస్తున్నాయి. మార్చిలో ఆరోగ్య సంరక్షణ, వత్తినిపుణులు, వ్యాపార సేవల రంగాల్లో ఉద్యోగాలు పెరగ్గా... రిటైల్ వ్యాపారంలో ఉద్యోగిత తగ్గింది.

మొబైల్ ఫోన్‌కు 40 ఏళ్లు 
మొబైల్‌ఫోన్ వాడకం ప్రారంభమై 2013 ఏప్రిల్ 3 నాటికి 40 ఏళ్లు పూర్తయ్యాయి. తొలిసారి మొబైల్ ఫోన్‌ను అమెరికాలోని న్యూయార్క్‌లో మోటరోలా ఇంజనీర్ మార్టిన్ కూపర్ 1973 ఏప్రిల్ 3న చేసిన కాల్‌తో మొబైల్ ఫోన్ వాడకం మొదలైంది. ఆయన వాడిన మోటరోలా డైనా టీఏసీ పరికరం బరువు 1 కిలో. బ్యాటరీ లైఫ్ 20 నిమిషాలు. రీచార్జ్‌కు పది గంటలు పట్టేది. 1983లో మార్కెట్‌లోకి హ్యాండ్‌సెట్ విడుదలైంది. ఈ సందర్భంగా కూపర్, ఆయన బందాన్ని నేషనల్ అకాడమీ ఆఫ్ ఇంజనీరింగ్ వాషింగ్టన్‌లో డ్రాఫర్ ప్రెజ్‌తో సత్కరించింది. ఐక్యరాజ్య సమితి లెక్కల ప్రకారం ప్రస్తుతం 6 బిలియన్ల సెల్‌ఫోన్ వాడకందార్లు ఉన్నారు. ఇందులో ఒక బిలియన్ వరకు స్మార్ట్ ఫోన్లు వాడుతున్నారు.

AIMS DARE TO SUCCESS 

మే 2013 అంతర్జాతీయం
తొలి పరీక్షలో గట్టెక్కిన వలస సంస్కరణల బిల్లు
అమెరికాలో కీలకమైన వలస సంస్కరణల బిల్లు మొదటి పరీక్షలో గట్టెక్కింది. ఈ బిల్లును సెనేట్ జ్యుడీషియరీ కమిటీ 13-5 ఓట్ల తేడాతో ఆమోదించింది. ఈ బిల్లు చట్ట రూపం దాలిస్తే అధికారక పత్రాలు లేని 2,60,000 మందికి పైగా భారతీయులు సహా కోటీ పది లక్షల మందికి పైగా వలసదారులకు పౌరసత్వం కల్పించడానికి మార్గం సుగమమవుతుంది. దీంతో హెచ్-1బీ వీసాల సంఖ్య పెరుగుతుంది. సరిహద్దు భద్రత, ఆర్థిక అవకాశాలు, వలస ఆధునికీకరణ చట్టానికి సంబంధించి తీసుకురాబోతున్న సమగ్ర సంస్కరణల బిల్లుకు 300 సవరణలు చేశారు. బిల్లు తర్వాత సెనేట్ ఆమోదానికి వె ళ్తుంది. ప్రధాన భారత ఐటీ కంపెనీల ప్రయోజనాలకు ఇబ్బందులు కలిగించే అంశాన్ని బిల్లులో అలానే ఉంచారు.

ఓక్లహామాలో తీవ్ర టోర్నడో - 24 మంది మృతి
అమెరికాలో ఓక్లహామాలో మే20 న సంభవించిన పెను సుడిగాలి (టోర్నడో) తీవ్ర విధ్వంసం సష్టించింది. దీనివల్ల 24 మంది మరణించారు. 200 మందికి పైగా గాయపడ్డారు. వందలాది ఇళ్లు పూర్తిగా దెబ్బతిన్నాయి. గంటకు 320 కి.మీ పైగా వేగంతో గాలులు వీచాయి. స్పానిష్ పదం నుంచి వచ్చిన టోర్నడో పదానికి ఉరుములతో కూడిన తుఫాను అనే అర్థముంది. దీనిని కొందరు ట్విస్టర్, సైక్లోన్ అనే పేర్లతోనూ పిలుస్తారు.

మరిన్ని విశ్వాల ఉనికికి ఆధారాలు లభ్యం!
విశ్వం ఒక్కటే కాకుండా మరిన్ని విశ్వాల ఉనికికి సంబంధించిన ఆధారాలను తొలిసారిగా సంపాదించినట్లు అమెరికాలోని నార్త్‌కరోలినా, కార్నెగీ మెలన్ యూనివర్సిటీల ఖగోళ శాస్త్రవేత్తలు తెలిపారు. ఐరోపా అంతరిక్ష సంస్థకు చెందిన ప్లాంక్ వ్యోమనౌక సేకరించిన విశ్వకాంతి (కాస్మిక్ మైక్రోవేవ్ బ్యాక్‌గ్రౌండ్-సీఎంబీ) సమాచారం ఆధారంగా పొరుగు విశ్వాలను గుర్తించినట్లు చెబుతున్నారు.

ఎవరెస్టును అధిరోహించిన అక్కా చెల్లెళ్లు
8,848 మీటర్ల ఎత్తులోని ఎవరెస్టు శిఖరాగ్రాన్ని చేరుకొని ఇద్దరు భారతీయ కవల సోదరీమణులు చరిత్ర సృష్టించారు. ఇలాంటి ఘనత సాధించిన తొలి కవలలుగా రికార్డులకెక్కారు. డెహ్రాడూన్‌కు చెందిన 21 ఏళ్ల తాషీ, నాన్సీమాలిక్‌లు జర్నలిజం, మాస్ కమ్యూనికేషన్‌తో పాటు పర్వతారోహణలోనూ పలు కోర్సులు చేశారు. పాకిస్థాన్‌కు చెందిన మీర్జా అలీ, అతని సోదరి సమీనాలు కూడా ఈ సాహసయాత్రలో పాల్గొన్నారు.

రికార్డు స్థాయిలో కరుగుతున్న ఆర్కిటిక్ మంచు
2012లో ఆర్కిటిక్ సముద్ర మంచు రికార్డు స్థాయిలో కరిగిపోయినట్లు ఐక్యరాజ్యసమితికి చెందిన ప్రపంచ పర్యావరణ సంస్థ (డబ్ల్యూఎంవో) నివేదికలో తెలిపింది. ఇలాంటి పరిస్థితికి ‘హరికేన్ శాండీ’ వంటి వాతావరణ పరిస్థితులు, వాతావరణ మార్పులు కారణమని వెల్లడించింది. 

-2012 సెప్టెంబరులో ఆర్కిటిక్ మంచు ప్రాంత విస్తీర్ణం కేవలం 3.4 మిలియన్ చదరపు కిలోమీటర్లు. ఇది 2007 (తక్కువ మంచుప్రాంతంగా రికార్డుకెక్కిన ఏడాది)తో పోలిస్తే 18 శాతం తక్కువ. 

- ప్రపంచ సముద్ర మట్టాలు 1880లో ఉన్న దానికంటే ప్రస్తుతం 20 సెం.మీ. మేర ఎక్కువగా ఉన్నట్లు తాజా నివేదిక తెలిపింది. 

పాక్ ప్రధాని పీఠంపై నవాజ్! 
పాకిస్థాన్ పార్లమెంటు ఎన్నికల్లో మాజీ ప్రధానమంత్రి నవాజ్ షరీఫ్ నేతత్వంలోని పాకిస్థాన్ ముస్లిం లీగ్ (నవాజ్) పార్టీ జయకేతనం ఎగురవేసింది. 272 స్థానాలకుగాను 126 సీట్లు గెలుపొంది అతిపెద్ద పార్టీగా అవతరించింది. అధికార పాకిస్థాన్ పీపుల్స్ పార్టీ (పీపీపీ) కేవలం 31 స్థానాలకు పరిమితమైంది. మాజీ క్రికెటర్ ఇమ్రాన్‌ఖాన్ పార్టీ పాకిస్థాన్ తెహ్రీకే ఇన్సాఫ్ (పీటీఐ) 29 సీట్లు గెలుచుకుంది. నవాజ్ షరీఫ్ మూడోసారి పాక్ ప్రధానిగా పగ్గాలు చేపడతారు. భారత్‌తో స్నేహసంబంధాలకు తమ ప్రభుత్వం ప్రాధాన్యం ఇస్తుందని నవాజ్ ప్రకటించారు. 

- నవాజ్ 1949లో లాహోర్‌లో ప్రముఖ పారిశ్రామికవేత్త కుటుంబంలో జన్మించారు. 
- 1985 నుంచి 1990 వరకు పంజాబ్‌కు ముఖ్యమంత్రిగా సేవలందించారు. 
- తొలిసారి పాక్ ప్రధానిగా 1990 నుంచి 93 వరకు పనిచేశారు. రెండోసారి 1997-99 మధ్య ప్రధానిగా ఉన్నారు. 

మలేసియా ప్రధానిగా నజిబ్ 
మలేసియా ప్రధాన మంత్రిగా నజిబ్ రజాక్ మే 6న రెండోసారి ప్రమాణ స్వీకారం చేశారు. మే 5న జరిగిన పార్లమెంట్ ఎన్నికల్లో అధికార ‘బరిసన్ నేషనల్ పార్టీ’ కూటమి 222 స్థానాలకు గాను 133 స్థానాలు గెలుచుకుంది. 1957లో స్వాతంత్య్రం వచ్చినప్పటి నుంచి 56 ఏళ్లుగా ఈ నేషనల్ ఫ్రంట్ కూటమి అధికారంలో ఉంది. 

కారుణ్య మరణాన్ని ఆశ్రయించిన బెల్జియం శాస్త్రవేత్త
బెల్జియం ప్రముఖ శాస్త్రవేత్త, నోబెల్ బహుమతి గ్రహీత (వైద్యం) క్రిస్టియన్ డె దువె(95) కారుణ్య మరణాన్ని పొందాలని నిర్ణయించుకున్నారు. 1975లో సహ బెల్జియన్ అల్బెర్ట్ క్లౌడ్, అమెరికన్ పలాడేతో కలసి వైద్యంలో నోబెల్ బహుమతి పొందారు. బెల్జియంలో కారుణ్య మరణం పొందాల నుకున్న రెండో ప్రముఖ వ్యక్తి దువే. 2008లో రచయిత హుగో క్లౌస్ ఇలాగే మరణించారు. కారుణ్య మరణాలకు చట్టబద్ధత కల్పించిన రెండో దేశం బెల్జియం. ప్రపంచంలో తొలిసారి 2002లో నెదర్లాండ్స్ చట్టబద్ధత కల్పించింది.

బంగ్లాదేశ్ తొలి మహిళా స్పీకర్
బంగ్లాదేశ్ తొలి మహిళా స్పీకర్‌గా డాక్టర్ షిరిన్ షర్మిన్ చౌదురి ఏప్రిల్ 30న ఎన్నికయ్యారు. అబ్దుల్ హామీద్ స్థానంలో బాధ్యతలు స్వీకరించారు. అంతేకాకుండా అతి పిన్న వయసులో స్పీకర్‌గా ఎన్నికైన ఘనతను కూడా దక్కించుకున్నారు.

AIMS DARE TO SUCCESS 

జూన్ 2013 అంతర్జాతీయం
ఆస్ట్రేలియా ప్రధానిగా కేవిన్ రుడ్ 
ఆస్ట్రేలియా 28వ ప్రధానిగా కేవిన్ రుడ్ జూన్ 27న ప్రమాణ స్వీకారం చేశారు. జూన్ 26న జరిగిన అధికార లేబర్ పార్టీ అధ్యక్ష ఎన్నికల్లో ఇప్పటివరకూ అధ్యక్షురాలిగా ఉన్న ప్రధాని జూలియా గిలార్డ్ను ఓడించిన మర్నాడే ఆయన ఈ పదవి చేపట్టారు. కాన్బెర్రాలో గవర్నర్ జనరల్ క్వెంటిన్ బ్రైస్.. రుడ్తో ప్రమాణస్వీకారం చేయించారు. రుడ్ ప్రధాని పదవి చేపట్టడం ఇది రెండోసారి.

వలస బిల్లుకు అమెరికా సెనేట్ ఓకే
అమెరికా వలస చట్టంలో త్వరలో సమూలంగా మార్పుచేర్పులు చోటుచేసుకోనున్నాయి. ఈ దిశగా చరిత్రాత్మక సమగ్ర వలస సంస్కరణ బిల్లును పార్టీలకు అతీతంగా భారీ మెజారిటీతో జూన్ 27న అమెరికా సెనేట్ ఆమోదించింది. ‘బోర్డర్ సెక్యూరిటీ, ఎకనమిక్ ఆపర్చ్యునిటీ, అండ్ ఇమిగ్రేషన్ మోడర్నైజేషన్ యాక్ట్’గా పిలిచే ఈ కీలక చట్టం ప్రతినిధుల సభ ఆమోదం, అధ్యక్షుడు ఒబామా సంతకం జరిగిన వెంటనే అమల్లోకి రానుంది. ఈ ప్రక్రియ 2013 చివరికల్లా పూర్తవుతుందని భావిస్తున్నారు. దీంతో 2.4 లక్షల మంది భారతీయులతో సహా అగ్ర రాజ్యంలో అనధికారికంగా నివాసముంటున్న 1.1 కోట్ల మందికి అమెరికా పౌరసత్వం పొందేందుకు మార్గం సుగమం అవుతుంది. కొత్తచట్టం ద్వారా పన్నులు తదితర మార్గాల్లో వచ్చే 20 ఏళ్లలో అమెరికాకు ఏకంగా లక్ష కోట్ల డాలర్ల మేరకు అదనపు ఆదాయం సమకూరనుంది. అయితే హెచ్-1బి వీసాల విషయంలో మాత్రం భారతీయులకు తీవ్ర ఇబ్బందికరంగా, అమెరికాలోని భారత కంపెనీలకు ప్రతికూలంగా ఉన్న పలు అంశాలను కొత్త బిల్లులో యథాతథంగా ఉంచారు.

ఇరాన్‌ అధ్యక్షుడిగా హసన్‌ రోహనీ విజయం
మితవాద మత గురువు హసన్‌ రోహనీ ఇరాన్‌ అధ్యక్షుడిగా ఎన్నికయ్యారు. జూన్‌ 14న జరిగిన అధ్యక్ష ఎన్నికల్లో ఆయనకు 50.68 శాతం ఓట్లు లభించాయి. టె హ్రాన్‌ మేయర్‌ మహ్మద్‌ బఖేర్‌ ఖలీబఫ్‌ 15.76 శాతం ఓట్లు సాధించి రెండో స్థానంలో నిలిచారు. 5.05 కోట్ల మంది (72.2 శాతం) ఓటింగ్‌లో పాల్గొన్నారు. పోలైన ఓట్లలో 50 శాతం పైగా ఓట్లు రోహనీ సాధించడంతో అధ్యక్షుడిగా ఎన్నికైనట్లు ప్రకటించారు. ప్రస్తుత అధ్యక్షుడు అహ్మదీ నెజాద్‌ స్థానంలో కొత్త అధ్యక్షుడి ఎంపిక కోసం ఎన్నికలు జరిగాయి.

