ప్రపంచం World జీ-20 - గ్రూప్ ఆఫ్ 20

జీ-20 - గ్రూప్ ఆఫ్ 20

అనేది ప్రపంచంలోని 20 అతి పెద్ద ఆర్థిక వ్యవస్థల కూటమి. 1999లో ఆర్థిక మంత్రుల, కేంద్ర బ్యాంకుల గవర్నర్‌ల వేదికగా ఇది ఏర్పడింది. 2008లో ఏర్పడిన ఆర్థిక మాంద్యం తర్వాత ఇది దేశాధినేతల సదస్సుగా రూపాంతరం చెందింది. ఈ వేదికలో ప్రపంచ ఆర్థిక వ్యవస్థలోని ముఖ్యమైన అంశాలను చర్చిస్తారు. జీ-20 లో 19 దేశాలు, యూరోపియన్ యూనియన్ (ఈయూ)కు సభ్యత్వం ఉంది.జీ-20 దేశాలు ప్రపంచలో మూడింట రెండింతల జనాభా కలిగి ఉన్నాయి. ప్రపంచ జీడీపీలో 85 శాతం, ప్రపంచ వాణిజ్యంలో 80 శాతం వాటా ఈ దేశాలదే.

జీ-20 సదస్సు 2016 ముఖ్యాంశాలు..

జీ-20 11వ సదస్సు 2016 సెప్టెంబర్ 4, 5 తేదీల్లో చైనాలోని హాంగ్‌జూ నగరంలో జరిగింది. జీ-20 శిఖరాగ్ర సదస్సుకు ఆతిథ్యమిచ్చిన రెండో ఆసియా దేశం చైనా. 2010 నవంబర్‌లో నిర్వహించిన జీ-20 సదస్సుకు మరో ఆసియా దేశం దక్షిణ కొరియా ఆతిథ్యమిచ్చింది.

ఈ సదస్సులో భారత ప్రధాని నరేంద్ర మోదీ.. ‘ఒక దక్షిణాసియా దేశం ఉగ్రవాదాన్ని వ్యాపింపజేస్తోంది’ అని పాకిస్తాన్‌ను పరోక్షంగా విమర్శించారు. వాతావరణాన్ని కాపాడుకోవాలని, ప్రజారోగ్యం ముఖ్యమైన విషయమని, ఆర్థిక వ్యవస్థలను మెరుగుపరచాలని ఆయన పిలుపునిచ్చారు.

ఈ సదస్సు సందర్భంగా అమెరికా అధ్యక్షుడు బరాక్ ఒబామా, చైనా అధ్యక్షుడు జీ జిన్ పింగ్ పారిస్ వాతావరణ మార్పుల ఒప్పందానికి ఆమోదం తెలుపుతున్నట్లు ప్రకటించారు.

హాంగ్‌జూ సదస్సులో సభ్యదేశాల నాయకులతోపాటు ఈజిప్ట్, కజకిస్తాన్, లావోస్, సెనెగల్, స్పెయిన్, సింగపూర్, థాయ్‌లాండ్ దేశాల నేతలు కూడా అతిథులుగా పాల్గొన్నారు.

జీ-20 శిఖరాగ్ర సదస్సులు

క్రమ సంఖ్య	సంవత్సరం	ఆతిథ్య నగరం	దేశం
1.	2008 నవంబర్	వాషింగ్టన్ డి.సి.	అమెరికా
2.	2009 ఏప్రిల్	లండన్	యూకే
3.	2009 సెప్టెంబర్	పిట్స్‌బర్‌‌గ	అమెరికా
4.	2010 జూన్	టొరంటో	కెనడా
5.	2010 నవంబర్	సియోల్	దక్షిణ కొరియా
6.	2011 నవంబర్	కేన్‌‌స	ఫ్రాన్స్‌
7.	2012 జూన్	లాస్ కబోస్	మెక్సికో
8.	2013 సెప్టెంబర్	సెయింట్ పీటర్‌‌సబర్‌‌గ	రష్యా
9.	2014 నవంబర్	బ్రిస్బేన్	ఆస్ట్రేలియా
10.	2015 నవంబర్	అంతాల్యా	టర్కీ
11.	2016 సెప్టెంబర్	హాంగ్‌జూ	చైనా

12వ జీ-20 శిఖరాగ్ర సదస్సు 2017 జూలైలో జర్మనీలోని హాంబర్‌‌గ నగరంలో జరగనుంది.

జీ-20 11వ శిఖరాగ్ర సదస్సులో పాల్గొన్న నాయకులు

దేశం	పాల్గొన వ్యక్తి హోదా	పేరు
అర్జెంటీనా	అధ్యక్షుడు	మారీసియో మాక్రి
ఆస్ట్రేలియా	ప్రధానమంత్రి	మల్కమ్ టర్‌‌నబుల్
బ్రెజిల్	అధ్యక్షుడు	మిచెల్ టెమెర్
కెనడా	ప్రధానమంత్రి	జస్టిన్ ట్రుడో
చైనా	అధ్యక్షుడు	జీ జిన్ పింగ్
ఫ్రాన్‌‌స	అధ్యక్షుడు	ఫ్రాంకోయిస్ హోలాండ్
జర్మనీ	చాన్‌‌సలర్	ఎంజెలా మెర్కెల్
భారత్	ప్రధానమంత్రి	నరేంద్ర మోదీ
ఇండోనేషియా	అధ్యక్షుడు	జోకో విడోడో
ఇటలీ	ప్రధానమంత్రి	మాతియో రెంజీ
జపాన్	ప్రధానమంత్రి	షింజో అబే
మెక్సికో	అధ్యక్షుడు	ఎన్రిక్ పెనా నియతో
రష్యా	అధ్యక్షుడు	వ్లాదిమిర్ పుతిన్
సౌదీ అరేబియా	డిప్యూటీ క్రౌన్	ప్రిన్స్‌ మొహ మ్మద్ బిన్ సల్మాన్ అల్ సౌద్
దక్షిణ కొరియా	అధ్యక్షురాలు	పార్‌‌క గెన్ హై
దక్షిణాఫ్రికా	అధ్యక్షుడు	జాకబ్ జుమా
టర్కీ	అధ్యక్షుడు	రెసెప్ తయ్యిప్ ఎర్డోగాన్
యునెటైడ్ కింగ్‌డమ్	ప్రధానమంత్రి	థెరిసా మే
యునెటైడ్ స్టేట్స్	అధ్యక్షుడు	బరాక్ ఒబామా
యూరోపియన్ కౌన్సిల్	ప్రెసిడెంట్	డొనాల్డ్ టస్క్