వెరిఫికేషన్ ఆఫ్ ట్రూత్ స్టేట్‌మెంట్(Verification Of Truth Statement)
ఒక సంఘటన లేదా వస్తువు లేదా విభాగానికి సంబంధించి ప్రశ్న ఉంటుంది. దానికి అనుబంధంగా ఉండే ముఖ్యమైన భాగాన్ని లేదా అంశాన్ని అభ్యర్థులు గుర్తించాలి. ఇచ్చిన నాలుగు ఆప్షన్ల నుంచి సరైన దాన్ని ఎంపిక చేసుకోవాలి. సాధారణంగా భౌగోళిక, సాంఘిక, క్రీడా, నిత్యజీవిత అనుభవాల ఆధారంగా ప్రశ్నలు ఉంటాయి. కాబట్టి అభ్యర్థులు ఆయా అంశాలపై అవగాహన కలిగి ఉండాలి. ఈ ప్రశ్నల వాక్యంలోని ఒక ప్రత్యేక పదానికి, ఇచ్చిన నాలుగు ఆప్షన్లతో దాదాపు దగ్గరి సంబంధం ఉంటుంది. వాటి నుంచి కచ్చితమైన జవాబును గ్రహించడంలోనే అభ్యర్థుల సామర్థ్యం వెల్లడవుతుంది. కొద్దిగా ఆలోచించి సమాధానాన్ని నిర్ణయించాలి. కింద ఇచ్చిన కొన్ని ప్రశ్నలు, వాటి వివరణాత్మక జవాబులను పరిశీలిస్తే ఈ విభాగంపై పట్టు సాధించవచ్చు.
Q. 1. మనిషి ఎప్పటికీ కలిగి ఉండేది?
ఎ) పళ్లు బి) కళ్లు సి) చేతులు డి) గుండె
జ.డి
వివరణ: గుండె లేకపోతే మనిషి బతకలేడు. ఇచ్చిన ఆప్షన్లలో మిగతా అవయవాలు లేకపోయినా జీవించవచ్చు. కాబట్టి మనిషి ఎప్పటికి కలిగి ఉండాల్సింది కచ్చితంగా గుండె.
Q. 2. పుస్తకం ఎల్లప్పుడూ కలిగి ఉండేది?
ఎ) అంశాలు బి) పేజీలు సి) బొమ్మలు డి) విషయాలు
జ.బి
వివరణ: పేజీలను కలిగి ఉంటేనే పుస్తకం అంటాం. పేజీలు లేకపోతే ఆప్షన్లలో ఇచ్చినవి ఏవీ ఉండవు. కాబట్టి 'పేజీలు' సమాధానం అవుతుంది.
Q.3. పాఠశాల ఎల్లప్పుడూ కలిగి ఉండేది?
ఎ) భవనం బి) గ్రంథాలయం సి) నల్లబల్ల డి) తరగతులు జవాబు:
జ. డి
వివరణ: తరగతులు ఉంటేనే పాఠశాల అంటారు. తరగతులు లేకుండా మిగతావి ఉన్నంత మాత్రాన దాన్ని పాఠశాల అనలేం. అందుకే 'తరగతులు' జవాబు.
Q.4. వాతావరణం ఎల్లప్పుడూ కలిగి ఉండేది?
ఎ) ఆక్సిజన్ బి) తేమ సి) ఆర్ద్రత డి) గాలి
జ. డి
వివరణ: ఇచ్చిన నాలుగు ఆప్షన్లు వాతావరణంలో భాగాలే. కానీ వాతావరణంలో అత్యధిక పరిమాణంలో ఉండేది 'గాలి'. అందుకే అదే సమాధానం అవుతుంది.
Q. 5. గడియారం ఎల్లప్పుడూ కలిగి ఉండేది?
ఎ) బ్యాటరీ బి) సంఖ్యలు సి) ముళ్లు డి) అలారం
జ.సి
వివరణ: ముళ్లు లేకపోతే దాన్ని గడియారంగా భావించలేం. బ్యాటరీ, సంఖ్యలు, అలారం లేకపోయినా ముళ్లు ఉంటే దాన్ని గడియారంగా గుర్తించవచ్చు.