ఈ ఏడాది భారత్‌ వద్ధి 5.7 శాతం
ప్రస్తుత ఆర్థిక సంవత్సరంలో భారత్‌ స్థూల దేశీయోత్పత్తి (జీడీపీ) వద్ధిరేటు వాస్తవ ప్రాతిపదికన 5.7 శాతం ఉండొచ్చని ప్రపంచ బ్యాంక్‌ అంచనా వేసింది. 2014-15లో 6.5 శాతం, 2015-16లో 6.7 శాతం వద్ధిరేటు ఉండొచ్చని పేర్కొంది. ఎగుమతులు, ప్రెవేట్‌ పెట్టుబడులు ఇందుకు ఊతం ఇవ్వగలవని ప్రపంచ ఆర్థిక వద్ధి అవకాశాల (జీఈపీ) నివేదికలో ప్రపంచ బ్యాంక్‌ వివరించింది. దక్షిణాసియా ప్రాంత వద్ధిలో భారత్‌ కీలకపాత్ర పోషించనుందని తెలిపింది. భారీస్థాయిలో ఉన్న కరెంట్‌ అకౌంట్‌ లోటును కట్టడి చేసుకునేందుకు భారత్‌ ఎక్కువగా విదేశీ పెట్టుబడులపై ఆధారపడుతుండటం వల్ల, ఒకవేళ ఇన్వెస్టర్ల సెంటిమెంటు ప్రతికూలంగా మారితే సమస్యలు ఎదుర్కొనాల్సి వస్తుందని ప్రపంచ బ్యాంక్‌ పేర్కొంది. సంపన్న దేశాల్లో పరపతి విధానాలు కఠినం కావడం, రుణ సంక్షోభ భయాలు, రాజకీయ సంక్షోభాలు, దేశీయ సంస్కరణల తీరుపై అసంతప్తి మొదలైనవి ఈ కారణాల్లో ఉండగలవని పేర్కొంది. అదేవిధంగా ఈ ఏడాది ప్రపంచవద్ధి రేటు 2.2 శాతంగా ఉంటుందని, 2015లో 3.3 శాతానికి చేరుకోగలదని ప్రపంచబ్యాంక్‌ అంచనా వేసింది.

2028 నాటికి భారత జనాభా 145 కోట్లు
2028 నాటికి భారత జనాభా 145 కోట్లకు చేరుకుంటుందని ‘ప్రపంచ జనాభా పురోగతి-2012 పునఃసమీక్ష’ పేరుతో జూన్‌ 14న విడుదల చేసిన నివేదికలో ఐక్యరాజ్యసమితి తెలిపింది. దీని ప్రకారం 2028 నాటికి భారత్‌, చైనాలు చెరో 145 కోట్ల జనాభాతో ప్రపంచంలోనే అత్యధిక జనాభా గల దేశాలుగా అవతరించనున్నాయి. ఆ తర్వాత చైనాను అధిగమించి భారత్‌ జనాభాలో ప్రథమస్థానానికి చేరుకుంటుందని నివేదిక తెలిపింది. అంతేకాకుండా అభివద్ధి చెందుతున్న దేశాల్లోనే జనాభా పెరుగుదల గణనీయంగా నమోదవుతోంది. వాటిలో సగం ఆఫ్రికా ఖండంలోని దేశాలే. ప్రపంచ జనాభా మరో నెల రోజుల్లో 720 కోట్లకు చేరుతుందని, 2050 నాటికి 960 కోట్లకు చేరనున్నదని ఆ నివేదిక పేర్కొంది. అభివద్ధి చెందిన, చెందుతున్న దేశాల్లో రెండింటిలో ఆయుఃప్రమాణం పెరగనుంది. సగటున ప్రజల ఆయుర్దాయం 2040-50 మధ్యలో 76 ఏళ్లకు, 2095- 2100 నాటికి 82 ఏళ్లకు పెరుగుతుందని ఐరాస తెలిపింది.

అత్యంత వేగవంతమైన సూపర్‌ కంప్యూటర్‌గా తియాన్హే-2
చైనాకు చెందిన తియాన్హే-2 సూపర్‌ కంప్యూటర్‌ ప్రపంచంలోనే అత్యంత వేగవంతమైన కంప్యూటర్‌ అని జూన్‌ 17న ప్రకటించిన టాప్‌-500 సర్వే తెలిపింది. ఇది కేవలం సెకను వ్యవధిలో 33,860 లక్షల కోట్ల ఆపరేషన్లు నిర్వహించగలదు. దీని అత్యధిక సామర్థ్యం సెకనుకు 54,900 లక్షల కోట్ల ఆపరేషన్లని ఆ సంస్థ పేర్కొంది. తద్వారా అమెరికాకు చెందిన టైటాన్‌ సూపర్‌ కంప్యూటర్‌ను ఇది అధిగమించింది. దీన్ని తయారు చేయడానికి చైనా ’580 కోట్ల ఖర్చు చేసింది. తియాన్హే-2ను చైనాకు చెందిన నేషనల్‌ యూనివర్సిటీ ఆఫ్‌ డిఫెన్స్‌ టెక్నాలజీ తయారుచేసింది. 

ఆక్స్‌ఫర్డ్‌ నిఘంటువులోకి ట్వీట్‌
సోషల్‌ నెట్‌వర్కింగ్‌ సైట్‌ ట్విట్టర్‌ ద్వారా బహుళ ప్రచారం పొందిన ట్వీట్‌ పదం ఆక్స్‌ఫర్డ్‌ ఇంగ్లిష్‌ నిఘంటువులో స్థానం దక్కించుకుంది. జూన్‌ 2013 సంచికలో ఈ పదాన్ని నిఘంటువులో చేర్చనున్నారు. ట్వీట్‌కు డిక్షనరీలో చోటు కల్పించడం కోసం రూల్స్‌నే మార్చడం విశేషం. ఆక్స్‌ఫర్డ్‌ నిబంధనల ప్రకారం ఒక కొత్త పదానికి నిఘంటువులో స్థానం కల్పించాలంటే ఆ పదం పదేళ్లపాటు వాడుకలో ఉండాలి. అయితే పదేళ్ల కంటే తక్కువ కాలమే వాడుకలో ఉన్నా సరే ట్వీట్‌కు డిక్షనరీలో చోటు కల్పించారు. ట్వీట్‌ అనే పదం ఇప్పటికే ఆక్స్‌ఫర్డ్‌ డిక్షనరీలో ఉంది. అయితే దీనిని ఒక పక్షి పాటకు అనుబంధంగా ఉంచారు. అయితే ఇప్పుడు ఆ పదానికి అధికారిక నిర్వచనాన్ని డిక్షనరీలో పొందుపరచనున్నారు. ట్వీట్‌తోపాటు డాడ్‌ డాన్సింగ్‌, ఎపిక్‌, ఫిస్కల్‌ క్లిఫ్‌, ఫ్లాష్‌మాబ్‌, ఫాలో, గీకెరీ, పే డే లెండింగ్‌, ద సెలైంట్‌ ట్రీట్‌మెంట్‌, బిగ్‌ డాటా, క్రౌడ్‌ సోర్సింగ్‌, ఈ-రీడర్‌, మౌస్‌ ఓవర్‌, రీడెరైక్ట్‌, స్ట్రీమ్‌ వంటి మరికొన్ని పదాలు కూడా ఈ ఏడాది ఆక్స్‌ఫర్డ్‌ డిక్షనరీలో చోటు సంపాదించాయి.

చైనా ఐదో మానవ సహిత అంతరిక్ష యాత్ర
చైనా ఐదోసారి మనుషులతో కూడిన అంతరిక్ష యాత్రను చేపట్టింది. జూన్‌ 11న గోబీ ఎడారిలోని జియక్వాన్‌ ఉపగ్రహ ప్రయోగ కేంద్రం నుంచి షెంజౌ-10 వ్యోమ నౌకలో ముగ్గురు వ్యోమగాములను అంతరిక్షానికి పంపింది. వీరితో ఒక మహిళ కూడా ఉంది. వీరు 15 రోజులపాటు అంతరిక్షంలో గడుపుతారు. లాంగ్‌మార్చ్‌-2 ఎఫ్‌ రాకెట్‌ ద్వారా ప్రయోగించిన షెంజౌ-10 వ్యోమనౌక కక్ష్యలో ఉన్న చైనా స్పేస్‌ల్యాబ్‌ తియాంగాంగ్‌-1తో అనుసంధానమైంది. 2020 నాటికి అంతరిక్ష కేంద్రం నిర్మించాలన్న లక్ష్యంలో భాగంగా చైనా ప్రస్తుత యాత్రను చేపట్టింది. 2012 జూన్‌లో చైనా షెంజౌ-9ను పంపింది.

ప్రపంచశాంతి సూచీలో భారత్‌కు 141వ స్థానం
ప్రపంచశాంతి సూచీ (జీపీఐ)లో భారత్‌కు 141వ స్థానం దక్కింది. 162 దేశాలకు చెందిన ర్యాంకులను సిడ్నీ కేంద్రంగా పనిచేసే ‘ఇన్‌స్టిట్యూట్‌ ఫర్‌ ఎకనామిక్‌ అండ్‌ పీస్‌’ జూన్‌ 11న విడుదల చేసింది. ఈ రేటింగ్స్‌లో ఐస్‌లాండ్‌, డెన్మార్క్‌, న్యూజిలాండ్‌ మొదటి స్థానాల్లో ఉన్నాయి. యునెటైడ్‌ కింగ్‌డమ్‌ 44, యునెటైడ్‌ స్టేట్స్‌ 99, చైనా 101, రష్యా 155 స్థానాల్లో ఉన్నాయి. భారత్‌ ర్యాంక్‌ తగ్గిపోవడానికి సైనికీకరణ, దేశీయ, అంతర్జాతీయ పోరాటాలు, అవినీతిని కారణాలుగా పేర్కొంది.

పాక్ ప్రధానిగా నవాజ్ ప్రమాణం
పాకిస్థాన్ 27వ ప్రధానమంత్రిగా పీఎంఎల్-ఎన్ అధినేత నవాజ్ షరీఫ్ (63) ఎన్నికయ్యారు. జూన్ 5న పాక్ జాతీయ అసెంబ్లీలో ప్రధాని పదవికి జరిగిన ఎన్నికల్లో ఆయన భారీ మెజార్జీతో విజయం సాధించారు. అనంతరం ప్రెసిడెన్సీలో జరిగిన కార్యక్రమంలో అధ్యక్షుడు జర్దారీ ప్రధాని షరీఫ్‌తో ప్రమాణ స్వీకారం చేయించారు. 342 మంది సభ్యులు గల పార్లమెంట్ దిగువ సభలో షరీఫ్‌కు 244 ఓట్లు వచ్చాయి. ఆయన 1990-93, 1997-99 మధ్య కాలంలో పాక్ ప్రధానిగా పనిచేశారు. 1999లో పర్వేజ్ ముషార్రఫ్ తిరుగుబాటుతో ప్రధాని పదవి కోల్పోయిన నవాజ్ దాదాపు 14 ఏళ్ల తర్వాత తిరిగి భారీ మెజార్టీతో అదేపదవికి మూడోసారి ఎన్నికై చరిత్ర సష్టించారు.

ఆయుధ వ్యాపార నియంత్రణ ఒప్పందంపై 60 దేశాలు సంతకాలు
ప్రపంచ ఆయుధ వ్యాపార నియంత్రణ ఒప్పందంపై 60కుపైగా దేశాలు జూన్ 3న సంతకాలు చేశాయి. త్వరలో సంతకం చేస్తానని అమెరికా ప్రకటించింది. ఈ ఒప్పందాన్ని గత ఏప్రిల్ 2న ఐక్యరాజ్యసమితి జనరల్ అసెంబ్లీ ఆమోదించింది. ప్రధాన ఆయుధ ఎగుమతిదారులు రష్యా, చైనా.. ప్రధాన దిగుమతి దేశాలు భారత్, ఈజిప్ట్‌లు ఓటింగ్‌లో పాల్గొనలేదు. ఒప్పందం ఆమోదంలో సంతకాలు చేయడం ప్రధానమైన అంశం. ఒప్పందాన్ని 50 దేశాలు ఆమోదిస్తే అమల్లోకి వస్తుంది. 60 నుంచి 85 బిలియన్ డాలర్ల వరకు ప్రపంచ ఆయుధ వ్యాపారం జరుగుతోంది. యుద్ధ ట్యాంకులు, ఆయుధ పోరాట వాహనాలు, యుద్ధ విమానాలు, హెలికాఫ్టర్లు, యుద్ధ నౌకలు, క్షిపణులు, క్షిపణి ప్రయోగ వాహకాలు, చిన్న ఆయుధాలు, తేలికపాటి ఆయుధాలు ఈ ఒప్పందం పరిధిలోకి వస్తాయి. ఒప్పందాన్ని ఆమోదించిన దేశం సంప్రదాయ ఆయుధాలను తరలించడాన్ని ఒప్పందం నిషేధిస్తుంది.

వాన్ -ఇఫ్రా అధ్యక్షుడిగా టోమస్ బ్రూనెగార్డ్
వరల్డ్ అసోసియేషన్ ఆఫ్ న్యూస్ పేపర్స్ అండ్ న్యూస్ పబ్లిషర్స్ (వాన్-ఇఫ్రా) కొత్త అధ్యక్షుడిగా టోమస్ బ్రూనెగార్డ్ ఎన్నికయ్యారు. బ్యాంకాక్‌లో జూన్ 5న జరిగిన వాన్-ఇఫ్రా వార్షిక సమావేశాల్లో స్వీడన్ స్టాంపెన్ మీడియా గ్రూప్ చైర్మన్ బ్రూనెగార్డ్‌ను వాన్-ఇఫ్రా చైర్మన్‌గా ఎన్నుకున్నారు. ఆయన రెండేళ్లపాటు ఈ పదవిలో ఉంటారు. మలయాళ మనోరమ (కేరళ)కు చెందిన జాకోబ్ మాథ్యూ స్థానంలో బ్రూనెగార్డ్ బాధ్యతలు చేపట్టారు. వాన్-ఇఫ్రా అనేది ప్రపంచ వార్తా పత్రికల, వార్తల ప్రచురణకర్తలకు చెందిన ప్రముఖ సంస్థ. ఇందులో 120 దేశాలకు చెందిన 18,000 ప్రచురణకర్తలు, 15,000 ఆన్‌లైన్ ప్రచురణల సంస్థలు, 3000కు పైగా కంపెనీలకు ప్రాతినిధ్యం ఉంది. పత్రిక స్వేచ్ఛ, విలువలతో కూడిన జర్నలిజం, సంపాదకత్వ నీతి, వ్యాపార పెరుగుదల వంటి అంశాలను పరిరక్షించడం, ప్రోత్సహించడం కోసం వాన్-ఇఫ్రా పనిచేస్తుంది. ఈ సంస్థ పారిస్ (ఫ్రాన్స్), డార్మ్‌స్టడ్ (జర్మనీ)లలో ప్రధాన కార్యాలయాలతోపాటు సింగపూర్, భారత్‌లో అనుబంధ కార్యాలయాలు కలిగి ఉంది.

యూఎస్ స్పెల్లింగ్ బీ విజేత అరవింద్ మహంకాళి
అమెరికాలో నిర్వహించిన స్క్రిప్స్ నేషనల్ స్పెల్లింగ్ బీ పోటీలో హైదరాబాదీ అమెరికన్ అరవింద్ మహంకాళి (13) విజేతగా నిలిచాడు. నెడైల్ (Knaidel) అనే జర్మనీ పదానికి సరైన స్పెల్లింగ్ చెప్పి అరవింద్ ఛాంపియన్‌షిప్ సాధించాడు. అరవింద్‌కు ట్రోఫీతోపాటు రూ.15 లక్షలు నగదు బహుమతి అందజేస్తారు. రెండు, మూడు స్థానాల్లో కూడా భారతీయ అమెరికన్ విద్యార్థులే నిలిచారు. వరుసగా ఆరోసారి భారత సంతతి విద్యార్థులు ఈ పోటీల్లో గెలిచారు. గతంలో సమీర్ మిశ్రా (2008), కావ్య శివశంకర్ (2009), అనామికా వీరమణి (2010), సుకన్యారాయ్ (2011), స్నిగ్ధ నందిపాటి (2012) విజేతలుగా నిలిచారు.

భారత వృద్ధి అంచనాను 5.3 శాతానికి తగ్గించిన ఓఈసీడీ
ఆర్గనైజేషన్ ఫర్ ఎకనామిక్ కో ఆపరేషన్ అండ్ డెవలప్‌మెంట్ (ఓఈసీడీ) 2013 సంవత్సరానికి భారత వృద్ధి అంచనాను 5.3 శాతానికి తగ్గించింది. గతంలో వృద్ధిని 5.9 శాతంగా ఉంటుందని పేర్కొంది. ఓఈసీడీ మే 29న విడుదల చేసిన ఎకనామిక్ అవుట్‌లుక్ నివేదికలో భారత జీడీపీ వృద్ధి వచ్చే రెండేళ్లలో క్రమంగా పెరుగుతుందని తెలిపింది. చైనా ఆర్థిక వ్యవస్థ వద్ధి 7.8 శాతంగా ఉంటుందని పేర్కొంది. ప్రపంచ ఆర్థిక వ్యవస్థ ఈ ఏడాదిలో 3.1 శాతం వద్ధి చెందుతుందని తెలిపింది. ఇది 2014లో 4 శాతానికి పెరుగుతుంది. అమెరికా ఆర్థిక వ్యవస్థ 2013లో 1.9 శాతం, 2014లో 2.8 శాతం వృద్ధి చెందుతుందని వెల్లడించింది. 
ప్రపంచంలో అమెరికా, చైనాల తర్వాత భారత్ మూడో అతిపెద్ద ఆర్థిక వ్యవస్థగా జపాన్ స్థానాన్ని ఆక్రమిస్తుందని కూడా ఓఈసీడీ పేర్కొంది. వచ్చే కొద్ది సంవత్సరాల్లో చైనా, అమెరికాను అధిగమించి అతిపెద్ద ఆర్థిక వ్యవస్థగా అవతరించనుందని కూడా తెలిపింది.

AIMS DARE TO SUCCESS 

జూలై 2013 అంతర్జాతీయం
కువైట్ ఎన్నికల్లో లిబరల్ గిరిజన గ్రూపుల విజయం
కువైట్ పార్లమెంట్కు జూలై 27న జరిగిన ఎన్నికల్లో లిబరల్, గిరిజన గ్రూపులకు చెందినవారు విజయం సాధించారు. మైనారిటీ షియా ఎంపీలు ఉన్నవాటిలో సగం కంటే ఎక్కువ నష్టపోయారు. ఇవి ఎనిమిది నెలల్లో రెండో పార్లమెంటరీ ఎన్నికలు. ఐదేళ్లలో ఆరోసారి పార్లమెంట్కు ఎన్నికలు జరిగాయి. ప్రస్తుత ఎన్నికల్లో 52.5 శాతం మంది ఓటింగ్లో పాల్గొన్నారు. 50 స్థానాలు గల పార్లమెంట్లో షియాకు చెందిన ఎనిమిది మంది అభ్యర్థులు విజయం సాధించారు. గత పార్లమెంట్లో 17 మంది షియా అభ్యర్థులు ఉండేవారు. లిబరల్స్ ముగ్గురు ఎన్నికయ్యారు. గత పార్లమెంట్లో వీరికి ప్రాతినిధ్యం లేదు. గిరిజన గ్రూపులకు చెందినవారు 24 మంది ఎన్నికయ్యారు. సున్నీ ఇస్లామిస్టులు ఏడుగురు ఎన్నికయ్యారు. ముస్లిం బ్రదర్హుడ్, మరికొన్ని ప్రధాన గిరిజన గ్రూపులు ఎన్నికలను బహిష్కరించాయి. మొత్తం సభ్యుల్లో ఇద్దరే మహిళలున్నారు. కువైట్లో రాజకీయ పార్టీలు లేవు. పార్లమెంట్ సభ్యులు స్వతంత్య్ర అభ్యర్థులుగా ఉంటారు. ఎన్నికల తర్వాత సంకీర్ణ ప్రభుత్వం ఏర్పడుతుంది. రాజు ప్రధానమంత్రిని ఎంపిక చేస్తారు. 

హవాయ్లో భారీ ఆప్టికల్ టెలిస్కోప్ ఏర్పాటుపై ఒప్పందం
తర్టీ మీటర్ టెలిస్కోప్ (టీఎంటీ) నిర్మాణానికి సంబంధించిన భాగస్వామ్య ఒప్పందంపై కెనడా, చైనా, భారత్, జపాన్, అమెరికాలు హవాయ్లో జూలై 26న సంతకాలు చేశాయి. టీఎంటీ ఖగోళ శాస్త్ర పరిశోధనలో విప్లవాత్మకమైన సౌకర్యాలు అందిస్తుంది. కాలిఫోర్నియా, కెనడా యూనివర్సిటీలతోపాటు మిగిలిన సభ్య దేశాల శాస్త్రీయ సంస్థలు దీన్ని చేపట్టాయి. హవాయ్లో ఏర్పాటు చేస్తున్న ఈ ఆప్టికల్, ఇన్ఫ్రారెడ్ టెలిస్కోప్ ప్రపంచంలోనే అతిపెద్దది. దీనికి 1.5 బిలియన్ డాలర్లు వ్యయం చేస్తారు. ఈ అత్యాధునిక ప్రాజెక్టు నిర్మాణం పనులు 2014 ఏప్రిల్లో మొదలై, 2022 నాటికి శాస్త్రీయ పరిశోధనకు అందుబాటులోకి వస్తుంది. ఈ ఒప్పందంలో ప్రాజెక్ట్ లక్ష్యాలు, నిర్వహణ నిర్మాణాన్ని రూపొందించడం, సభ్యదేశాల హక్కులు, బాధ్యతలు, ప్రయోజనాలు ఉంటాయి.

మాస్కోలో జి-20 ఆర్థిక మంత్రులు, సెంట్రల్ బ్యాంక్ గవర్నర్ల సమావేశం
జి-20 దేశాల ఆర్థిక మంత్రులు, సెంట్రల్ బ్యాంక్ గవర్నర్ల సమావేశం మాస్కోలో జూలై 19-20 తేదీల్లో జరిగింది. ఆర్థిక వ్యవస్థల వృద్ధి పునరుత్తేజానికి అత్యధిక ప్రాధాన్యత ఇవ్వాలని ఈ సమావేశంలో నిర్ణయించారు. ఉపాధి కల్పన, ద్రవ్యలోటును తగ్గించడం వంటి సవాళ్లను అధిగమించడానికి చర్యలు తీసుకోవాలని కూడా నిర్ణయించారు. కార్పొరేట్ ట్యాక్స్ విధానంలో సంస్కరణలు తీసుకురావాలని జి-20 నిర్ణయించింది. ఆపిల్, గూగుల్ వంటి సంస్థలు లోపాలను ఆసరాగా తీసుకుని బిలియన్ల డాలర్ల పన్ను ఎగవేతకు పాల్పడుతున్నాయని తెలిపారు. ఇందుకు సంబంధించి ఆర్థిక సహకారం, అభివృద్ధి సంస్థ (ఓఈసీడీ) రూపొందించిన కార్యాచరణ ప్రణాళికను సమావేశం విడుదల చేసింది. ఈ సమావేశంలో జి-20 దేశాల మంత్రులు, సెంట్రల్ బ్యాంక్ గవర్నర్లతోపాటు అంతర్జాతీయ ద్రవ్యనిధి సంస్థ (ఐఎంఎఫ్) మేనేజింగ్ డెరైక్టర్ క్రిస్టినే లగార్డే, భారత్ నుంచి ఆర్థిక మంత్రి చిదంబరం, ఆర్బీఐ గవర్నర్ దువ్వూరి సుబ్బారావు పాల్గొన్నారు.

చైనా భూకంపాల్లో 90 మంది మృతి
చైనాలో జూలై 22న సంభవించిన భారీ భూకంపాల వల్ల 90 మంది మరణించారు. వందలాదిమంది గాయపడ్డారు. నైరుతి చైనా ప్రావిన్స్లో సంభవించిన ఈ భూ కంపాల తీవ్రత రిక్టర్ స్కేల్పై 6.6, 5.6గా నమోదైంది. వీటి తాకిడికి 20,000 ఇళ్లు దెబ్బతిన్నాయి.

ఐర్లాండ్ చరిత్రాత్మక నిర్ణయం
వివాదాస్పద అబార్షన్ల బిల్లుకు సంబంధించి రోమన్ క్యాథలిక్ దేశం ఐర్లాండ్ చరిత్రాత్మక నిర్ణయం తీసుకుంది. కొన్ని ప్రత్యేక సందర్భాల్లో గర్భస్రావానికి అనుమతి ఇచ్చే చట్టానికి ఐర్లాండ్ దిగువ సభ జూలై 12న ఆమోదం తెలిపింది. సుదీర్ఘ చర్చల తర్వాత తల్లి ప్రాణాలకు ప్రమాదం ఏర్పడే సందర్భాల్లో అబార్షన్లకు చట్టబద్ధత కల్పించింది. రోమన్ క్యాథలిక్ నియమాలను పాటించే దేశంగా పేరున్న ఐర్లాండ్లో అబార్షన్ చేయడం చట్టవిరుద్ధం. గత ఏడాది అక్టోబర్లో ఐర్లాండ్లో నివసించే భారత సంతతి దంత వైద్యురాలు సవితా హాలప్పనావర్ (31)కు గర్భస్రావానికి నిరాకరించడంతో మరణించిన విషయం తెలిసిందే. దీనిపై భారత్, ఐర్లాండ్తోపాటు ప్రపంచవ్యాప్తంగా పలు దేశాల్లో నిరసనలు వెల్లువెత్తాయి. ఈ నేపథ్యంలో ఐర్లాండ్ ప్రభుత్వం అబార్షన్లకు అనుకూలంగా చట్టాన్ని సవరిస్తూ కొత్త బిల్లును రూపొందించింది. ఈ చట్టానికి ఐరిష్ ఎగువసభ ఆమోదం లభించాల్సి ఉంది. 

భారత్, శ్రీలంక, మాల్దీవుల మధ్య ఒప్పందం
త్రైపాక్షిక సహకరంపై భారత్, శ్రీలంక, మాల్దీవుల మధ్య జూలై 8న కొలంబో (శ్రీలంక రాజధాని)లో ఒప్పందం కుదిరింది. దీని ప్రకారం సముద్ర భద్రతకు సంబంధించిన సమాచారాన్ని, సామర్థ్యాన్ని ఈ మూడు దేశాలు పరస్పరం పంచుకుంటాయి. హిందూ మహాసముద్ర ప్రాంత సుస్థిరాభివృద్ధిని కొనసాగించడానికి కూడా ఈ ఒప్పందం తోడ్పడుతుంది. ఈ సమావేశంలో భారత్ తరపున ప్రధానమంత్రి జాతీయ భద్రతా సలహాదారు శివశంకర్ మీనన్ పాల్గొన్నారు. ఈ మూడు దేశాల భద్రతా సలహాదారుల స్థాయి తొలి చర్చలు 2011 అక్టోబర్లో మాలేలో జరిగాయి. 

ఈజిప్టు ఉపాధ్యక్షుడిగా ఎల్ బరాదీ
ఈజిప్టు ఉపాధ్యక్షుడిగా నోబెల్ పురస్కార గ్రహీత, అంతర్జాతీయ అణు ఇంధన సంస్థ మాజీ అధిపతి మహమ్మద్ ఎల్ బరాదీ జూలై 9న నియమితులయ్యారు. అదేవిధంగా విదేశీ వ్యవహారాలను కూడా బరాదీ పర్యవేక్షిస్తారు. ఆర్థికవేత్త హజీమ్ ఎల్ బెబ్లావీని ప్రధానమంత్రిగా తాత్కాలిక అధ్యక్షుడు అద్లీ మన్సౌర్ నియమించారు. బెబ్లావీ గతంలో ఆర్థిక శాఖ మంత్రిగా కూడా పని చేశారు.

ఐరాస మహిళా సంస్థ అధిపతిగా మ్లాంబో
దక్షిణాఫ్రికా మాజీ ఉపాధ్యక్షురాలు ఫుమ్జిలే మ్లాంబో నకుకా ఐక్యరాజ్యసమితి మహిళా సంస్థ ఎగ్జిక్యూటివ్ డెరైక్టర్గా జూలై 10న నియమితులయ్యారు. మిచెల్లే బాచ్లెట్ (ఈ సంస్థకు తొలి ఎగ్జిక్యూటివ్ డెరైక్టర్) స్థానంలో మ్లాంబో బాధ్యతలు స్వీకరిస్తారు. మ్లాంబో 2005-08 మధ్య దక్షిణాఫ్రికా ఉపాధ్యక్షురాలిగా వ్యవహరించారు. మహిళా హక్కులను ప్రాచుర్యంలోకి తేవడం, ప్రపంచ వ్యవహారాల్లో మహిళలను పూర్తిగా భాగస్వామ్యులను చేయడం అనే లక్ష్యాలతో ఈ సంస్థ పని చేస్తుంది.