Q. 6. ఫ్యాన్ ఎల్లప్పుడూ కలిగి ఉండేది ?
ఎ) స్విచ్ బి) రెక్కలు సి) వైరు డి) కరెంట్
జ.బి
వివరణ: ఫ్యాన్ కచ్చితంగా కలిగి ఉండాల్సింది రెక్కలు. అవి లేకుండా స్విచ్, వైరు, కరెంట్ ఉన్నా దాన్ని ఫ్యాన్‌గా పరిగణించలేం.
Q. 7. చెట్టు ఎల్లప్పుడూ కలిగి ఉండేది?
ఎ) పూలు బి) ఆకులు సి) వేర్లు డి) పండ్లు
జ. సి
వివరణ: చెట్టు ఎల్లప్పుడూ కలిగి ఉండాల్సింది వేర్లు. ఎందుకంటే వేర్లు లేకపోతే చెట్టు జీవించలేదు. చెట్టు జీవించి ఉంటేనే పూలు, ఆకులు, పండ్లు ఉంటాయి.
Q.8. వార్తా పత్రికలు ఎల్లప్పుడూ కలిగి ఉండేవి?
ఎ) వార్తలు బి) ప్రకటనలు సి) కాగితం డి) ఎడిటర్
జ.ఎ
వివరణ: వార్తాపత్రికల్లో తప్పనిసరిగా ఉండాల్సింది వార్తలే. అవి లేకపోతే దాన్ని వార్తాపత్రిక అనలేం. కేవలం పేపర్, ఎడిటర్, ప్రకటనలు ఉన్నంత మాత్రాన దాన్ని వార్తాపత్రికగా భావించలేం.
Q.9. రైలు ఎల్లప్పుడూ కలిగి ఉండేది?
ఎ) పట్టాలు బి) డ్రైవరు సి) ఇంజిన్ డి) గార్డు
జ. సి
వివరణ: పట్టాలు, డ్రైవర్, గార్డు ఉన్నప్పటికీ ఇంజిన్ లేకపోతే రైలు నడవదు. కాబట్టి రైలు ఎల్లప్పుడూ కలిగి ఉండేది ఇంజిన్.
Q. 10. కలం ఎల్లప్పుడూ కలిగి ఉండేది?
ఎ) సిరా బి) ట్యూబ్ సి) నిబ్ డి) క్యాప్
జ. సి
వివరణ: కలం ఎల్లప్పుడూ కలిగి ఉండాల్సింది నిబ్. ఎందుకంటే నిబ్ లేకపోతే సిరా, క్యాప్, ట్యూబ్ ఉన్నా దాంతో రాయడం కుదరదు.
Q.11. ఒక పరిశ్రమ ఎల్లప్పుడూ కలిగి ఉండేది?
ఎ) పొగ గొట్టం బి) కార్మికులు సి) కరెంట్ డి) అమ్మకందార్లు
జ. బి
వివరణ: పరిశ్రమలో కచ్చితంగా కార్మికులు ఉండాలి. వాళ్లు లేకపోతే దాన్ని పరిశ్రమగా గుర్తించలేం.
Q. 12. బల్బు ఎల్లపుడూ కలిగి ఉండేది?
ఎ) ఫిలమెంట్ బి) కాంతి సి) కరెంట్ డి) గ్లాస్
జ. ఎ
వివరణ: బల్బ్ ఎల్లప్పుడూ కలిగి ఉండేది ఫిలమెంట్. కరెంట్, గ్లాస్, ఉన్నా ఫిలమెంట్ లేకపోతే దాన్ని బల్బ్‌గా పరిగణించం. కాంతి ఒక్క బల్బు నుంచే కాదు రకరకాలుగా కూడా వస్తుంది.
Q. 13. ఆసుపత్రి ఎల్లప్పుడూ కలిగి ఉండేది?
ఎ) గది బి) నర్సు సి) వైద్యులు డి) మంచం
జ. సి
వివరణ: వైద్యులు లేకపోతే దాన్ని ఆసుపత్రి అనలేం. కాబట్టి అదే సమాధానం.
Q. 14. కారు ఎల్లప్పుడూ కలిగి ఉండేది?
ఎ) డ్రైవరు బి) డిక్కీ సి) చక్రాలు డి) బ్రేకులు
జ. సి
వివరణ: కారు కదలాలంటే చక్రాలు ముఖ్యం. అవి లేకుండా డ్రైవరు, డిక్కీ, బ్రేకులు ఉన్నా ఉపయోగం లేదు.