భూటాన్ ఎన్నికల్లో విపక్షం విజయం
భూటాన్ పార్లమెంటు ఎన్నికల్లో ప్రధాన విపక్షం పీపుల్స్ డెమోక్రటిక్ పార్టీ (పీడీపీ) విజయం సాధించింది. పార్లమెంటు దిగువ సభలోని మొత్తం 47 స్థానాలకు జూలై 13న ఎన్నికలు జరిగాయి. ఈ ఎన్నికల్లో పీడీపీ 32 సీట్లను కైవసం చేసుకుంది. పీడీపీ అధ్యక్షుడు షెరింగ్ తోబ్గే కొత్త ప్రధానిగా ఎన్నికయ్యే అవకాశముంది. 2008లోప్రజాస్వామ్య వ్యవస్థ అమల్లోకి వచ్చిన భూటాన్లో పార్లమెంటు ఎన్నికలు జరగడం ఇది రెండోసారి. పోలింగ్ కోసం భారత్ 1,900కుపైగా ఈవీఎంలను అందించింది. మూడంచెల పార్లమెంటు వ్యవస్థ ఉన్న భూటాన్లో ఎగువ సభలోని 25 మంది సభ్యుల్లో ఐదుగురిని రాజు నియమిస్తుండగా 20 మంది 20 జిల్లాల నుంచి ఎన్నికవుతారు. దిగువ సభలోని 47 మంది 47 నియోజకవర్గాల నుంచి ఎన్నికవుతారు.

ఈజిప్ట్ పీఠంపై మన్సూర్
ప్రజాగ్ర హానికి సైనిక తిరుగుబాటు తోడవడంతో అధ్యక్ష పదవిని కోల్పోయిన మహమ్మద్ ముర్సీ స్థానంలో ఆ దేశ రాజ్యాంగ న్యాయస్థానం ప్రధాన న్యాయమూర్తి ఎడ్లీ మహ్మద్ మన్సూర్ జూలై 4న తాత్కాలిక అధ్యక్షుడిగా బాధ్యతలు చేపట్టారు. కొత్త అధ్యక్షుడు ఎన్నికయ్యే వరకు మన్సూర్ అధికారంలో కొనసాగుతారని ఆర్మీ చీఫ్ జనరల్ అబ్దెల్ ఫతాహ్ సిసీ ప్రకటించారు. తెహ్రీర్ స్క్వేర్ ఉద్యమం సాక్షిగా.. దేశంలో తొలిసారి జరిగిన ఎన్నికల ద్వారా అధికార పగ్గాలు చేపట్టిన ముర్సీ ఏడాదిలోనే పదవిని కోల్పోవాల్సి వచ్చింది. ప్రజల డిమాండ్లను నెర వేర్చడానికి, సంక్షోభాన్ని పరిష్కరించడానికి సైన్యం విధించిన 48 గంటల గడువును ముర్సీ తోసిపుచ్చడంతో.. జూన్ 3న ఆర్మీ ఆయనను పదవి నుంచి తప్పించింది. ప్రస్తుతం సైన్యం ఆయనను రాజధాని కైరోలోని అధ్యక్ష భవనంలో గృహనిర్బంధంలో ఉంచింది. 

కూలిపోయిన రష్యా రాకెట్ ప్రోటాన్ - ఎం
మూడు గ్లోనాస్ నావిగేషన్ ఉపగ్రహాలను మోసుకెళ్తున్న రష్యా రాకెట్ ప్రోటాన్ - ఎం గాలిలో పేలిపోయింది. దీనిని జూలై 2న కజకిస్థాన్లోని బైకనూర్ అంతరిక్ష కేంద్రం నుంచి ప్రయోగించారు. పేలుడు వల్ల రాకెట్లో ఉండే 170 టన్నుల విషపూరితమైన హెప్టైల్ ఇంధనం వాతావరణంలోకి విడుదలైందనే ఆందోళన వ్యక్తమైంది.

గ్లోబల్ ఇన్నోవేషన్ ఇండెక్స్ 
142 దేశాలకు సంబంధించి రూపొందించిన గ్లోబల్ ఇన్నోవేషన్ ఇండెక్స్లో భారత్కు 66వ స్థానం దక్కింది. ఈ సూచీని కార్నెల్ యూనివర్సిటీ, వరల్డ్ ఇంటలెక్చువల్ ప్రాపర్టీ ఆర్గనైజేషన్ (డబ్ల్యూఐపీఓ), భారత పారిశ్రామిక మండలి (సీఐఐ) ప్రచురించాయి. స్విట్జర్లాండ్ మొదటి స్థానంలో నిలవగా, స్వీడన్కు రెండోస్థానం దక్కింది. ఈ దేశాలు వరుసగా రెండో ఏడాదీ ముందున్నాయి. ఈ సూచీలో 84 అంశాల ఆధారంగా స్థానాలు కేటాయించారు. ఇందులో విశ్వవిద్యాలయాల నాణ్యత, సూక్ష్మ రుణ సౌకర్యం అందుబాటు, వెంచర్ క్యాపిటల్ ఒప్పందాలు, ఇన్నోవేషన్ సామర్థ్యం మొదలైనవి ఉన్నాయి. దేశంలో రాజకీయ అస్థిరతతో కూడిన పేలవ మైన ఇన్నోవేషన్ పనితీరు భారత్ స్థానం తగ్గేందుకు కారణమైంది. కంప్యూటర్, ఇన్ఫర్మేషన్ సేవల ఎగుమతుల్లో భారత్కు లభించిన మొదటిస్థానం భారత్ 66వ ర్యాంకు సాధించడానికి తోడ్పడింది.

అతిపెద్ద గాలిమరను ప్రారంభించిన బ్రిటన్
ప్రపంచంలో అతిపెద్ద గాలిమర (విండ్ఫాం)ను బ్రిటన్ ఆగ్నేయ తీరంలో జూలై 4న బ్రిటన్ ప్రధానమంత్రి డేవిడ్ కెమరూన్ ప్రారంభించారు. ఇది 630 మెగావాట్ల సామర్థ్యం గల ప్రాజెక్ట్. ఇక్కడ ఉత్పత్తి చేసే విద్యుత్తు ద్వారా ఐదు లక్షల గృహ అవసరాలను తీర్చవచ్చు. ఈ ప్రాజెక్ట్ కోసం 2.3 బిలియన్ డాలర్లు ఖర్చు చేయడంతోపాటు 20 కిలోమీటర్ల తీరంలో 175 టర్బైన్లను నిర్మించారు.

జాన్ పాల్-2కు సెయింట్ హోదా
దివంగత పోప్లు జాన్ పాల్-2, జాన్-23లకు సెయింట్ హోదా ఇవ్వాలని పోప్ ఫ్రాన్సిస్ జూలై 5న నిర్ణయించారు. జాన్ పాల్-2 చేసిన ఓ అద్భుతాన్ని ఫ్రాన్సిస్ ఆమోదించడంతో ఆయనను సెయింట్ను చేయడానికి మార్గం సుగమమైందని వాటికన్ ప్రతినిధి తెలిపారు. 

AIMS DARE TO SUCCESS 

ఆగష్టు 2013 అంతర్జాతీయం
ఈజిప్టులో 525 మంది నిరసనకారుల మృతి
ఈజిప్టు సైన్యం అణచివేత చర్యలకు నిరసనగా వీధుల్లో చేరిన వేలాది మంది ముస్లిం బ్రదర్హుడ్ పార్టీ కార్యకర్తలపై ఆగస్టు 15న సైన్యం జరిపిన దాడుల్లో 525 మంది మరణించారు. వేలాది మంది గాయపడ్డారు. అయితే 2600 మంది మరణించినట్లు 10 వేల మంది గాయపడినట్లు ముస్లిం బ్రదర్హుడ్ తెలిపింది. జూలై 3న అధ్యక్షుడు మోర్సీని సైన్యం అధికారం నుంచి తొలగించి, రాజ్యాంగాన్ని సస్పెండ్ చేసింది. దీంతో మోర్సీకి చెందిన ముస్లిం బ్రదర్హుడ్ పార్టీ కార్యకర్తలు తాత్కాలిక ప్రభుత్వానికి వ్యతిరేకంగా ఆందోళనలు మొదలుపెట్టారు. నిరసనలు అణచి వేసేందుకు సైన్యం చర్యలు చేపట్టింది. ఆగస్టు 14న దేశంలో నెల రోజులపాటు ఎమర్జెన్సీ ప్రకటించారు. ఈ పరిస్థితుల్లో ఉపాధ్యక్షుడు ఎల్ బరాదీ పదవికి రాజీనామా చేశారు. సైన్యం మద్దతుతో నడుస్తున్న ప్రభుత్వ చర్యలను అనేక పశ్చిమ దేశాలు ఖండించాయి.

ఇరాన్ అధ్యక్షుడిగా రౌహనీ 
మితవాద మతగురువు హసన్ రౌహనీ (64) ఇరాన్ 7వ అధ్యక్షుడిగా ఆగస్టు 4న ప్రమాణస్వీకారం చేశారు. ఇరాన్ పార్లమెంట్ ‘మిల్లి మజ్లిస్’లో జరిగిన ఈ కార్యక్రమానికి భారత ఉపరాష్ట్రపతి హమీద్ అన్సారీ సహా ప్రపంచవ్యాప్తంగా పలువురు నేతలు హాజరయ్యారు. రౌహనీని నాలుగేళ్ల పాటు అధ్యక్షుడిగా ఆమోదిస్తూ అగ్రనేత అయతుల్లా అలీ ఖమీనై ప్రకటన చేశారు. జూన్‌లో జరిగిన ఇరాన్ అధ్యక్ష ఎన్నికల్లో రౌహనీ విజయం సాధించారు.

డీఆర్‌డీఓ పరిజ్ఞానంతో అమెరికా బాంబు డిటెక్టర్
భారత రక్షణ పరిశోధన, అభివద్ధి సంస్థ (డీఆర్‌డీఓ) అందించిన పరిజ్ఞానంతో అమెరికా.. పేలుడు పదార్ధాలను గుర్తించేందుకు ఎక్స్‌ప్లోజివ్ డిటెక్షన్ కిట్‌ను రూపొందించింది. ఈ కిట్‌ను ఆగస్టు 2న వాషింగ్టన్‌లో విడుదల చేశారు. దీన్ని అమెరికా ప్రపంచవ్యాప్తంగా సరఫరా చేస్తుంది. భారత్ సాంకేతిక పరిజ్ఞానంతో అమెరికా పరికరాన్ని ఉత్పత్తి, సరఫరా చేయడం ఇదే తొలిసారి. 

అంతరిక్షానికి మాట్లాడే రోబో
తొలిసారిగా అంతర్జాతీయ అంతరిక్ష కేంద్రానికి (ఐఎస్‌ఎస్) మాట్లాడే రోబో కిర్భోను జపాన్ ఏరోస్పేస్ ఎక్స్‌ప్లోరేషన్ ఏజెన్సీ ఆగస్టు 4న పంపింది. ఈ రోబో జపాన్ వ్యోమగామి కొయిచి వాకాటాకు తోడుగా పనిచేస్తుంది. రాకెట్ హెచ్2బి ద్వారా ఆహార పదార్థాలు, ఇతర వస్తువులతోపాటు కిర్భోను కూడా పంపారు.

పాక్ అధ్యక్షుడిగా మమ్నూన్ హుస్సేన్ 
భారత్ (ఆగ్రా)లో జన్మించిన పాకిస్థాన్ రాజకీయ నేత మమ్నూన్ హుస్సేన్ పాక్‌కు 12వ అధ్యక్షుడిగా ఎన్నికయ్యారు. జూలై 30న జరిగిన అధ్యక్ష ఎన్నికల్లో అధికార పాకిస్థాన్ ముస్లిం లీగ్-నవాజ్(పీఎంఎల్‌ఎన్) అభ్యర్థిగా బరిలోకి దిగిన 73 ఏళ్ల హుస్సేన్.. తెహ్రీకే ఇన్సాఫ్ పార్టీ అభ్యర్థి, రిటైర్డ్ జడ్జి వజీహుద్దీన్ అహ్మద్‌ను భారీ మెజారిటీతో ఓడించారు. నామమాత్రపు అధికార పదవైన అధ్యక్ష ఎన్నికల్లో నేషనల్ పార్లమెంట్‌లోని ఉభయ సభల సభ్యులు, నాలుగు రాష్ట్రాల అసెంబ్లీల సభ్యులు ఓటేశారు. హుస్సేన్‌కు 432 ఓట్లు, అహ్మద్‌కు 77 ఓట్లు వచ్చాయి. ప్రస్తుత అధ్యక్షుడు ఆసిఫ్ అలీ జర్దారీ స్థానంలో అధ్యక్ష బాధ్యతలు చేపట్టే హుస్సేన్ ఐదేళ్లు పదవిలో ఉంటారు. 

జింబాబ్వే అధ్యక్షుడిగా మళ్లీ ముగాబే
జింబాబ్వే అధ్యక్షుడిగా ప్రస్తుత అధ్యక్షుడు రాబర్ట్ ముగాబే (89) తాజాగా ఏడోసారి ఎన్నికయ్యారు. ఆగస్టు 3న ప్రకటించిన ఎన్నికల ఫలితాల్లో ముగాబే జను-పిఎఫ్ పార్టీ 61 శాతం ఓట్లు సాధించింది. ఆయన ప్రత్యర్థి మూవ్‌మెంట్ ఫర్ డెమోక్రటిక్ చేంజ్ నాయకుడు మోర్గాన్ సావంగిరైకి 34 శాతం ఓట్లు దక్కాయి. 33 ఏళ్లు (1980 నుంచి)గా అధికారంలో ఉన్న ముగాబే ప్రస్తుత విజయంతో మరో ఐదేళ్లపాటు అధికారంలో ఉంటారు.

AIMS DARE TO SUCCESS 

సెప్టెంబరు 2013 అంతర్జాతీయం
అంతర్జాతీయం
కంబోడియా ప్రధానమంత్రిగా హున్‌సేన్ ఎన్నిక
కంబోడియా ప్రధానమంత్రిగా మరో ఐదేళ్ల కాలానికి హున్‌సేన్‌ను పార్లమెంట్ సెప్టెంబర్ 23న ఎన్నుకుంది. గత 30 ఏళ్లుగా ప్రధానమంత్రిగా కొనసాగుతున్న హున్‌సేన్‌ను కొత్త కేబినెట్ ఏర్పాటు చేయాల్సిందిగా రాజు నోర్‌డమ్ సిహమోనీ కోరారు. హున్‌సేన్‌కు చెందిన కంబోడియన్ పీపుల్స్ పార్టీ (సీపీపీ) ఇటీవల జరిగిన ఎన్నికల్లో 68 స్థానాలు గెలుచుకుంది. ప్రతిపక్ష కంబోడియన్ నేషనల్ రెస్క్యూ పార్టీ (సీఎన్‌ఆర్‌పీ)కి 55 స్థానాలు దక్కాయి.

ఐపీసీసీ నివేదిక
ఐక్యరాజ్యసమితికి చెందిన వాతావరణ మార్పుపై అంతర్ ప్రభుత్వ ప్యానెల్ (ఐపీసీసీ) భూ వాతావరణం వేగంగా వేడెక్కుతున్నట్లు హెచ్చరించింది. ఇందుకు సంబంధించిన నివేదికను స్టాక్‌హోమ్‌లో సెప్టెంబర్ 27న విడుదల చేసింది. భూతాపానికి మానవులు కారణంగా పేర్కొంటూ ఈ శతాబ్దంలో ఉష్ణోగ్రత 0.3 నుంచి 4.8 డిగ్రీల సెల్సియస్ పెరుగుతుందని అంచనా వేసింది. సముద్ర మట్టాలు 2100 నాటికి 26 నుంచి 82 సెంటీమీటర్లకు పెరుగుతాయి. వడగాల్పులు, వరదలు, కరువు అధికం అవుతాయని పేర్కొంది. వాతావరణం మరింత క్షీణించకుండా అడ్డుకునేందుకు శిలాజ ఇంధనాల వాడకాన్ని తక్షణం తగ్గించాలని తెలిపింది. పారిశ్రామికీకరణ ముందు నుంచి చూస్తే వాతావరణంలో కార్బన్ డై ఆకై ్సడ్ 40 శాతం పెరిగిందని నివేదిక తెలిపింది. గత మూడు దశాబ్దాలపాటు వరుసగా భూ ఉపరితలం వేడెక్కిందని, ఇది 1850 నుంచి ఏ దశాబ్దంతో పోల్చినా ఎక్కువగా ఉందని పేర్కొంది. గత 1400 సంవత్సరాల్లో 1983-2012 మధ్య 30 ఏళ్ల కాలం అత్యధిక వేడి తో కూడిందని తెలిపింది. గ్రీన్‌హౌస్ ఉద్గారాలను అదుపు చేసేందుకు ప్రభుత్వాలు వెంటనే వాతావరణ కార్యాచరణను ఏర్పాటు చేయాలని, 2015లో ఒప్పందాన్ని రూపొందించాలని ఐపీసీసీ అధిపతి క్రిష్టినా ఫిగ్యురీస్ తెలిపారు.

ఆస్ట్రేలియా ప్రధానిగా అబోట్ ప్రమాణం
ఆస్ట్రేలియా 28వ ప్రధానమంత్రిగా లిబరల్ పార్టీ నేత టోనీ అబోట్ సెప్టెంబర్ 18న ప్రమాణస్వీకారం చేశారు. ఆ దేశ రాజధాని కాన్‌బెర్రాలోని గవర్నమెంట్ హౌస్‌లో గవర్నర్ జనరల్ క్వెంటిన్ బ్రై స్ ఆయనతో ప్రమాణం చేయించారు. అబోట్‌తోపాటు 18 మంది కేబినెట్ మంత్రులుగా, 11 మంది సహాయ మంత్రులుగా, 12 మంది పార్లమెంటరీ కార్యదర్శులుగా ప్రమాణం చేశారు.

ఉత్తమ నాయకత్వ కంపెనీల జాబితా
నాయకత్వానికి ఉత్తమమైన పది ఆసియా కంపెనీల జాబితాలో టాటా గ్రూప్ నాలుగో స్థానంలో నిలిచింది. ఈ జాబితాలో శామ్‌సంగ్ కంపెనీకి మొదటి స్థానంలో దక్కింది. ఆ తర్వాతి స్థానాల్లో టయోటా, యూనిలివర్ కంపెనీలున్నాయి. ఈ జాబితాలో పెట్రోనాస్, జనరల్ ఎలక్ట్రిక్, ఐబీఎం, సోనీ, కోక-కోలా, డీహెచ్‌ఎల్ ఇంటర్నేషనల్ సంస్థలకు చోటు దక్కింది. అంతర్జాతీయ జాబితాలో చూస్తే ప్రోక్టర్ అండ్ గ్యాంబుల్ మొదటి స్థానంలో నిలిచింది. ఆ తర్వాతి స్థానాల్లో మైక్రోసాఫ్ట్, జనరల్ ఎలక్ట్రిక్, కోక-కోలాలు నిలిచాయి. 

సీసీఆర్‌ఏలో భారత్‌కు అధికారిక గుర్తింపు
భారత్‌కు కామన్ క్రైటీరియా రికగ్నిషన్ అరేంజ్‌మెంట్ (సీసీఆర్‌ఏ) సంస్థలో అధికారిక గుర్తింపు (ఆథరైజ్డ్ నేషన్) లభించింది. ఇటువంటి గుర్తింపు పొందిన 17వ దేశం భార త్. తద్వారా సైబర్ సెక్యూరిటీకి అనుగుణంగా ఐటీ ఉత్పత్తులను పరీక్షించడం, సర్టిఫికెట్ ఇవ్వడం వంటి కార్యకలాపాలను భారత్ నిర్వహించవచ్చు. దీంతో అంతర్జాతీయ సంస్థ లు కూడా తమ ఉత్పత్తుల పరీక్ష, సర్టిఫికెట్ల జారీ కోసం భారతీయ కంపెనీలను ఆశ్రయించవచ్చు. మొత్తం 26 సభ్య దేశాలు ఉండే సీసీఆర్‌ఏలో భారత్ ఇప్పటి వరకు వినియోగ దేశ హోదా (కన్‌స్యూమ్డ్ నేషన్)లో మాత్రమే ఉంది.

ఆర్కిటిక్‌లో రష్యా నేవల్‌బేస్
ఆర్కిటిక్ ఖండంలో 20 సంవత్సరాల తర్వాత తిరిగి నేవల్ బేస్‌ను ప్రారంభిస్తున్నట్లు రష్యా అధ్యక్షుడు వాద్లిమిర్ పుతిన్ సెప్టెంబర్ 18న వెల్లడించారు. 

బుకర్ పరిధి పెంపు
సాహిత్య ప్రపంచంలో ప్రతిష్టాత్మకంగా భావించే ది మ్యాన్ బుకర్ ప్రై జ్ పరిధిని విస్తరించాలని నిర్ణయించారు. ప్రస్తుతం బుకర్‌ను ఇంగ్లిష్ మాట్లాడే (స్పీకింగ్) దేశాలకు చెందిన రచయితలకు మాత్రమే ప్రదానం చేసే వారు. ఇప్పటి నుంచి ప్రపంచంలో ఏ దేశ రచయిత అయినా బుకర్ కోసం పోటీ పడొచ్చని బుకర్ ప్రైజ్ చైర్మన్ జోనాథన్ టేలర్ తెలిపారు. కానీ ఆ పుస్తకం మాత్రం యూకేలోనే ప్రచురితమై ఉండాలి.

జర్మనీ ఎన్నికల్లో సీడీయూ విజయం
జర్మనీ పార్లమెంట్ ఎన్నికల్లో చాన్స్‌లర్ ఏంజెలా మెర్కెల్ నేతత్వంలోని క్రిస్టియన్ డెమొక్రాటిక్ యూనియన్ (సీడీయూ) విజయం సాధించింది. గత రెండు ఫలితాల కంటే అధిక సీట్లు కైవసం చేసుకున్నప్పటికీ.. అధికార పగ్గాలు చేపట్టేందుకు అవసరమైన పూర్తిస్థాయి మెజారిటీకి 4 సీట్లు తగ్గడం గమనార్హం. సెప్టెంబర్ 23న వెల్లడించిన అధికారిక ఫలితాల్లో సీడీయూ దాని భాగస్వామ్య క్రిస్టియన్ సోషల్ యూనియన్‌లు 41.7 శాతం ఓట్లు సాధించాయి.

ప్రపంచ ఆహారంలో మూడో వంతు వృథా
ప్రపంచ ఆహార ఉత్పత్తిలో మూడో వంతు (1/3) వృథా అవుతున్నా యని ఐక్యరాజ్యసమితికి చెందిన ఆహార, వ్యవసాయ సంస్థ (ఎఫ్‌ఏఓ) సెప్టెంబర్ 11న తన నివేదికలో తెలిపింది. ‘ఆహార ధాన్యాల వృథా - సహజ వనరులపై ప్రభావం’ పేరుతో ఐరాస ఆహార, వ్యవసాయ సంస్థ తొలిసారిగా వెలువరించిన ఈ అధ్యయనంలో అంతర్జాతీయంగా తిండిని వృథా చేయడం వల్ల కలిగే దుష్ర్పభావాల గురించి పర్యావరణ కోణంలో వివరించారు. ఆహార ధాన్యాలను నిల్వ చేసే సామర్థ్యం లేకపోవడం, మనిషి నిర్లక్ష్యం కారణంగా ఉత్పత్తి అవుతున్న ఆహార పదార్థాల్లో మూడో వంతు వృథాగా మారుతున్నాయని తెలిపింది. ప్రతిరోజూ 820 మిలియన్ల మంది ఆకలితో ఉంటున్నట్లు కూడా ఆ నివేదిక పేర్కొంది. వృథాగా పోతున్న ఆహారం విలువ 750 బిలియన్ డాలర్లు ఉంటుంది. ఇందులో చేపలు, సముద్ర సంబంధిత ఆహారాన్ని చేర్చలేదు. వృథా అవుతున్న ఆహారాన్ని 1.3 బిలియన్ టన్నులుగా అంచనా వేశారు. ఉత్పత్తి చేసిన ఆహారంలో తినకుండాపోతున్న దానివల్ల ప్రతి ఏటా వాతావరణంలోకి 3.3 బిలియన్ టన్నుల గ్రీన్‌హౌస్ వాయువులు చేరుతున్నట్లు కూడా నివేదిక పేర్కొంది. ప్రపంచ ఆహార వృథాలో 54 శాతం ఉత్పత్తి, నూర్పిడి తర్వాత నిర్వహణ, నిల్వ స్థాయిల్లో వృథా అవుతోంది. మిగిలిన 46 శాతం ప్రాసెసింగ్, పంపిణీ, వినియోగ స్థాయిలో వృథాగా పోతోంది. 

సెయింట్ పీటర్స్‌బర్గ్‌లో జీ-20 సమావేశం
జీ-20 దేశాల సమావేశం సెప్టెంబర్ 5, 6 తేదీల్లో సెయింట్‌పీటర్స్‌బర్గ్ (రష్యా)లో జరిగింది. సమావేశానంతరం జీ-20 దేశాల నాయకులు ఉమ్మడి డిక్లరేషన్ విడుదల చేశారు. ఉద్యోగ కల్పన, పటిష్టమైన, సుస్థిర, సమతౌల్య వద్ధిని తిరిగి తీసుకొచ్చేందుకు కచ్చితమైన చర్యలకు కట్టుబడి ఉన్నట్లు ప్రకటించారు. ఆర్థిక వద్ధి, ప్రపంచ ఫైనాన్స్, పన్ను ఎగవేత, ఆర్థిక క్రమబద్ధీకరణ, అవినీతి వంటి అంశాలపై డిక్లరేషన్ దష్టి సారించింది. వాతావరణ మార్పు, ఉగ్రవాదులకు ఆర్థిక సహాయం వంటి అంశాలకు కూడా ప్రాధాన్యతనిచ్చారు. సిరియా పరిస్థితిపై, సమస్యను ఎదుర్కోవడంపైన జీ-20 దేశాధినేతల్లో భిన్నాభిప్రాయాలు వ్యక్తమయ్యాయి. భారత్ తరపున ఈ సమావేశంలో ప్రధానమంత్రి మన్మోహన్ సింగ్ పాల్గొన్నారు. వచ్చే సమావేశం 2014 నవంబర్‌లో ఆస్ట్రేలియాలోని బ్రిస్బేన్‌లో ఆస్ట్రేలియా అధ్యక్షతన జరపాలని నిర్ణయించారు.

భూమిపై అతిపెద్ద అగ్ని పర్వతం గుర్తింపు
భూమిపై అతి పెద్ద అగ్ని పర్వతాన్ని పసిఫిక్ మహా సముద్ర గర్భంలో కనుగొన్నట్లు హోస్టన్ యూనివర్సిటీ పరిశోధకులు సెప్టెంబర్ 5న ప్రకటించారు. ఇది సౌర కుటుంబంలో రెండో అతిపెద్ద అగ్ని పర్వతం. ఇది జపాన్‌కు 1609 కిలోమీటర్ల దూరంలో ఉంది. దీన్ని ‘తాము మాసిఫ్’గా భావిస్తున్నారు. ‘తాము మాసిఫ్’ సముద్ర గర్భంలో ఉన్న శిఖరం. 130 - 145 మిలియన్ సంవత్సరాల క్రితం ఇది ఏర్పడింది. దీని విస్తీర్ణం 3,10,798 చదరపు కిలోమీటర్లు. అయితే ఏర్పడిన కొన్ని మిలియన్ సంవత్సరాల తర్వాత అది చురుకుదనం కోల్పోయింది. ప్రస్తుతం భూమిపై చురుకుగా ఉన్న ‘హవాయీ మౌనా లోయా’ అతిపెద్ద అగ్ని పర్వతం. దీని విస్తీర్ణం 5,179 చదరపు కిలోమీటర్లు. తాము మాసిఫ్ విస్తీర్ణంలో ఇది రెండు శాతం మాత్రమే. హోస్టన్ యూనివర్సిటీకి చెందిన ఎర్త్ అండ్ అట్మాస్ఫియరిక్ సెన్సైస్ చేసిన ఈ అధ్యయనం ఈ అతిపెద్ద అగ్ని పర్వతానికి సంబంధించిన సమాచారం అందించింది.

కంబోడియాలో పాలకపార్టీ సీపీపీ విజయం
ప్రధానమంత్రి హూన్‌సేన్‌కు చెందిన కంబోడియా పీపుల్స్ పార్టీ (సీపీపీ) విజయం సాధించినట్లు కంబోడియా ఎలక్షన్ కమిటీ సెప్టెంబర్ 8న ప్రకటించింది. జూలైలో జరిగిన ఎన్నికల్లో అవకతవకలు జరిగాయని ప్రతిపక్ష నాయకుడు సామ్ రైన్స్‌సే ఆరోపిస్తూ రావడంతో రాజకీయ అనిశ్చితి కొనసాగుతోంది. చివరికి ఎలక్షన్ కమిటీ సీపీపీకి 3.2 మిలియన్ల ఓట్లతో 68 స్థానాలు, ప్రతిపక్ష పార్టీ సీఎన్‌ఆర్‌పీ 2.9 మిలియన్ ఓట్లతో 55 స్థానాలు దక్కినట్లు నిర్ణయించింది. 

మలాలాకు పిల్లల శాంతి బహుమతి
పాకిస్థాన్‌కు చెందిన బాలికల విద్యా ప్రచారకర్త మలాలా.. డచ్ అంతర్జాతీయ పిల్లల శాంతి బహుమతికి ఎంపికైంది. ఈ అవార్డును నెదర్లాండ్స్‌లోని హేగ్‌లో సెప్టెంబర్ 6న బహూకరిస్తారు. బాలికల విద్య కోసం పోరాడుతూ ఆమె తాలిబన్ల దాడికి గురై బతికి బయటపడింది. ఈ అవార్డును డచ్‌కు చెందిన ‘కిడ్స్ రైట్స్ ఫౌండేషన్’ 2005లో ప్రారంభించింది. ఈ అవార్డు కింద 1,33,000 డాలర్లు బహూకరిస్తారు. ఈ మొత్తాన్ని బహుమతి పొందినవారు కషిచేస్తున్న రంగానికి వెచ్చిస్తారు.