Q. 15. పాటలో ఎప్పుడూ ఉండేవి?
ఎ) కోరస్ బి) సంగీతం సి) పదాలు డి) గాయకుడు
జ.సి
వివరణ: పదాలు లేకపోతే పాట ఉండదు. కాబట్టి పాటకు కావాల్సింది పదాలే.
Q. 16. జైలు ఎల్లప్పుడూ కలిగి ఉండేది?
ఎ) ఊచలు బి) జైలరు సి) తాళాలు డి) లాయరు
జ.సి
వివరణ: తాళాలు లేకపోతే జైలు అవదు. ఊచలు, జైలరు, లాయరు ఉన్నంత మాత్రాన జైలు అనలేం.
Q.17. కొండ ఎల్లప్పుడూ కలిగి ఉండేది?
ఎ) ఎత్తు బి) జంతువులు సి) చెట్లు డి) నీరు
జ. ఎ
వివరణ: కొండ ఎల్లప్పుడూ కలిగి ఉండేది ఎత్తు. ఎందుకంటే ఎత్తుగా ఉంటేనే దాన్ని కొండ అంటారు.
Q. 18. కెమెరా ఎల్లప్పుడూ కలిగి ఉండేది?
ఎ) కటకాలు (లెన్స్) బి) రీల్స్ సి) ఫ్లాష్ డి) ఫొటోగ్రాఫ్
జ. ఎ
వివరణ: కటకాలు లేకుండా కెమెరా ఉండదు. కాబట్టి కెమెరాకు అవే ప్రధానం.
Q. 19. క్రికెట్‌కు అతి ముఖ్యమైంది?
ఎ) స్టంప్స్ బి) బ్యాట్ సి) పిచ్ డి) ప్యాడ్స్
జ. బి
వివరణ: బ్యాట్ లేకుండా క్రికెట్ ఆడలేం. మిగిలినవి లేకపోయినా ఆడవచ్చు. అందుకే అదే సమాధానం అవుతుంది.
Q. 20. పాలు ఎల్లప్పుడూ కలిగి ఉండేది?
ఎ) పంచదార బి) కొవ్వులు సి) కాల్షియం డి) నీరు
జ. సి
వివరణ: పాలు ఎల్లప్పుడూ కలిగి ఉండేది కాల్షియం. ఎందుకంటే పంచదార, నీరు, కొవ్వులు లేకపోయినా పాలు ఉంటాయి.
Q. 21. ప్రమాదాన్ని అంటిపెట్టుకుని ఉండేది?
ఎ) శత్రువు బి) దాడి సి) భయం డి) సహాయం
జ. (సి)
Q. 22. ఎడారిలో ఉండేది?
ఎ) ఒంటె బి) ఇసుక సి) ఖర్జూరాలు డి) గాలి
జ.(బి)
Q.23. మంచంలో తప్పనిసరిగా ఉండేది?
ఎ) పట్టెలు బి) తాళ్లు సి) మంచంకోళ్లు డి) పరుపు
జ.(సి)
Q.24. క్రీడల్లో ఎల్లప్పుడూ ఉండేది?
ఎ) ప్రేక్షకులు బి) ఓటమి సి) న్యాయనిర్ణేత డి) ఆటగాళ్లు
జ.(డి)
Q. 25. చర్చకు కావాల్సింది?
ఎ) గది బి) ఫ్లాట్‌ఫాం సి) వక్త డి) ప్రేక్షకులు
జ. (సి)
Q.26. బూటు ఎల్లప్పుడూ కలిగి ఉండేది?
ఎ) లేసు బి) తోలు సి) డిజైన్ డి) సోల్
జ. (డి)
Q.27. చాక్లెట్ ఎప్పటికీ కలిగి ఉండేది?
ఎ) తీపి బి) పేపర్ సి) పాలు డి) కోకో
జ.(ఎ)
Q. 28. ఒయాసిస్సు ఎల్లప్పుడూ కలిగి ఉండేది?
ఎ) ట్రావెలర్స్ బి) నీరు సి) ఇసుక డి) ఒంటె
జ. (బి)
Q. 29. నది ఎల్లప్పుడూ కలిగి ఉండేది?
ఎ) డెల్టా బి) పడవలు సి) చేపలు డి) ఒడ్డు
జ. (డి)
Q. 30. పాఠశాల్లో ఎప్పుడూ మనకు కనిపించేది?
ఎ) పుస్తకం బి) భవనం సి) నల్లబల్ల డి) రిజిస్టర్
జ.(డి)
No comments:
Post a Comment