భూటాన్‌కు రూ. 5,000 కోట్ల ప్యాకేజీని ప్రకటించిన భారత్
భూటాన్‌కు రూ.5000 కోట్ల ఆర్థిక సహాయాన్ని అందిస్తున్నట్లు భారత్ ఆగస్టు 31న ప్రకటించింది. భారత పర్యటనలో ఉన్న భూటాన్ ప్రధానమంత్రి షెరింగ్ తోబ్గే, ప్రధాని మన్మోహన్ సింగ్ మధ్య చర్చలు జరిగాయి. ఈ చర్చల్లో ఉమ్మడి భద్రతా ప్రయోజనాల పట్ల రెండు దేశాలు తమ విశ్వాసం, నమ్మకాలను పునరుద్ఘాటించాయి.

అతి భారమైన మూలకం గుర్తింపు
అతి భారమైన కొత్త మూలకం కనుగొన్నట్లు జర్మనీ శాస్త్రవేత్తలు ఆగస్టు 28న ప్రకటించారు. 115 పరమాణువు సంఖ్యతో పీరియాడిక్ టేబుల్‌లో దీన్ని త్వరలో చేరుస్తారు. జర్మనీలోని జీఎస్‌ఐ పరిశోధన కేంద్రంలో అంతర్జాతీయ పరిశోధకుల బందం కొత్త మూలకం ఉనికిని ధ్రువీకరించింది. దీనికి పేరు పెట్టాల్సి ఉంది.

స్నోడెన్‌కు జర్మనీ విజిల్ బ్లోయర్ ప్రై జ్
అమెరికా నేషనల్ సెక్యూరిటీ ఏజెన్సీ (నాసా) కాంట్రాక్టర్‌గా పనిచేసిన ఎడ్వర్డ్ స్నోడెన్‌కు జర్మనీకి చెందిన విజిల్ బ్లోయర్ ప్రై జ్ లభించింది. స్నోడెన్ అమెరికా గ్లోబల్ ఎలక్ట్రానిక్ నిఘా కార్యక్రమాలను బయటపెట్టి సంచలనం సష్టించాడు. 3900 డాలర్ల ఈ అవార్డును బెర్లిన్‌లో ఆగస్టు 30న స్నోడెన్‌కు బహూకరించారు.

AIMS DARE TO SUCCESS 

అక్టోబరు 2013 అంతర్జాతీయం
బ్రిటన్‌లో సెయింట్ జ్యూడ్ తుపాను
సెయింట్ జ్యూడ్ తుపాను వల్ల బ్రిటన్, ఫ్రాన్స్‌ల్లో అక్టోబర్ 28న భారీ వర్షాలు, గాలులు సంభవించాయి. నలుగురు మరణించారు. రవాణా వ్యవస్థకు బాగా అంతరాయం కలిగింది. విమానాలు, రైళ్ల రాకపోకలు ఆగిపోయాయి.

ఫిలిప్పీన్స్ భూకంపంలో 100 మందికి పైగా మృతి
ఫిలిప్పీన్స్‌లో అక్టోబర్ 15న సంభవించిన భారీ భూకంప తాకిడికి ఇళ్లు, భవనాలు కూలిపోయాయి. పలు ప్రాంతాల్లో కొండ చరియలు విరిగిపడ్డాయి. వంద మందికిపైగా మృతి చెందారు. వందలాదిమంది గాయాలపాలయ్యారు. బొహోల్ ద్వీపంలోని కార్మెన్ పట్టణ శివార్లలో భూమికి 33 కి.మీ దిగువన భూకంప కేంద్రాన్ని గుర్తించారు. భూకంప తీవ్రత రిక్టర్ స్కేల్‌పై 7.2గా నమోదైంది.

భద్రతా మండలికి ఐదు తాత్కాలిక సభ్య దేశాలు
భద్రతా మండలికి ఐదు తాత్కాలిక సభ్య దేశాలను ఐక్యరాజ్య సమితి సాధారణ అసెంబ్లీ అక్టోబర్ 17న ఎన్నుకుంది. భద్రతా మండలికి తాజాగా ఎన్నికైన చాద్, చిలీ, లిథువేనియా, నైజీరియా, సౌదీ అరేబియాలు 2014 జనవరి నుంచి రెండేళ్ల పాటు అందులో కొనసాగుతాయి. తాత్కాలిక సభ్య దేశాలుగా ప్రస్తుతమున్న అజర్‌బైజాన్, గ్వాటెమాల, మొరాకో, పాకిస్థాన్, టోగోల కాల పరిమితి ఈ ఏడాది చివరికి ముగుస్తుంది.

బ్రూనైలో 23వ ఆసియాన్‌ సదస్సు
ఆగ్నేయాసియా దేశాల సమాఖ్య (ఆసియాన్‌) 23వ సదస్సు ‘మన ప్రజలు, సమష్టిగా మన భవిష్యత్తు’ అనే ఇతివృత్తంతో బ్రూనైలో అక్టోబర్‌ 9, 10 తేదీల్లో జరిగింది. ఈ సదస్సులో ఆసియాన్‌ నాయకులు.. మహిళలు, పిల్లల పట్ల జరిగే హింసను అంతమొందించాలని కోరారు. 2015 నాటికి ఆసియాన్‌ సమాజం ఏర్పాటుపై దృష్టి సారించారు. 2014 సదస్సు అధ్యక్ష బాధ్యతలను మయన్మార్‌కు బ్రూనై అప్పగించింది. ఈ సందర్భంగా ఐదో ఆసియాన్‌ - యూఎన్‌ సదస్సు కూడా జరిగింది. సముద్ర భద్రత, ఆహార, ఇంధన భద్రత, వాతావరణ మార్పు, సహస్రాబ్ధి లక్ష్యాల అమలు వంటి అంశాల్లో సహకారం పెంచే ఆసియాన్‌- యూఎన్‌ డిక్లరేషన్‌ అమలును కొనసాగించాలని నాయకులు అంగీకరించారు. ఇక్కడ జరిగిన 11వ భారత్‌ - ఆసియాన్‌ సదస్సులో భారత ప్రధానమంత్రి మన్మోహన్‌ సింగ్‌ పాల్గొన్నారు. ఆసియాన్‌తో స్వేచ్ఛా వాణిజ్య ఒప్పందం కుదుర్చుకోవడానికి సిద్ధంగా ఉన్నట్లు ప్రధాని ప్రకటించారు. ఇరుపక్షాల వాణిజ్యం 76 బిలియన్‌ డాలర్ల నుంచి 2015 నాటికి 100 బిలియన్‌ డాలర్లకు చేరుతుందని తెలిపారు. అంతర్జాతీయ ఉగ్రవాదాన్ని ఎదుర్కొనేందుకు భారత్‌ - ఆసియాన్‌ ఉమ్మడి ప్రణాళిక రూపొందిస్తున్నాయని చెప్పారు. ఆసియాన్‌ కూటమిలో బ్రూనై, కంబోడియా, ఇండోనేషియా, మలేషియా, మయన్మార్‌, లావోస్‌, ఫిలిప్పీన్స్‌, సింగపూర్‌, థాయ్‌లాండ్‌, వియత్నాం సభ్యులుగా ఉన్నాయి. 

ఇథియోపియా అధ్యక్షుడిగా ములాతు తెసోమి
ఇథియోపియా అధ్యక్షుడిగా ములాతు తెసోమి అక్టోబర్‌ 7న ఎన్నికయ్యారు. ఆయన లాంఛనప్రాయమైన ఈ పదవిలో ఆరేళ్లపాటు ఉంటారు.

రెమిటెన్సుల్లో భారత్‌కు మొదటి స్థానం
ప్రవాసీయులు తమ స్వదేశాలకు పంపే నిధులు (రెమిటెన్సులు) పొందడంలో భారత్‌ మొదటి స్థానంలో నిలిచింది. 2013లో భారత్‌ 71 బిలియన్‌ డాలర్ల రెమిటెన్సులు పొంది మొదటి స్థానంలో ఉందని ప్రపంచ బ్యాంక్‌ తన నివేదికలో అక్టోబర్‌ 3న తెలిపింది. చైనా 60 బిలియన్‌ డాలర్లు పొంది రెండో స్థానంలో నిలిచింది. 26 బిలియన్‌ డాలర్ల నిధులతో ఫిలిప్పీన్స్‌ మూడో స్థానంలో ఉంది. 2013లో అభివద్ధి చెందుతున్న దేశాలు పొందుతున్న మొత్తం రెమిటెన్సులు 414 బిలియన్‌ డాలర్లకు చేరుకుంటాయని ప్రపంచ బ్యాంక్‌ పేర్కొంది.

2050 నాటికి జనాభాలో భారత్‌ నెంబర్‌ వన్‌
2050 నాటికి భారత్‌ 160 కోట్ల జనాభాతో ప్రపంచంలో అత్యంత జనాభా కలిగిన దేశంగా అవతరించనుందని ఫ్రెంచ్‌ ఇన్‌స్టిట్యూట్‌ ఆఫ్‌ డెమోగ్రఫిక్‌ స్టడీస్‌ తెలిపింది. ప్రస్తుతం భారత్‌ జనాభా 120 కోట్లు. ఇప్పుడు మొదటి స్థానంలో ఉన్న చైనా స్థానాన్ని భారత్‌ ఆక్రమిస్తుందని పేర్కొంది. ప్రస్తుతం చైనా జనాభా 130 కోట్లు. ప్రపంచ జనాభా 2050 నాటికి 970 కోట్లకు చేరుకుంటుందని అంచనా వేసింది. ప్రస్తుతం ప్రపంచ జనాభా 710 కోట్ల్లుగా ఉంది. 

వరల్డ్‌ టాయిలెట్‌ సమ్మిట్‌
వరల్డ్‌ టాయిలెట్‌ సదస్సు ఇండోనేషియాలో అక్టోబర్‌ 2న మొదలైంది. ఈ మూడు రోజుల సదస్సులో పబ్లిక్‌ టాయిలెట్లు లేకపోవడం, బహిరంగ ప్రదేశాల్లో విసర్జన ప్రధానాంశాలుగా చర్చకు వచ్చాయి. ప్రపంచవ్యాప్తంగా 250 కోట్ల మందికి మరుగుదొడ్ల సౌకర్యం, మురుగునీటి పారుదల సౌకర్యం అందుబాటులో లేదు. డయేరియాతో ప్రతి ఏటా 10 లక్షల మంది పిల్లలు మరణిస్తున్నట్లు ఐక్యరాజ్యసమితి తెలిపింది. సింగపూర్‌కు చెందిన జాక్‌సిమ్‌ 2001లో వరల్డ్‌ టాయిలెట్‌ ఆర్గనైజేషన్‌ను ఏర్పాటు చేశారు.

15.7 మిలియన్లమందికి ఆకలి బాధ
అభివృద్ధి చెందిన దేశాల్లో 15.7 మిలియన్ల మంది ఆకలి బాధతో ఉన్నట్లు ఐక్యరాజ్యసమితి ఆహార సంస్థలు తెలిపాయి. అక్టోబర్‌ 2న విడుదల చేసిన ప్రపంచంలో ఆహార భద్రత స్థితి - 2013 అనే నివేదికలో 2011-13లో మొత్తం 842 మిలియన్ల మంది ఆకలి బాధతో ఉన్నట్లు తెలిపింది. ఈ సంఖ్య 2010-12లో 868 మిలియన్లుగా ఉండేది. అభివృద్ధి చెందుతున్న దేశాల్లో ఎక్కువ మంది ప్రజలు ఆకలి బాధతో ఉండగా, అభివృద్ధి చెందిన దేశాల్లో కూడా 15.7 మిలియన్ల మంది ఆకలితో ఉన్నట్లు నివేదిక పేర్కొంది. చురుకుగా, ఆరోగ్యంగా జీవించడానికి చాలినంత ఆహారం లేకపోవడాన్ని ఆకలి బాధగా నివేదిక తెలిపింది. అభివృద్ధి చెందిన దేశాల్లో పెరుగుతున్న ఆర్థిక వృద్ధి ఆదాయాల పెరుగుదలకు, ఆహార లభ్యతకు తోడ్పడుతోందని వివరించింది. వ్యవసాయ ఉత్పత్తిలో అధికవృద్ధి, వ్యవసాయ రంగంలో ప్రై వేటు పెట్టుబడులు ఆహార లభ్యతను మెరుగుపరుస్తున్నాయని నివేదిక తెలిపింది. ఈ నివేదికను ప్రతి ఏటా ఆహార, వ్యవసాయ సంస్థ (ఎఫ్‌ఏవో), అంతర్జాతీయ వ్యవసాయ అభివృద్ధి నిధి, ప్రపంచ ఆహార కార్యక్రమం ప్రచురిస్తాయి. 

షట్‌డౌన్‌ ప్రకటించిన అమెరికా ప్రభుత్వం
అమెరికా ప్రభుత్వం అక్టోబర్‌ 1న షట్‌డౌన్‌ ప్రకటించింది. షట్‌డౌన్‌ చేయాలంటూ ప్రభుత్వ కార్యాలయాలకు అమెరికా అధ్యక్ష కార్యాలయం నుంచి ఆదేశాలు వెళ్లాయి. దాదాపు 18 ఏళ్ల తర్వాత అమెరికా షట్‌డౌన్‌ ప్రకటించింది. 1996లో క్లింటన్‌ కాలంలో షట్‌డౌన్‌ విధించారు. ఈ పాక్షిక షట్‌డౌన్‌ వల్ల అత్యవసర, నిత్యావసర సేవలు తప్ప ప్రభుత్వ కార్యకలాపాలు నిలిచిపోతాయి. అక్టోబర్‌ 1 నుంచి మొదలయ్యే ఆర్థిక సంవత్సర బడ్జెట్‌ను సెప్టెంబర్‌ 30న కాంగ్రెస్‌ ఆమోదించకపోవడంతో షట్‌డౌన్‌ ప్రకటించాల్సి వచ్చింది. ‘ఒబామా కేర్‌’ అని పిలిచే ఆరోగ్య పథకంపై రిపబ్లిక్‌, డెమోక్రటిక్‌ పార్టీల మధ్య ఏకాభిప్రాయం రాకపోవడంతో బడ్జెట్‌కు ఆమోదం లభించలేదు. యాజమాన్యాల నుంచి ఆరోగ్య బీమా లేనివారు వ్యక్తిగతంగా ఆరోగ్య బీమా పొందాలనేది ‘ఒబామా కేర్‌’ చట్టంలోని ముఖ్య నిబంధన. దీన్ని రిపబ్లికన్లు వ్యతిరేకిస్తున్నారు.

AIMS DARE TO SUCCESS 

నవంబరు 2013 అంతర్జాతీయం
2013 వర్డ్ ఆఫ్ ది ఇయర్ ‘సెల్ ఫీ’
2013 వర్డ్ ఆఫ్ ది ఇయర్‌గా ‘సెల్ ఫీ (Selfie)’ పదాన్ని ఆక్స్‌ఫర్డ్ డిక్షనరీ నవంబర్ 19న ప్రకటించింది. సెల్‌ఫీకి ట్వెర్క్ (Twerk) మంచి పోటీ ఇచ్చింది. గత 12 నెలల్లో సెల్‌ఫీ వాడకం 17000 శాతం పెరిగినట్లు ఆక్స్‌ఫర్డ్ డిక్షనరీ తెలిపింది. తనంత తానుగా తీసుకునే ఫొటోను సెల్‌ఫీగా నిర్వచించారు.

ఇరాన్ అణు కార్యక్రమం నియంత్రణపై ఒప్పందం
అణు కార్యక్రమం నియంత్రణకు ఇరాన్ అంగీకరిస్తూ అమెరికాతో సహా ఐదు అగ్ర దేశాలతో చారిత్రాత్మక ఒప్పందం చేసుకుంది. ఇందుకు సంబంధించి జెనీవాలో నవంబర్ 24న ఇరాన్.. అమెరికా, బ్రిటన్, రష్యా, చైనా, ఫ్రాన్స్+జర్మనీ (పీ5+1) దేశాల మధ్య ఒప్పందం కుదిరింది. ఇది ఆరు నెలలు అమల్లో ఉంటుంది. దీని ప్రకారం ఇరాన్ అణు కార్యక్రమ పరిశీలకులకు సహకరిస్తుంది. యురేనియాన్ని ఐదు శాతానికి మించి శుద్ధి చేయదు. ఇంతకుమించి శుద్ధి చేసిన యురేనియం నిల్వలను తగ్గిస్తుంది. 20 శాతం శుద్ధి చేసిన యురేనియం నిల్వలను నిర్వీర్యం చేస్తుంది. అరక్ అణు రియాక్టర్ ద్వారా ప్లుటోనియం ఉత్పత్తిని చేపట్టదు. ఇరాన్‌పై విధించిన ఆంక్షలు ఆరునెలలపాటు సడలిస్తారు. ఇరాన్ చమురు అమ్మకాల వల్ల వచ్చిన నాలుగు బిలియన్ల డాలర్ల ఆదాయాన్ని నిలిచిపోయిన అకౌంట్ల నుంచి పొందొచ్చు. బంగారం, పెట్రోకెమికల్స్, కారు, విమాన విడిభాగాల వాణిజ్యంపై ఉన్న నియంత్రణలను తొలగిస్తారు.

కొలంబోలో కామన్‌వెల్త్ సదస్సు
కామన్‌వెల్త్ దేశాధినేతల సదస్సు (చోగమ్) నవంబర్ 15 నుంచి 17 వరకు శ్రీలంక రాజధాని కొలంబోలో జరిగింది. న్యాయమైన వద్ధి, సమ్మిళిత అభివృద్ధి అనే అంశం ఇతివృత్తంగా సదస్సును నిర్వహించారు. ఇందులో 50 దేశాలకు చెందిన ప్రతినిధులు పాల్గొనగా అందులో 27 దేశాల అధిపతులు ఉన్నారు. 2011 పెర్త్‌లో జరిగిన చివరి సమావేశం తర్వాత సాధించిన ప్రగతిని సదస్సులో సమీక్షించారు. కామన్‌వెల్త్ చార్టర్ ఆమోదం, కామన్‌వెల్త్ సెక్రటేరియట్ కోసం కొత్త వ్యూహాత్మక ప్రణాళికలపై ఒప్పందం వంటి అంశాలతోపాటు ఎమినెంట్ పర్సన్స్ గ్రూప్ చేసిన ప్రతిపాదనల అమలుపై సదస్సులో నేతలు హర్షం వ్యక్తం చేశారు. ప్రజాస్వామ్య ప్రాముఖ్యత, మానవ హక్కులు, అంతర్జాతీయ శాంతి భద్రతలు, సహనం, భావ ప్రకటన స్వేచ్ఛ, సమన్యాయపాలన, ఉత్తమ పాలన, సుస్థిర అభివద్ధి, పర్యావరణ పరిరక్షణ, అందరికీ ఆరోగ్యం, విద్య, ఆహారం, వసతి అందుబాటు, లింగ సమాన్వతం, చిన్న, దుర్భల స్థితిలో ఉన్న దేశాల అవసరాలు, పౌర సమాజం పాత్ర వంటి చార్టర్‌లోని అంశాల ప్రాధాన్యతను వారు గుర్తించారు. కామన్‌వెల్త్ బిజినెస్ ఫోరం, యూత్ ఫోరం, పీపుల్స్ ఫోరం ఫలితాలను సదస్సు నాయకులు స్వాగతించారు. 2015 సదస్సు మాల్టా, 2017 సదస్సు వనౌతు, 2019 సదస్సు మలేసియా నిర్వహించేందుకు ముందుకు రావడాన్ని ఆమోదించారు. 

ఆసియా - యూరప్ మంత్రుల సమావేశం
ఆసియా- యూరప్ విదేశాంగ మంత్రుల, అధికారుల సమావేశం న్యూఢిల్లీలో నవంబర్ 11, 12 తేదీల్లో జరిగింది. ఈ 11వ ఆసియా - యూరప్ సమావేశం (ఆసెమ్)లో ‘ఆసెమ్ వృద్ధి, అభివృద్ధి కోసం భాగస్వామ్య నిర్మాణం’ అనే అంశాన్ని ఇతివత్తంగా చేపట్టారు. ఇందులో సైబర్ క్రై మ్ ప్రధాన చర్చనీయాంశమైంది. సుస్థిర అభివృద్ధి, ఇంధన సామర్థ్యం, టెక్నాలజీలతో సహా 12 అంశాల్లో సహకరించుకోవాలని నిర్ణయించారు. ఈ సమావేశానికి 36 దేశాల విదేశాంగ మంత్రులతోపాటు మొత్తం 49 దేశాల ప్రతినిధులు, యూరోపియన్ కమిషన్, ఆసియా సెక్రటేరియట్ ప్రతినిధులు హాజరయ్యారు. ప్రపంచ జనాభాలో 60 శాతం జనాభా ఆసెమ్ దేశాల్లోనే ఉంది. జీడీపీలో 52 శాతం, ప్రపంచ వాణిజ్యంలో 68 శాతం ఆసెమ్ దేశాలదే. ఆసియా, యూరప్ భాగస్వామాన్ని అభివద్ధి చేసేందుకు ఆసెమ్‌ను 1994లో సింగపూర్, ఫ్రాన్స్‌లు ప్రారంభించాయి. తర్వాత మొదటి సమావేశం 1996, మార్చిలో బ్యాంకాక్‌లో జరిగింది.

బంగ్లాదేశ్‌లో మాజీ సైనికులకు మరణశిక్ష
2009 నాటి బంగ్లాదేశ్ సైనిక తిరుగుబాటు కేసులో 152 మంది మాజీ సైనికులకు ఢాకా మెట్రోపాలిటన్ సెషన్స్ కోర్టు నవంబర్ 5న మరణశిక్ష విధించింది. బంగ్లాదేశ్ రైఫిల్స్ హెడ్ క్వార్టర్స్ వద్ద 2009, ఫిబ్రవరి 25, 26న పారామిలిటరీ సిబ్బంది తిరుగుబాటు చేసి 74 మంది అధికారులను హత్య చేశారు. ఈ కేసులో కోర్టు 152 మందికి మరణశిక్ష, 158 మందికి యావజ్జీవం, 251 మందికి ఐదేళ్లవరకు జైలు శిక్ష విధించింది.

భారత్ - చైనా సైనిక విన్యాసాలు
పది రోజులపాటు సాగే భారత్-చైనా సంయుక్త సైనిక విన్యాసాలు నవంబర్ 5న చైనాలోని చెగ్దూ పట్టణ సమీపంలో ప్రారంభమయ్యాయి. ఇవి ఐదేళ్ల తర్వాత తొలిసారి జరుగుతున్నాయి. ఇటీవల ఇరుదేశాలు సరిహద్దు రక్షణ సహకార ఒప్పందంపై సంతకాలు చేశాయి. ఈ నేపథ్యంలో కౌంటర్ టైజంపై దష్టిసారించి ఈ విన్యాసాలు చేపట్టారు.

కువైట్ ప్రధాని భారత్ పర్యటన
కువైట్ ప్రధానమంత్రి షేక్ జబెర్ అల్ ముబారక్ అల్ అహ్మద్ అల్ సబా తన భారత పర్యటనలో నవంబర్ 8న ప్రధాని మన్మోహన్‌సింగ్‌తో సమావేశమయ్యారు. ఇందులో భాగంగా ఐదు ఒప్పందాలపై ఇరు దేశాలు సంతకాలు చేశాయి. తమ సంబంధాలను పటిష్టం చేసుకోవడంలో భాగంగా పెట్టుబడులు, వాణిజ్యం, భద్రత, ఇంధన రంగంలో ఉమ్మడి ప్రాజెక్టులపై చర్చలు జరిపాయి.

ఫిలిప్పీన్స్‌లో హైయాన్ తుఫాన్ విధ్వంసం
ఫిలిప్పీన్స్‌లో నవంబర్ 8, 9, 10 తేదీల్లో సంభవించిన తీవ్ర హైయాన్ తుఫాను వల్ల భారీ నష్టం జరిగింది. పదివేలమందికి పైగా మరణించారు. 44 లక్షల మంది నిరాశ్రయులయ్యారు. వేలాది మంది ఆచూకీ గల్లంతైంది. లైట్ ప్రావిన్స్‌లోని టాక్లోబాన్ పట్టణం అతలాకుతలం అయింది. తుపాన్ తీవ్రతకు లైట్, సమార్, విసాయాస్, బికోల్, మిండనాల్ ప్రాంతాలు బాగా దెబ్బతిన్నాయి. చైనా, వియత్నాంలపై కూడా తుపాన్ ప్రభావం పడింది.

ఉపరాష్ట్రపతి అన్సారీ క్యూబా పర్యటన
భారత ఉపరాష్ట్రపతి హమీద్ అన్సారీ క్యూబాలో పర్యటించారు. ఇందులో భాగంగా అక్టోబర్ 31న క్యూబా విప్లవ నాయకుడు ఫిడెల్ క్యాస్ట్రో (87), అధ్యక్షుడు రౌల్ క్యాస్ట్రో (82)తో సమావేశమయ్యారు. ఈ సందర్భంగా భారత్ - క్యూబాలు బ్రాడ్‌కాస్టింగ్ రంగంలో సహకరించుకునే ఒప్పందంపై సంతకాలు చేశాయి. భారత్‌కు చెందిన ప్రసార భారతి, క్యూబన్ రేడియో అండ్ టెలివిజన్ ఇన్‌స్టిట్యూట్లు ఇరు దేశాల మధ్య సౌహార్థ సంబంధాలు పటిష్టం చేసుకోవడంలో భాగంగా ఈ ఒప్పందాన్ని కుదుర్చుకున్నాయి. ఈ రెండు సంస్థలు సంస్కృతి, విద్య, సైన్స్, వినోదం, క్రీడలు, వార్తలకు సంబంధించిన కార్యక్రమాలను మార్పిడి చేసుకుంటాయి.

ఆసియా-యూరప్ మధ్య సముద్రగర్భ రైలు మార్గం
ప్రపంచంలో తొలిసారి రెండు ఖండాలను కలుపుతూ నిర్మించిన సముద్ర గర్భ సొరంగ రైలు మార్గాన్ని టర్కీ అక్టోబర్ 29న ప్రారంభించింది. యూరప్ - ఆసియాలను కలిపే 13.6 కి.మీ మార్గాన్ని బస్పొరస్ జలసంధికి 60 మీటర్ల లోతులో నిర్మించారు. ఇది సముద్ర మట్టానికి 1.4 కి.మీ దిగువన ఉంటుంది. ఇది నల్ల సముద్రాన్ని మర్మరా సముద్రంతో కలుపుతుంది. ఈ మార్గానికి మర్మరేగా పేరు పెట్టారు. 2004లో చేపట్టిన ఈ ప్రాజెక్టుకు 2.8 బిలియన్ డాలర్ల వ్యయం చేశారు. ఈ ప్రాజెక్ట్ నిర్మాణం గురించి తొలిసారి 1860లో ఒట్టమాన్ సుల్తాన్ అబ్దోల్ మెద్‌జిద్ ఆలోచించారు. కానీ నాటి సాంకేతిక పరిస్థితుల దృష్ట్యా అప్పుడు సాధ్యం కాలేదు.

ప్రపంచ సౌభాగ్య సూచీలో భారత్ స్థానం 106
ప్రపంచ సౌభాగ్య సూచీలో ఈ ఏడాది భారత్‌కు 106వ స్థానం దక్కింది. లండన్‌కు చెందిన లెగాటమ్ ఇన్‌స్టిట్యూట్ 142 దేశాలకు చెందిన జాబితాను అక్టోబర్ 31న విడుదల చేసింది. గతేడాది కూడా భారత్ 101వ స్థానంలో ఉంది. నార్వే మొదటి స్థానంలో నిలిచింది. వరుసగా మొదటి స్థానం దక్కడం నార్వేకి ఐదోసారి. స్విట్జర్లాండ్ రెండో స్థానంలోనూ, కెనడా మూడో స్థానంలోనూ ఉన్నాయి. విద్య, ఆరోగ్యం, ఆర్థికం, భద్రత, రక్షణలతో కూడిన ఎనిమిది అంశాల ఆధారంగా ఈ సూచీని రూపొందించారు. 

యూఎన్ ఆడిట్ ప్యానెల్‌లో భారత్‌కు స్థానం
ఐక్యరాజ్యసమితి బోర్డ్ ఆఫ్ ఆడిటర్స్‌కు భారత కంప్ట్రోలర్ అండ్ ఆడిటర్ జనరల్ (కాగ్) శశికాంత్ శర్మ ఎన్నికయ్యారు. ఈ సభ్యత్వానికి నవంబర్ 2న జరిగిన ఎన్నికల్లో భారత్.. ఫిలిప్పీన్స్‌ను ఓడించింది. 2014, జూలై 1 నుంచి చైనా స్థానంలో భారత్ సభ్యత్వం పొందుతుంది. ఆరేళ్లపాటు ఈ సభ్యత్వం ఉంటుంది. ఐక్యరాజ్యసమితి ప్రధాన కార్యాలయంతోపాటు ఇతర సంస్థల అకౌంట్లను, నిధులను యూఎన్ ఆడిట్ ప్యానెల్ ఆడిట్ చేసి తన ప్రతిపాదనలను ఐక్యరాజ్యసమితి సాధారణ సభకు పంపుతుంది.

వ్యాపార నిర్వహణ దేశాల జాబితాలో భారత్‌కు 134వ స్థానం
సులువుగా వ్యాపారం చేయదగ్గ దేశాల జాబితాలో భారత్‌కు 134వ స్థానం దక్కింది. ‘ఈజీ డూయింగ్ ఆఫ్ బిజినెస్’ అనే పేరుతో 189 దేశాలకు చెందిన జాబితాను ప్రపంచ బ్యాంకు అక్టోబర్ 29న విడుదల చేసింది. గతేడాది 131వ స్థానంలో ఉన్న భారత్ ఈ ఏడాది 134వ స్థానానికి తగ్గింది. ఈ జాబితాలో సింగపూర్ మొదటి స్థానాన్ని ఆక్రమించింది. హాంగ్‌కాంగ్ రెండో స్థానంలో, న్యూజిలాండ్ మూడో స్థానంలోనూ నిలిచాయి. అమెరికాకు 4వ స్థానం దక్కింది.

AIMS DARE TO SUCCESS 

డిసెంబరు 2013 అంతర్జాతీయం
ముస్లిం బ్రదర్‌హుడ్‌ను ఉగ్రవాద సంస్థగా ప్రకటించిన ఈజిప్ట్
పదవీచ్యుతుడైన అధ్యక్షుడు మొహమ్మద్ మోర్సీకి చెందిన ముస్లిం బ్రదర్‌హుడ్‌ను ఉగ్రవాద సంస్థగా సైన్యం నియమించిన ఈజిప్టు పాలకులు 2013 డిసెంబర్ 25న ప్రకటించారు. బ్రదర్‌హుడ్ అన్ని కార్యకలాపాలను నిషేధించారు. ఆ గ్రూపులో కొనసాగేవారిని చట్టప్రకారం శిక్షిస్తామని ప్రభుత్వం ప్రకటించింది. ఈ నిర్ణయం బ్రదర్‌హుడ్ ఉద్యమాన్ని మరింత తీవ్రంగా అణచివేస్తుంది. అల్ ఖైదాతో ప్రేరేపిత ఉగ్రవాదులు ముస్లిం బ్రదర్‌హుడ్‌తో కలిసి పోలీసులు, సైనికుల హత్యలకు పాల్పడుతున్నారని ప్రభుత్వం నిందించింది. జులైలో మోర్సీని అధ్యక్షుడిగా సైన్యం తొలగించిన తరువాత ఆయనను తిరిగి నియమించాలని జరుగుతున్న ఉద్యమంలో వేయి మంది వరకు మరణించారు. వీరిలో ఎక్కువ మంది ఇస్లామిస్టులు ఉన్నారు. వేలాది మందిని ఖైదీలుగా చేసారు.

చిలీ అధ్యక్షురాలిగా మిచెల్ బాషెలెట్
చిలీ అధ్యక్షురాలిగా సోషలిస్టు పార్టీ నాయకురాలు మిచెల్ బాషెలెట్ డిసెంబర్ 15న ఎన్నికయ్యారు. దేశంలో సామాజిక అసమానతలు తగ్గించేందుకు భారీస్థాయిలో పన్ను, విద్యా సంస్కరణలు తీసుకొస్తానని ఆమె వాగ్దానం చేశారు. అధ్యక్ష ఎన్నికల్లో ఆమెకు 62 శాతం ఓటర్ల మద్దతు లభించింది. 1989లో తిరిగి ప్రజాస్వామ్య పద్ధతిలో ఎన్నికలు జరగడం మొదలైన తర్వాత అధ్యక్ష అభ్యర్థికి ఇంత భారీ మద్దతు లభించడం ఇదే తొలిసారి.

ఎకే 47 సృష్టికర్త కలష్నికోవ్ మృతి
ఎకే-47 ఆటోమేటిక్ రైఫిల్ సృష్టికర్త మిఖైల్ కలష్నికోవ్ (94) రష్యాలోని ఉద్ముర్షియాలో డిసెంబర్ 23న మరణించారు. ఆయన 1947లో ఆ రైఫిల్‌ను రూపొందించడంతో ఎకే 47గా పేరు పెట్టారు. ఈ అత్యాధునిక ఆయుధాన్ని రూపొందించినందుకు కలష్నికోవ్‌కు ప్రతిష్టాత్మకమైన ‘హీరో ఆఫ్ రష్యా’ ప్రై జ్ లభించింది. 100 మిలియన్లకుపైగా ఈ రైఫిల్స్ ప్రపంచవ్యాప్తంగా అమ్ముడుపోయాయి. వీటిని ఇరాక్, అప్ఘానిస్థాన్, సోమాలియా వంటి పోరాట ప్రాంతాల్లో వాడుతున్నారు.

చంద్రునిపై దిగిన చైనా రోవర్
చైనా పంపిన చాంగ్-3 అనే వ్యోమనౌక డిసెంబర్ 14న చంద్రునిపై సైనస్ ఇరిడమ్ అనే ప్రదేశంలో దిగింది. ఆ నౌకలో ఉన్న ల్యాండర్‌తోపాటు యుతు (జేడ్ ర్యాబిట్) అనే రోవర్ చంద్రున్ని చేరాయి. ల్యాండర్ నుంచి రోవర్ విడిపోయి మూడు చదరపు కిలోమీటర్లలో తిరుగుతూ చంద్రుడి అంతర్నిర్మాణం, ఉపరితలంపై సర్వే చేస్తుంది. సహజ వనరుల అన్వేషణ సాగిస్తుంది. 40 సంవత్సరాల తర్వాత తొలిసారి చంద్రునిపై రోవర్ దిగింది. ఇప్పటివరకు అమెరికా, సోవియట్ యూనియన్‌లు చంద్రునిపై రోవర్లు దింపాయి. ఇది చైనా పంపిన తొలి రోవర్. చంద్రునిపై రోవర్‌ను దించిన మూడోదేశంగా చైనాకు గుర్తింపు దక్కింది. డిసెంబర్ 1న చైనా లాంగ్‌మార్‌‌చ-3బి రాకెట్ ద్వారా చాంగ్-3 వ్యోమనౌకను ప్రయోగించింది.

అంటార్కిటికాలో రికార్డు స్థాయిలో -93.2 డిగ్రీల సెల్సియస్
అంటార్కిటికా తూర్పు ప్రాంతంలో 2010లో రికార్డు స్థాయిలో -93.2 డిగ్రీల సెల్సియస్ ఉష్ణోగ్రత నమోదైనట్లు నాసా తెలిపింది. ఈ ప్రాంతంలో రికార్డు స్థాయిలో 1983లో -89.2 డిగ్రీల సెల్సియస్ ఉష్ణోగ్రత నమోదైంది. ఇక్కడ గత 32 ఏళ్లుగా నమోదైన ఉష్ణోగ్రతల వివరాలను నాసా శాస్త్రవేత్తలు ప్రకటించారు. ఉపగ్రహాల సాయంతో ఈ సమాచారం సేకరించారు.

ఆసియా కోసం కమ్యూనికేషన్ ఉపగ్రహం
దక్షిణాసియా, ఆసియా పసిఫిక్ ప్రాంతాలకు టెలివిజన్, కేబుల్ టీవీ సేవలు అందించేందుకు తొలి ప్రైవేటు వాణిజ్య రాకెట్ ప్రయోగాన్ని అమెరికాకు చెందిన స్పేస్ ఎక్స్ చేపట్టింది. భారత్, చైనాలకు కూడా ఈ ఉపగ్రహ సేవలు అందుతాయి. ఈ రాకెట్ ద్వారా ఎస్.ఇ.ఎస్-8 అనే 3.2 టన్నుల ఉపగ్రహాన్ని ఫ్లోరిడాలోని కేప్ కేనవెరాల్ అంతరిక్ష కేంద్రం నుంచి డిసెంబర్ 4న ప్రయోగించారు. ఈ ఉపగ్రహాన్ని భూమి కంటే పైన స్థిర కక్ష్యలో ఉంచి ఉపయోగించుకుంటారు.

నెల్సన్ మండేలా అస్తమయం
నోబెల్ శాంతి బహుమతి గ్రహీత, దక్షిణాఫ్రికా మాజీ అధ్యక్షుడు నెల్సన్ మండేలా (95) జోహెన్నెస్‌బర్గ్‌లో డిసెంబర్ 5న మరణించారు. మండేలా దక్షిణాఫ్రికాకు తొలి నల్లజాతి అధ్యక్షుడు. దక్షిణాఫ్రికాలో శ్వేత జాత్యహంకార పాలనను అంతమొందించారు. అల్ప సంఖ్యాకులైన శ్వేత జాతీయుల పాలనలో తీవ్ర వివక్షకు గురైన నల్లజాతి ప్రజల విముక్తి కోసం సుదీర్ఘ పోరాటం చేసి విజయం సాధించారు. ఈ పోరాటంలో ఆయన 27 ఏళ్ల జైలు జీవితం గడిపారు. 
మండేలా 1918, జూలై 18న జన్మించారు. 1943లో ఆఫ్రికా నేషనల్ కాంగ్రెస్ (ఏఎన్‌సీ)లో చేరారు. 1960, మార్చిలో ప్రభుత్వం ఏఎన్‌సీని నిషేధించడంతో 1961 డిసెంబర్‌లో మండేలా చీఫ్ కమాండర్‌గా ఏఎన్‌సీ సాయుధ దళం ఏర్పడింది. ప్రభుత్వం 1962లో మండేలాను బంధించి ఐదేళ్ల జైలుశిక్ష విధించింది. 1964లో జీవిత ఖైదుకు గురయ్యారు. 27 ఏళ్లపాటు రాబెన్ ఐలాండ్ జైలులో దుర్భర జీవితం గడిపారు. 1990, ఫిబ్రవరి 11న జైలు నుంచి విడుదలయ్యారు. 1991లో ఏఎన్‌సీ అధ్యక్షుడిగా ఎన్నికయ్యారు. 1993లో మండేలాకు నోబెల్ శాంతి బహుమతి లభించింది. 1994, ఏప్రిల్‌లో జరిగిన ఎన్నికల్లో తొలిసారి అన్ని జాతులు ఓటింగ్‌లో పాల్గొన్నాయి. జాతి వివక్షకు తెరపడింది. 1994, మే 10న దక్షిణాఫ్రికా తొలి నల్లజాతి అధ్యక్షుడిగా మండేలా ఎన్నికయ్యారు. ఐదేళ్ల తర్వాత 1999లో స్వచ్ఛందంగా అధ్యక్ష పదవి నుంచి వైదొలిగారు. 2004లో ప్రజా జీవితం నుంచి విరమించుకున్నారు. 1990లో భారతరత్న పురస్కారాన్ని అందుకున్నారు. 2001లో గాంధీ అంతర్జాతీయ శాంతి బహుమతితో భారత ప్రభుత్వం మండేలాను సత్కరించింది.

దుబాయ్‌లో 2020 వరల్డ్ ఎక్స్‌పో
వరల్డ్ ఎక్స్‌పో-2020కు దుబాయ్ ఆతిథ్యమివ్వనుంది. ఈ ఎగ్జిబిషన్ నిర్వహించేందుకు నవంబర్ 28న జరిగిన బిడ్డింగ్‌లో దుబాయ్‌కు 116 ఓట్లు వచ్చాయి. రష్యాలోని ఎకటెరిన్ బర్గ్ 47 ఓట్లు మాత్రమే సాధించింది. పారిస్‌లో జరిగిన ఓటింగ్‌లో 168 దేశాల ప్రతినిధులు పాల్గొన్నారు. ఈ ఎగ్జిబిషన్ నిర్వహించేందుకు అవసరమైన మౌలిక సదుపాయాల కోసం 6.8 బిలియన్ డాలర్లు ఖర్చు చేయాల్సి ఉంటుంది. ప్రై వేటు రంగం వ్యయం కలుపుకుంటే ఇది 18.3 బిలియన్ డాలర్లుగా ఉంటుంది. 438 హెక్టార్లలో భారీ నిర్మాణాలు చేపట్టవలసి ఉంటుంది. 2,77,000 ఉద్యోగావకాశాలు ఏర్పడతాయి. ప్రతి ఐదేళ్లకొకసారి ఈ ఎక్స్‌పో నిర్వహిస్తారు. 2015లో మిలాన్‌లో ఈ ఎక్స్‌పో జరుగుతుంది. చివరగా షాంఘైలో జరిగింది.

మహిళల హక్కుల పరిరక్షకుల తీర్మానానికి యూఎన్ ఆమోదం
ఐక్యరాజ్యసమితి సాధారణ సభ కమిటీ తొలిసారిగా మహిళల హక్కుల పరిరక్షకుల తీర్మానాన్ని నవంబర్ 27న ఆమోదించింది. మహిళా హక్కు పరిరక్షకులపై జరిగే హింసాత్మక చర్యలను దేశాలు బహిరంగంగా ఖండించాలని, వారిని అడ్డుకునే చట్టాలను సవరించాలని, వారికి ఐక్యరాజ్యసమితి సంస్థల్లో అవకాశాలు కల్పించాలని ఈ తీర్మానం పేర్కొంటోంది.

ఎయిడ్స్ సంబంధిత రోగంతో 2.1 లక్షల మంది పిల్లల మృతి
గత ఏడాదిలో ఎయిడ్స్ సంబంధిత అనారోగ్యంతో 2,10,000 మంది బాలలు మరణించినట్లు ఐక్యరాజ్యసమితి బాలల అత్యవసర నిధి (యునిసెఫ్) తన నివేదికలో తెలిపింది. హెచ్‌ఐవి వ్యాధితో బాధపడే చిన్నారుల్లో 34 శాతం మంది తక్కువ, మధ్యస్థ ఆదాయ దేశాల్లోనే ఉన్నారు. ప్రపంచవ్యాప్తంగా ఈ మరణాలు 10-19 సంవత్సరాల వయసువారిలో 2005-2012 మధ్యకాలంలో 50 శాతం పెరిగాయని నివేదిక తెలిపింది. 2005-12మధ్య కాలంలో పిల్లల్లో 8.5 లక్షల మందికి ఈ వ్యాధి సోకకుండా అరికట్టినట్టు నివేదిక పేర్కొంది.

గూఢచారం వ్యతిరేక తీర్మానాన్ని ఆమోదించిన యూఎన్
ఐక్యరాజ్యసమితి మానవహక్కుల కమిటీ వ్యక్తిగత జీవన హక్కు (రైట్ టు ప్రై వసీ) తీర్మానాన్ని నవంబర్ 26న ఆమోదించింది. జర్మనీ, బ్రెజిల్ ఒత్తిడితో ఈ తీర్మానం తీసుకొచ్చారు. జర్మనీ, బ్రెజిల్ నాయకులపై అమెరికా నిఘా పెట్టిందన్న వార్తలపై అంతర్జాతీయంగా ఆగ్రహం వ్యక్తమైంది. ఈ తీర్మానం కింద ఐక్యరాజ్యసమితి మానవ హక్కుల కమిటీ అధిపతి నవనీతం పిళ్లై దేశీయ, దేశీయేతర ప్రై వసీపై నివేదిక తయారు చేస్తారు. ఈ తీర్మానానికి ఫ్రాన్స్, రష్యా, ఉత్తర కొరియాతోపాటు 55 దేశాలు మద్దతునిచ్చాయి.
AIMS DARE TO SUCCESS